Lukas 13
13
Sé tou é léwo'zéi' tumula'u a singkéla' néra
1In toro niitu, méyé wia si Yesus sé woopira tou. Sé tou itii mékimua wia si Yesus im wéwéhan sé tou Galilea winunu' ni Pilatus. Séra ém winunu' karegas i mahkeriz sé domba iragés wia si Opo Empung witi Yerusalem. 2Ang kuan ni Yesus wia sé tou itii, “Sa ikiit ang ginenang niou, sé tou Galilea im winunu' téntu, pahpaan a singkéla' nérapé' u lakez kaapa a singkéla' péléng né tou Galilea? 3Taan ikua-Kuma wia ni kamu, ‘Zéi'kan!’ Sa kamu zéi'kan tumula'ula a singkéla' niou, ni kamu péléng kasii é mawunu'en tanu ni séra. 4Kaapa pahgenangen nioula sé mapulu' wo walu tou, sé nimaté ing kinaempisan u menara#13:4 U menara witu nunuwu'en Yunani ‘purgos’, niitu mapahrendaian né mahtéiz um wanua kaapa uma. witi rété u Siloam, a singkéla' nérapé' u lakez taan a singkéla' péléng né tou sé mahento' witi Yerusalem? 5Ikua-Kuma wia ni kamu, ‘Zéi'kan!’ Taan sa kamu zéi'kan tumula'ula a singkéla' niou, ni kamu péléng é maté tanu u nimamuali wia ni séra.”
Un aandéan tumoro ung kai ara zéi'kan mahwua'
6Tumondongé niitu si Yesus sumirita karia un aandéan, in téntii, “Wéwéhan si tou timanem ung kai ara#13:6 Ung kai ara witu nunuwu'en Yunani é ‘suke’. Ung kai kenu sekez in ta'un é mahwua', im wia én tanu ang kawiléi, lasot, wo am walina. witu un uma tinaneman anggor. I sana endo si tou itii mémenéro um wua'na ung kai ara witu un umana, taan zéi'kan siapa ung kinailekannama. 7Ang kuana wia si mahwendu un umana itii, ‘Teluna ta'uno ni aku i mémahpenéro um wua'na ung kai ara kenu, taan zéi'kan kawisa ni aku ikaileka um wua'na. Wanti'enola ung kai ara kenu! Apa un torona niitu i méitanem wia un uma kenu?’ 8A mingkoté si mahwendu un uma itii, ‘Ama', iwayapé'la, tia'pé' pahwawanti'en in ta'un kenu, wahi'angkumokan u makaliklikna wo wéhangkumokan parembuz un tana'. 9Mengura in ta'un tumondong niitu mua'mé? Taan sa zéi'kan mua'mé, wanti'enokan.’ ”
Si wéwéné wohko liné'os ni Yesus in endo Sabat
10In endo Sabat si Yesus mahtuzu' witi walé peraragésan né tou Yahudi. 11Im witu ém wéwéhan si wéwéné saki. Ni sia i saki é mapulu' wo waluna ta'uno pahpaan ni sia é sinelazan ni roh léwo' makaz ni sia é nimawohko zéi'mo toro rumendai makaterén. 12I si Yesus nimileka si wéwéné itii, an tawahen-Namé, ang kuan-Na wia si wéwéné itii, “Ina', ni ko é lé'oso.” 13A si Yesus zumeta'la u lengen-Na wia si wéwéné itii. In toro niitukan si wéwéné itii rimendaié nimakaterén a sia mahlooz si Opo Empung.
14 #
Kel. 20:9-10; Ul. 5:13-14 Taan si tonaas um walé peraragésan né tou Yahudi é maupi' pahpaan si tou saki é liné'os ni Yesus in endo Sabat, ang kuana wia sé tou, “Enemna endo ni kita toro mahpaayang. Niitumo, sa paaz lé'osen é méyé witu un endo toro maayang. Tia' mahéyé witu un endo Sabat.”
15Taan kuan ni Yesus, “Ni kamu én tou mahgau-gau lé'os, witu un endo Sabat sé sapi wo sé keledai niou én ipahpilot niou im witu un tampa néra wo maipapaelep niou. 16Si wéwéné kenu é suzu ni Abraham, ni sia é mapulu' wo waluna ta'uno i saki pahpaan sinelazan ni tonaas né sétang. Niitumo, in tarékan witu un endo Sabat kenu ni sia é léwo'zéi' ipilot-Ku im witu ung kawasa ni tonaas né sétang.”
17I si Yesus kimuama téntu, péléng sé tou mahsaru si Yesus é nimaizang taan sé tou lakez é mahpaa-paaz pahpaan am winangun ni Yesus én totoz wangko'.
Un aandéan tumoro um watuna totoz rintek
(Mat. 13:31-32; Mrk. 4:30-32)
18Ang kuan ni Yesus, “Kura iandé-Ku ung Kakolanoan ni Opo Empung? Iandé-Ku karia un apa? 19Téntii, wéwéhan um watuna tatanemen totoz rintek#13:19 Um watuna totoz rintek kenu sa witu u nunuwu'en Yunani é ‘sinapi’. Um watuna é rintek uman taan sa niitu tumoumé ung karakékna én toro makazé teluna meter. im wana am watuna itanem witi uma. Um watuna itii tumoumé a mauré-uréla u nimaéndomo kai, sé tumétéwél mémahsalah wana am pangana. Téntu kangkasii ung Kakolanoan ni Opo Empung, masuat wo um watuna totoz rintek itii tumoumé akaz i nimaéndoma kai.”
Un aandéan tumoro u ragi
(Mat. 13:33)
20Ang kuan ni Yesus kasii, “Iandé-Ku karia un apa ung Kakolanoan ni Opo Empung? 21Ung Kakolanoan ni Opo Empung én tanu u ragi niéndoma ni wéwéné an isembora witu un topong epatna pulu' liter makaz péléng niitu riméisé.”
Séi si makailek ung katou-touan makaz ing kauré-uré
(Mat. 7:13-14, 21-23)
22Tumondongé niitu, si Yesus lumampanga mangé witi Yerusalem. Ni Sia éng kimiita witi wanua tua'na esa mangé witi wanua tua'na walina, witi wanua oki' esa mangé witi wanua oki' walina, karegas niitu ni Sia é mahtuzu' sé tou wana a langkoian-Na. 23Am wéwéhan si tou meligau wia si Yesus, kuana, “Tuang, toyo' uman wé sé tou makailek ung katou-touan makaz ing kauré-uré?” 24#Mat. 7:13, 14 Am wingkotela ni Yesus, “Mahtututu'la i muntep kumiit um pepenet pesut itii! Pahpaan ikua-Kuma wia ni kamu, lakez sé tou mahuuntep kumiit um pepenet itii taan sé zéi'kan ikauntep. 25Sa si makawalé rimendaio a meneta um pepenet, ni kamu é rumendai witi ondol wo menéngko-néngkor. Ni kamu mahkuama, ‘Tuang, wukaan ndootuumé kai!’ A Sia mingkoté, kuan-Na, ‘Ni kamu én zéi'kan kata'uang-Ku wisa a méyé.’ 26#Mat. 7:22-23 Ang kuan niouo, ‘Ni kaimo sé nimahkanomé wo nimahelepomé karia ni Tuang wo im wana a lalan witi wanua tua'na nai, si Tuang é nimahtuzu'mé ni kai.’ 27#Mzm. 6:9 Taan ni Sia éng kumua wia ni kamu, ‘Ni kamu én zéi'kan kata'uang-Ku wisa a méyé! Tumingkasa im witu u sinaru-Ku, é ni kamu péléng sé memua-muali a léwo'an!’ 28#Mat. 22:13, 25:30 #Mat. 8:11-12 In toro niitu, ni kamu é mamé' wo am waang éng karékétokan, pahpaan ni kamu mahilek si Abraham, si Ishak, si Yakub wo péléng sé nabi witi Kakolanoan ni Opo Empung, taan ni kamu é méiwoho umané, zéi'kan toro muntep. 29Sé tou witi sendangan wo talikuzan wo sé witi amian wo timuh é méyé wo kuman mahwali-wali witi Kakolanoan ni Opo Empung. 30Wéhanla genang, si tou ipahmuri-muri é maéndo ipahpuu-puuna wo si tou ipahpuu-puuna é maéndo tou ipahmuri-muri.”
Si Yesus rumaraaté u Yerusalem
(Mat. 23:37-39)
31In toro niitu, wéwéhan sé woopira sé wia sé sana réwok tou Farisi méyé wia si Yesus. Kuan néra, “Mangémo-Ko, zumou'ma im wia'i! Pahpaan si Herodes é mahwuwunu' ni Ko.” 32A séra wingkotela ni Yesus, “Mangémo wo maikuala wia si longkoi itii, ‘Ni Aku moho sé sétang wo lumé'os sé saki in endo kenu wo i sando. Im witu un endo katelu am pahpaayangeng-Ku é maisampet-Ku.’ 33Taan in endo kenu, i sando wo in asusa ni Aku é léwo'zéi' lumampang mangé witi Yerusalem. Pahpaan zéi'kan mamuali si nabi im wunu'en né tou witi ondol u Yerusalem.
34É tou Yerusalem, é tou Yerusalem! Ni kamu sé nimunu' sé nabi wo nimahwatumé sé tou méiatu ni Opo Empung i mangé wia ni kamu. Makalakezo ni Aku lumelo i ruméwok ni kamu witu u rété-Ku, tanu si makawali-wali i ruméwok sé sisina witu un tétéwélna, taan ni kamu é soo! 35#Mzm. 118:26 Totoz kata'uan nioula, um walé#13:35 Witu u nunuwu'en Yunani é ‘oikos’, ung kalakoana ém ‘walé’. Mengiit um pinantik kenu ung kalakoana én tumoro u Yerusalem kaapa Walé ni Opo Empung. niou kenu én itula'u ni Opo Empung. Ikua-Kuma wia ni kamu: ‘Ni Aku én zéi'mo pahile-ileken nioula makaz ni kamu mahkua:
Loozela Sia, si niméyé karia u ngaran ni Opo Empung!’ ”
Currently Selected:
Lukas 13: LAITOM
Highlight
Share
Copy
Want to have your highlights saved across all your devices? Sign up or sign in
Lukas 13
13
Sé tou é léwo'zéi' tumula'u a singkéla' néra
1In toro niitu, méyé wia si Yesus sé woopira tou. Sé tou itii mékimua wia si Yesus im wéwéhan sé tou Galilea winunu' ni Pilatus. Séra ém winunu' karegas i mahkeriz sé domba iragés wia si Opo Empung witi Yerusalem. 2Ang kuan ni Yesus wia sé tou itii, “Sa ikiit ang ginenang niou, sé tou Galilea im winunu' téntu, pahpaan a singkéla' nérapé' u lakez kaapa a singkéla' péléng né tou Galilea? 3Taan ikua-Kuma wia ni kamu, ‘Zéi'kan!’ Sa kamu zéi'kan tumula'ula a singkéla' niou, ni kamu péléng kasii é mawunu'en tanu ni séra. 4Kaapa pahgenangen nioula sé mapulu' wo walu tou, sé nimaté ing kinaempisan u menara#13:4 U menara witu nunuwu'en Yunani ‘purgos’, niitu mapahrendaian né mahtéiz um wanua kaapa uma. witi rété u Siloam, a singkéla' nérapé' u lakez taan a singkéla' péléng né tou sé mahento' witi Yerusalem? 5Ikua-Kuma wia ni kamu, ‘Zéi'kan!’ Taan sa kamu zéi'kan tumula'ula a singkéla' niou, ni kamu péléng é maté tanu u nimamuali wia ni séra.”
Un aandéan tumoro ung kai ara zéi'kan mahwua'
6Tumondongé niitu si Yesus sumirita karia un aandéan, in téntii, “Wéwéhan si tou timanem ung kai ara#13:6 Ung kai ara witu nunuwu'en Yunani é ‘suke’. Ung kai kenu sekez in ta'un é mahwua', im wia én tanu ang kawiléi, lasot, wo am walina. witu un uma tinaneman anggor. I sana endo si tou itii mémenéro um wua'na ung kai ara witu un umana, taan zéi'kan siapa ung kinailekannama. 7Ang kuana wia si mahwendu un umana itii, ‘Teluna ta'uno ni aku i mémahpenéro um wua'na ung kai ara kenu, taan zéi'kan kawisa ni aku ikaileka um wua'na. Wanti'enola ung kai ara kenu! Apa un torona niitu i méitanem wia un uma kenu?’ 8A mingkoté si mahwendu un uma itii, ‘Ama', iwayapé'la, tia'pé' pahwawanti'en in ta'un kenu, wahi'angkumokan u makaliklikna wo wéhangkumokan parembuz un tana'. 9Mengura in ta'un tumondong niitu mua'mé? Taan sa zéi'kan mua'mé, wanti'enokan.’ ”
Si wéwéné wohko liné'os ni Yesus in endo Sabat
10In endo Sabat si Yesus mahtuzu' witi walé peraragésan né tou Yahudi. 11Im witu ém wéwéhan si wéwéné saki. Ni sia i saki é mapulu' wo waluna ta'uno pahpaan ni sia é sinelazan ni roh léwo' makaz ni sia é nimawohko zéi'mo toro rumendai makaterén. 12I si Yesus nimileka si wéwéné itii, an tawahen-Namé, ang kuan-Na wia si wéwéné itii, “Ina', ni ko é lé'oso.” 13A si Yesus zumeta'la u lengen-Na wia si wéwéné itii. In toro niitukan si wéwéné itii rimendaié nimakaterén a sia mahlooz si Opo Empung.
14 #
Kel. 20:9-10; Ul. 5:13-14 Taan si tonaas um walé peraragésan né tou Yahudi é maupi' pahpaan si tou saki é liné'os ni Yesus in endo Sabat, ang kuana wia sé tou, “Enemna endo ni kita toro mahpaayang. Niitumo, sa paaz lé'osen é méyé witu un endo toro maayang. Tia' mahéyé witu un endo Sabat.”
15Taan kuan ni Yesus, “Ni kamu én tou mahgau-gau lé'os, witu un endo Sabat sé sapi wo sé keledai niou én ipahpilot niou im witu un tampa néra wo maipapaelep niou. 16Si wéwéné kenu é suzu ni Abraham, ni sia é mapulu' wo waluna ta'uno i saki pahpaan sinelazan ni tonaas né sétang. Niitumo, in tarékan witu un endo Sabat kenu ni sia é léwo'zéi' ipilot-Ku im witu ung kawasa ni tonaas né sétang.”
17I si Yesus kimuama téntu, péléng sé tou mahsaru si Yesus é nimaizang taan sé tou lakez é mahpaa-paaz pahpaan am winangun ni Yesus én totoz wangko'.
Un aandéan tumoro um watuna totoz rintek
(Mat. 13:31-32; Mrk. 4:30-32)
18Ang kuan ni Yesus, “Kura iandé-Ku ung Kakolanoan ni Opo Empung? Iandé-Ku karia un apa? 19Téntii, wéwéhan um watuna tatanemen totoz rintek#13:19 Um watuna totoz rintek kenu sa witu u nunuwu'en Yunani é ‘sinapi’. Um watuna é rintek uman taan sa niitu tumoumé ung karakékna én toro makazé teluna meter. im wana am watuna itanem witi uma. Um watuna itii tumoumé a mauré-uréla u nimaéndomo kai, sé tumétéwél mémahsalah wana am pangana. Téntu kangkasii ung Kakolanoan ni Opo Empung, masuat wo um watuna totoz rintek itii tumoumé akaz i nimaéndoma kai.”
Un aandéan tumoro u ragi
(Mat. 13:33)
20Ang kuan ni Yesus kasii, “Iandé-Ku karia un apa ung Kakolanoan ni Opo Empung? 21Ung Kakolanoan ni Opo Empung én tanu u ragi niéndoma ni wéwéné an isembora witu un topong epatna pulu' liter makaz péléng niitu riméisé.”
Séi si makailek ung katou-touan makaz ing kauré-uré
(Mat. 7:13-14, 21-23)
22Tumondongé niitu, si Yesus lumampanga mangé witi Yerusalem. Ni Sia éng kimiita witi wanua tua'na esa mangé witi wanua tua'na walina, witi wanua oki' esa mangé witi wanua oki' walina, karegas niitu ni Sia é mahtuzu' sé tou wana a langkoian-Na. 23Am wéwéhan si tou meligau wia si Yesus, kuana, “Tuang, toyo' uman wé sé tou makailek ung katou-touan makaz ing kauré-uré?” 24#Mat. 7:13, 14 Am wingkotela ni Yesus, “Mahtututu'la i muntep kumiit um pepenet pesut itii! Pahpaan ikua-Kuma wia ni kamu, lakez sé tou mahuuntep kumiit um pepenet itii taan sé zéi'kan ikauntep. 25Sa si makawalé rimendaio a meneta um pepenet, ni kamu é rumendai witi ondol wo menéngko-néngkor. Ni kamu mahkuama, ‘Tuang, wukaan ndootuumé kai!’ A Sia mingkoté, kuan-Na, ‘Ni kamu én zéi'kan kata'uang-Ku wisa a méyé.’ 26#Mat. 7:22-23 Ang kuan niouo, ‘Ni kaimo sé nimahkanomé wo nimahelepomé karia ni Tuang wo im wana a lalan witi wanua tua'na nai, si Tuang é nimahtuzu'mé ni kai.’ 27#Mzm. 6:9 Taan ni Sia éng kumua wia ni kamu, ‘Ni kamu én zéi'kan kata'uang-Ku wisa a méyé! Tumingkasa im witu u sinaru-Ku, é ni kamu péléng sé memua-muali a léwo'an!’ 28#Mat. 22:13, 25:30 #Mat. 8:11-12 In toro niitu, ni kamu é mamé' wo am waang éng karékétokan, pahpaan ni kamu mahilek si Abraham, si Ishak, si Yakub wo péléng sé nabi witi Kakolanoan ni Opo Empung, taan ni kamu é méiwoho umané, zéi'kan toro muntep. 29Sé tou witi sendangan wo talikuzan wo sé witi amian wo timuh é méyé wo kuman mahwali-wali witi Kakolanoan ni Opo Empung. 30Wéhanla genang, si tou ipahmuri-muri é maéndo ipahpuu-puuna wo si tou ipahpuu-puuna é maéndo tou ipahmuri-muri.”
Si Yesus rumaraaté u Yerusalem
(Mat. 23:37-39)
31In toro niitu, wéwéhan sé woopira sé wia sé sana réwok tou Farisi méyé wia si Yesus. Kuan néra, “Mangémo-Ko, zumou'ma im wia'i! Pahpaan si Herodes é mahwuwunu' ni Ko.” 32A séra wingkotela ni Yesus, “Mangémo wo maikuala wia si longkoi itii, ‘Ni Aku moho sé sétang wo lumé'os sé saki in endo kenu wo i sando. Im witu un endo katelu am pahpaayangeng-Ku é maisampet-Ku.’ 33Taan in endo kenu, i sando wo in asusa ni Aku é léwo'zéi' lumampang mangé witi Yerusalem. Pahpaan zéi'kan mamuali si nabi im wunu'en né tou witi ondol u Yerusalem.
34É tou Yerusalem, é tou Yerusalem! Ni kamu sé nimunu' sé nabi wo nimahwatumé sé tou méiatu ni Opo Empung i mangé wia ni kamu. Makalakezo ni Aku lumelo i ruméwok ni kamu witu u rété-Ku, tanu si makawali-wali i ruméwok sé sisina witu un tétéwélna, taan ni kamu é soo! 35#Mzm. 118:26 Totoz kata'uan nioula, um walé#13:35 Witu u nunuwu'en Yunani é ‘oikos’, ung kalakoana ém ‘walé’. Mengiit um pinantik kenu ung kalakoana én tumoro u Yerusalem kaapa Walé ni Opo Empung. niou kenu én itula'u ni Opo Empung. Ikua-Kuma wia ni kamu: ‘Ni Aku én zéi'mo pahile-ileken nioula makaz ni kamu mahkua:
Loozela Sia, si niméyé karia u ngaran ni Opo Empung!’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in