Lukas 14
14
Si tou saki liné'os ni Yesus in endo Sabat
1In endo Sabat, si Yesus kinua ni esaané wia sé tonaas né sana réwok tou Farisi ing kuman witi waléna. Péléng sé tou witu én totoz mena'u-na'u péléng am pahwangunen ni Yesus. 2A mérumendai witu u sinaru ni Yesus si tou saki, u lengen wo un a'éna é simegah. 3A si Yesus meligau wia sé tou tulap un Torat wo wia sé sana réwok tou Farisi itii, “Mengiit an tinotoz witu um pa'émanenta, toro kaapa zéi'kan si tou saki lé'osen witu un endo Sabat?” 4Taan ni séra péléng é makapenes uman. An tionala ni Yesus u lengen ni tou saki itii, lé'osen-Nama a sia pekiwuri-Nama. 5#Mat. 12:11 Ang kuan ni Yesus wia ni séra, “Séi im wia ni kamu si zéi'kan rengan i makuméhongé si oki'na kaapa si sapina si méikalesek witu um parigi zozo' in endo Sabat?” 6Zéi'kan siapa si makawawa i mingkot a méikua-Namé.
Tia' mahlooz un tou
7In toro niitu, si Yesus mengile-ngilek sé tou kinua ni makawalé ém wéwéhan sé mahtututu' i rumumez witu u rurumezan witi puuna. Niitumo si Yesus timuzu'ma un aandéan kenu wia ni séra, 8#Ams. 25:6-7 “Sa wéwéhan si kimua ni ko i mangé witi pésta kawéng, tia' ko marumumez wana a rurumezan witi puuna. Pahpaan séi si mata'u sa si makapésta éng kimua si tou si lumouspé'mé im pahsigi'en taan ni ko. 9Sa mawiamé si tou pahsigi'en itii, a si makapésta si kimua ni ko méyé wia ni ko ang kuana, ‘U rurumezan kenu é rumezan ni sakéi totoz pahsigi'en kenu.’ Karia i maizang ni ko é mérama witi totoz muri. 10Niitumo, sa ko kinua ni tou, tia'mo marumumez witi puuna, rumumezola witi muri. Mengura si makawalé métumawah ni ko, ang kumua, ‘Kalo, mémo marumumez witi puuna.’ Karia in téntu, ni ko é sigi'en witu u sinaru né sakéi sé mahkan kariamu. 11#Mat. 23:12; Luk. 18:14 Pahpaan séi uman si mahlooz un touna, ni sia én iroros ni Opo Empung wo séi uman si meroros un touna, ni sia én irakék ni Opo Empung.”
Séi sé léwo'zéi' ing kuan
12Kumawusa niitu, si Yesus numuwu'ma wia si makawalé si kimua ni Sia, “Sa ko mangun pésta ang kumua sé tou i mékuman mahwali-wali, endo kaapa wengi, tia' ko mahkukua sé kalomu kaapa sé sana awumu kaapa sé katuarimu kaapa sé karétému sé wa'ilan. Pahpaan ni séra kasii éng kumua ni ko i mékuman mahwali-wali karia néra. Kuramo ko ing kimuamé ni séra, téntu kangkasii ni séra ing kumua ni ko. 13Niitumo, sa ko mangun pésta, sé tou makuanumé i mékuman mahwali-wali kariamu é: sé tou zéi'kan siapa apa, sé tou pokol, sé tou lailai wo sé tou letok. 14Sa téntu um wangunennula, ni ko éng kamangen, pahpaan sé tou téntu én zéi'kan mata'u maér wia ni ko tanu um winangunmuma wia ni séra. Pahpaan ni ko ém waérannokan ni Opo Empung, im witu un endo i sé tou ulit in itou-Na sumaup.”
Un aandéan tumoro um pésta totoz selah
(Mat. 22:1-10)
15Kaitalingamé u méikuamé ni Yesus, si esaané wia sé tou mahkan witu kumuama wia si Yesus, “Totoz mahpaa-paaz si tou makuman karia ni Opo Empung witi Kakolanoan-Na.” 16Taan kuan ni Yesus wia si tou itii, “Wéwéhan si tou mangun um pésta totoz selah, lakez sé tou kinuana. 17Puunala um pésta, si mahpésta é matuma si atana i makumua wia sé kinua, in téntii, ‘Méyémo, péléngo niimek.’ 18Taan ni séra péléng é menéro-néro kakua'lingan in zéi'kan mangé witi pésta. Si kataré kimua wia si ata itii in téntii, ‘Ni aku ém paaz mangé taan ni aku ndootuu é mangépé' mileké un uma taré telesengkula.’ 19Sé walina é mahkua, ‘Ni aku ém paaz mangé taan ni aku ndootuu é mangépé' ma'wa'mé sé sapi lima par sé taré telesengkula. Niitumo ni aku ndootuu én zéi'kan mangé.’ 20Sé walina kasii é mahkua, ‘Ni aku ém paaz mangé taan ni aku ndootuu ém weru kimawéng, niitumo ni aku én zéi'kan mata'u mangé.’
21Mawurimé si ata itii an ikuanala wia si tuangna péléng a méikuamé né tou niangéannamé. Si makawalé én totoz maupi' ang kuana wia si ata itii, ‘Mereweka mangé wana a lalan tua'na wo wana a lorong witi wanua tua'na wo ipahwalimé sé tou zéi'kan siapa apa, sé pokol, sé letok wo sé lailai.’ 22Tumondongé niitu, si ata itii makumua wia si tuangna, ‘Tuang, péléng a méiperéntamé ni tuang ém winangunkumola, taan wéwéhampé' a rurumezan zéi'kan rinumezan.’ 23Ang kuan ni tuang itii wia si atana, ‘Mangé wana a lalan tua'na wo wana a lalan muri witi wanua tua'na, pengimbaliané sé tou witu i méyé, wo um waléku é mawuta né tou.’ 24Pahpaan ikuakuma wia ni kamu, ‘Zéi'kan siapa im wia sé kinua itii sé mékuman a siniwo wia am péstaku.’ ”
Si Yesus kimua kura i maéndo pahtuzu'en-Na
(Mat. 10:37-38)
25Makasamé totoz lakez sé tou mahkiit si Yesus i mahlampang. A Sia luméngéma wia ni séra ang kuan-Na, 26#Mat. 10:37 “Sa si tou paaz kumiit ni Aku, u raraatéanna wia ni Aku é léwo'zéi' lumouspé'mé u raraatéanna wia si ama'na, wia si ina'na, wia si mahayona, wia sé oki'na, wia sé katuarina tuama kaapa wéwéné, maanpé' kasii ung katou-touanna in esa. Pahpaan sa zéi'kan téntu, ni sia én zéi'kan toro maéndo pahtuzu'eng-Ku. 27#Mat. 10:38, 16:24; Mrk. 8:34; Luk. 9:23 Séi uman si zéi'kan masaan u salipna wo kumiit ni Aku, ni sia én zéi'kan toro maéndo pahtuzu'eng-Ku.
28Niitumo, séi si paaz kumiit ni Aku, ni sia én totoz makagena-genangpé'la. Tanu si tou rumendai u menara. Si tou itii é rumékénpé'la un zoitna, awes kaapa zéi'kan i rumendai u menara. 29Sa zéi'kan téntu, ni sia én iké'ké'mo né tou pahpaan si nimangunola un to'tolan u menara taan zéi'kan méikasampet. 30Sé tou itii é mahkua, ‘Si tou itii éng karegaso i mahrendai u menara, taan si zéi'kan makawawa i sumampet niitu.’
31Kaapa téntii, kolano wisa si makumoro' sumaru si kolano walina, si zéi'kan rumékénpé'la, apa sé mapulu'na riwu surarona é makawawa kaapa zéi'kan i sumaru sé kakoro'na sé zuana pulu' riwu suraro? 32Sa kata'uannala in zéi'kan makawawa, zou'pé'ma sé kakoro'na, ni sia é nimatumoma tou i malumigau, kura um wangunen wo zéi'kan kumoro'. 33Téntu kangkasii ni kamu, sa paaz kumiit ni Aku, péléng a sangkum niou én ipakatula'u nioué wo taré toro méyé i maéndo pahtuzu'eng-Ku.”
Un asin un zéi'mo siapa torona
(Mat. 5:13; Mrk. 9:50)
34Ang kuan ni Yesus kasii, “Un asin ém wangun, taan sa niitu tewango, apa um wangunen wo niitu numanamé asin? 35Un asin itii én zéi'mo siapa torona witi uma kaapa im wangunen parembuz un tana'. Itia'mokan wo toro. Séi si wéwéhan lunteng i mahtalinga é mahtalingama lé'os!”
Currently Selected:
Lukas 14: LAITOM
Highlight
Share
Copy
Want to have your highlights saved across all your devices? Sign up or sign in
Lukas 14
14
Si tou saki liné'os ni Yesus in endo Sabat
1In endo Sabat, si Yesus kinua ni esaané wia sé tonaas né sana réwok tou Farisi ing kuman witi waléna. Péléng sé tou witu én totoz mena'u-na'u péléng am pahwangunen ni Yesus. 2A mérumendai witu u sinaru ni Yesus si tou saki, u lengen wo un a'éna é simegah. 3A si Yesus meligau wia sé tou tulap un Torat wo wia sé sana réwok tou Farisi itii, “Mengiit an tinotoz witu um pa'émanenta, toro kaapa zéi'kan si tou saki lé'osen witu un endo Sabat?” 4Taan ni séra péléng é makapenes uman. An tionala ni Yesus u lengen ni tou saki itii, lé'osen-Nama a sia pekiwuri-Nama. 5#Mat. 12:11 Ang kuan ni Yesus wia ni séra, “Séi im wia ni kamu si zéi'kan rengan i makuméhongé si oki'na kaapa si sapina si méikalesek witu um parigi zozo' in endo Sabat?” 6Zéi'kan siapa si makawawa i mingkot a méikua-Namé.
Tia' mahlooz un tou
7In toro niitu, si Yesus mengile-ngilek sé tou kinua ni makawalé ém wéwéhan sé mahtututu' i rumumez witu u rurumezan witi puuna. Niitumo si Yesus timuzu'ma un aandéan kenu wia ni séra, 8#Ams. 25:6-7 “Sa wéwéhan si kimua ni ko i mangé witi pésta kawéng, tia' ko marumumez wana a rurumezan witi puuna. Pahpaan séi si mata'u sa si makapésta éng kimua si tou si lumouspé'mé im pahsigi'en taan ni ko. 9Sa mawiamé si tou pahsigi'en itii, a si makapésta si kimua ni ko méyé wia ni ko ang kuana, ‘U rurumezan kenu é rumezan ni sakéi totoz pahsigi'en kenu.’ Karia i maizang ni ko é mérama witi totoz muri. 10Niitumo, sa ko kinua ni tou, tia'mo marumumez witi puuna, rumumezola witi muri. Mengura si makawalé métumawah ni ko, ang kumua, ‘Kalo, mémo marumumez witi puuna.’ Karia in téntu, ni ko é sigi'en witu u sinaru né sakéi sé mahkan kariamu. 11#Mat. 23:12; Luk. 18:14 Pahpaan séi uman si mahlooz un touna, ni sia én iroros ni Opo Empung wo séi uman si meroros un touna, ni sia én irakék ni Opo Empung.”
Séi sé léwo'zéi' ing kuan
12Kumawusa niitu, si Yesus numuwu'ma wia si makawalé si kimua ni Sia, “Sa ko mangun pésta ang kumua sé tou i mékuman mahwali-wali, endo kaapa wengi, tia' ko mahkukua sé kalomu kaapa sé sana awumu kaapa sé katuarimu kaapa sé karétému sé wa'ilan. Pahpaan ni séra kasii éng kumua ni ko i mékuman mahwali-wali karia néra. Kuramo ko ing kimuamé ni séra, téntu kangkasii ni séra ing kumua ni ko. 13Niitumo, sa ko mangun pésta, sé tou makuanumé i mékuman mahwali-wali kariamu é: sé tou zéi'kan siapa apa, sé tou pokol, sé tou lailai wo sé tou letok. 14Sa téntu um wangunennula, ni ko éng kamangen, pahpaan sé tou téntu én zéi'kan mata'u maér wia ni ko tanu um winangunmuma wia ni séra. Pahpaan ni ko ém waérannokan ni Opo Empung, im witu un endo i sé tou ulit in itou-Na sumaup.”
Un aandéan tumoro um pésta totoz selah
(Mat. 22:1-10)
15Kaitalingamé u méikuamé ni Yesus, si esaané wia sé tou mahkan witu kumuama wia si Yesus, “Totoz mahpaa-paaz si tou makuman karia ni Opo Empung witi Kakolanoan-Na.” 16Taan kuan ni Yesus wia si tou itii, “Wéwéhan si tou mangun um pésta totoz selah, lakez sé tou kinuana. 17Puunala um pésta, si mahpésta é matuma si atana i makumua wia sé kinua, in téntii, ‘Méyémo, péléngo niimek.’ 18Taan ni séra péléng é menéro-néro kakua'lingan in zéi'kan mangé witi pésta. Si kataré kimua wia si ata itii in téntii, ‘Ni aku ém paaz mangé taan ni aku ndootuu é mangépé' mileké un uma taré telesengkula.’ 19Sé walina é mahkua, ‘Ni aku ém paaz mangé taan ni aku ndootuu é mangépé' ma'wa'mé sé sapi lima par sé taré telesengkula. Niitumo ni aku ndootuu én zéi'kan mangé.’ 20Sé walina kasii é mahkua, ‘Ni aku ém paaz mangé taan ni aku ndootuu ém weru kimawéng, niitumo ni aku én zéi'kan mata'u mangé.’
21Mawurimé si ata itii an ikuanala wia si tuangna péléng a méikuamé né tou niangéannamé. Si makawalé én totoz maupi' ang kuana wia si ata itii, ‘Mereweka mangé wana a lalan tua'na wo wana a lorong witi wanua tua'na wo ipahwalimé sé tou zéi'kan siapa apa, sé pokol, sé letok wo sé lailai.’ 22Tumondongé niitu, si ata itii makumua wia si tuangna, ‘Tuang, péléng a méiperéntamé ni tuang ém winangunkumola, taan wéwéhampé' a rurumezan zéi'kan rinumezan.’ 23Ang kuan ni tuang itii wia si atana, ‘Mangé wana a lalan tua'na wo wana a lalan muri witi wanua tua'na, pengimbaliané sé tou witu i méyé, wo um waléku é mawuta né tou.’ 24Pahpaan ikuakuma wia ni kamu, ‘Zéi'kan siapa im wia sé kinua itii sé mékuman a siniwo wia am péstaku.’ ”
Si Yesus kimua kura i maéndo pahtuzu'en-Na
(Mat. 10:37-38)
25Makasamé totoz lakez sé tou mahkiit si Yesus i mahlampang. A Sia luméngéma wia ni séra ang kuan-Na, 26#Mat. 10:37 “Sa si tou paaz kumiit ni Aku, u raraatéanna wia ni Aku é léwo'zéi' lumouspé'mé u raraatéanna wia si ama'na, wia si ina'na, wia si mahayona, wia sé oki'na, wia sé katuarina tuama kaapa wéwéné, maanpé' kasii ung katou-touanna in esa. Pahpaan sa zéi'kan téntu, ni sia én zéi'kan toro maéndo pahtuzu'eng-Ku. 27#Mat. 10:38, 16:24; Mrk. 8:34; Luk. 9:23 Séi uman si zéi'kan masaan u salipna wo kumiit ni Aku, ni sia én zéi'kan toro maéndo pahtuzu'eng-Ku.
28Niitumo, séi si paaz kumiit ni Aku, ni sia én totoz makagena-genangpé'la. Tanu si tou rumendai u menara. Si tou itii é rumékénpé'la un zoitna, awes kaapa zéi'kan i rumendai u menara. 29Sa zéi'kan téntu, ni sia én iké'ké'mo né tou pahpaan si nimangunola un to'tolan u menara taan zéi'kan méikasampet. 30Sé tou itii é mahkua, ‘Si tou itii éng karegaso i mahrendai u menara, taan si zéi'kan makawawa i sumampet niitu.’
31Kaapa téntii, kolano wisa si makumoro' sumaru si kolano walina, si zéi'kan rumékénpé'la, apa sé mapulu'na riwu surarona é makawawa kaapa zéi'kan i sumaru sé kakoro'na sé zuana pulu' riwu suraro? 32Sa kata'uannala in zéi'kan makawawa, zou'pé'ma sé kakoro'na, ni sia é nimatumoma tou i malumigau, kura um wangunen wo zéi'kan kumoro'. 33Téntu kangkasii ni kamu, sa paaz kumiit ni Aku, péléng a sangkum niou én ipakatula'u nioué wo taré toro méyé i maéndo pahtuzu'eng-Ku.”
Un asin un zéi'mo siapa torona
(Mat. 5:13; Mrk. 9:50)
34Ang kuan ni Yesus kasii, “Un asin ém wangun, taan sa niitu tewango, apa um wangunen wo niitu numanamé asin? 35Un asin itii én zéi'mo siapa torona witi uma kaapa im wangunen parembuz un tana'. Itia'mokan wo toro. Séi si wéwéhan lunteng i mahtalinga é mahtalingama lé'os!”
Currently Selected:
:
Highlight
Share
Copy
Want to have your highlights saved across all your devices? Sign up or sign in