Lukas 19
19
Si Yesus wo si Zakheus
1I si Yesus méikaayomola witi Yerikho a Sia lumampang mahkiita um wanua itii. 2Witu um wanua itii ém wéwéhan si tou wa'ilan makangaran Zakheus. Ni sia én tonaas né menanagi am pajak. 3Si Zakheus é mahtututu' i milek si Yesus. Taan zéi'kan kailekanna si Yesus pahpaan sé tou witu én totoz lakez wo kasii un touna ém potot uman. 4A sia kumara' mahpuunama im wia sé tou lakez, lumawa'ma witu ung kai ara i milek si Yesus lumangkoi witu.
5I si Yesus méikaayola witu un toro ung kai ara itii, a Sia lumoho'ma ang kuan-Na wia ni sia: “Zakheus, pahrewekla tumumpamomé! In endo kenu ni Aku é léwo'zéi' i mento'ma witu um walému.”
6Si Zakheus mereweké in timumpamé wo karia i mahpaa-paaz sia simungkul si Yesus. 7Nimilek niitu, péléng sé tou é menembu-nembut wo mahkua, “Ni Sia mamento' witu um walé ni tou memua-muali a singkéla'.”#19:7 Si menanagi um pajak ém pahkuan né tou Yahudi in tou mahsingkéla' pahpaan ni séra é mahpaayang wia sé tou Romawi sé kakoro' né tou Yahudi sé kimawasa witu un tana' néra.
8Witi waléna, si Zakheus rumendaié ang kumua wia si Yesus, “Tuang, sana pahzua a sangkumku én iwéhéku wia sé tou zéi'kan siapa apa wo sa wéwéhan si tinowoangku, niitu én iwuriku makaepaté niitu.”
9Ang kuan ni Yesus wia ni sia, “In endo kenu ni ko karia né wia um walé kenu én ipilot im witu un ukuman wana a singkéla', pahpaan ni ko kangkasii é suzu ni Abraham.#19:9 “Si Zakheus ém pahkuan i suzu ni Abraham pahpaan ni sia ma'éman wia si Yesus, tanu si Abraham i ma'éman wia si Opo Empung.” 10Pahpaan si Oki' ni Tou é méyé i menéro sé tou méikalulu wo milot ni séra im witu un ukuman wana a singkéla'.”
Un aandéan tumoro un zoit mas
(Mat. 25:14-30)
11Karegaspé' sé tou mahtalinga an ipahkua ni Yesus, a Sia sumirita karia un aandéan pahpaan ni Sia é merétémoma u Yerusalem wo witu ung genang né tou ni séra é mamomilek ung Kakolanoan ni Opo Empung. 12Ang kuan ni Yesus, “Wéwéhan si suzu ni kolano mangé witi tana' zou'ma i mamototozen maéndo kolano witu un tana' itii. In tinotozola ing kolano a sia mawurimé sumaup. 13Puunala sia i nimangé, ni sia timawahmé sé ata mapulu' a séra wéhannala tata'saan un zoit mas#19:13 Un zoit mas esa, sa witu u nunuwu'en Yunani é méipantik ‘esa mina’, niitu é masuat wo u ‘sana atus dinar.’ U sana atus dinar é masuat wo um wawaér wia si tou nimaayango witu sana atusna endo. ang kuan-Na wia ni séra, ‘Pakéla un zoit kenu i mahwangké-wangkér takaz ni aku mawurimé sumaup.’
14Taan sé kawanuana é soo ni sia, a séra matuma tou tumondonga i makumua, ‘Kasoo nai si tou kenu i maéndo kolano nai.’
15Zozo' in téntu ni sia én tinotozkané i maéndo kolano. I ni sia mawurimomé witi wanuana am pekitawahnamé sé ata winéhannamo un zoit mas i mahtata'u sa pirakan ung kinailekan ni esa wo ni esa.
16A méyé si kataré ang kumua, ‘Tuang, un zoit mas esa méiwéhémé wia ni aku é nimaéndomoma mapulu' zoit mas.’
17Ang kuana wia si tou itii, ‘Totoz wangun um winangunmula itii, ni ko én ata wangun. Ni ko én toro pa'émanen i mahpaayang an totoz kori', niitumo ni ko ém wéhan ung kawasa i maéndo tonaas witu u mapulu' wanua tua'na.’
18Méyé si kazua ang kumua, ‘Tuang, un zoit mas esa u méiwéhémé wia ni aku é nimaéndomoma lima zoit mas.’
19Ang kuana wia si tou itii, ‘Kariamu é maéndo tonaas witu u lima wanua tua'na.’
20Méyé si ata walina ang kumua, ‘Tuang, kenu un zoit mas ni tuang, méilé'osku witu u léso. 21Ni aku é maindé' wia si tuang pahpaan si tuang én tou léwo'. Si tuang é mahéndo un zéi'kan anu ni tuang wo mengungupu' un zéi'kan méitanem ni tuang.’
22Ang kuana wia si tou itii, ‘Ni ko én ata léwo'! Ni ko én ukumengku mengiit a méikuamumé itii. Kata'uannumo sa ni aku én tou léwo', mengéngéndo un zéi'kan anuku wo mengungupu' an zéi'kan méitanemku. 23Sa téntu, kaa un zoitku itii zéi'kan méilé'osmu witi pelélé'osan an zoit? Wo sa ni aku mawurimé én toro méndo niitu karia a méikaawesé witu.’
24Ang kuan ni kolano itii wia sé tou rimendai witu, ‘Éndonomé un zoit mas itii im wia ni sia wo iwéhéla wia si makaanumo u mapulu' zoit mas.’
25Ang kuan néra wia ni sia, ‘Tuang, ni sia é makaanumo u mapulu' zoit mas.’
26 #
Mat. 13:12; Mrk. 4:25; Luk. 8:18 A séra wingkotenala in téntii, ‘Ikuakuma wia ni kamu, péléng sé tou makaanumo, wia ni sia én awesampé', taan séi si zéi'kan siapa, péléng am wia ni sia ém pakaéndon. 27Tarékan, ipahwalimé witu u sinaruku péléng sé kakoro'ku sé soo ni aku i maéndo kolano néra wo wunu'ela séra witu u sinaruku!’ ”
Si Yesus nimuntep witi Yerusalem
(Mat. 21:1-9; Mrk. 11:1-10; Yoh. 12:12-15)
28I nimakakuamoma niitu, si Yesus mahlampang mahpuuna im wia ni séra i mangé witi Yerusalem. 29I merétémoma um Betfage wo Betania um witi kentur pahkuan kentur Zaitun, a si Yesus matuma sé zua pahtuzu'en-Na. 30Kuan-Na, “Mangémo witi wanua pahsaruna kenuma. I mawanala, ni kamu é mamilek si keledai peranggang méitapik wo si keledai itii én zéi'kampé' pinahsaké-sakéala né tou. Owarané si keledai itii wo pahaliné wia'i. 31Sa wéwéhan si meligau wia ni kamu, ‘Kaa niowaran nioué si keledai itii?’ Wingkoten umanla in téntii, ‘Si keledai kenu ém pemandungen ni Tuang.’ ”
32A mangé sé méiatuma itii, maileken néra én tanu a méikua ni Yesus. 33I niowaran néramé si keledai itii, a si makaanu kumuala wia ni séra, “Kaa si keledai itii niowaran nioua?”
34Am wingkoten nérala in téntii, “Si Tuang memandung si keledai kenu.” 35Am pahalin nérama si keledai itii wia si Yesus, sanihan nérala u ruuz ni keledai itii karia ang karai néra, a sawangan nérala si Yesus i sumaké wia si keledai itii. 36Karegas Sia i simaké wia si keledai itii, um pahlampangan-Na ém pahsanihan néra karia ang karai tonton néra. 37I merétémoma u Yerusalem, i mahperosoma witi kentur Zaitun, péléng sé mahkiit ni Sia sé lakez itii é mahpaa-paaz wo rimez i mahlooz si Opo Empung pahpaan péléng a makakompo'en niilek néramo. 38#Mzm. 118:26 Kuan néra,
“Loozen ni Sia si méyé ing Kolano karia u ngaran ni Opo Empung, in tarékan sé tou mahlé'o-lé'osano karia ni Opo Empung witi kasendukan, u sigi' wo u looz witi tampa totoz rakék!”
39Woo pira im wia sé sana réwok tou Farisi im wia sé tou lakez itii kimua wia si Yesus, “Méster, pekipenespé'la sé pahtuzu'en-Nu kenu.”
40Am wingkotela ni Yesus, “Ikua-Kuma wia ni kamu, ‘Sa séra menesla, am watu kenu éng kumérét.’ ”
Si Yesus mahamé' i nimilek u Yerusalem
41I si Yesus merétémoma u Yerusalem, mileka um wanua itii a Sia mamé'. 42Kuan-Na, “O ndootuu Yerusalem, totoz wangun sa in endo kenu éng kata'uannu kura i makailek u mahlé'o-lé'osan! Taan in tarékan niitu é méikawunipé' witu um werenmu. 43Un orasna é méyé i sé kakoro'mu lumiklik wo tumawun un tana' i lampangan néra muntep witu um wanua tua'na kenu wo sumeksek ni ko wana péléng a saruannu. 44Ni séra éng kumemu ni ko karia péléng sé toumu. Zéi'kan iwaya néra im wéwéhampé' am watu nimauusunan pahpaan zéi'mo kata'uannu un orasna si Opo Empung i mémilot ni ko.”
Si Yesus witi Walé ni Opo Empung
(Mat. 21:12-13; Mrk. 11:15-18; Yoh. 2:13-16)
45A si Yesus muntepa witi lésaz um Walé ni Opo Empung an iwoho-Nama péléng sé mahwangkér witu. 46#Yes. 56:7; Yer. 7:11 Kuan-Na wia ni séra, “Witu um Pinantik Lenas é méipantik:
‘Um walé-Ku ém walé pahpengaléian.
Taan winangun niouola wuwunian né maremu'.’ ”
47 #
Luk. 21:37
Sekez in endo ni Sia é mahtuzu' witi lésaz um Walé ni Opo Empung. Sé tonaas né walian wo sé tou tulap un Torat karia né tou pahsigi-sigi'en né tou Yahudi itii é mahtututu' i munu' ni Sia, 48taan ni séra én zéi'kan méikailek lalan kura i mangun niitu, pahpaan péléng sé tou ém paaz wia ni Sia wo paaz tumalinga am pahtuzu'-Na.
Currently Selected:
Lukas 19: LAITOM
Highlight
Share
Copy
Want to have your highlights saved across all your devices? Sign up or sign in
Lukas 19
19
Si Yesus wo si Zakheus
1I si Yesus méikaayomola witi Yerikho a Sia lumampang mahkiita um wanua itii. 2Witu um wanua itii ém wéwéhan si tou wa'ilan makangaran Zakheus. Ni sia én tonaas né menanagi am pajak. 3Si Zakheus é mahtututu' i milek si Yesus. Taan zéi'kan kailekanna si Yesus pahpaan sé tou witu én totoz lakez wo kasii un touna ém potot uman. 4A sia kumara' mahpuunama im wia sé tou lakez, lumawa'ma witu ung kai ara i milek si Yesus lumangkoi witu.
5I si Yesus méikaayola witu un toro ung kai ara itii, a Sia lumoho'ma ang kuan-Na wia ni sia: “Zakheus, pahrewekla tumumpamomé! In endo kenu ni Aku é léwo'zéi' i mento'ma witu um walému.”
6Si Zakheus mereweké in timumpamé wo karia i mahpaa-paaz sia simungkul si Yesus. 7Nimilek niitu, péléng sé tou é menembu-nembut wo mahkua, “Ni Sia mamento' witu um walé ni tou memua-muali a singkéla'.”#19:7 Si menanagi um pajak ém pahkuan né tou Yahudi in tou mahsingkéla' pahpaan ni séra é mahpaayang wia sé tou Romawi sé kakoro' né tou Yahudi sé kimawasa witu un tana' néra.
8Witi waléna, si Zakheus rumendaié ang kumua wia si Yesus, “Tuang, sana pahzua a sangkumku én iwéhéku wia sé tou zéi'kan siapa apa wo sa wéwéhan si tinowoangku, niitu én iwuriku makaepaté niitu.”
9Ang kuan ni Yesus wia ni sia, “In endo kenu ni ko karia né wia um walé kenu én ipilot im witu un ukuman wana a singkéla', pahpaan ni ko kangkasii é suzu ni Abraham.#19:9 “Si Zakheus ém pahkuan i suzu ni Abraham pahpaan ni sia ma'éman wia si Yesus, tanu si Abraham i ma'éman wia si Opo Empung.” 10Pahpaan si Oki' ni Tou é méyé i menéro sé tou méikalulu wo milot ni séra im witu un ukuman wana a singkéla'.”
Un aandéan tumoro un zoit mas
(Mat. 25:14-30)
11Karegaspé' sé tou mahtalinga an ipahkua ni Yesus, a Sia sumirita karia un aandéan pahpaan ni Sia é merétémoma u Yerusalem wo witu ung genang né tou ni séra é mamomilek ung Kakolanoan ni Opo Empung. 12Ang kuan ni Yesus, “Wéwéhan si suzu ni kolano mangé witi tana' zou'ma i mamototozen maéndo kolano witu un tana' itii. In tinotozola ing kolano a sia mawurimé sumaup. 13Puunala sia i nimangé, ni sia timawahmé sé ata mapulu' a séra wéhannala tata'saan un zoit mas#19:13 Un zoit mas esa, sa witu u nunuwu'en Yunani é méipantik ‘esa mina’, niitu é masuat wo u ‘sana atus dinar.’ U sana atus dinar é masuat wo um wawaér wia si tou nimaayango witu sana atusna endo. ang kuan-Na wia ni séra, ‘Pakéla un zoit kenu i mahwangké-wangkér takaz ni aku mawurimé sumaup.’
14Taan sé kawanuana é soo ni sia, a séra matuma tou tumondonga i makumua, ‘Kasoo nai si tou kenu i maéndo kolano nai.’
15Zozo' in téntu ni sia én tinotozkané i maéndo kolano. I ni sia mawurimomé witi wanuana am pekitawahnamé sé ata winéhannamo un zoit mas i mahtata'u sa pirakan ung kinailekan ni esa wo ni esa.
16A méyé si kataré ang kumua, ‘Tuang, un zoit mas esa méiwéhémé wia ni aku é nimaéndomoma mapulu' zoit mas.’
17Ang kuana wia si tou itii, ‘Totoz wangun um winangunmula itii, ni ko én ata wangun. Ni ko én toro pa'émanen i mahpaayang an totoz kori', niitumo ni ko ém wéhan ung kawasa i maéndo tonaas witu u mapulu' wanua tua'na.’
18Méyé si kazua ang kumua, ‘Tuang, un zoit mas esa u méiwéhémé wia ni aku é nimaéndomoma lima zoit mas.’
19Ang kuana wia si tou itii, ‘Kariamu é maéndo tonaas witu u lima wanua tua'na.’
20Méyé si ata walina ang kumua, ‘Tuang, kenu un zoit mas ni tuang, méilé'osku witu u léso. 21Ni aku é maindé' wia si tuang pahpaan si tuang én tou léwo'. Si tuang é mahéndo un zéi'kan anu ni tuang wo mengungupu' un zéi'kan méitanem ni tuang.’
22Ang kuana wia si tou itii, ‘Ni ko én ata léwo'! Ni ko én ukumengku mengiit a méikuamumé itii. Kata'uannumo sa ni aku én tou léwo', mengéngéndo un zéi'kan anuku wo mengungupu' an zéi'kan méitanemku. 23Sa téntu, kaa un zoitku itii zéi'kan méilé'osmu witi pelélé'osan an zoit? Wo sa ni aku mawurimé én toro méndo niitu karia a méikaawesé witu.’
24Ang kuan ni kolano itii wia sé tou rimendai witu, ‘Éndonomé un zoit mas itii im wia ni sia wo iwéhéla wia si makaanumo u mapulu' zoit mas.’
25Ang kuan néra wia ni sia, ‘Tuang, ni sia é makaanumo u mapulu' zoit mas.’
26 #
Mat. 13:12; Mrk. 4:25; Luk. 8:18 A séra wingkotenala in téntii, ‘Ikuakuma wia ni kamu, péléng sé tou makaanumo, wia ni sia én awesampé', taan séi si zéi'kan siapa, péléng am wia ni sia ém pakaéndon. 27Tarékan, ipahwalimé witu u sinaruku péléng sé kakoro'ku sé soo ni aku i maéndo kolano néra wo wunu'ela séra witu u sinaruku!’ ”
Si Yesus nimuntep witi Yerusalem
(Mat. 21:1-9; Mrk. 11:1-10; Yoh. 12:12-15)
28I nimakakuamoma niitu, si Yesus mahlampang mahpuuna im wia ni séra i mangé witi Yerusalem. 29I merétémoma um Betfage wo Betania um witi kentur pahkuan kentur Zaitun, a si Yesus matuma sé zua pahtuzu'en-Na. 30Kuan-Na, “Mangémo witi wanua pahsaruna kenuma. I mawanala, ni kamu é mamilek si keledai peranggang méitapik wo si keledai itii én zéi'kampé' pinahsaké-sakéala né tou. Owarané si keledai itii wo pahaliné wia'i. 31Sa wéwéhan si meligau wia ni kamu, ‘Kaa niowaran nioué si keledai itii?’ Wingkoten umanla in téntii, ‘Si keledai kenu ém pemandungen ni Tuang.’ ”
32A mangé sé méiatuma itii, maileken néra én tanu a méikua ni Yesus. 33I niowaran néramé si keledai itii, a si makaanu kumuala wia ni séra, “Kaa si keledai itii niowaran nioua?”
34Am wingkoten nérala in téntii, “Si Tuang memandung si keledai kenu.” 35Am pahalin nérama si keledai itii wia si Yesus, sanihan nérala u ruuz ni keledai itii karia ang karai néra, a sawangan nérala si Yesus i sumaké wia si keledai itii. 36Karegas Sia i simaké wia si keledai itii, um pahlampangan-Na ém pahsanihan néra karia ang karai tonton néra. 37I merétémoma u Yerusalem, i mahperosoma witi kentur Zaitun, péléng sé mahkiit ni Sia sé lakez itii é mahpaa-paaz wo rimez i mahlooz si Opo Empung pahpaan péléng a makakompo'en niilek néramo. 38#Mzm. 118:26 Kuan néra,
“Loozen ni Sia si méyé ing Kolano karia u ngaran ni Opo Empung, in tarékan sé tou mahlé'o-lé'osano karia ni Opo Empung witi kasendukan, u sigi' wo u looz witi tampa totoz rakék!”
39Woo pira im wia sé sana réwok tou Farisi im wia sé tou lakez itii kimua wia si Yesus, “Méster, pekipenespé'la sé pahtuzu'en-Nu kenu.”
40Am wingkotela ni Yesus, “Ikua-Kuma wia ni kamu, ‘Sa séra menesla, am watu kenu éng kumérét.’ ”
Si Yesus mahamé' i nimilek u Yerusalem
41I si Yesus merétémoma u Yerusalem, mileka um wanua itii a Sia mamé'. 42Kuan-Na, “O ndootuu Yerusalem, totoz wangun sa in endo kenu éng kata'uannu kura i makailek u mahlé'o-lé'osan! Taan in tarékan niitu é méikawunipé' witu um werenmu. 43Un orasna é méyé i sé kakoro'mu lumiklik wo tumawun un tana' i lampangan néra muntep witu um wanua tua'na kenu wo sumeksek ni ko wana péléng a saruannu. 44Ni séra éng kumemu ni ko karia péléng sé toumu. Zéi'kan iwaya néra im wéwéhampé' am watu nimauusunan pahpaan zéi'mo kata'uannu un orasna si Opo Empung i mémilot ni ko.”
Si Yesus witi Walé ni Opo Empung
(Mat. 21:12-13; Mrk. 11:15-18; Yoh. 2:13-16)
45A si Yesus muntepa witi lésaz um Walé ni Opo Empung an iwoho-Nama péléng sé mahwangkér witu. 46#Yes. 56:7; Yer. 7:11 Kuan-Na wia ni séra, “Witu um Pinantik Lenas é méipantik:
‘Um walé-Ku ém walé pahpengaléian.
Taan winangun niouola wuwunian né maremu'.’ ”
47 #
Luk. 21:37
Sekez in endo ni Sia é mahtuzu' witi lésaz um Walé ni Opo Empung. Sé tonaas né walian wo sé tou tulap un Torat karia né tou pahsigi-sigi'en né tou Yahudi itii é mahtututu' i munu' ni Sia, 48taan ni séra én zéi'kan méikailek lalan kura i mangun niitu, pahpaan péléng sé tou ém paaz wia ni Sia wo paaz tumalinga am pahtuzu'-Na.
Currently Selected:
:
Highlight
Share
Copy
Want to have your highlights saved across all your devices? Sign up or sign in