Lukas 20
20
Sé tonaas né tou Yahudi meligau tumoro ung kawasa ni Yesus
(Mat. 21:23-27; Mrk. 11:27-33)
1I sana endo, i si Yesus mahtuzu' sé tou lakez witi lésaz um Walé ni Opo Empung wo mahwoka' u Nuwu' Lé'os tumoro si Opo Empung, méyé sé tonaas né walian wo sé tou tulap un Torat karia né pahtutu'an né tou Yahudi. 2Ni séra meligau wia si Yesus, “Ikuamé wia ni kai, wisa a méyé ung kawasa wia ni Ko i mahwangun péléng niitu, kaapa séi si niméhé ung kawasa itii wia ni Ko?”
3Ang kuan ni Yesus wia ni séra, “Ni Aku kangkasii é lumigau wia ni kamu. Ikuamé wia ni Aku: 4Wisa a méyé ung kawasa ni Yohanes in toro mahsarani, wia si Opo Empung kaapa wia sé tou a méyé?” 5Ni séra mahliligauan karia i mahkua, “Sa wingkotentama, wia si Opo Empung a méyé, ni Sia éng kumua, ‘Kaa kamu zéi'kan ma'éman ni sia?’ 6Taan sa kuantama, ‘Wia sé tou a méyé, péléng sé tou é merit ni kita karia am watu, pahpaan totoz pa'émanen néra i si Yohanes é nabi.’ ”
7A séra mingkotla i ni séra én zéi'kan mata'u wisa a méyé ung kawasa ni Yohanes menanarani i mahsarani.
8Si Yesus kasii kimuala wia ni séra, “Sa téntu, ni Aku kangkasii én zéi'kan kumua wia ni kamu séi si niméhémé ung kawasa wia ni Aku i mahwangun niana.”
Un aandéan tumoro sé mahwendu
(Mat. 21:33-46; Mrk. 12:1-12)
9 #
Yes. 5:1
A si Yesus kumua un aandéan wia sé tou lakez, kuan-Na, “Wéwéhan si tou nimukama un uma an tanemannama anggor an ipekiwendunama un uma itii wia sé mememendu a sia suméngkota woopirana ta'un. 10In orasnamo i mupu', iatunama si atana mangé wia sé mememendu i maméndo um wéténgna i makauma un tinaneman anggor itii. Taan ni sia ém pinahwélwél umané né mememendu itii, a sia pekiwuri néramé zéi'kan siapa um pinahalimé. 11Tumondong niitu a si makauma matuma si ata walina, taan si ata itii kangkasii ém pinahwélwél umané wo méipapaiza-izang néramé, a sia ipapawuri néramé zéi'kan siapa um pinahalimé. 12Tumondong niitu iatunama si ata katelu. Ni sia kasii ém pinahwélwél néramé makaz nimapéla' a sia ilombo' néramé im witi uma itii.
13Ang kuan ni makauma, ‘Apa un totoz im wangunengku? Ni aku é matu si oki' totoz ikararaatéku. Tantumo ni sia ém pahsigi'en néra.’
14Taan i niileka né mememendu itii si oki' ni makauma, a séra mahkua si esa im wia sé walina, ‘Si kenumo si maéndo makaanu un uma kenu, wunu'entamo sia, wo un uma kenu maéndo anuta.’ 15A sia ilombo' nérama méiondolé im witu un uma am wunu'en néra.”
A si Yesus meligau, “In tarékan, apa um wangunen ni makauma wia sé mememendu un umana? 16Ni sia é méyé wo mémunu' sé mememendu itii wo un uma tinaneman anggor itii én iwéhéna wia sé tou walina.”
Timalingamé niitu a séra kumuala, “Tia'mo kahuman mamuali téntu!”
17 #
Mzm. 118:22
Taan si Yesus merena wia ni séra a mahkua, “Sa téntu, apa ung kalakoan u méipantik witu um Pinantik Lenas kenu:
‘Um watu mémoitia' né memamangun am walé
é nimaéndomola watu to'tolan.’
18Séi uman si ikazemak witu um watu itii é makemu, wo séi uman si kaempisan um watu itii é marempék.”
19Timalingamé niitu, sé tou tulap un Torat wo sé tonaas né walian é mahtututu' i mahtition ni Sia in toro niitukan, pahpaan kata'uan néramo sa sé paza'i-Nala witu un aandéan itii é ni séra, taan ni séra é maindé' wia sé tou lakez.
Tumoro u mahwaér pajak wia si Kaisar
(Mat. 22:15-22; Mrk. 12:13-17)
20Sé tou tulap un Torat wo sé tonaas né walian nimatuma sé tou i mangé mahtata'u si Yesus. Sé tou itii é mahtowo-towo tanu tou ulit mangé wia si Yesus i mahwewetes ni Sia karia u liligau, wo Sia toro iayo néra witu ung kawasa ni gubernur né pemerénta Romawi. 21Ni séra meligau wia ni Sia in téntii, “Méster, kata'uan nai a méikua wo méituzu'-Mu én ulit wo ni Ko én zéi'kan mahsanaweka wo ulit i mahtuzu' u lalan ni Opo Empung. 22Mengiit an tinotoz witu um pa'émanenta, toro wé kita maér am pajak wia si Kaisar kaapa zéi'kan?”
23Taan kata'uan ni Yesus ung genang léwo' witu um peligauen néra, ang kumua wia ni séra, 24“Amoké ipapaileké wia ni Aku un zoit esa dinar. Gio wo ngaran ni séi um witu?”
Am wingkoten nérala, “Gio wo ngaran ni Kaisar.”
25Ang kuan ni Yesus wia ni séra: “Sa téntu, iwéhéla wia si Kaisar u léwo'zéi' iwéhé wia si Kaisar wo wia si Opo Empung u léwo'zéi' iwéhé wia si Opo Empung!”
26Ni séra én zéi'kan makawawa mahwewetes si Yesus im wana an nunuwu'en-Na, witu u sinaru né tou lakez. Ni séra mengusi-ngusingsing in timalingamé u méiwingkot-Namé wo mokankapenesla.
Um peligauen tumoro un itou sumaup
(Mat. 22:23-33; Mrk. 12:18-27)
27 #
Kis. 23:8
A méyé wia si Yesus sé woopira tou im wia sé sana réwok tou Saduki sé zéi'kan ma'éman tumoro si tou nimatémo én itou sumaup. Ni séra meligau wia ni Sia, 28#Ul. 25:5 “Méster, si Musa nimantik um perénta kenu wia ni kita: Sa wéwéhan si tou makatuari tuama matéma taan si mahayona ém wiapé' wo zéi'kan siapa koki', si tuari ni tou itii é léwo'zéi' ing kumawéng si wéwéné mahayona itii, wo si tou nimatémoma itii toro makailek suzu. 29Wéwéhan sé pitu mahtuari, péléng tuama. Si tu'a kimawénga si esa wéwéné a matéma, taan zéi'kan nimakaileka koki'. 30A si wéwéné itii kawéngela ni kazua, 31wo si katelu wo mahtotondongana sé pitu mahtuari itii é nimaté umana wo zéi'kan nimakaileka koki'. 32Ing kamurian, si wéwéné itii kangkasii é nimatéma. 33Kura si wéwéné itii in tarékan, séi si maéndo mahayo ni wéwéné itii im witu un endo sé tou itoumé sumaup ni Opo Empung? Pahpaan sé pitu mahtuari itii éng kimawénga kariana.”
34A ni séra wingkotela ni Yesus, “Sé tou wia ung kaayahan kenu éng kimawéng wo méikawéng, 35taan sé tou wangun in itou sumaup ni Opo Empung im wia sé nimaté wo sé mamenou-nou in oras in tumondong, ni séra én zéi'kan mahkawéng wo pahkawéng. 36Ni séra én zéi'mo maté sumaup pahpaan ni séra én tanumo sé malaekat wo nimaéndomo oki' ni Opo Empung pahpaan ni séra é méitoumo sumaup ni Opo Empung. 37#Kel. 3:6 Tumoro sé nimaté in itou sumaup ni Opo Empung, si Musa witu um pinantikna witu u sirita tumoro un zukut menulah#20:37 Witu u nunuwu'en Yunani é méipantik ‘kai kori' menulah’. u mahlayas éng kimua i si Mahpiara é si Opo Empung ni Abraham, Opo Empung ni Ishak wo Opo Empung ni Yakub. 38Ni Sia én zéi'kan Opo Empung né tou nimatémo taan Opo Empung né tou menou-nou. Pahpaan witu u sinaru-Na péléng sé tou é menou-nou.”
39Timalingamé niitu sé woopira tou tulap un Torat éng kimua, “Méster, u méikua-Mumé itii én totoz timerang.” 40Rengané in toro niitu ni séra é maindé'mo i mahliligau wia si Yesus.
Si Mesias wo si Daud
(Mat. 22:41-46; Mrk. 12:35-37)
41A si Yesus meligau wia ni séra, “Kaa pahkuan né tou si Mesias é suzu ni Daud? 42Pahpaan um Pinantik Lenas witu u Mazmur, si Daud éng kimua:
‘Si Opo Empung é nimuwu' wia si Tuangku:
Rumumezomé witu ung kakan-Ku,
43 #
Mzm. 110:1
makaz sé kakoro'-Mu iwéhé-Ku witu u léléék-Mu.’
44Niitumo, si Daud in esa mahkua si Mesias in ‘Tuang’, kura kahuman sa si Mesias kangkasii é suzu ni Daud?”
U sésésa ni Yesus i mile-ilek wia sé tou tulap un Torat
(Mat. 23:5-7; Mrk. 12:38-40)
45Karegas péléng sé tou mahtalinga um pahkua ni Yesus, ang kuan-Na wia sé pahtuzu'en-Na, 46#Luk. 11:43 “Mile-ilek im wia sé tou tulap un Torat sé paaz melampa-lampang kimarai ung karai tonton wo paaz pahsigi'en im wana am pasar. Ni séra ém paaz merurumez wana a rurumezan witi totoz puuna im wana am walé peraragésan né tou Yahudi wo wana am pahpéstaan. 47Ni séra ém paaz menonowo wia sé wéwéné mahesa-esamokan ing kumahat am walé néra. Wo i mahwuwuni a léwo'an pahwangunen néra itii, am pakahpengaléi néra é lambo'. Ni séra é maukumen totoz wutez.”
Currently Selected:
Lukas 20: LAITOM
Highlight
Share
Copy
Want to have your highlights saved across all your devices? Sign up or sign in
Lukas 20
20
Sé tonaas né tou Yahudi meligau tumoro ung kawasa ni Yesus
(Mat. 21:23-27; Mrk. 11:27-33)
1I sana endo, i si Yesus mahtuzu' sé tou lakez witi lésaz um Walé ni Opo Empung wo mahwoka' u Nuwu' Lé'os tumoro si Opo Empung, méyé sé tonaas né walian wo sé tou tulap un Torat karia né pahtutu'an né tou Yahudi. 2Ni séra meligau wia si Yesus, “Ikuamé wia ni kai, wisa a méyé ung kawasa wia ni Ko i mahwangun péléng niitu, kaapa séi si niméhé ung kawasa itii wia ni Ko?”
3Ang kuan ni Yesus wia ni séra, “Ni Aku kangkasii é lumigau wia ni kamu. Ikuamé wia ni Aku: 4Wisa a méyé ung kawasa ni Yohanes in toro mahsarani, wia si Opo Empung kaapa wia sé tou a méyé?” 5Ni séra mahliligauan karia i mahkua, “Sa wingkotentama, wia si Opo Empung a méyé, ni Sia éng kumua, ‘Kaa kamu zéi'kan ma'éman ni sia?’ 6Taan sa kuantama, ‘Wia sé tou a méyé, péléng sé tou é merit ni kita karia am watu, pahpaan totoz pa'émanen néra i si Yohanes é nabi.’ ”
7A séra mingkotla i ni séra én zéi'kan mata'u wisa a méyé ung kawasa ni Yohanes menanarani i mahsarani.
8Si Yesus kasii kimuala wia ni séra, “Sa téntu, ni Aku kangkasii én zéi'kan kumua wia ni kamu séi si niméhémé ung kawasa wia ni Aku i mahwangun niana.”
Un aandéan tumoro sé mahwendu
(Mat. 21:33-46; Mrk. 12:1-12)
9 #
Yes. 5:1
A si Yesus kumua un aandéan wia sé tou lakez, kuan-Na, “Wéwéhan si tou nimukama un uma an tanemannama anggor an ipekiwendunama un uma itii wia sé mememendu a sia suméngkota woopirana ta'un. 10In orasnamo i mupu', iatunama si atana mangé wia sé mememendu i maméndo um wéténgna i makauma un tinaneman anggor itii. Taan ni sia ém pinahwélwél umané né mememendu itii, a sia pekiwuri néramé zéi'kan siapa um pinahalimé. 11Tumondong niitu a si makauma matuma si ata walina, taan si ata itii kangkasii ém pinahwélwél umané wo méipapaiza-izang néramé, a sia ipapawuri néramé zéi'kan siapa um pinahalimé. 12Tumondong niitu iatunama si ata katelu. Ni sia kasii ém pinahwélwél néramé makaz nimapéla' a sia ilombo' néramé im witi uma itii.
13Ang kuan ni makauma, ‘Apa un totoz im wangunengku? Ni aku é matu si oki' totoz ikararaatéku. Tantumo ni sia ém pahsigi'en néra.’
14Taan i niileka né mememendu itii si oki' ni makauma, a séra mahkua si esa im wia sé walina, ‘Si kenumo si maéndo makaanu un uma kenu, wunu'entamo sia, wo un uma kenu maéndo anuta.’ 15A sia ilombo' nérama méiondolé im witu un uma am wunu'en néra.”
A si Yesus meligau, “In tarékan, apa um wangunen ni makauma wia sé mememendu un umana? 16Ni sia é méyé wo mémunu' sé mememendu itii wo un uma tinaneman anggor itii én iwéhéna wia sé tou walina.”
Timalingamé niitu a séra kumuala, “Tia'mo kahuman mamuali téntu!”
17 #
Mzm. 118:22
Taan si Yesus merena wia ni séra a mahkua, “Sa téntu, apa ung kalakoan u méipantik witu um Pinantik Lenas kenu:
‘Um watu mémoitia' né memamangun am walé
é nimaéndomola watu to'tolan.’
18Séi uman si ikazemak witu um watu itii é makemu, wo séi uman si kaempisan um watu itii é marempék.”
19Timalingamé niitu, sé tou tulap un Torat wo sé tonaas né walian é mahtututu' i mahtition ni Sia in toro niitukan, pahpaan kata'uan néramo sa sé paza'i-Nala witu un aandéan itii é ni séra, taan ni séra é maindé' wia sé tou lakez.
Tumoro u mahwaér pajak wia si Kaisar
(Mat. 22:15-22; Mrk. 12:13-17)
20Sé tou tulap un Torat wo sé tonaas né walian nimatuma sé tou i mangé mahtata'u si Yesus. Sé tou itii é mahtowo-towo tanu tou ulit mangé wia si Yesus i mahwewetes ni Sia karia u liligau, wo Sia toro iayo néra witu ung kawasa ni gubernur né pemerénta Romawi. 21Ni séra meligau wia ni Sia in téntii, “Méster, kata'uan nai a méikua wo méituzu'-Mu én ulit wo ni Ko én zéi'kan mahsanaweka wo ulit i mahtuzu' u lalan ni Opo Empung. 22Mengiit an tinotoz witu um pa'émanenta, toro wé kita maér am pajak wia si Kaisar kaapa zéi'kan?”
23Taan kata'uan ni Yesus ung genang léwo' witu um peligauen néra, ang kumua wia ni séra, 24“Amoké ipapaileké wia ni Aku un zoit esa dinar. Gio wo ngaran ni séi um witu?”
Am wingkoten nérala, “Gio wo ngaran ni Kaisar.”
25Ang kuan ni Yesus wia ni séra: “Sa téntu, iwéhéla wia si Kaisar u léwo'zéi' iwéhé wia si Kaisar wo wia si Opo Empung u léwo'zéi' iwéhé wia si Opo Empung!”
26Ni séra én zéi'kan makawawa mahwewetes si Yesus im wana an nunuwu'en-Na, witu u sinaru né tou lakez. Ni séra mengusi-ngusingsing in timalingamé u méiwingkot-Namé wo mokankapenesla.
Um peligauen tumoro un itou sumaup
(Mat. 22:23-33; Mrk. 12:18-27)
27 #
Kis. 23:8
A méyé wia si Yesus sé woopira tou im wia sé sana réwok tou Saduki sé zéi'kan ma'éman tumoro si tou nimatémo én itou sumaup. Ni séra meligau wia ni Sia, 28#Ul. 25:5 “Méster, si Musa nimantik um perénta kenu wia ni kita: Sa wéwéhan si tou makatuari tuama matéma taan si mahayona ém wiapé' wo zéi'kan siapa koki', si tuari ni tou itii é léwo'zéi' ing kumawéng si wéwéné mahayona itii, wo si tou nimatémoma itii toro makailek suzu. 29Wéwéhan sé pitu mahtuari, péléng tuama. Si tu'a kimawénga si esa wéwéné a matéma, taan zéi'kan nimakaileka koki'. 30A si wéwéné itii kawéngela ni kazua, 31wo si katelu wo mahtotondongana sé pitu mahtuari itii é nimaté umana wo zéi'kan nimakaileka koki'. 32Ing kamurian, si wéwéné itii kangkasii é nimatéma. 33Kura si wéwéné itii in tarékan, séi si maéndo mahayo ni wéwéné itii im witu un endo sé tou itoumé sumaup ni Opo Empung? Pahpaan sé pitu mahtuari itii éng kimawénga kariana.”
34A ni séra wingkotela ni Yesus, “Sé tou wia ung kaayahan kenu éng kimawéng wo méikawéng, 35taan sé tou wangun in itou sumaup ni Opo Empung im wia sé nimaté wo sé mamenou-nou in oras in tumondong, ni séra én zéi'kan mahkawéng wo pahkawéng. 36Ni séra én zéi'mo maté sumaup pahpaan ni séra én tanumo sé malaekat wo nimaéndomo oki' ni Opo Empung pahpaan ni séra é méitoumo sumaup ni Opo Empung. 37#Kel. 3:6 Tumoro sé nimaté in itou sumaup ni Opo Empung, si Musa witu um pinantikna witu u sirita tumoro un zukut menulah#20:37 Witu u nunuwu'en Yunani é méipantik ‘kai kori' menulah’. u mahlayas éng kimua i si Mahpiara é si Opo Empung ni Abraham, Opo Empung ni Ishak wo Opo Empung ni Yakub. 38Ni Sia én zéi'kan Opo Empung né tou nimatémo taan Opo Empung né tou menou-nou. Pahpaan witu u sinaru-Na péléng sé tou é menou-nou.”
39Timalingamé niitu sé woopira tou tulap un Torat éng kimua, “Méster, u méikua-Mumé itii én totoz timerang.” 40Rengané in toro niitu ni séra é maindé'mo i mahliligau wia si Yesus.
Si Mesias wo si Daud
(Mat. 22:41-46; Mrk. 12:35-37)
41A si Yesus meligau wia ni séra, “Kaa pahkuan né tou si Mesias é suzu ni Daud? 42Pahpaan um Pinantik Lenas witu u Mazmur, si Daud éng kimua:
‘Si Opo Empung é nimuwu' wia si Tuangku:
Rumumezomé witu ung kakan-Ku,
43 #
Mzm. 110:1
makaz sé kakoro'-Mu iwéhé-Ku witu u léléék-Mu.’
44Niitumo, si Daud in esa mahkua si Mesias in ‘Tuang’, kura kahuman sa si Mesias kangkasii é suzu ni Daud?”
U sésésa ni Yesus i mile-ilek wia sé tou tulap un Torat
(Mat. 23:5-7; Mrk. 12:38-40)
45Karegas péléng sé tou mahtalinga um pahkua ni Yesus, ang kuan-Na wia sé pahtuzu'en-Na, 46#Luk. 11:43 “Mile-ilek im wia sé tou tulap un Torat sé paaz melampa-lampang kimarai ung karai tonton wo paaz pahsigi'en im wana am pasar. Ni séra ém paaz merurumez wana a rurumezan witi totoz puuna im wana am walé peraragésan né tou Yahudi wo wana am pahpéstaan. 47Ni séra ém paaz menonowo wia sé wéwéné mahesa-esamokan ing kumahat am walé néra. Wo i mahwuwuni a léwo'an pahwangunen néra itii, am pakahpengaléi néra é lambo'. Ni séra é maukumen totoz wutez.”
Currently Selected:
:
Highlight
Share
Copy
Want to have your highlights saved across all your devices? Sign up or sign in