Yohanes 12
12
Un a'é ni Yesus niisu' karia u lana mahwou tariis
(Mat. 26:6-13; Mrk. 14:3-9)
1Enemna endo puunala um Paskah né tou Yahudi, si Yesus niméyé witi wanua Betania, um pahento'an ni Lazarus si méitoumé sumaup ni Yesus im wia sé nimaté. 2Im witu si Yesus méiimek néra kuman im wengi wo si Marta si mahselewir ni séra. Si Lazarus én esaané im wia sé rimumez mahkan karia ni Yesus. 3#Luk. 7:37-38 A si Maria méndomé u sana pahzuana liter lana mahwou tariis, ngaran u lana itii é narwastu#12:3 U lana itii én ahmut un tatanemen makangaran ‘nard’ am wangunen. U tatanemen kenu ém witi India a méyé, un zéi'kampé' sinembor wo totoz mahal an iwuwu'nala u lana itii witu un a'é ni Yesus am pahisu'ennama un a'é ni Yesus karia um wuukna. Péléng um witu un untep um walé itii é mahwoukané tariis pahpaan u lana itii. 4Taan si Yudas Iskariot, si esaané im wia sé pahtuzu'en ni Yesus, si mamangkér si Yesus, mahkua, 5“Kaa u lana narwastu itii zéi'kan méiwangkéra teluna atus dinar#12:5 Un teluna atus Dinar ém wawaér wia si tou nimaayang sana ta'un. wo un zoitna iwéhéma wia sé tou zéi'kan siapa apa?” 6Niitu méikuanama zéi'kan pahpaan ni sia mahwéhé genang wia sé tou zéi'kan siapa apa, taan pahpaan ni sia é maremu'. Ni sia sekezé é mahéndo an zoit méilé'os wia ni sia.
7Ang kuan ni Yesus, “Iwayamola sia i mangun niia ing gumenang un endo ni Aku in ileweng. 8#Ul. 15:11 Pahpaan sé tou zéi'kan siapa apa sekezé é memali-mali karia niou, taan ni Aku zéi'kan sekezé é memali-mali karia niou.”
Sé tonaas né walian gimenang i munu' si Lazarus
9Lakez sé tou Yahudi timalinga i si Yesus ém witu wo ni séra niméyé zéi'kan uman pahpaan si Yesus, taan kangkasii i mémilek si Lazarus, si méitoumé sumaup ni Yesus im wia sé nimaté. 10A sé tonaas né walian gumenang i munu' kangkasii si Lazarus, 11pahpaan ni sia nimangun lakez sé tou Yahudi timula'u ni séra wo nima'éman wia si Yesus.
Si Yesus pahloozen né tou i muntep witi Yerusalem
(Mat. 21:1-11; Mrk. 11:1-10; Luk. 19:28-38)
12I masandonamé, sé tou lakez mélumé'os um Paskah né tou Yahudi én timalingala i si Yesus mahlampang mahéyémo wia u Yerusalem, 13ni séra mahéndomé an zani'na am palem a masumungkul ni Sia, karia i mahkérét,
“Hosana!
Loozela ni Sia si niméyé karia u ngaran ni Opo Empung,
si Kolano né Israel!”
14Si Yesus nimakailekla si keledai peranggang a Sia sumakéla wia si keledai itii. Niitu én tanu u méipantik witu um Pinantik Lenas in téntii:
15 #
Za. 9:9
“Tia'mo maindé', é kamu sé witi Sion!#12:15 Sion kalakoana ém wanua tua'na Yerusalem. Pahpaan um wanua tua'na Yerusalem ém witi kentur Sion.
Ilekena, si Kolano niou é mahéyémo,
simakémé wia si keledai peranggang.”
16In toro niitu sé pahtuzu'en ni Yesus én zéi'kampé' makatulap am pahwangunen né tou lakez itii. Taan i si Yesus nimakailekola u sigi' wo looz i ni Sia méitoumomé sumaup, taré kagenangan nérala péléng a nimamuali wia si Yesus, tanu u méikua ni Opo Empung witu um Pinantik Lenas, téntu kangkasii péléng am winangun néra wia ni Sia.
17A sé tou lakez sé memali-mali karia ni Yesus mahkua tumoro a niilek néra i ni Sia timawahmé si Lazarus nimondolé im witu u lelewengan wo timou sumaup ni sia im wia sé nimaté. 18Niitumo lakez sé tou masimungkul ni Sia, pahpaan ni séra timalinga i ni Sia si nimangun u makakompo'en itii. 19A sé tou im wia sé sana réwok tou Farisi mahkuaala, “Ilekenola, kumurapé' kita! Péléng sé tou mahkiit ni Sia.”
Si Yesus mahkua tumoro um patéan-Na
20Im wia sé tou marumagés wia si Opo Empung im witu un endo mahpésta itii ém wéwéhan sé woopira tou Yunani. 21Sé tou itii nimangé wia si Filipus. Si Filipus én tou Betsaida um witi Galilea. Ni séra mahkua wia ni sia, “Tuang, ni kai ém paaz mahilekan karia ni Yesus.”
22A si Filipus makumua tumoro niitu wia si Andreas. A si Andreas wo si Filipus makumua tumoro niitu wia si Yesus.
23Ang kuan ni Yesus wia ni séra, “In tarékano un orasna si Oki' ni Tou i loozen wo sigi'en. 24Uli-ulit ikua-Kuma wia ni kamu: Sa um watuna ung gandum zéi'kan méitanem witu un tana' wo maté, niitu é menéntu-néntu uman zéi'kan mahawes. Taan, sa um watuna ung gandum itii matéma, taré niitu tumoumé wo mua'mé lakez. 25#Mat. 10:39, 16:25; Mrk. 8:35; Luk. 9:24, 17:33 Séi uman si rumaraaté ung katou-touanna, si tou itii éng kaliongan ung katou-touanna. Taan séi uman si zéi'kan rumaraaté ung katou-touanna im wia ung kaayahan kenu, ni sia éng kumelung ung katou-touanna itii makaz ing kauré-uré. 26Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.
27In tarékan un até-Ku én totoz rumara. Apapé' un ikua-Kuma? Apa ni Aku kumua, ‘Ama', tia'mo iwaya ni Aku mazézéha tanu niia.’ Zéi'kan. Pahpaan ni Aku i niméyé wia ung kaayahan kenu é méyé i mazéha. 28Ama', ituzu'mé ung kawangko'an-Nu!”
An talingané u nuwu' witi kasendukan a méyé, “Ni Aku én timuzu'mo ung kawangko'an-Ku. Wo ni Aku kasii é matumuzu' ung kawangko'an-Ku sumaup.”
29Sé tou lakez rimendai witu wo timalinga niitu mahkua i niitu én tila'pong uman. Wéwéhan kasii sé mahkua, “Si malaekat é nimuwu'moma karia-Na.”
30Ang kuan ni Yesus, “U nuwu' taré tinalinga nioua itii én zéi'kan ipapaayo wia ni Aku, taan ipapaayo wia ni kamu. 31In tarékan én orasnamo si Opo Empung in tumotoz ulit kaapa zéi'kan am pahwangunen né tou wia ung kaayahan kenu, in tarékan kasii si Tonaas né sétang si mahkawasa wia ung kaayahan kenu éng kalan. 32Wo ni Aku, sa ni Aku itooz im wia ung kaayahan kenu, ni Aku mangun péléng sé tou méyé wia ni Aku.” 33Ni Sia kimua téntu i mapata'u kura Sia i maté.
34 #
Mzm. 110:4; Yes. 9:6; Yeh. 37:25; Dan. 7:14 A Sia wingkotela né tou lakez, “Ni kai én timalingamo im wana an tinotoz witu un ukum Torat i si Mesias é menou-nou makaz ing kauré-uré. Kura kahuman ni Ko mahkua i si Oki' ni Tou é léwo'zéi' in itooz? Séi si Oki' ni Tou itii?”
35Kuan ni Yesus wia ni séra, “U sena' én zéi'mo mauréma i mengari-ngaria ni kamu. Lumampangola karegas u sena itii im wiapé' ni kamu, wo ung karimbengbengan tia' kumawasa wia ni kamu. Séi uman si mahlampang witu ung karimbengbengan, ni sia én zéi'kan mata'u wisa um pahsaruanna. 36Pa'émanela u sena' itii, karegas u sena itii wia ni kamu, wo ni kamu maéndo oki' ni sena'.”
I nimakakuamola niitu, a si Yesus mangé witi tampa zéi'kan kata'uan néra.
Sé tou Yahudi zéi'kan ma'éman si Yesus
37Zozo' si Yesus nimangun lakez a makakompo'en witu u sinaru néra, taan ni séra én zéi'kan ma'éman wia ni Sia, 38#Yes. 53:1 wo malekepla u méikua ni Nabi Yesaya,
“Mahpiara, séi si ma'éman an ipahwoka' nai?
Wo wia sé séi ung kawasa ni Mahpiara ipapailek?”
39Niitumo ni séra zéi'kan mata'u ma'éman, pahpaan si Yesaya kangkasii éng kimuamo,
40 #
Yes. 6:10
“Ni Sia é nimanguno um weren néra nimaletok wo un até néra nimaketéh,
wo zozo' ni séra wéwéhan weren taan ni séra én zéi'kan makailek wo ung genang néra én zéi'kan makatulap,
a séra méyé wia ni Aku wo séra lé'oseng-Ku.”
41Ung kenu é méikua ni Yesaya, pahpaan ni sia é nimileko ung kawangko'an ni Yesus wo kimuamo tumoro ni Sia.
42Zozo' in téntu, im wia sé tonaas né tou Yahudi é lakez kangkasii sé ma'éman wia si Yesus. Taan ni séra é soo kumua i ni séra é ma'éman wia ni Sia, pahpaan ni séra é maindé' wia sé sana réwok tou Farisi sé toro suméro' ni séra i muntep witu um Walé pahragésan né tou Yahudi. 43Pahpaan u lolooz né toupé' ung kapaaz néra taan u lolooz ni Opo Empung.
A Nuwu' ni Yesus matumotoz ulit kaapa zéi'kan am pahwangunen né tou
44A si Yesus kuméréta, “Séi uman si ma'éman ni Aku, zéi'kan ni Aku si pa'émanenna taan ni sia é ma'éman si nimatumé ni Aku. 45Wo séi uman si mahilek ni Aku, si tou itii é mahilek ni Sia si nimatumé ni Aku. 46Ni Aku é niméyé wia ung kaayahan kenu in tou si nimahalimé u sena', wo sé tou sé ma'éman wia ni Aku én zéi'kan mahwitu-witu ung karimbengbengan. 47Sa si tou timalinga an ipahkua-Ku, taan zéi'kan mahwangun niitu, ni Aku én zéi'kan tumotoz ulit kaapa zéi'kan um pahwangunenna. Pahpaan ni Aku i méyé én zéi'kan i mukum sé tou wia ung kaayahan kenu, taan i milot ni séra im witu un ukuman wana a singkéla'. 48Si tou soo ni Aku wo soo mahtalinga um pahkua-Ku ém wéwéhano si tumotoz ulit kaapa zéi'kan am pahwangunenna. A Nuwu' méipahkua-Ku, niitumo u matumotoz ulit kaapa zéi'kan um pahwangunenna im witu un endo kaakazan ung kaayahan. 49Pahpaan ni Aku zéi'kan mahnuwu' mengiit ung kapaaz-Ku. Si Ama' si nimatumé ni Aku, ni Siamo si mahperéntamé wia ni Aku apa u léwo'zéi' in ikua-Ku wo inuwu'-Ku. 50Kata'uang-Ku um perénta ni Ama'-Ku é mahwéhémé ung katou-touan makaz ing kauré-uré. Niitumo, ni Aku é mahkuama tanu a méikua-Namé wia ni Aku.”
Currently Selected:
Yohanes 12: LAITOM
Highlight
Share
Copy
Want to have your highlights saved across all your devices? Sign up or sign in
Yohanes 12
12
Un a'é ni Yesus niisu' karia u lana mahwou tariis
(Mat. 26:6-13; Mrk. 14:3-9)
1Enemna endo puunala um Paskah né tou Yahudi, si Yesus niméyé witi wanua Betania, um pahento'an ni Lazarus si méitoumé sumaup ni Yesus im wia sé nimaté. 2Im witu si Yesus méiimek néra kuman im wengi wo si Marta si mahselewir ni séra. Si Lazarus én esaané im wia sé rimumez mahkan karia ni Yesus. 3#Luk. 7:37-38 A si Maria méndomé u sana pahzuana liter lana mahwou tariis, ngaran u lana itii é narwastu#12:3 U lana itii én ahmut un tatanemen makangaran ‘nard’ am wangunen. U tatanemen kenu ém witi India a méyé, un zéi'kampé' sinembor wo totoz mahal an iwuwu'nala u lana itii witu un a'é ni Yesus am pahisu'ennama un a'é ni Yesus karia um wuukna. Péléng um witu un untep um walé itii é mahwoukané tariis pahpaan u lana itii. 4Taan si Yudas Iskariot, si esaané im wia sé pahtuzu'en ni Yesus, si mamangkér si Yesus, mahkua, 5“Kaa u lana narwastu itii zéi'kan méiwangkéra teluna atus dinar#12:5 Un teluna atus Dinar ém wawaér wia si tou nimaayang sana ta'un. wo un zoitna iwéhéma wia sé tou zéi'kan siapa apa?” 6Niitu méikuanama zéi'kan pahpaan ni sia mahwéhé genang wia sé tou zéi'kan siapa apa, taan pahpaan ni sia é maremu'. Ni sia sekezé é mahéndo an zoit méilé'os wia ni sia.
7Ang kuan ni Yesus, “Iwayamola sia i mangun niia ing gumenang un endo ni Aku in ileweng. 8#Ul. 15:11 Pahpaan sé tou zéi'kan siapa apa sekezé é memali-mali karia niou, taan ni Aku zéi'kan sekezé é memali-mali karia niou.”
Sé tonaas né walian gimenang i munu' si Lazarus
9Lakez sé tou Yahudi timalinga i si Yesus ém witu wo ni séra niméyé zéi'kan uman pahpaan si Yesus, taan kangkasii i mémilek si Lazarus, si méitoumé sumaup ni Yesus im wia sé nimaté. 10A sé tonaas né walian gumenang i munu' kangkasii si Lazarus, 11pahpaan ni sia nimangun lakez sé tou Yahudi timula'u ni séra wo nima'éman wia si Yesus.
Si Yesus pahloozen né tou i muntep witi Yerusalem
(Mat. 21:1-11; Mrk. 11:1-10; Luk. 19:28-38)
12I masandonamé, sé tou lakez mélumé'os um Paskah né tou Yahudi én timalingala i si Yesus mahlampang mahéyémo wia u Yerusalem, 13ni séra mahéndomé an zani'na am palem a masumungkul ni Sia, karia i mahkérét,
“Hosana!
Loozela ni Sia si niméyé karia u ngaran ni Opo Empung,
si Kolano né Israel!”
14Si Yesus nimakailekla si keledai peranggang a Sia sumakéla wia si keledai itii. Niitu én tanu u méipantik witu um Pinantik Lenas in téntii:
15 #
Za. 9:9
“Tia'mo maindé', é kamu sé witi Sion!#12:15 Sion kalakoana ém wanua tua'na Yerusalem. Pahpaan um wanua tua'na Yerusalem ém witi kentur Sion.
Ilekena, si Kolano niou é mahéyémo,
simakémé wia si keledai peranggang.”
16In toro niitu sé pahtuzu'en ni Yesus én zéi'kampé' makatulap am pahwangunen né tou lakez itii. Taan i si Yesus nimakailekola u sigi' wo looz i ni Sia méitoumomé sumaup, taré kagenangan nérala péléng a nimamuali wia si Yesus, tanu u méikua ni Opo Empung witu um Pinantik Lenas, téntu kangkasii péléng am winangun néra wia ni Sia.
17A sé tou lakez sé memali-mali karia ni Yesus mahkua tumoro a niilek néra i ni Sia timawahmé si Lazarus nimondolé im witu u lelewengan wo timou sumaup ni sia im wia sé nimaté. 18Niitumo lakez sé tou masimungkul ni Sia, pahpaan ni séra timalinga i ni Sia si nimangun u makakompo'en itii. 19A sé tou im wia sé sana réwok tou Farisi mahkuaala, “Ilekenola, kumurapé' kita! Péléng sé tou mahkiit ni Sia.”
Si Yesus mahkua tumoro um patéan-Na
20Im wia sé tou marumagés wia si Opo Empung im witu un endo mahpésta itii ém wéwéhan sé woopira tou Yunani. 21Sé tou itii nimangé wia si Filipus. Si Filipus én tou Betsaida um witi Galilea. Ni séra mahkua wia ni sia, “Tuang, ni kai ém paaz mahilekan karia ni Yesus.”
22A si Filipus makumua tumoro niitu wia si Andreas. A si Andreas wo si Filipus makumua tumoro niitu wia si Yesus.
23Ang kuan ni Yesus wia ni séra, “In tarékano un orasna si Oki' ni Tou i loozen wo sigi'en. 24Uli-ulit ikua-Kuma wia ni kamu: Sa um watuna ung gandum zéi'kan méitanem witu un tana' wo maté, niitu é menéntu-néntu uman zéi'kan mahawes. Taan, sa um watuna ung gandum itii matéma, taré niitu tumoumé wo mua'mé lakez. 25#Mat. 10:39, 16:25; Mrk. 8:35; Luk. 9:24, 17:33 Séi uman si rumaraaté ung katou-touanna, si tou itii éng kaliongan ung katou-touanna. Taan séi uman si zéi'kan rumaraaté ung katou-touanna im wia ung kaayahan kenu, ni sia éng kumelung ung katou-touanna itii makaz ing kauré-uré. 26Séi uman si mahpaayang wia ni Aku, ni sia é léwo'zéi' ing kumiit ni Aku wo wisa uman un angéang-Ku, ni sia é léwo'zéi' im witu. Séi uman si mahpaayang wia ni Aku, ni sia é masigi'en ni Ama'.
27In tarékan un até-Ku én totoz rumara. Apapé' un ikua-Kuma? Apa ni Aku kumua, ‘Ama', tia'mo iwaya ni Aku mazézéha tanu niia.’ Zéi'kan. Pahpaan ni Aku i niméyé wia ung kaayahan kenu é méyé i mazéha. 28Ama', ituzu'mé ung kawangko'an-Nu!”
An talingané u nuwu' witi kasendukan a méyé, “Ni Aku én timuzu'mo ung kawangko'an-Ku. Wo ni Aku kasii é matumuzu' ung kawangko'an-Ku sumaup.”
29Sé tou lakez rimendai witu wo timalinga niitu mahkua i niitu én tila'pong uman. Wéwéhan kasii sé mahkua, “Si malaekat é nimuwu'moma karia-Na.”
30Ang kuan ni Yesus, “U nuwu' taré tinalinga nioua itii én zéi'kan ipapaayo wia ni Aku, taan ipapaayo wia ni kamu. 31In tarékan én orasnamo si Opo Empung in tumotoz ulit kaapa zéi'kan am pahwangunen né tou wia ung kaayahan kenu, in tarékan kasii si Tonaas né sétang si mahkawasa wia ung kaayahan kenu éng kalan. 32Wo ni Aku, sa ni Aku itooz im wia ung kaayahan kenu, ni Aku mangun péléng sé tou méyé wia ni Aku.” 33Ni Sia kimua téntu i mapata'u kura Sia i maté.
34 #
Mzm. 110:4; Yes. 9:6; Yeh. 37:25; Dan. 7:14 A Sia wingkotela né tou lakez, “Ni kai én timalingamo im wana an tinotoz witu un ukum Torat i si Mesias é menou-nou makaz ing kauré-uré. Kura kahuman ni Ko mahkua i si Oki' ni Tou é léwo'zéi' in itooz? Séi si Oki' ni Tou itii?”
35Kuan ni Yesus wia ni séra, “U sena' én zéi'mo mauréma i mengari-ngaria ni kamu. Lumampangola karegas u sena itii im wiapé' ni kamu, wo ung karimbengbengan tia' kumawasa wia ni kamu. Séi uman si mahlampang witu ung karimbengbengan, ni sia én zéi'kan mata'u wisa um pahsaruanna. 36Pa'émanela u sena' itii, karegas u sena itii wia ni kamu, wo ni kamu maéndo oki' ni sena'.”
I nimakakuamola niitu, a si Yesus mangé witi tampa zéi'kan kata'uan néra.
Sé tou Yahudi zéi'kan ma'éman si Yesus
37Zozo' si Yesus nimangun lakez a makakompo'en witu u sinaru néra, taan ni séra én zéi'kan ma'éman wia ni Sia, 38#Yes. 53:1 wo malekepla u méikua ni Nabi Yesaya,
“Mahpiara, séi si ma'éman an ipahwoka' nai?
Wo wia sé séi ung kawasa ni Mahpiara ipapailek?”
39Niitumo ni séra zéi'kan mata'u ma'éman, pahpaan si Yesaya kangkasii éng kimuamo,
40 #
Yes. 6:10
“Ni Sia é nimanguno um weren néra nimaletok wo un até néra nimaketéh,
wo zozo' ni séra wéwéhan weren taan ni séra én zéi'kan makailek wo ung genang néra én zéi'kan makatulap,
a séra méyé wia ni Aku wo séra lé'oseng-Ku.”
41Ung kenu é méikua ni Yesaya, pahpaan ni sia é nimileko ung kawangko'an ni Yesus wo kimuamo tumoro ni Sia.
42Zozo' in téntu, im wia sé tonaas né tou Yahudi é lakez kangkasii sé ma'éman wia si Yesus. Taan ni séra é soo kumua i ni séra é ma'éman wia ni Sia, pahpaan ni séra é maindé' wia sé sana réwok tou Farisi sé toro suméro' ni séra i muntep witu um Walé pahragésan né tou Yahudi. 43Pahpaan u lolooz né toupé' ung kapaaz néra taan u lolooz ni Opo Empung.
A Nuwu' ni Yesus matumotoz ulit kaapa zéi'kan am pahwangunen né tou
44A si Yesus kuméréta, “Séi uman si ma'éman ni Aku, zéi'kan ni Aku si pa'émanenna taan ni sia é ma'éman si nimatumé ni Aku. 45Wo séi uman si mahilek ni Aku, si tou itii é mahilek ni Sia si nimatumé ni Aku. 46Ni Aku é niméyé wia ung kaayahan kenu in tou si nimahalimé u sena', wo sé tou sé ma'éman wia ni Aku én zéi'kan mahwitu-witu ung karimbengbengan. 47Sa si tou timalinga an ipahkua-Ku, taan zéi'kan mahwangun niitu, ni Aku én zéi'kan tumotoz ulit kaapa zéi'kan um pahwangunenna. Pahpaan ni Aku i méyé én zéi'kan i mukum sé tou wia ung kaayahan kenu, taan i milot ni séra im witu un ukuman wana a singkéla'. 48Si tou soo ni Aku wo soo mahtalinga um pahkua-Ku ém wéwéhano si tumotoz ulit kaapa zéi'kan am pahwangunenna. A Nuwu' méipahkua-Ku, niitumo u matumotoz ulit kaapa zéi'kan um pahwangunenna im witu un endo kaakazan ung kaayahan. 49Pahpaan ni Aku zéi'kan mahnuwu' mengiit ung kapaaz-Ku. Si Ama' si nimatumé ni Aku, ni Siamo si mahperéntamé wia ni Aku apa u léwo'zéi' in ikua-Ku wo inuwu'-Ku. 50Kata'uang-Ku um perénta ni Ama'-Ku é mahwéhémé ung katou-touan makaz ing kauré-uré. Niitumo, ni Aku é mahkuama tanu a méikua-Namé wia ni Aku.”
Currently Selected:
:
Highlight
Share
Copy
Want to have your highlights saved across all your devices? Sign up or sign in