Markus 12
12
Un aandéan tumoro sé mememendu
(Mat. 21:33-46; Luk. 20:9-19)
1 #
Yes. 5:1-2
A si Yesus rengan i numuwu'ma wia sé tonaas né walian, sé tou tulap un Torat wo sé pahtutu'an karia un aandéan, kuan-Na, “Wéwéhan si tou nimukama un uma an tanemannama anggor an réhénennala makaliklik. Ni sia kimiarla woso pahpesutan an anggor wo nimangunla u menara pahtéizan witu un uma. An ipekiwendunama un umana itii wia sé mememendu, a sia suméngkota. 2In orasnamo i mupu' un anggor, iatunama si atana i mangé wia sé mememendu itii i maméndo um wéténgna. 3Taan si ata itii én tinionan néra umanla am wélwélené, an ipekiwurimé zéi'kan siapa um pinahalimé. 4A si makauma itii matu kasiima si atana walina i mangé wia ni séra. Si ata kenu ém winélwél néra umané taka-takazan un uluna nimapéla'mé wo totoz méipapaiza-izang néramé. 5A si makauma itii matu kasiima si atana walina i mangé wia sé mememendu itii. Taan si ata itii ém winunu' néra umané. Téntu kangkasii u nimuali néramé wia sé ata walina sé méiatuma, wéwéhan sé winélwél wo wéwéhan sé winunu'. 6In tarékan im wia ni sia ém wéwéhampé' si esa si nimatezama, ni siamo si oki'na si ikararaaténa. Ing kamurian, iatunama si oki'na itii mangé wia ni séra, kuanna, ‘Tantumo si oki'ku ém pahsigi'en néra.’ 7Taan sé mememendu itii mahkua si esa im wia sé walina, ‘Si kenumo si maéndo makaanu un uma kenu, wunu'entamo sia, wo un uma kenu maéndo anuta.’ 8A sia tionan nérala, wunu'en nérala, a sia ilombo' nérama méiondolé im witu un uma tinaneman an anggor itii.”
9A si Yesus meligau wia ni séra, “In tarékan, apa um wangunen ni makauma tinaneman anggor itii? Ni sia é méyé wo mémunu' sé mememendu un uma itii wo un uma tinaneman anggor itii én iwéhéna wia sé tou walina.
10 #
Mzm. 118:22-23
Zéi'kampé' binaca nioula wé u méipantik witu um Pinantik Lenas kenu,
‘Um watu mémoitia' né memamangun am walé
é nimaéndomola watu to'tolan.
11Si Opo Empung si nimangun niitu, wo ni kita sé nimilek um winangun-Na itii é mengusi-ngusingsing.’ ”
12Kaitalingamé niitu, a séra mahtututu' i mahtition si Yesus, pahpaan kata'uan néramo sa sé paza'i-Nala witu un aandéan itii é ni séra. Taan ni séra é maindé' wia sé tou lakez, niitumo ni Sia é méiwaya néramé, a séra mangé.
Tumoro u mahwaér um pajak wia si Kaisar
(Mat. 22:15-22; Luk. 20:20-26)
13A sé woopira tou im wia sé sana réwok tou Farisi wo sé tou Yahudi sé mahkii-kiit si kolano Herodes méiatuma mangé wia si Yesus i mahwewetes ni Sia karia u liligau. 14Ni séra é niméyé wia ni Sia ang kumua, “Méster, kata'uan nai, ni Ko én zéi'kan mahtowo wo zéi'kan siapa sé ikaindé'-Mu, pahpaan ni Ko én zéi'kan mahsanaweka wo ulit i mahtuzu' u lalan ni Opo Empung. Mengiit an tinotoz witu um pa'émanenta, toro wé i maér am pajak wia si Kaisar kaapa zéi'kan? Apa ni kai é léwo'zéi' i maér am pajak kaapa zéi'kan?”
15Taan kata'uan ni Yesus i ni séra é mahgau-gau lé'os. Ang kuan-Na wia ni séra, “Kaa kamu mema'wa' ni Aku? Pahaliné wia ni Aku un zoit esa dinar wo toro ilekeng-Ku!”
16Ni Sia wéhan nérala un zoit esa dinar. A Sia meligau wia ni séra, “Gio wo ngaran ni séi ung kenu?”
Ni séra mingkotla, “Gio wo ngaran ni Kaisar.”
17Ang kuan ni Yesus wia ni séra, “Iwéhéla wia si Kaisar u léwo'zéi' iwéhé wia si Kaisar, wo iwéhéla wia si Opo Empung u léwo'zéi' iwéhé wia si Opo Empung!” Tumalingamé niitu, ni séra é mengusi-ngusingsing.
Tumoro un itou sumaup im wia sé nimaté
(Mat. 22:23-33; Luk. 20:27-40)
18 #
Kis. 23:8
A méyé wia si Yesus sé woopira im wia sé sana réwok tou Saduki, sé makahkukuan sa si tou nimatémo én zéi'mo itou sumaup. Ni séra meligau wia si Yesus, 19#Ul. 25:5 “Méster, si Musa é nimantik ung kenu wia ni kita: Sa wéwéhan si tou makatuari tuama matéma tumula'uma si mahayona taan zéi'kan siapa koki', si tuari ni tou itii é léwo'zéi' ing kumawéng si wéwéné mahayona itii, wo si tou nimatémoma itii toro makailek suzu. 20Wéwéhan sé pitu mahtuari péléng tuama. Si tu'a éng kimawénga si esa wéwéné a matéma, taan zéi'kan nimakaileka suzu. 21A si kazua, kimawéngla karia ni wéwéné itii. Ni sia kangkasii én zéi'kan nimakaileka suzu a matéma. Téntu kangkasii u nimamuali wia si katelu 22makaz wia si kapitu. Sé pitu mahtuari itii ém péléng zéi'kan nimakaileka suzu. Ing kamurian si wéwéné itii kangkasii é nimatéma. 23Im witu un endo sé tou itoumé sumaup ni Opo Empung, i ni séra itoumé sumaup ni Opo Empung, séi si maéndo mahayo ni wéwéné itii? Pahpaan sé pitu mahtuari itii éng kimawénga kariana.” 24A si Yesus mingkotla wia ni séra, “Ni kamu é mahsala'. Pahpaan zéi'kan katulapan niou a méipantik witu um Pinantik Lenas wo ung kawasa ni Opo Empung. 25Pahpaan i ni séra itoumé sumaup ni Opo Empung im wia sé nimaté, ni séra én zéi'kan mahkawéng wo pahkawéng, taan ni séra péléng é menou-nou tanu sé malaekat witi kasendukan. 26#Kel. 3:6 Téntu kangkasii tumoro sé nimaté in itou sumaup ni Opo Empung, zéi'kankuaa binaca niouola witu ung kitap ni Musa tumoro un zukut menulah u mahlayas, i si Opo Empung kimua wia si Musa, ‘Ni Akumo si Opo Empung ni Abraham, Opo Empung ni Ishak wo Opo Empung ni Yakub?’ 27Si Opo Empung én zéi'kan Opo Empung né tou nimatémo taan Opo Empung né tou menou-nou. Ni kamu én totozo mahsala'!”
Um perénta totoz ipahpuu-puuna
(Mat. 22:34-40; Luk. 10:25-28)
28A si tou tulap un Torat si timalinga si Yesus wo sé tou wia sé sana réwok tou Saduki i mahéndo-éndoan wo mata'u sa a méiwingkota ni Yesus wia sé tou itii én totoz ulit, rumétéma wia si Yesus a lumigau, “Im wana péléng am perénta ni Opo Empung, perénta wisa un totoz ipahpuu-puuna?”
29A si Yesus mingkotla, “Um perénta totoz ipahpuu-puuna é: ‘Talingana lumé'o-lé'os, é tou Israel! Si Opo Empungta, si Opo Empung itii én esa uman. 30Iraraatéla si Opo Empungmu, karia péléng un atému, karia péléng si rohmu, karia péléng ung genangmu wo karia péléng ung ketezmu. 31#Im. 19:18 Wo um perénta kazua é: Iraraatéla sé kasuatmu in tou, tanu i rumaraaté un toumu in esa. Zéi'kan siapa perénta u lumousé in ipahpuu-puuna taan un zua perénta kenu.’ ”
32 #
Ul. 4:35
A si tou tulap un Torat itii kumuala wia si Yesus, “Totoz timoro Méster, u méikua-Mumé itii én timoro, i si Opo Empung én esa uman, zéi'kan siapa walina. 33#Hos. 6:6 U rumaraaté si Opo Empung karia péléng un até wo karia péléng ung genang, wo karia péléng ung ketez wo kangkasii u rumaraaté si kasuat tou tanu i rumaraaté un tou in esa é lumouspé'mé in ipahpuu-puuna taan péléng sé tatamun tinunu in ipahragés kaapa a raragés walina.”
34Si Yesus i nimilekla si tou itii nimingkoté én totoz timoro, ang kuan-Na, “Zéi'mo uré ni ko é maéndomo tou witi Kakolanoan ni Opo Empung.” Tumondong niitu, zéi'mo siapa zozo' in esa si wuaya i lumigau wia si Yesus.
Si Mesias é suzu ni Daud
(Mat. 22:41-46; Luk. 20:41-44)
35I si Yesus karegas mahtuzu' witi lésaz um Walé ni Opo Empung, ni Sia éng kimua, “Kura sé tou tulap un Torat toro kumua i si Mesias é suzu ni Daud? 36#Mzm. 110:1 Si Daud in esa, i ni sia kinawasa ni Roh Lenas éng kimua in téntii:
Si Opo Empung éng kimua wia si Tuangku:
‘Rumumezola witu ung kakan-Ku,
makaz sé kakoro'-Mu iwéhé-Ku witu u léléék-Mu.’
37Si Daud in esa mahkua si Mesias in ‘Tuang’, kura kahuman ni Sia kangkasii é suzuna?” Sé tou lakez itii mahtalinga an ipahkua ni Yesus karia i mahpaa-paaz.
U sésésa ni Yesus i mile-ilek wia sé tou tulap un Torat
(Mat. 23:1-36; Luk. 20:45-47)
38I si Yesus mahtuzu', ni Sia éng kimua, “Mile-ilek im wia sé tou tulap un Torat sé paaz melampa-lampang kimarai ung karai tonton wo paaz pahsigi'en né tou wana am pasar. 39Ni séra ém paaz merurumez wana a rurumezan witi totoz puuna im wana am walé peraragésan né tou Yahudi wo wana am pahpéstaan. 40Ni séra ém paaz menonowo wia sé wéwéné mahesa-esamokan ing kumahat am walé néra. Wo i mahwuwuni a léwo'an pahwangunen néra itii, am pakahpengaléi néra é lambo'. Ni séra é maukumen totoz wutez.”
U raragés méiwéhé ni wéwéné mahesa-esamokan si zéi'kan siapa apa
(Luk. 21:1-4)
41Makasamé, si Yesus rimumez makasaru um penanahu'an a raragés wo mena'u-na'u sé tou lakez i mahtahu'ma an zoit witu um penanahu'an itii. Lakez sé tou wa'ilan é mahtahu'ma an zoit lakez. 42A méyé si wéwéné mahesa-esamokan si zéi'kan siapa apa. Ni sia én timahu'ma un zua zoit tambaga witu um penanahu'an itii, un zoit itii én totoz rintek im wana an zoit.
43A si Yesus tumawahmé sé pahtuzu'en-Na ang kumua, “Uli-ulit ikua-Kuma wia ni kamu, u méiwéhéma ni wéwéné mahesa-esamokan si zéi'kan siapa apa kenu é lumakezpé'mé an zoit méitahu'ma né tou witu um penanahu'an a raragés. 44Pahpaan ni séra é niméhéma an zoit raragés néra wana ang kalakez an anu néra, taan si wéwéné mahesa-esamokan kenu é niméhéma wana an anuna an toyo' uman, lumouspé'mé niitu péléng am pemandungenna i menou-nou é méiwéhénamoma.”
Currently Selected:
Markus 12: LAITOM
Highlight
Share
Copy
Want to have your highlights saved across all your devices? Sign up or sign in
Markus 12
12
Un aandéan tumoro sé mememendu
(Mat. 21:33-46; Luk. 20:9-19)
1 #
Yes. 5:1-2
A si Yesus rengan i numuwu'ma wia sé tonaas né walian, sé tou tulap un Torat wo sé pahtutu'an karia un aandéan, kuan-Na, “Wéwéhan si tou nimukama un uma an tanemannama anggor an réhénennala makaliklik. Ni sia kimiarla woso pahpesutan an anggor wo nimangunla u menara pahtéizan witu un uma. An ipekiwendunama un umana itii wia sé mememendu, a sia suméngkota. 2In orasnamo i mupu' un anggor, iatunama si atana i mangé wia sé mememendu itii i maméndo um wéténgna. 3Taan si ata itii én tinionan néra umanla am wélwélené, an ipekiwurimé zéi'kan siapa um pinahalimé. 4A si makauma itii matu kasiima si atana walina i mangé wia ni séra. Si ata kenu ém winélwél néra umané taka-takazan un uluna nimapéla'mé wo totoz méipapaiza-izang néramé. 5A si makauma itii matu kasiima si atana walina i mangé wia sé mememendu itii. Taan si ata itii ém winunu' néra umané. Téntu kangkasii u nimuali néramé wia sé ata walina sé méiatuma, wéwéhan sé winélwél wo wéwéhan sé winunu'. 6In tarékan im wia ni sia ém wéwéhampé' si esa si nimatezama, ni siamo si oki'na si ikararaaténa. Ing kamurian, iatunama si oki'na itii mangé wia ni séra, kuanna, ‘Tantumo si oki'ku ém pahsigi'en néra.’ 7Taan sé mememendu itii mahkua si esa im wia sé walina, ‘Si kenumo si maéndo makaanu un uma kenu, wunu'entamo sia, wo un uma kenu maéndo anuta.’ 8A sia tionan nérala, wunu'en nérala, a sia ilombo' nérama méiondolé im witu un uma tinaneman an anggor itii.”
9A si Yesus meligau wia ni séra, “In tarékan, apa um wangunen ni makauma tinaneman anggor itii? Ni sia é méyé wo mémunu' sé mememendu un uma itii wo un uma tinaneman anggor itii én iwéhéna wia sé tou walina.
10 #
Mzm. 118:22-23
Zéi'kampé' binaca nioula wé u méipantik witu um Pinantik Lenas kenu,
‘Um watu mémoitia' né memamangun am walé
é nimaéndomola watu to'tolan.
11Si Opo Empung si nimangun niitu, wo ni kita sé nimilek um winangun-Na itii é mengusi-ngusingsing.’ ”
12Kaitalingamé niitu, a séra mahtututu' i mahtition si Yesus, pahpaan kata'uan néramo sa sé paza'i-Nala witu un aandéan itii é ni séra. Taan ni séra é maindé' wia sé tou lakez, niitumo ni Sia é méiwaya néramé, a séra mangé.
Tumoro u mahwaér um pajak wia si Kaisar
(Mat. 22:15-22; Luk. 20:20-26)
13A sé woopira tou im wia sé sana réwok tou Farisi wo sé tou Yahudi sé mahkii-kiit si kolano Herodes méiatuma mangé wia si Yesus i mahwewetes ni Sia karia u liligau. 14Ni séra é niméyé wia ni Sia ang kumua, “Méster, kata'uan nai, ni Ko én zéi'kan mahtowo wo zéi'kan siapa sé ikaindé'-Mu, pahpaan ni Ko én zéi'kan mahsanaweka wo ulit i mahtuzu' u lalan ni Opo Empung. Mengiit an tinotoz witu um pa'émanenta, toro wé i maér am pajak wia si Kaisar kaapa zéi'kan? Apa ni kai é léwo'zéi' i maér am pajak kaapa zéi'kan?”
15Taan kata'uan ni Yesus i ni séra é mahgau-gau lé'os. Ang kuan-Na wia ni séra, “Kaa kamu mema'wa' ni Aku? Pahaliné wia ni Aku un zoit esa dinar wo toro ilekeng-Ku!”
16Ni Sia wéhan nérala un zoit esa dinar. A Sia meligau wia ni séra, “Gio wo ngaran ni séi ung kenu?”
Ni séra mingkotla, “Gio wo ngaran ni Kaisar.”
17Ang kuan ni Yesus wia ni séra, “Iwéhéla wia si Kaisar u léwo'zéi' iwéhé wia si Kaisar, wo iwéhéla wia si Opo Empung u léwo'zéi' iwéhé wia si Opo Empung!” Tumalingamé niitu, ni séra é mengusi-ngusingsing.
Tumoro un itou sumaup im wia sé nimaté
(Mat. 22:23-33; Luk. 20:27-40)
18 #
Kis. 23:8
A méyé wia si Yesus sé woopira im wia sé sana réwok tou Saduki, sé makahkukuan sa si tou nimatémo én zéi'mo itou sumaup. Ni séra meligau wia si Yesus, 19#Ul. 25:5 “Méster, si Musa é nimantik ung kenu wia ni kita: Sa wéwéhan si tou makatuari tuama matéma tumula'uma si mahayona taan zéi'kan siapa koki', si tuari ni tou itii é léwo'zéi' ing kumawéng si wéwéné mahayona itii, wo si tou nimatémoma itii toro makailek suzu. 20Wéwéhan sé pitu mahtuari péléng tuama. Si tu'a éng kimawénga si esa wéwéné a matéma, taan zéi'kan nimakaileka suzu. 21A si kazua, kimawéngla karia ni wéwéné itii. Ni sia kangkasii én zéi'kan nimakaileka suzu a matéma. Téntu kangkasii u nimamuali wia si katelu 22makaz wia si kapitu. Sé pitu mahtuari itii ém péléng zéi'kan nimakaileka suzu. Ing kamurian si wéwéné itii kangkasii é nimatéma. 23Im witu un endo sé tou itoumé sumaup ni Opo Empung, i ni séra itoumé sumaup ni Opo Empung, séi si maéndo mahayo ni wéwéné itii? Pahpaan sé pitu mahtuari itii éng kimawénga kariana.” 24A si Yesus mingkotla wia ni séra, “Ni kamu é mahsala'. Pahpaan zéi'kan katulapan niou a méipantik witu um Pinantik Lenas wo ung kawasa ni Opo Empung. 25Pahpaan i ni séra itoumé sumaup ni Opo Empung im wia sé nimaté, ni séra én zéi'kan mahkawéng wo pahkawéng, taan ni séra péléng é menou-nou tanu sé malaekat witi kasendukan. 26#Kel. 3:6 Téntu kangkasii tumoro sé nimaté in itou sumaup ni Opo Empung, zéi'kankuaa binaca niouola witu ung kitap ni Musa tumoro un zukut menulah u mahlayas, i si Opo Empung kimua wia si Musa, ‘Ni Akumo si Opo Empung ni Abraham, Opo Empung ni Ishak wo Opo Empung ni Yakub?’ 27Si Opo Empung én zéi'kan Opo Empung né tou nimatémo taan Opo Empung né tou menou-nou. Ni kamu én totozo mahsala'!”
Um perénta totoz ipahpuu-puuna
(Mat. 22:34-40; Luk. 10:25-28)
28A si tou tulap un Torat si timalinga si Yesus wo sé tou wia sé sana réwok tou Saduki i mahéndo-éndoan wo mata'u sa a méiwingkota ni Yesus wia sé tou itii én totoz ulit, rumétéma wia si Yesus a lumigau, “Im wana péléng am perénta ni Opo Empung, perénta wisa un totoz ipahpuu-puuna?”
29A si Yesus mingkotla, “Um perénta totoz ipahpuu-puuna é: ‘Talingana lumé'o-lé'os, é tou Israel! Si Opo Empungta, si Opo Empung itii én esa uman. 30Iraraatéla si Opo Empungmu, karia péléng un atému, karia péléng si rohmu, karia péléng ung genangmu wo karia péléng ung ketezmu. 31#Im. 19:18 Wo um perénta kazua é: Iraraatéla sé kasuatmu in tou, tanu i rumaraaté un toumu in esa. Zéi'kan siapa perénta u lumousé in ipahpuu-puuna taan un zua perénta kenu.’ ”
32 #
Ul. 4:35
A si tou tulap un Torat itii kumuala wia si Yesus, “Totoz timoro Méster, u méikua-Mumé itii én timoro, i si Opo Empung én esa uman, zéi'kan siapa walina. 33#Hos. 6:6 U rumaraaté si Opo Empung karia péléng un até wo karia péléng ung genang, wo karia péléng ung ketez wo kangkasii u rumaraaté si kasuat tou tanu i rumaraaté un tou in esa é lumouspé'mé in ipahpuu-puuna taan péléng sé tatamun tinunu in ipahragés kaapa a raragés walina.”
34Si Yesus i nimilekla si tou itii nimingkoté én totoz timoro, ang kuan-Na, “Zéi'mo uré ni ko é maéndomo tou witi Kakolanoan ni Opo Empung.” Tumondong niitu, zéi'mo siapa zozo' in esa si wuaya i lumigau wia si Yesus.
Si Mesias é suzu ni Daud
(Mat. 22:41-46; Luk. 20:41-44)
35I si Yesus karegas mahtuzu' witi lésaz um Walé ni Opo Empung, ni Sia éng kimua, “Kura sé tou tulap un Torat toro kumua i si Mesias é suzu ni Daud? 36#Mzm. 110:1 Si Daud in esa, i ni sia kinawasa ni Roh Lenas éng kimua in téntii:
Si Opo Empung éng kimua wia si Tuangku:
‘Rumumezola witu ung kakan-Ku,
makaz sé kakoro'-Mu iwéhé-Ku witu u léléék-Mu.’
37Si Daud in esa mahkua si Mesias in ‘Tuang’, kura kahuman ni Sia kangkasii é suzuna?” Sé tou lakez itii mahtalinga an ipahkua ni Yesus karia i mahpaa-paaz.
U sésésa ni Yesus i mile-ilek wia sé tou tulap un Torat
(Mat. 23:1-36; Luk. 20:45-47)
38I si Yesus mahtuzu', ni Sia éng kimua, “Mile-ilek im wia sé tou tulap un Torat sé paaz melampa-lampang kimarai ung karai tonton wo paaz pahsigi'en né tou wana am pasar. 39Ni séra ém paaz merurumez wana a rurumezan witi totoz puuna im wana am walé peraragésan né tou Yahudi wo wana am pahpéstaan. 40Ni séra ém paaz menonowo wia sé wéwéné mahesa-esamokan ing kumahat am walé néra. Wo i mahwuwuni a léwo'an pahwangunen néra itii, am pakahpengaléi néra é lambo'. Ni séra é maukumen totoz wutez.”
U raragés méiwéhé ni wéwéné mahesa-esamokan si zéi'kan siapa apa
(Luk. 21:1-4)
41Makasamé, si Yesus rimumez makasaru um penanahu'an a raragés wo mena'u-na'u sé tou lakez i mahtahu'ma an zoit witu um penanahu'an itii. Lakez sé tou wa'ilan é mahtahu'ma an zoit lakez. 42A méyé si wéwéné mahesa-esamokan si zéi'kan siapa apa. Ni sia én timahu'ma un zua zoit tambaga witu um penanahu'an itii, un zoit itii én totoz rintek im wana an zoit.
43A si Yesus tumawahmé sé pahtuzu'en-Na ang kumua, “Uli-ulit ikua-Kuma wia ni kamu, u méiwéhéma ni wéwéné mahesa-esamokan si zéi'kan siapa apa kenu é lumakezpé'mé an zoit méitahu'ma né tou witu um penanahu'an a raragés. 44Pahpaan ni séra é niméhéma an zoit raragés néra wana ang kalakez an anu néra, taan si wéwéné mahesa-esamokan kenu é niméhéma wana an anuna an toyo' uman, lumouspé'mé niitu péléng am pemandungenna i menou-nou é méiwéhénamoma.”
Currently Selected:
:
Highlight
Share
Copy
Want to have your highlights saved across all your devices? Sign up or sign in