Lukas 15
15
Un aandéan tumoro si domba méikalulu
(Mat. 18:12-14)
1 #
Luk. 5:29-30
Makasamé, sé menanagi am pajak wo sé tou memua-muali a singkéla', méyé in tumalinga si Yesus. 2Mileka ni séra, sé tou wia sé sana réwok tou Farisi wo sé tou tulap un Torat, menembu-nembut ang kuan néra, “Si tou kenu, mahsungkul wo mahkan karia né tou memua-muali a singkéla'.”
3A si Yesus sumirita un aandéan wia ni séra, 4“Sa im wia ni kamu ém wéwéhan si makaanu sé sana atus domba, ang kaliongana si esa, zéi'kankuaa itula'unamé witi kazukutan sé siouna pulu' wo siou a mamenéro si domba méikalulu makaz ing kailekannamé? 5Sa kinailekannamomé si domba méikalulu itii, pasaanennamé si domba itii karia i mahpaa-paaz. 6Ikaayola witi walé, sia tumawah sé kakariana wo sé karéténa ang kumua wia ni séra, ‘Mémo kita mahpaa-paaz. Pahpaan si dombaku méikalulu éng kinailekanomé.’ 7Ni Aku éng kumuama wia ni kamu, ‘Téntu kangkasii u mahpaa-paaz mamuali witi kasendukan, pahpaan wéwéhan si tou tumula'ula a singkéla'na. U mahpaa-paaz itii é lumouspé'mé u mahpaa-paaz wia sé siouna pulu' wo siou tou ulit sé zéi'mo memandung in tumula'u a singkéla' néra.’ ”
Un aandéan tumoro un zoit péra' méikaliong
8A si Yesus sumirita kasii karia un aandéan, “Wéwéhan si wéwéné makaanu u mapulu' zoit péra'.#15:8 Un zoit péra' im witu u nunuwu'en Yunani én ‘drakhme’. In toro niitu, un esa ‘drakhme’ é masuat wo un esa dirham, niitu ém wawaér wia si nimaayang sana endo. Sa ikaliongla un zoit péra' esa, zéi'kankuaa tumutungla solo sia wo tumepi#15:8 Am walé né tou Israel im puuna, um welahna ém watu pelat a méipezeta-zeta' umana. Niitumo am pinasungkulan um watu itii ém wéwéhan um woso. Sa wéwéhan tanu un zoit ikagogoma, ni séra én tumutungla u solo wo menéro u méikagogo itii karia un tetepi. um waléna i ngumerez menéro makaz ing kailekanna un zoit itii? 9Sa kinailekannamola, ni sia tumawah sé kakaria wo sé karéténa, ang kumua, ‘Méyémo kita mahpaa-paaz, pahpaan kinailekangkumola sumaup un zoit péra'ku u méikaliong.’ 10Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”
Un aandéan tumoro si koki' méikalulu
11A si Yesus sumirita kasii karia un aandéan, “Wéwéhan si ama' makaoki' sé tuama zua. 12Si taweng kumuala wia si ama'na, ‘Ama', iwéhémomé wia ni aku um wéténgku wana a sangkumta.’ Am pahzuala ni ama' néra a sangkum itii an iwéhéla wia sé oki'na itii um wéténgna. 13Woo pirana endo tumondongé, ipakawangkérla ni taweng péléng am wéténgna a sia mangé witi wanua né tou walina totoz zou'ma. Im wana ni sia é nimapaapumé an zoitna, wayaan ung kaseroian. 14I nimaapumola péléng an zoitna, in toro niitu mawiamé ung kaahreman witi tana' itii. Ni sia é nimaéndomola tou susa. 15A sia mamaayang wia si tou witu un tana' itii. Ni sia é méiatuma ni tou itii witi uma i mahtéiz sé wawina. 16I ni sia totozo maharem, kapaaznamo ing kuman ang kakanen né wawi itii. Taan, zozo' ni sia én totozo maharem, zéi'kan siapa si paaz méhé tikohon wia ni sia.
17Ang kagenangala ni taweng itii ung katou-touanna, kuana, ‘Lakez sé tou mahpaayang wia si ama'ku wo am pahkanen néra én totoz lakez, taan im wia'i ni aku én tawimo maté i maharem. 18Itula'uku un tana' kenu wo mawuri wia si ama'ku. Ni aku makumua wia si ama'ku: Ama', ni aku é simingkéla'mola wia si Opo Empung si witi kasendukan wo wia si ama'. 19Ni aku én zéi'mo wangun im pahkuan oki' ni ama'. Niitumo éndonola ni aku maéndo esaané wia sé tou mahpaayang wia si ama'.’
20An itula'unama un tana' itii a sia mangé wia si ama'na. Zou'pé'ma é si niilekoma ni ama'na, a mawiamé u raraatéanna wia si oki'na itii. Si ama'na kumara'ma i sumungkul ni sia. Masungkula séra, ingki'ennama a siomennama si oki'na itii. 21Ang kuan ni taweng itii wia si ama'na, ‘Ama', ni aku é simingkéla'mola wia si Opo Empung si witi kasendukan wo wia si ama'. Ni aku én zéi'mo wangun im pahkuan oki' ni ama'.’ 22Taan kuan ni ama'na wia sé atana, ‘Mahrewe-rewek pahaliné wia'i ung karai tonton totoz wangun, ikaraila wia ni sia wo sisimala un tutundu'na wo sapatuala un a'éna. 23Éndoné si sapi peranggang rembuz wo kerizela. Sa nimakasiwomola, méyémo kita kuman mahwali-wali karia mahpaa-paaz. 24Pahpaan si oki'ku kenu én tanu a nimatémo a matoumé sumaup, si méikalulu éng kinailekanola sumaup.’ A séra péléng rengan i mahpaa-paaz.
25Taan si oki'na tu'a ém witipé' uma. Sia mesu'mé, i merétémoma um walé néra, talinganamé un zanina u musik wo ang kakantaren i mahmanari. 26Tawahennamé si atana witi waléna a sia ligauanna, ‘Wéwéhan apa wé um witi walé?’ 27Si atana itii mingkotla, ‘Si tuarimu é nimawurimomé. Niitumo, si ama'mu éng kimerizla si sapi peranggang rembuz, pahpaan kinailekannamola sumaup si tuarimu wo ni sia é lé'o-lé'os uman.’
28Kaitalingamé niitu, si koki' tu'a itii é maupi' wo soo muntep. A mondolé si ama'na i mémenou ni sia. 29Taan si ama'na ém winingkotna umanla, ‘Pahta'unano ni aku mahpaayang wia si ama' wo zéi'kampé' kawisa ni aku soo mahtalinga am perénta ni ama', taan zéi'kampé' kawisa ni aku wéhanla ni ama' zozo' ing kambing uman im péstaangku karia né kakariaku. 30Taan si oki' ni ama' itii si mapaapu umané an zoitna, a sangkumna karia né wéwéné sangaya, si taré mawiamé é mémoikerizla si sapi peranggang rembuz.’ 31A sia wingkotela ni ama'na, ‘É oki'ku, ni ko sekezé é memali-mali kariaku wo péléng a sangkumku é sangkummu. 32Niitumo ni kita ém wangun i mahpaa-paaz pahpaan si tuarimu én tanu nimatémo a matoumé sumaup, si méikalulu éng kinailekanola sumaup.’ ”
Currently Selected:
Lukas 15: LAITOM
Highlight
Share
Copy
Want to have your highlights saved across all your devices? Sign up or sign in
Lukas 15
15
Un aandéan tumoro si domba méikalulu
(Mat. 18:12-14)
1 #
Luk. 5:29-30
Makasamé, sé menanagi am pajak wo sé tou memua-muali a singkéla', méyé in tumalinga si Yesus. 2Mileka ni séra, sé tou wia sé sana réwok tou Farisi wo sé tou tulap un Torat, menembu-nembut ang kuan néra, “Si tou kenu, mahsungkul wo mahkan karia né tou memua-muali a singkéla'.”
3A si Yesus sumirita un aandéan wia ni séra, 4“Sa im wia ni kamu ém wéwéhan si makaanu sé sana atus domba, ang kaliongana si esa, zéi'kankuaa itula'unamé witi kazukutan sé siouna pulu' wo siou a mamenéro si domba méikalulu makaz ing kailekannamé? 5Sa kinailekannamomé si domba méikalulu itii, pasaanennamé si domba itii karia i mahpaa-paaz. 6Ikaayola witi walé, sia tumawah sé kakariana wo sé karéténa ang kumua wia ni séra, ‘Mémo kita mahpaa-paaz. Pahpaan si dombaku méikalulu éng kinailekanomé.’ 7Ni Aku éng kumuama wia ni kamu, ‘Téntu kangkasii u mahpaa-paaz mamuali witi kasendukan, pahpaan wéwéhan si tou tumula'ula a singkéla'na. U mahpaa-paaz itii é lumouspé'mé u mahpaa-paaz wia sé siouna pulu' wo siou tou ulit sé zéi'mo memandung in tumula'u a singkéla' néra.’ ”
Un aandéan tumoro un zoit péra' méikaliong
8A si Yesus sumirita kasii karia un aandéan, “Wéwéhan si wéwéné makaanu u mapulu' zoit péra'.#15:8 Un zoit péra' im witu u nunuwu'en Yunani én ‘drakhme’. In toro niitu, un esa ‘drakhme’ é masuat wo un esa dirham, niitu ém wawaér wia si nimaayang sana endo. Sa ikaliongla un zoit péra' esa, zéi'kankuaa tumutungla solo sia wo tumepi#15:8 Am walé né tou Israel im puuna, um welahna ém watu pelat a méipezeta-zeta' umana. Niitumo am pinasungkulan um watu itii ém wéwéhan um woso. Sa wéwéhan tanu un zoit ikagogoma, ni séra én tumutungla u solo wo menéro u méikagogo itii karia un tetepi. um waléna i ngumerez menéro makaz ing kailekanna un zoit itii? 9Sa kinailekannamola, ni sia tumawah sé kakaria wo sé karéténa, ang kumua, ‘Méyémo kita mahpaa-paaz, pahpaan kinailekangkumola sumaup un zoit péra'ku u méikaliong.’ 10Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”
Un aandéan tumoro si koki' méikalulu
11A si Yesus sumirita kasii karia un aandéan, “Wéwéhan si ama' makaoki' sé tuama zua. 12Si taweng kumuala wia si ama'na, ‘Ama', iwéhémomé wia ni aku um wéténgku wana a sangkumta.’ Am pahzuala ni ama' néra a sangkum itii an iwéhéla wia sé oki'na itii um wéténgna. 13Woo pirana endo tumondongé, ipakawangkérla ni taweng péléng am wéténgna a sia mangé witi wanua né tou walina totoz zou'ma. Im wana ni sia é nimapaapumé an zoitna, wayaan ung kaseroian. 14I nimaapumola péléng an zoitna, in toro niitu mawiamé ung kaahreman witi tana' itii. Ni sia é nimaéndomola tou susa. 15A sia mamaayang wia si tou witu un tana' itii. Ni sia é méiatuma ni tou itii witi uma i mahtéiz sé wawina. 16I ni sia totozo maharem, kapaaznamo ing kuman ang kakanen né wawi itii. Taan, zozo' ni sia én totozo maharem, zéi'kan siapa si paaz méhé tikohon wia ni sia.
17Ang kagenangala ni taweng itii ung katou-touanna, kuana, ‘Lakez sé tou mahpaayang wia si ama'ku wo am pahkanen néra én totoz lakez, taan im wia'i ni aku én tawimo maté i maharem. 18Itula'uku un tana' kenu wo mawuri wia si ama'ku. Ni aku makumua wia si ama'ku: Ama', ni aku é simingkéla'mola wia si Opo Empung si witi kasendukan wo wia si ama'. 19Ni aku én zéi'mo wangun im pahkuan oki' ni ama'. Niitumo éndonola ni aku maéndo esaané wia sé tou mahpaayang wia si ama'.’
20An itula'unama un tana' itii a sia mangé wia si ama'na. Zou'pé'ma é si niilekoma ni ama'na, a mawiamé u raraatéanna wia si oki'na itii. Si ama'na kumara'ma i sumungkul ni sia. Masungkula séra, ingki'ennama a siomennama si oki'na itii. 21Ang kuan ni taweng itii wia si ama'na, ‘Ama', ni aku é simingkéla'mola wia si Opo Empung si witi kasendukan wo wia si ama'. Ni aku én zéi'mo wangun im pahkuan oki' ni ama'.’ 22Taan kuan ni ama'na wia sé atana, ‘Mahrewe-rewek pahaliné wia'i ung karai tonton totoz wangun, ikaraila wia ni sia wo sisimala un tutundu'na wo sapatuala un a'éna. 23Éndoné si sapi peranggang rembuz wo kerizela. Sa nimakasiwomola, méyémo kita kuman mahwali-wali karia mahpaa-paaz. 24Pahpaan si oki'ku kenu én tanu a nimatémo a matoumé sumaup, si méikalulu éng kinailekanola sumaup.’ A séra péléng rengan i mahpaa-paaz.
25Taan si oki'na tu'a ém witipé' uma. Sia mesu'mé, i merétémoma um walé néra, talinganamé un zanina u musik wo ang kakantaren i mahmanari. 26Tawahennamé si atana witi waléna a sia ligauanna, ‘Wéwéhan apa wé um witi walé?’ 27Si atana itii mingkotla, ‘Si tuarimu é nimawurimomé. Niitumo, si ama'mu éng kimerizla si sapi peranggang rembuz, pahpaan kinailekannamola sumaup si tuarimu wo ni sia é lé'o-lé'os uman.’
28Kaitalingamé niitu, si koki' tu'a itii é maupi' wo soo muntep. A mondolé si ama'na i mémenou ni sia. 29Taan si ama'na ém winingkotna umanla, ‘Pahta'unano ni aku mahpaayang wia si ama' wo zéi'kampé' kawisa ni aku soo mahtalinga am perénta ni ama', taan zéi'kampé' kawisa ni aku wéhanla ni ama' zozo' ing kambing uman im péstaangku karia né kakariaku. 30Taan si oki' ni ama' itii si mapaapu umané an zoitna, a sangkumna karia né wéwéné sangaya, si taré mawiamé é mémoikerizla si sapi peranggang rembuz.’ 31A sia wingkotela ni ama'na, ‘É oki'ku, ni ko sekezé é memali-mali kariaku wo péléng a sangkumku é sangkummu. 32Niitumo ni kita ém wangun i mahpaa-paaz pahpaan si tuarimu én tanu nimatémo a matoumé sumaup, si méikalulu éng kinailekanola sumaup.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in