Matius 19
19
Tumoro un tuma'sa
(Mrk. 10:1-12)
1I si Yesus nimakakuamoma péléng niitu, ni Sia mondolé im witi tana' Galilea a mangé witi tana' Yudea witi leweta u so'so'an Yordan. 2Lakez sé tou mahtotondongané mahkiité ni Sia wo ni séra é liné'os-Nala witu.
3A méyé wia si Yesus sé woopira tou im wia sé sana réwok tou Farisi. Ni séra meligau i mema'wa' ni Sia, kuan néra, “Mengiit an tinotoz witu um pa'émanenta, toro wé si tuama kimawéngo in tuma'sala si mahayona karia apa uman ung kinawalian?”
4 #
Kej. 1:27, 5:2 Si Yesus mingkotla, “Zéi'kampé' binaca nioula wé sa si Opo Empung rengané ing kataré-taré é nimangun ni séra in tuama wo wéwéné? 5#Kej. 2:24 Wo ni Sia kasii éng kimua in téntii, ‘Niitumo si tuama én tumula'u si ama' wo si ina'na wo mahwali-wali karia ni mahayona. Wo ni séra zua é nimaesamo.’ 6Ni séra én zéi'mo zua taan nimaesamo. Niitumo sé tou pinaesamo ni Opo Empung én zéi'kan toro pata'san ni tou.”
7 #
Ul. 24:1-4; Mat. 5:31 A séra meligau kasii wia ni Sia, “Sa téntu, kaa si Musa nimeréntama i méhéla um pinantikan in tima'samo sa si tuama tuma'sa si mahayona?”
8Ang kuan ni Yesus wia ni séra, “Pahpaan ung kaketéhan un até niou makaz si Musa niméné wia ni kamu in tuma'sa si mahayomu. Taan un ulitna rengané ing kataré-taré un téntu én zéi'kan niénéan ni Opo Empung. 9#Mat. 5:32; 1Kor. 7:10-11 Taan ikua-Kuma wia ni kamu: Séi uman si tuama tuma'sala si mahayona, taan si mahayona zéi'kan simamek, a si tuama itii kumawéngla karia ni wéwéné walina, si tuama itii é simamek.”
10Ang kuan né pahtuzu'en-Na wia ni Sia, “Sa téntu u mahmuali witu um pahile-ilekan né sana séndé', tawimo in tia'mo kumawéng.”
11Taan kuan ni Yesus wia ni séra, “Zéi'kan péléng sé tou é makawawa ing kumiit u nuwu' itii, akaz uman sé tou tinambéran ni Opo Empung sé makawawa. 12Wéwéhan sé tou zéi'kan mata'u kumawéng pahpaan ni séra én téntumo rengané im pahawa-awakempé', wo wéwéhan sé tou zéi'kan kimawéng pahpaan winangun né tou walina nimaténtu. Wéwéhan kasii sé tou zéi'kan kimawéng pahpaan niitu ém paaz néra in esa wo séra toro maayang wia si Opo Empung si witi Kakolanoan-Na. Séi si makawawa i makatulap péléng niitu, ni sia é léwo'zéi' i mahtutulap niitu.”
Si Yesus kimamang sé koki'
(Mrk. 10:13-16; Luk. 18:15-17)
13A sé tou mahwalimé sé koki' wia si Yesus wo Sia zumeta'ma u lengen-Na in ipengaléi-Na. Taan sé tou itii éng kinakoro'an umana né pahtuzu'en-Na. 14Taan kuan ni Yesus wia sé pahtuzu'en-Na, “Iwayamola sé koki' itii i méyé wia ni Aku! Tia' pahséro'en niou séra, pahpaan sé tou tanu sé koki' kenumo sé makaanu ung Kakolanoan ni Opo Empung.” 15A si Yesus zumeta'ma u lengen-Na wia sé koki' itii, a séra kamangen-Nala. A Sia tumula'umé un tampa itii.
Si tarétumou wa'ilan
(Mrk. 10:17-31; Luk. 18:18-30)
16Wéwéhan si tou niméyé wia si Yesus, ang kumuama, “Méster, apa u lé'os u léwo'zéi' wangunengku i makailek ung katou-touan makaz ing kauré-uré?”
17A si Yesus mingkotla, “Kaa ko meligau tumoro u lé'os wia ni Aku? Akaz uman si Esa si lé'os. Taan sa ko paaz makailek ung katou-touan makaz ing kauré-uré, pahkiitela péléng am perénta ni Opo Empung.”
18 #
Kel. 20:13-16; Ul. 5:17-20 #Kel. 20:12; Im. 19:18; Ul. 5:16 A si tou itii meligau kasii, “Am perénta wisa itu?” Kuan ni Yesus wia ni sia, “Tia' mahwunu' tou, tia' mahsamek, tia' mahremu', tia' mahtowo i mahkua tumoro a niilek wo tinalinga, 19pahsigi'ela si ama'mu wo si ina'mu, wo iraraatéla sé kasuatmu tou tanu ni ko i rumaraaté un toumu in esa.”
20Ang kuan ni tarétumou itii wia si Yesus, “Péléng niana ém pinahkiitkumomé. Apapé' un zéi'kampé' winangunku?”
21Kuan ni Yesus wia ni sia, “Sa ko paaz uli-ulit kumiit si Opo Empung, mangémo wo ipakawangkéré an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu mawurimé wia'i wo kumiitomé ni Aku.” 22Kaitalingamé u méikuamé itii, a mangé si tarétumou itii karia i rumara un até pahpaan ni sia én totoz wa'ilan.
23Ang kuan ni Yesus wia sé pahtuzu'en-Na, “Uli-ulit ikua-Kuma wia ni kamu, totoz susa si tou wa'ilan i muntep witi Kakolanoan ni Opo Empung. 24Isaup-Kupé'ma wia ni kamu: si ontapé' si melé'os umana i muntep witu um wosona ung kéténgen taan si tou wa'ilan i muntep witi Kakolanoan ni Opo Empung.”
25In timalingamé niitu, sé pahtuzu'en-Na é méikanganga ang kumuama, “Sa téntu, séi si toro ipilot im witu un ukuman wana a singkéla'?”
26Si Yesus mileka wia ni séra, ang kumua, “Im wia sé tou, ung kenu én zéi'kan mamuali, taan im wia si Opo Empung, péléng am péléng én toro mamuali.”
27Ang kuan ni Petrus wia si Yesus, “Péléng am péléng é méitula'u naimomé wo kumiit ni Ko, apa u makailekan nai?”
28 #
Mat. 25:31; Luk. 22:30 Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel. 29Séi uman si pahpaan mahkiit ni Aku timula'umé um waléna, sé katuarina tuama kaapa sé katuarina wéwéné, si ama'na kaapa si ina'na, sé oki'na kaapa an umana, ni sia é makailek sumaup u makasana atusé wo kasii makailek ung katou-touan makaz ing kauré-uré. 30#Mat. 20:16; Luk. 13:30 Taan lakez sé tou sé ipahpuu-puuna én ipahmuri-muri, wo sé ipahmuri-muri én ipahpuu-puuna.”
Currently Selected:
Matius 19: LAITOM
Highlight
Share
Copy
Want to have your highlights saved across all your devices? Sign up or sign in
Matius 19
19
Tumoro un tuma'sa
(Mrk. 10:1-12)
1I si Yesus nimakakuamoma péléng niitu, ni Sia mondolé im witi tana' Galilea a mangé witi tana' Yudea witi leweta u so'so'an Yordan. 2Lakez sé tou mahtotondongané mahkiité ni Sia wo ni séra é liné'os-Nala witu.
3A méyé wia si Yesus sé woopira tou im wia sé sana réwok tou Farisi. Ni séra meligau i mema'wa' ni Sia, kuan néra, “Mengiit an tinotoz witu um pa'émanenta, toro wé si tuama kimawéngo in tuma'sala si mahayona karia apa uman ung kinawalian?”
4 #
Kej. 1:27, 5:2 Si Yesus mingkotla, “Zéi'kampé' binaca nioula wé sa si Opo Empung rengané ing kataré-taré é nimangun ni séra in tuama wo wéwéné? 5#Kej. 2:24 Wo ni Sia kasii éng kimua in téntii, ‘Niitumo si tuama én tumula'u si ama' wo si ina'na wo mahwali-wali karia ni mahayona. Wo ni séra zua é nimaesamo.’ 6Ni séra én zéi'mo zua taan nimaesamo. Niitumo sé tou pinaesamo ni Opo Empung én zéi'kan toro pata'san ni tou.”
7 #
Ul. 24:1-4; Mat. 5:31 A séra meligau kasii wia ni Sia, “Sa téntu, kaa si Musa nimeréntama i méhéla um pinantikan in tima'samo sa si tuama tuma'sa si mahayona?”
8Ang kuan ni Yesus wia ni séra, “Pahpaan ung kaketéhan un até niou makaz si Musa niméné wia ni kamu in tuma'sa si mahayomu. Taan un ulitna rengané ing kataré-taré un téntu én zéi'kan niénéan ni Opo Empung. 9#Mat. 5:32; 1Kor. 7:10-11 Taan ikua-Kuma wia ni kamu: Séi uman si tuama tuma'sala si mahayona, taan si mahayona zéi'kan simamek, a si tuama itii kumawéngla karia ni wéwéné walina, si tuama itii é simamek.”
10Ang kuan né pahtuzu'en-Na wia ni Sia, “Sa téntu u mahmuali witu um pahile-ilekan né sana séndé', tawimo in tia'mo kumawéng.”
11Taan kuan ni Yesus wia ni séra, “Zéi'kan péléng sé tou é makawawa ing kumiit u nuwu' itii, akaz uman sé tou tinambéran ni Opo Empung sé makawawa. 12Wéwéhan sé tou zéi'kan mata'u kumawéng pahpaan ni séra én téntumo rengané im pahawa-awakempé', wo wéwéhan sé tou zéi'kan kimawéng pahpaan winangun né tou walina nimaténtu. Wéwéhan kasii sé tou zéi'kan kimawéng pahpaan niitu ém paaz néra in esa wo séra toro maayang wia si Opo Empung si witi Kakolanoan-Na. Séi si makawawa i makatulap péléng niitu, ni sia é léwo'zéi' i mahtutulap niitu.”
Si Yesus kimamang sé koki'
(Mrk. 10:13-16; Luk. 18:15-17)
13A sé tou mahwalimé sé koki' wia si Yesus wo Sia zumeta'ma u lengen-Na in ipengaléi-Na. Taan sé tou itii éng kinakoro'an umana né pahtuzu'en-Na. 14Taan kuan ni Yesus wia sé pahtuzu'en-Na, “Iwayamola sé koki' itii i méyé wia ni Aku! Tia' pahséro'en niou séra, pahpaan sé tou tanu sé koki' kenumo sé makaanu ung Kakolanoan ni Opo Empung.” 15A si Yesus zumeta'ma u lengen-Na wia sé koki' itii, a séra kamangen-Nala. A Sia tumula'umé un tampa itii.
Si tarétumou wa'ilan
(Mrk. 10:17-31; Luk. 18:18-30)
16Wéwéhan si tou niméyé wia si Yesus, ang kumuama, “Méster, apa u lé'os u léwo'zéi' wangunengku i makailek ung katou-touan makaz ing kauré-uré?”
17A si Yesus mingkotla, “Kaa ko meligau tumoro u lé'os wia ni Aku? Akaz uman si Esa si lé'os. Taan sa ko paaz makailek ung katou-touan makaz ing kauré-uré, pahkiitela péléng am perénta ni Opo Empung.”
18 #
Kel. 20:13-16; Ul. 5:17-20 #Kel. 20:12; Im. 19:18; Ul. 5:16 A si tou itii meligau kasii, “Am perénta wisa itu?” Kuan ni Yesus wia ni sia, “Tia' mahwunu' tou, tia' mahsamek, tia' mahremu', tia' mahtowo i mahkua tumoro a niilek wo tinalinga, 19pahsigi'ela si ama'mu wo si ina'mu, wo iraraatéla sé kasuatmu tou tanu ni ko i rumaraaté un toumu in esa.”
20Ang kuan ni tarétumou itii wia si Yesus, “Péléng niana ém pinahkiitkumomé. Apapé' un zéi'kampé' winangunku?”
21Kuan ni Yesus wia ni sia, “Sa ko paaz uli-ulit kumiit si Opo Empung, mangémo wo ipakawangkéré an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu mawurimé wia'i wo kumiitomé ni Aku.” 22Kaitalingamé u méikuamé itii, a mangé si tarétumou itii karia i rumara un até pahpaan ni sia én totoz wa'ilan.
23Ang kuan ni Yesus wia sé pahtuzu'en-Na, “Uli-ulit ikua-Kuma wia ni kamu, totoz susa si tou wa'ilan i muntep witi Kakolanoan ni Opo Empung. 24Isaup-Kupé'ma wia ni kamu: si ontapé' si melé'os umana i muntep witu um wosona ung kéténgen taan si tou wa'ilan i muntep witi Kakolanoan ni Opo Empung.”
25In timalingamé niitu, sé pahtuzu'en-Na é méikanganga ang kumuama, “Sa téntu, séi si toro ipilot im witu un ukuman wana a singkéla'?”
26Si Yesus mileka wia ni séra, ang kumua, “Im wia sé tou, ung kenu én zéi'kan mamuali, taan im wia si Opo Empung, péléng am péléng én toro mamuali.”
27Ang kuan ni Petrus wia si Yesus, “Péléng am péléng é méitula'u naimomé wo kumiit ni Ko, apa u makailekan nai?”
28 #
Mat. 25:31; Luk. 22:30 Kuan ni Yesus wia ni séra, “Uli-ulit ikua-Kuma wia ni kamu, im péléng am péléng pinakawerumoma ni Opo Empung, i si Oki' ni Tou rumumez witu u rurumezan-Na ing Kolano um pahsigi'en wo pahloozen, ni kamu i mahkii-kiit ni Aku é marumumez kangkasii witu u mapulu' wo zua rurumezan né kolano in tumotoz ulit kaapa zéi'kan am winanguné né mapulu' wo zua suzu ni Israel. 29Séi uman si pahpaan mahkiit ni Aku timula'umé um waléna, sé katuarina tuama kaapa sé katuarina wéwéné, si ama'na kaapa si ina'na, sé oki'na kaapa an umana, ni sia é makailek sumaup u makasana atusé wo kasii makailek ung katou-touan makaz ing kauré-uré. 30#Mat. 20:16; Luk. 13:30 Taan lakez sé tou sé ipahpuu-puuna én ipahmuri-muri, wo sé ipahmuri-muri én ipahpuu-puuna.”
Currently Selected:
:
Highlight
Share
Copy
Want to have your highlights saved across all your devices? Sign up or sign in