Markus 13
13
Um Walé ni Opo Empung é makemun
(Mat. 24:1-2; Luk. 21:5-6)
1I si Yesus mondolé im witu u lésaz um Walé ni Opo Empung, wéwéhan si esa pahtuzu'en-Na kimuama wia ni Sia, “Méster, ilekena! Sangali kawangun a méirendai kenuma é kuaa? Niana ém watu tua'na an tu'tulen néra.”
2Ang kuan ni Yesus wia ni sia, “Pahileken nioua a méirendai totoz wangun kenu? Zéi'kan siapa zozo' in esa im wana am watu kenu un iwaya i nimausunampé', péléng niitu é makemun.”
An zézéha kataré-taré i makailekan
(Mat. 24:3-14; Luk. 21:7-19)
3Tumondongla niitu, si Yesus karia né pahtuzu'en-Na mangé witi kentur Zaitun. Im witu si Yesus rimumezla simaru um Walé ni Opo Empung. A si Petrus, Yakobus, Yohanes, wo si Andreas marumétéla ni Sia a séra meligau, 4“Méster, ikuamé wia ni kai, sawisa u méikua-Mumé itii mamuali wo apa un tumuzu'mé sa niana péléng é mamualimo?”
5Kuan ni Yesus wia ni séra, “Tuméga-tégam én taa kamu ilulu né tou. 6Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’, wo lakez sé tou mailulu néra. 7Sa kamu tumalingamé im wéwéhan sé mahkoro' kaapa a sirita tumoro sé mahkoro', ni kamu én tia'mo maarét. Péléng niana é léwo'zéi' i mamuali, taan niitu én zéi'kampé' un orasna ung kaakazan ung kaayahan. 8Pahpaan sé tahsasana wanua é makumoro' wo sé tahsasana wanua walina wo ung kakolanoan esa é makumoro' wo ung kakolanoan walina. Wo un éhzo' é mamuali wana a lakez tampa wo ung kaahreman é mamuali. Péléng a mamuali itii én taré ung kataré-taré tanumokan si wéwéné i mahpendan u rumara pahpaan in tumoumo si oki'na.
9 #
Mat. 10:17-20; Luk. 12:11-12 Taan ni kamu én tuméga-tégamola! Ni kamu én iayo wia sé mahkama agama wo ni kamu kangkasii é masaluken witi walé peraragésan. Ni kamu é maisaru wia sé gubernur wo sé kolano pahpaan mahkiit ni Aku i makumua an tinalinga wo a niilek niou tumoro ni Aku. 10U Nuwu' Lé'os ni Opo Empung é léwo'zéi' in ipapata'upé'la wia péléng sé tahsasana wanua. 11Sa kamu tionana an iayola, tia'mo ikaarét niou tumoro apa u léwo'zéi' in ikua niou. Taan in toro niitukan, ikuamola a méitambéré ni Roh Lenas wia ni kamu, pahpaan zéi'kan kamu sé mahnuwu' taan si Roh Lenas si mahnuwu'.
12Wéwéhan un orasna, si tou mayo si katuarina im wunu'en, téntu kangkasii, si ama' wia sé oki'na. Sé koki' é masumaru sé tu'a néra wo munu' ni séra. 13#Mat. 10:22 Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.”
A mamuali wana an endo zezéha
(Mat. 24:15-28; Luk. 21:20-24)
14 #
Dan. 9:27, 11:31, 12:11 Kuan ni Yesus, “Ni kamu é milek si tou totoz léwo' wo meléléwo' am péléng, makarendai witu un tampa zéi'kan wangun wia ni sia. (Si macama ang kenu é méhéla genang witu ung kalakoana). In toro niitu, tawimo sé tou witi Yudea én tumingkasa wana ang kentur. 15#Luk. 17:31 Si tou witu um wawo um walé én tia'mo mahtutumpamé wo mahuuntep i maméndo apa uman am witu un untep um walé. 16Wo si witi uma, tia'mo maheesu'mé i maméndo ang karaina.
17Ikaléwo'la sé ina' mahawa-awak kaapa sé pahsusuan né taré itoumé in toro niitu. 18Mengaléiola, wo niana péléng zéi'kan mamuali in oras un zaté. 19#Dan. 12:1; Why. 7:14 Pahpaan in toro niitu é mamuali un zézéha zéi'kampé' nimahmua-mualila rengané ing kataré-taré, i si Opo Empung nimangun ung kaayahan kenu, makaz in tarékan wo zéi'mo mahmua-mualila sumaup. 20Wo sa un oras an zézéha itii zéi'kan rewekena ni Opo Empung, zéi'kan siapa zozo' in esa si tou si mamenou-nou. Taan pahpaan sé tou nimapéléng, sé pinéléng-Na in esa, niitumo un oras itii é sinogit-Na umana.
21In toro niitu, sa wéwéhan tou kumuala wia ni kamu, ‘Ilekené! Si Mesias ém wia'i!’ wo wéwéhan kasii sé mahkua, ‘Ilekena! Si Mesias ém witi kenuma!’, ni kamu én tia' ma'éman un ipahkua néra. 22Pahpaan sé mahwangu-wangun Mesias wo sé mahwangu-wangun nabi é méyé. Ni séra é mémangun a makakompo'en wo an zéi'kan kakuaan i lumulu sé tou. Wo sa toro kangkasii, sé tou pinéléngo ni Opo Empung én ipahlulu néra. 23Niitumo, ni kamu én tuméga-tégamola! Péléng ang kenu é mémoikua-Ku wia ni kamu!”
Si Oki' ni Tou é méyé sumaup
(Mat. 24:29-36; Luk. 21:25-33)
24 #
Yes. 13:10; Yeh. 32:7; Yl. 2:10, 31, 3:15; Why. 6:12 Si Yesus kumua kasiila, “Taan kumawusa un oras in zézéha itii, si endo é marimbengbeng wo si loloho'en én zéi'mo sumena'. 25#Yes. 34:4; Yl. 2:10; Why. 6:13 Sé tototi'en witi langit é magogo im witi langit wo ang kawasa witi langit é makayo'. 26#Dan. 7:13; Why. 1:7 In toro niitu, sé tou é milek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na. 27In toro niitu kangkasii sé malaekat én iatu-Na i maruméwok péléng sé tou pinéléng-Na sé wana an epat saruan, rengané witi pondol ung kaayahan makaz witi pondol u langit.”
28Si Yesus kumua kasiila, “Mahtata'ula witu ung kalakoan un aandéan tumoro ung kai ara. Sa am pangana rintek é mahmata'moma wo mahsuzumomé, kata'uan niou sa un oras i raazen é lelezo. 29Téntu kangkasii, sa péléng a méikua-Ku ém pahileken niouola, kata'uan nioula sa un oras si Oki' ni Tou i méyé é lelezo, tanumokan witumo ung kauntepané. 30Uli-ulit ikua-Kuma wia ni kamu, ‘Sé tou menou-nou in oras in tarékan ém wéwéhan sé zéi'kampé' nimaté puunala niitu péléng i mamuali. 31U langit wo ung kaayahan é mazéi', taan u Nuwu'-Ku én zéi'kan mahzéi-zéi'la.’ ”
Zéi'kan siapa si mata'u sawisa si Oki' ni Tou i mawurimé sumaup
(Mat. 24:36-44)
32 #
Mat. 24:36
Si Yesus kumua kasiila, “Taan tumoro un endo wo un oras si Oki' ni Tou i mawurimé sumaup én zéi'kan siapa zozo' in esa si mata'u. Sé malaekat witi kasendukan én zéi'kan mata'u, téntu kangkasii si Oki' ni Tou én zéi'kan mata'u, akaz uman si Ama' in esa si mata'u. 33Niitumo ni kamu é léwo'zéi' i mile-ilek wo tuméga-tégam! Pahpaan zéi'kan kata'uan niou sawisa un orasna i mamuali.
34 #
Luk. 12:36-38
Niitu é masuat wo si tou timula'u um waléna pahpaan i suméngkot witi zou'. Puunala sia i mangé, um paayangenna é méizéhonama wia sé atana i mahimek um waléna wo timuzu'la um paayangen wia si esa wo si esa. Ni sia kangkasii é nimeréntama sé mahtéiz um pepenet in tuméga-tégamla. 35Téntu kangkasii ni kamu é léwo'zéi' in tuméga-tégam pahpaan zéi'kan kata'uan niou sawisa si makawalé i mawurimé. Ni sia ém woo mawurimé im wengindo, wengi uré, maayah kaapa im woondo. 36Én taa sia mahkompo-kompo'mé i mawurimé, ni kamu méilekenna én timekel. 37Apa u méikua-Ku wia ni kamu, ikua-Ku kangkasiima wia péléng sé tou, ‘Tuméga-tégamola!’ ”
Currently Selected:
Markus 13: LAITOM
Highlight
Share
Copy
Want to have your highlights saved across all your devices? Sign up or sign in
Markus 13
13
Um Walé ni Opo Empung é makemun
(Mat. 24:1-2; Luk. 21:5-6)
1I si Yesus mondolé im witu u lésaz um Walé ni Opo Empung, wéwéhan si esa pahtuzu'en-Na kimuama wia ni Sia, “Méster, ilekena! Sangali kawangun a méirendai kenuma é kuaa? Niana ém watu tua'na an tu'tulen néra.”
2Ang kuan ni Yesus wia ni sia, “Pahileken nioua a méirendai totoz wangun kenu? Zéi'kan siapa zozo' in esa im wana am watu kenu un iwaya i nimausunampé', péléng niitu é makemun.”
An zézéha kataré-taré i makailekan
(Mat. 24:3-14; Luk. 21:7-19)
3Tumondongla niitu, si Yesus karia né pahtuzu'en-Na mangé witi kentur Zaitun. Im witu si Yesus rimumezla simaru um Walé ni Opo Empung. A si Petrus, Yakobus, Yohanes, wo si Andreas marumétéla ni Sia a séra meligau, 4“Méster, ikuamé wia ni kai, sawisa u méikua-Mumé itii mamuali wo apa un tumuzu'mé sa niana péléng é mamualimo?”
5Kuan ni Yesus wia ni séra, “Tuméga-tégam én taa kamu ilulu né tou. 6Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’, wo lakez sé tou mailulu néra. 7Sa kamu tumalingamé im wéwéhan sé mahkoro' kaapa a sirita tumoro sé mahkoro', ni kamu én tia'mo maarét. Péléng niana é léwo'zéi' i mamuali, taan niitu én zéi'kampé' un orasna ung kaakazan ung kaayahan. 8Pahpaan sé tahsasana wanua é makumoro' wo sé tahsasana wanua walina wo ung kakolanoan esa é makumoro' wo ung kakolanoan walina. Wo un éhzo' é mamuali wana a lakez tampa wo ung kaahreman é mamuali. Péléng a mamuali itii én taré ung kataré-taré tanumokan si wéwéné i mahpendan u rumara pahpaan in tumoumo si oki'na.
9 #
Mat. 10:17-20; Luk. 12:11-12 Taan ni kamu én tuméga-tégamola! Ni kamu én iayo wia sé mahkama agama wo ni kamu kangkasii é masaluken witi walé peraragésan. Ni kamu é maisaru wia sé gubernur wo sé kolano pahpaan mahkiit ni Aku i makumua an tinalinga wo a niilek niou tumoro ni Aku. 10U Nuwu' Lé'os ni Opo Empung é léwo'zéi' in ipapata'upé'la wia péléng sé tahsasana wanua. 11Sa kamu tionana an iayola, tia'mo ikaarét niou tumoro apa u léwo'zéi' in ikua niou. Taan in toro niitukan, ikuamola a méitambéré ni Roh Lenas wia ni kamu, pahpaan zéi'kan kamu sé mahnuwu' taan si Roh Lenas si mahnuwu'.
12Wéwéhan un orasna, si tou mayo si katuarina im wunu'en, téntu kangkasii, si ama' wia sé oki'na. Sé koki' é masumaru sé tu'a néra wo munu' ni séra. 13#Mat. 10:22 Péléng sé tou é mazi'zis ni kamu pahpaan mahkiit ni Aku. Taan sé tou ezen makaz ing kamurian é makailek ung katou-touan makaz ing kauré-uré.”
A mamuali wana an endo zezéha
(Mat. 24:15-28; Luk. 21:20-24)
14 #
Dan. 9:27, 11:31, 12:11 Kuan ni Yesus, “Ni kamu é milek si tou totoz léwo' wo meléléwo' am péléng, makarendai witu un tampa zéi'kan wangun wia ni sia. (Si macama ang kenu é méhéla genang witu ung kalakoana). In toro niitu, tawimo sé tou witi Yudea én tumingkasa wana ang kentur. 15#Luk. 17:31 Si tou witu um wawo um walé én tia'mo mahtutumpamé wo mahuuntep i maméndo apa uman am witu un untep um walé. 16Wo si witi uma, tia'mo maheesu'mé i maméndo ang karaina.
17Ikaléwo'la sé ina' mahawa-awak kaapa sé pahsusuan né taré itoumé in toro niitu. 18Mengaléiola, wo niana péléng zéi'kan mamuali in oras un zaté. 19#Dan. 12:1; Why. 7:14 Pahpaan in toro niitu é mamuali un zézéha zéi'kampé' nimahmua-mualila rengané ing kataré-taré, i si Opo Empung nimangun ung kaayahan kenu, makaz in tarékan wo zéi'mo mahmua-mualila sumaup. 20Wo sa un oras an zézéha itii zéi'kan rewekena ni Opo Empung, zéi'kan siapa zozo' in esa si tou si mamenou-nou. Taan pahpaan sé tou nimapéléng, sé pinéléng-Na in esa, niitumo un oras itii é sinogit-Na umana.
21In toro niitu, sa wéwéhan tou kumuala wia ni kamu, ‘Ilekené! Si Mesias ém wia'i!’ wo wéwéhan kasii sé mahkua, ‘Ilekena! Si Mesias ém witi kenuma!’, ni kamu én tia' ma'éman un ipahkua néra. 22Pahpaan sé mahwangu-wangun Mesias wo sé mahwangu-wangun nabi é méyé. Ni séra é mémangun a makakompo'en wo an zéi'kan kakuaan i lumulu sé tou. Wo sa toro kangkasii, sé tou pinéléngo ni Opo Empung én ipahlulu néra. 23Niitumo, ni kamu én tuméga-tégamola! Péléng ang kenu é mémoikua-Ku wia ni kamu!”
Si Oki' ni Tou é méyé sumaup
(Mat. 24:29-36; Luk. 21:25-33)
24 #
Yes. 13:10; Yeh. 32:7; Yl. 2:10, 31, 3:15; Why. 6:12 Si Yesus kumua kasiila, “Taan kumawusa un oras in zézéha itii, si endo é marimbengbeng wo si loloho'en én zéi'mo sumena'. 25#Yes. 34:4; Yl. 2:10; Why. 6:13 Sé tototi'en witi langit é magogo im witi langit wo ang kawasa witi langit é makayo'. 26#Dan. 7:13; Why. 1:7 In toro niitu, sé tou é milek si Oki' ni Tou si witu um wawo u ninahak méyé karia péléng ang kawasa wo ang kawangko'an-Na. 27In toro niitu kangkasii sé malaekat én iatu-Na i maruméwok péléng sé tou pinéléng-Na sé wana an epat saruan, rengané witi pondol ung kaayahan makaz witi pondol u langit.”
28Si Yesus kumua kasiila, “Mahtata'ula witu ung kalakoan un aandéan tumoro ung kai ara. Sa am pangana rintek é mahmata'moma wo mahsuzumomé, kata'uan niou sa un oras i raazen é lelezo. 29Téntu kangkasii, sa péléng a méikua-Ku ém pahileken niouola, kata'uan nioula sa un oras si Oki' ni Tou i méyé é lelezo, tanumokan witumo ung kauntepané. 30Uli-ulit ikua-Kuma wia ni kamu, ‘Sé tou menou-nou in oras in tarékan ém wéwéhan sé zéi'kampé' nimaté puunala niitu péléng i mamuali. 31U langit wo ung kaayahan é mazéi', taan u Nuwu'-Ku én zéi'kan mahzéi-zéi'la.’ ”
Zéi'kan siapa si mata'u sawisa si Oki' ni Tou i mawurimé sumaup
(Mat. 24:36-44)
32 #
Mat. 24:36
Si Yesus kumua kasiila, “Taan tumoro un endo wo un oras si Oki' ni Tou i mawurimé sumaup én zéi'kan siapa zozo' in esa si mata'u. Sé malaekat witi kasendukan én zéi'kan mata'u, téntu kangkasii si Oki' ni Tou én zéi'kan mata'u, akaz uman si Ama' in esa si mata'u. 33Niitumo ni kamu é léwo'zéi' i mile-ilek wo tuméga-tégam! Pahpaan zéi'kan kata'uan niou sawisa un orasna i mamuali.
34 #
Luk. 12:36-38
Niitu é masuat wo si tou timula'u um waléna pahpaan i suméngkot witi zou'. Puunala sia i mangé, um paayangenna é méizéhonama wia sé atana i mahimek um waléna wo timuzu'la um paayangen wia si esa wo si esa. Ni sia kangkasii é nimeréntama sé mahtéiz um pepenet in tuméga-tégamla. 35Téntu kangkasii ni kamu é léwo'zéi' in tuméga-tégam pahpaan zéi'kan kata'uan niou sawisa si makawalé i mawurimé. Ni sia ém woo mawurimé im wengindo, wengi uré, maayah kaapa im woondo. 36Én taa sia mahkompo-kompo'mé i mawurimé, ni kamu méilekenna én timekel. 37Apa u méikua-Ku wia ni kamu, ikua-Ku kangkasiima wia péléng sé tou, ‘Tuméga-tégamola!’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in