Markus 14
14
Sé tonaas né walian nimaesaan i munu' si Yesus
(Mat. 26:1-5; Luk. 22:1-2; Yoh. 11:45-53)
1 #
Kel. 12:1-27
Zuana endomokan sé tou Yahudi é lumé'oso un endo mahpésta pahkuan Paskah wo i lumé'os un endo Roti Zéi'kan Rinagian. In toro niitu, sé tonaas né walian wo sé tou tulap un Torat é menéro-néro lalan in tumion si Yesus wo munu' ni Sia karia i mahwuni-wuni. 2Ni séra é nimahkuaala, “Ni Sia én tia'mo pahtitionan witu un endo i mahpésta, én taa sé tou rumikoka'.”
Un ulu ni Yesus winuwu'an u lana mahwou tariis
(Mat. 26:6-13; Yoh. 12:1-8)
3 #
Luk. 7:27-38
I si Yesus witi Betania, ni Sia é rimumez mahkan witi walé ni Simon si i makasa én tinoro ung kusta. Karegas niitu a méyé si wéwéné esa mahali-ali um wotel pualam#14:3 Um wotel kenu ém watu kulo' pahkuan pualam am wangunen. I muka um wotel kenu é léwo'zéi im pahtarazen witu u léhé'na. am wangunen, un tinahu'an u lana narwastu un totoz mahal. In tinarazola ni wéwéné itii u rawisna um wotel itii, an iwuwu'nala u lana itii witu un ulu ni Yesus.
4Taan sé woopira tou sé mengile-ngilek niitu é maupi' a mahkua si esa im wia sé walina, “Apa un torona i mahtitia' u lana narwastu itii? 5U lana itii én toro iwangkér teluna atus dinar tezaan wo un zoitna én toro iwéhéma wia sé tou zéi'kan siapa apa.” Ang kakoro'an nérala si wéwéné itii.
6Taan kuan ni Yesus wia ni séra, “Iwayamola sia. Kaa sia pahsususan niou? Ni sia é nimangunola um wangun im wia ni Aku. 7#Ul. 15:11 Pahpaan sé tou zéi'kan siapa apa sekezé ém witu u liklik niou wo sawisa uman ni kamu paaz, ni kamu én toro sumawang ni séra. Taan ni Aku zéi'kan sekezé é memali-mali karia niou. 8Si wéwéné kenu é nimangunola un toro wangunenna. Un awak-Ku kenu ém winéhannamola lana, un tanumokan ni Aku é niimeknamola i mamoileweng. 9Uli-ulit ikua-Kuma wia ni kamu, wisa uman wia ung kaayahan kenu u mawokaan né tou u Nuwu' Lé'os ni Opo Empung, um winangun ni wéwéné kenu én ikua néra kangkasii ing gumenang ni sia.”
Si Yudas gimenango i mayo si Yesus
(Mat. 26:14-16; Luk. 22:3-6)
10A si Yudas Iskariot, si esaané im wia sé mapulu' wo zua pahtuzu'en ni Yesus, mangé wia sé tonaas né walian karia ung genang i mayo si Yesus wia ni séra. 11Ni séra én totoz mahpaa-paaz in timalingala um pahwawangunen ni Yudas wo timaazla i méhé zoit wia ni sia. Kumawusa niitu, si Yudas é menéro-néro un oras i mayo si Yesus.
Si Yesus kiman karia né pahtuzu'en-Na in endo Paskah
(Mat. 26:17-25; Luk. 22:7-14, 21-23; Yoh. 13:21-30)
12Witu un endo kataré im wana an endo mahpésta Roti Zéi'kan Rinagian, sé tou Yahudi é mahkeriz sé domba Paskah. Witu un endo itii, sé pahtuzu'en ni Yesus é meligau wia ni Sia, “Wisa ung kapaaz-Mu i maimekan nai ung kanan i lumé'os um Paskah?”
13An iatu-Nama sé zua pahtuzu'en-Na karia ing kimuama, “Mangémo witi wanua tua'na. Im wana ni kamu é masungkul karia ni tuama si memasaan un tampayang tinahu'an un zano. Ni kamu éng kumiita ni sia. 14Muntepla witu um walé untepanama wo kumuala wia si makawalé in téntii, ‘Si Méster é meligau, wisa un tampa-Ku ing kuman karia né pahtuzu'eng-Ku i lumé'os un endo Paskah?’ 15Si makawalé itii én tumuzu' wia ni kamu um porés selah witu un atas um walé wo am pemandungen é sana witumo. Witumo u léwo'zéi' in imekan nioula i ni kita lumé'os um Paskah!”
16A sé zua pahtuzu'en itii rengan i nimangé witi wanua tua'na. I méikaayomola witu, maileken néra én tanu u méikuama ni Yesus wia ni séra. A séra mimekla i lumé'os um Paskah.
17Im wengimo, a si Yesus karia né mapulu' wo zua pahtuzu'en-Na méyé. 18#Mzm. 41:10 Karegas séra rimumez i mahkan witu, kuan ni Yesus, “Uli-ulit ikua-Kuma wia ni kamu, wéwéhan si esaané im wia ni kamu é mayo ni Aku. Si tou itii éng karegas mahkan karia-Ku.”
19Kaitalingamé niitu, un até néra é rengan i rumara. A séra mahta'sama i mahkuama wia ni Sia, “Méster, zéi'kan ni aku to?”
20A si Yesus mingkotla, “Si tou itii é si esaané im wia ni kamu i mapulu' wo zua kenu, ni sia é si simousoua u roti witu um piring esa karia-Ku. 21Si Oki' ni Tou é léwo'zéi' i maté tanu u méipantik witu um Pinantik Lenas tumoro ni Sia. Taan ikaléwo'la si tou nimayo si Oki' ni Tou. Tawimo si tou itii in zéi'kan méitoumé.”
Si Yesus karia né pahtuzu'en-Na limé'os um perjamuan
(Mat. 26:26-30; Luk. 22:14-20; 1Kor. 11:23-25)
22I si Yesus wo sé pahtuzu'en-Na karegas i mahkan, si Yesus méndomé u roti, kumuama u makasé wia si Opo Empung, pemété-météngen-Nala u roti, an ipahwéhé-Nama wia ni séra ang kumua, “Endonoma, ung kenumo un awak-Ku.”
23Tumondong niitu a Sia méndomé um pengengelepan un tinahu'an anggor, kumuama u makasé wia si Opo Empung an iwéhé-Nala um pengengelepan itii wia ni séra, a séra péléng melep witu um pengengelepan itii. 24#Kel. 24:8; Yer. 31:31-34 Ang kuan-Na wia ni séra, “Ung kenumo un zaha'-Ku, u nimenté' um pinataazan ni Opo Empung, un isaroi wia sé tou lakez. 25Uli-ulit ikua-Kuma wia ni kamu, ni Aku én zéi'mo mahele-elepla un anggor, makaz witu un endo ni Aku i melep un anggor weru witi Kakolanoan ni Opo Empung.”
26Tumondongla niitu a séra kumantar ung kakantaren lolooz, a séra mangé witi kentur Zaitun.
Si Yesus nimapata'u i si Petrus éng kumélong ni Sia
(Mat. 26:31-35; Luk. 22:31-34; Yoh. 13:36-38)
27 #
Za. 13:7
Ang kuan ni Yesus kasii, “Ni kamu péléng én tumula'u ni Aku. Pahpaan witu um pinantik, si Opo Empung éng kimua, ‘Si memimiara sé domba ém wunu'eng-Ku, wo sé domba itii én ikasera.’
28 #
Mat. 28:16
Taan i ni Aku méitoumomé sumaup, ni Aku é mangé witi Galilea puunala ni kamu.”
29Ang kuan ni Petrus wia si Yesus, “Zozo' ni séra péléng tumingkasa tumula'uma ni Ko, taan ni aku én zéi'kan masar téntu.”
30Ang kuan ni Yesus wia ni sia, “Uli-ulit ikua-Kuma wia ni ko, in endo kenu, im wengi kenukan, puunala si laka' kumukuké ing kazua, ni ko é nimakatelumola ing kimélong ni Aku.”
31Taan kaulitna uman taré si Petrus i nimingkotla, “Zozo' aku i maté karia ni Méster, ni aku én zéi'kan kumélong si Méster.” Sé pahtuzu'en walina kangkasii éng kimuala in téntu.
Si Yesus mengaléi witi Getsemani
(Mat. 26:36-46; Luk. 22:39-46)
32A si Yesus karia né pahtuzu'en-Na ikaayola witi tampa makangaran Getsemani. Ang kuan ni Yesus wia ni séra, “Rumumezola wia'i karegas ni Aku i mamengaléi.” 33An tawahen-Namé si Petrus, si Yakobus wo si Yohanes i mangé karia-Na. In toro niitu, un até-Na én totozo zéha wo zéi'mo katu'tulan. 34Ang kuan-Na wia ni séra, “Un até-Ku én totozo rumara, kua é matémo um pendanen. Ni kamu é mento'mola wia'i wo tuméga-tégam.”
35Sia lumampanga oki' ang kumepama witu un tana' a mengaléi, sa tanu an toro ni Sia én zéi'kan mendan un oras in zézéha itii. 36Kuan-Na, “O Abba#14:36 ‘Abba’ é nunuwu'en Ibrani. Niia én tatawah ni koki' wia si Ama' pahpaan u raraatéan. , o Ama'-Ku. Kata'uang-Ku, péléng am péléng én toro wangunen ni Ama'. Éndonoma an zézéha kenu im wia ni Aku. Taan tia'mo ikiit um paaz-Ku, taan ikiit umanla um paaz ni Ama'.”
37Kumawusa niitu, si Yesus mawurimé wia sé pahtuzu'en-Na itii, maileken-Na ni séra é nimatekelo. Ang kuan-Na wia si Simon Petrus, “Simon, ni ko é nimatekel é kuaa? Zéi'kan makawawa ko wé in tumégamla zozo' i sana jam uman? 38Tuméga-tégam wo mengaléila wo ni kamu zéi'kan ikakiit witu um pema'wa'en. Ulit i si roh ém paaz i mangun a lé'os, taan in tou uman, ni kamu én zéi'kan makawawa.”
39A si Yesus mangé sumaup mamengaléi tanu u méikua-Namé ing kataré. 40I ni Sia mawurimé sumaup, ileken-Nala sé telu pahtuzu'en-Na é nimatekelo sumaup pahpaan ni séra én totozo mahtetekel. Ni séra im winongké-Nala, zéi'mo kata'uan néra apa un ikua néra wia ni Sia.
41A si Yesus mawurimé sumaup wia ni séra ing katelu, ang kumuama wia ni séra, “Timekel wo kimana'pé' kasii kamu? Toromo! Un orasna é méikaayomola. Ilekena, si Oki' ni Tou én iayo wia sé tou mahsingkéla'. 42Rumendaiomé! Méyémo kita mangémo. Ilekna, si tou mayo ni Aku é merétémomé.”
Si Yesus in tinionan
(Mat. 26:47-56; Luk. 22:47-53; Yoh. 18:3-12)
43I si Yesus karegaspé' mahnuwu', méyé si Yudas, si esaané im wia sé mapulu' wo zua pahtuzu'en-Na, nimahwalimé karia né sana réwok tou sé mahali-ali am pisou wo am wéwélwél. Ni séra é méiatumé né tonaas né walian, né tou tulap un Torat wo né pahtutu'an. 44Puunala niitu, si Yudas éng kimuamo wia ni séra, “Si tou siomengku, ni Siamo Sia. Tionané Sia wo téi-téizan i ni Sia ipahwali niou.”
45I si Yudas méikaayola witu, ni sia é rengan i rimétéla si Yesus ang kuana, “Méster!” A Sia siomennama. 46A si Yesus tionan nérala.
47Si esaané im wia ni séra sé witu sé kimiité si Yesus, simawuté um pisou, am wira'ennama si ata ni Walian Wangko', makaz u luntengna é nimatengkola.
48Ang kuan ni Yesus wia ni séra, “Pahgenangen nioula ni Aku én tou léwo', taka-takazan ni kamu nimahalimé am pisou wo am wéwélwél i métumion ni Aku? 49#Luk. 19:47, 21:37 Sekez in endo ni Aku é mahkari-karia ni kamu i mahtuzu' witi lésaz um Walé ni Opo Empung wo ni Aku én zéi'kan pahtitionan niou. Taan u méipantik witu um Pinantik Lenas é léwo'zéi' malekep.”
50Am péléng sé pahtuzu'en ni Yesus tumula'uma ni Sia an tumingkasa.
51In toro niitu, wéwéhan si tarétumou si simaput u roko' lenan, mahkiité si Yesus. Ni sia kangkasii ém pahtitionan néra, 52taan ni séra é méikation umana u roko' pinakéna, iwayanama u roko'na a sia tumingkasa karia in timangkol.
Si Yesus witu u sinaru né Mahkama Agama
(Mat. 26:57-68; Luk. 22:54-55, 63-71; Yoh. 18:13-14, 19-24)
53A si Yesus ipahwali nérama in isaru wia si Walian Wangko'. A makaréwoké sé tonaas né walian, sé pahtutu'an karia né tou tulap un Torat. 54Karegas niitu, si Petrus é mahkiité si Yesus witi zou'ma, mémakaz witu u lésaz um walé ni Walian Wangko'. Im witu ni sia é rimumez kimaria sé menénéiz um walé ni Opo Empung witu i merarang.
55Sé tonaas né walian wo sé tou méikauntep witu u Mahkamah Agama é menéro-néro tou sé toro kumua a niilek wo an tinalinga néra i mapahsasala' si Yesus wo Sia toro ukumen i maté, taan ni séra én zéi'kan méikailekla. 56Lakez sé tou mahnuwu' an towo i mapahsasala' si Yesus, taan péléng an ipahkua néra én zéi'kan nimahéndoan.
57Ing kamurian, sé woopira tou sé mahnuwu' an towo tumoro a niilek wo an tinalinga néra éng kimuala, 58#Yoh. 2:19 “Tinalinga nai si tou kenu kimuala in téntii, ‘Ni Aku éng kumemu um Walé ni Opo Empung wo witu un teluna endo ni Aku é rumendai um Walé ni Opo Empung walina, un zéi'kan winangun né tou.’ ” 59Taan a méipahkua néra itii si esa wo si esa én zéi'kan nimahéndoan.
60A si Walian Wangko' rumendaila witu un unez um paheruzan a meligau wia si Yesus, “Kaa Ko soo mingkot an ipahtoké né tou wia ni Ko?” 61Taan si Yesus é memene-menes uman, ni Sia én zéi'kan nimingkotla apa.
A si Walian Wangko' itii lumigau kasiila wia si Yesus, “Apa ni Ko é Mesias, si Oki' ni Opo Empung, Si Pahloozen?”
62 #
Dan. 7:13
A si Yesus mingkotla, “Ni Akumo Sia, wo ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”
63A si Walian Wangko' itii sumangsanga ung kinaraina, ang kumua, “Apapé' un torona kita i menéro tou ing kumua a niilek wo tinalinga tumoro ni Sia? 64#Im. 24:16 Tinalinga niouoma ni Sia i mahséro' wia si Opo Empung. Sa kamu éng kura?”
Ni séra péléng maesaan an tumotozla i ni Sia é léwo'zéi' in ukumen maté. 65A sé woopira tou rengan i mahrura' wia si Yesus. Apé'an nérala ung gio-Na, a Sia pahsondo'en néra karia i meligau, “É nabi, pahteterangené séi si mahsondo' ni Ko!” Wo sé menénéiz kangkasii é mahsondo' ni Sia.
Si Petrus ing kimélong si Yesus
(Mat. 26:69-75; Luk. 22:56-62; Yoh. 18:15-18, 25-27)
66In toro niitu, si Petrus ém witipé' wawa' witi lésaz um walé ni Walian Wangko', a méyé wia ni sia si ata wéwéné ni Walian Wangko'. 67I niileknama si Petrus merarang, na'u-na'uannala lé'os ung gio ni Petrus ang kuana, “Ni ko kangkasii sekezé é memali-mali karia ni Yesus si tou Nazaret itii.”
68Taan si Petrus é mahkélong uman, kuana, “Zéi'kan kata'uangku wo zéi'kan katulapangku ung kalakoan un ipahkuamu.” A si Petrus mangé witi loloangan um walé ni Walian Wangko'. [In toro niitu, kumukuké si laka'].
69I si Petrus niilek ni ata itii, ang kuanamo kasii wia sé tou witu, “Si tou kenu én esaané im wia ni séra.” 70Taan si Petrus kasii éng kimélong umanla.
Zéi'kan uré, sé tou witu é mahkua kasii wia si Petrus, “Ulito, ni ko én esaané im wia ni séra, pahpaan ni ko én tou Galilea!”
71A si Petrus rengan i mahsalou wo mahtiwa', “Zéi'kan kata'uangku si tou pahkua nioué itii!”
72In toro niitukan ang kumukuké ing kazua si laka'. Ang kagenangala ni Petrus u méikua ni Yesus wia ni sia, “Puunala si laka' kumukuké ing kazua, ni ko é makatelumo ing kimélongla ni Aku.” A si Petrus mamamé' karia i sindekokan.
Currently Selected:
Markus 14: LAITOM
Highlight
Share
Copy
Want to have your highlights saved across all your devices? Sign up or sign in
Markus 14
14
Sé tonaas né walian nimaesaan i munu' si Yesus
(Mat. 26:1-5; Luk. 22:1-2; Yoh. 11:45-53)
1 #
Kel. 12:1-27
Zuana endomokan sé tou Yahudi é lumé'oso un endo mahpésta pahkuan Paskah wo i lumé'os un endo Roti Zéi'kan Rinagian. In toro niitu, sé tonaas né walian wo sé tou tulap un Torat é menéro-néro lalan in tumion si Yesus wo munu' ni Sia karia i mahwuni-wuni. 2Ni séra é nimahkuaala, “Ni Sia én tia'mo pahtitionan witu un endo i mahpésta, én taa sé tou rumikoka'.”
Un ulu ni Yesus winuwu'an u lana mahwou tariis
(Mat. 26:6-13; Yoh. 12:1-8)
3 #
Luk. 7:27-38
I si Yesus witi Betania, ni Sia é rimumez mahkan witi walé ni Simon si i makasa én tinoro ung kusta. Karegas niitu a méyé si wéwéné esa mahali-ali um wotel pualam#14:3 Um wotel kenu ém watu kulo' pahkuan pualam am wangunen. I muka um wotel kenu é léwo'zéi im pahtarazen witu u léhé'na. am wangunen, un tinahu'an u lana narwastu un totoz mahal. In tinarazola ni wéwéné itii u rawisna um wotel itii, an iwuwu'nala u lana itii witu un ulu ni Yesus.
4Taan sé woopira tou sé mengile-ngilek niitu é maupi' a mahkua si esa im wia sé walina, “Apa un torona i mahtitia' u lana narwastu itii? 5U lana itii én toro iwangkér teluna atus dinar tezaan wo un zoitna én toro iwéhéma wia sé tou zéi'kan siapa apa.” Ang kakoro'an nérala si wéwéné itii.
6Taan kuan ni Yesus wia ni séra, “Iwayamola sia. Kaa sia pahsususan niou? Ni sia é nimangunola um wangun im wia ni Aku. 7#Ul. 15:11 Pahpaan sé tou zéi'kan siapa apa sekezé ém witu u liklik niou wo sawisa uman ni kamu paaz, ni kamu én toro sumawang ni séra. Taan ni Aku zéi'kan sekezé é memali-mali karia niou. 8Si wéwéné kenu é nimangunola un toro wangunenna. Un awak-Ku kenu ém winéhannamola lana, un tanumokan ni Aku é niimeknamola i mamoileweng. 9Uli-ulit ikua-Kuma wia ni kamu, wisa uman wia ung kaayahan kenu u mawokaan né tou u Nuwu' Lé'os ni Opo Empung, um winangun ni wéwéné kenu én ikua néra kangkasii ing gumenang ni sia.”
Si Yudas gimenango i mayo si Yesus
(Mat. 26:14-16; Luk. 22:3-6)
10A si Yudas Iskariot, si esaané im wia sé mapulu' wo zua pahtuzu'en ni Yesus, mangé wia sé tonaas né walian karia ung genang i mayo si Yesus wia ni séra. 11Ni séra én totoz mahpaa-paaz in timalingala um pahwawangunen ni Yudas wo timaazla i méhé zoit wia ni sia. Kumawusa niitu, si Yudas é menéro-néro un oras i mayo si Yesus.
Si Yesus kiman karia né pahtuzu'en-Na in endo Paskah
(Mat. 26:17-25; Luk. 22:7-14, 21-23; Yoh. 13:21-30)
12Witu un endo kataré im wana an endo mahpésta Roti Zéi'kan Rinagian, sé tou Yahudi é mahkeriz sé domba Paskah. Witu un endo itii, sé pahtuzu'en ni Yesus é meligau wia ni Sia, “Wisa ung kapaaz-Mu i maimekan nai ung kanan i lumé'os um Paskah?”
13An iatu-Nama sé zua pahtuzu'en-Na karia ing kimuama, “Mangémo witi wanua tua'na. Im wana ni kamu é masungkul karia ni tuama si memasaan un tampayang tinahu'an un zano. Ni kamu éng kumiita ni sia. 14Muntepla witu um walé untepanama wo kumuala wia si makawalé in téntii, ‘Si Méster é meligau, wisa un tampa-Ku ing kuman karia né pahtuzu'eng-Ku i lumé'os un endo Paskah?’ 15Si makawalé itii én tumuzu' wia ni kamu um porés selah witu un atas um walé wo am pemandungen é sana witumo. Witumo u léwo'zéi' in imekan nioula i ni kita lumé'os um Paskah!”
16A sé zua pahtuzu'en itii rengan i nimangé witi wanua tua'na. I méikaayomola witu, maileken néra én tanu u méikuama ni Yesus wia ni séra. A séra mimekla i lumé'os um Paskah.
17Im wengimo, a si Yesus karia né mapulu' wo zua pahtuzu'en-Na méyé. 18#Mzm. 41:10 Karegas séra rimumez i mahkan witu, kuan ni Yesus, “Uli-ulit ikua-Kuma wia ni kamu, wéwéhan si esaané im wia ni kamu é mayo ni Aku. Si tou itii éng karegas mahkan karia-Ku.”
19Kaitalingamé niitu, un até néra é rengan i rumara. A séra mahta'sama i mahkuama wia ni Sia, “Méster, zéi'kan ni aku to?”
20A si Yesus mingkotla, “Si tou itii é si esaané im wia ni kamu i mapulu' wo zua kenu, ni sia é si simousoua u roti witu um piring esa karia-Ku. 21Si Oki' ni Tou é léwo'zéi' i maté tanu u méipantik witu um Pinantik Lenas tumoro ni Sia. Taan ikaléwo'la si tou nimayo si Oki' ni Tou. Tawimo si tou itii in zéi'kan méitoumé.”
Si Yesus karia né pahtuzu'en-Na limé'os um perjamuan
(Mat. 26:26-30; Luk. 22:14-20; 1Kor. 11:23-25)
22I si Yesus wo sé pahtuzu'en-Na karegas i mahkan, si Yesus méndomé u roti, kumuama u makasé wia si Opo Empung, pemété-météngen-Nala u roti, an ipahwéhé-Nama wia ni séra ang kumua, “Endonoma, ung kenumo un awak-Ku.”
23Tumondong niitu a Sia méndomé um pengengelepan un tinahu'an anggor, kumuama u makasé wia si Opo Empung an iwéhé-Nala um pengengelepan itii wia ni séra, a séra péléng melep witu um pengengelepan itii. 24#Kel. 24:8; Yer. 31:31-34 Ang kuan-Na wia ni séra, “Ung kenumo un zaha'-Ku, u nimenté' um pinataazan ni Opo Empung, un isaroi wia sé tou lakez. 25Uli-ulit ikua-Kuma wia ni kamu, ni Aku én zéi'mo mahele-elepla un anggor, makaz witu un endo ni Aku i melep un anggor weru witi Kakolanoan ni Opo Empung.”
26Tumondongla niitu a séra kumantar ung kakantaren lolooz, a séra mangé witi kentur Zaitun.
Si Yesus nimapata'u i si Petrus éng kumélong ni Sia
(Mat. 26:31-35; Luk. 22:31-34; Yoh. 13:36-38)
27 #
Za. 13:7
Ang kuan ni Yesus kasii, “Ni kamu péléng én tumula'u ni Aku. Pahpaan witu um pinantik, si Opo Empung éng kimua, ‘Si memimiara sé domba ém wunu'eng-Ku, wo sé domba itii én ikasera.’
28 #
Mat. 28:16
Taan i ni Aku méitoumomé sumaup, ni Aku é mangé witi Galilea puunala ni kamu.”
29Ang kuan ni Petrus wia si Yesus, “Zozo' ni séra péléng tumingkasa tumula'uma ni Ko, taan ni aku én zéi'kan masar téntu.”
30Ang kuan ni Yesus wia ni sia, “Uli-ulit ikua-Kuma wia ni ko, in endo kenu, im wengi kenukan, puunala si laka' kumukuké ing kazua, ni ko é nimakatelumola ing kimélong ni Aku.”
31Taan kaulitna uman taré si Petrus i nimingkotla, “Zozo' aku i maté karia ni Méster, ni aku én zéi'kan kumélong si Méster.” Sé pahtuzu'en walina kangkasii éng kimuala in téntu.
Si Yesus mengaléi witi Getsemani
(Mat. 26:36-46; Luk. 22:39-46)
32A si Yesus karia né pahtuzu'en-Na ikaayola witi tampa makangaran Getsemani. Ang kuan ni Yesus wia ni séra, “Rumumezola wia'i karegas ni Aku i mamengaléi.” 33An tawahen-Namé si Petrus, si Yakobus wo si Yohanes i mangé karia-Na. In toro niitu, un até-Na én totozo zéha wo zéi'mo katu'tulan. 34Ang kuan-Na wia ni séra, “Un até-Ku én totozo rumara, kua é matémo um pendanen. Ni kamu é mento'mola wia'i wo tuméga-tégam.”
35Sia lumampanga oki' ang kumepama witu un tana' a mengaléi, sa tanu an toro ni Sia én zéi'kan mendan un oras in zézéha itii. 36Kuan-Na, “O Abba#14:36 ‘Abba’ é nunuwu'en Ibrani. Niia én tatawah ni koki' wia si Ama' pahpaan u raraatéan. , o Ama'-Ku. Kata'uang-Ku, péléng am péléng én toro wangunen ni Ama'. Éndonoma an zézéha kenu im wia ni Aku. Taan tia'mo ikiit um paaz-Ku, taan ikiit umanla um paaz ni Ama'.”
37Kumawusa niitu, si Yesus mawurimé wia sé pahtuzu'en-Na itii, maileken-Na ni séra é nimatekelo. Ang kuan-Na wia si Simon Petrus, “Simon, ni ko é nimatekel é kuaa? Zéi'kan makawawa ko wé in tumégamla zozo' i sana jam uman? 38Tuméga-tégam wo mengaléila wo ni kamu zéi'kan ikakiit witu um pema'wa'en. Ulit i si roh ém paaz i mangun a lé'os, taan in tou uman, ni kamu én zéi'kan makawawa.”
39A si Yesus mangé sumaup mamengaléi tanu u méikua-Namé ing kataré. 40I ni Sia mawurimé sumaup, ileken-Nala sé telu pahtuzu'en-Na é nimatekelo sumaup pahpaan ni séra én totozo mahtetekel. Ni séra im winongké-Nala, zéi'mo kata'uan néra apa un ikua néra wia ni Sia.
41A si Yesus mawurimé sumaup wia ni séra ing katelu, ang kumuama wia ni séra, “Timekel wo kimana'pé' kasii kamu? Toromo! Un orasna é méikaayomola. Ilekena, si Oki' ni Tou én iayo wia sé tou mahsingkéla'. 42Rumendaiomé! Méyémo kita mangémo. Ilekna, si tou mayo ni Aku é merétémomé.”
Si Yesus in tinionan
(Mat. 26:47-56; Luk. 22:47-53; Yoh. 18:3-12)
43I si Yesus karegaspé' mahnuwu', méyé si Yudas, si esaané im wia sé mapulu' wo zua pahtuzu'en-Na, nimahwalimé karia né sana réwok tou sé mahali-ali am pisou wo am wéwélwél. Ni séra é méiatumé né tonaas né walian, né tou tulap un Torat wo né pahtutu'an. 44Puunala niitu, si Yudas éng kimuamo wia ni séra, “Si tou siomengku, ni Siamo Sia. Tionané Sia wo téi-téizan i ni Sia ipahwali niou.”
45I si Yudas méikaayola witu, ni sia é rengan i rimétéla si Yesus ang kuana, “Méster!” A Sia siomennama. 46A si Yesus tionan nérala.
47Si esaané im wia ni séra sé witu sé kimiité si Yesus, simawuté um pisou, am wira'ennama si ata ni Walian Wangko', makaz u luntengna é nimatengkola.
48Ang kuan ni Yesus wia ni séra, “Pahgenangen nioula ni Aku én tou léwo', taka-takazan ni kamu nimahalimé am pisou wo am wéwélwél i métumion ni Aku? 49#Luk. 19:47, 21:37 Sekez in endo ni Aku é mahkari-karia ni kamu i mahtuzu' witi lésaz um Walé ni Opo Empung wo ni Aku én zéi'kan pahtitionan niou. Taan u méipantik witu um Pinantik Lenas é léwo'zéi' malekep.”
50Am péléng sé pahtuzu'en ni Yesus tumula'uma ni Sia an tumingkasa.
51In toro niitu, wéwéhan si tarétumou si simaput u roko' lenan, mahkiité si Yesus. Ni sia kangkasii ém pahtitionan néra, 52taan ni séra é méikation umana u roko' pinakéna, iwayanama u roko'na a sia tumingkasa karia in timangkol.
Si Yesus witu u sinaru né Mahkama Agama
(Mat. 26:57-68; Luk. 22:54-55, 63-71; Yoh. 18:13-14, 19-24)
53A si Yesus ipahwali nérama in isaru wia si Walian Wangko'. A makaréwoké sé tonaas né walian, sé pahtutu'an karia né tou tulap un Torat. 54Karegas niitu, si Petrus é mahkiité si Yesus witi zou'ma, mémakaz witu u lésaz um walé ni Walian Wangko'. Im witu ni sia é rimumez kimaria sé menénéiz um walé ni Opo Empung witu i merarang.
55Sé tonaas né walian wo sé tou méikauntep witu u Mahkamah Agama é menéro-néro tou sé toro kumua a niilek wo an tinalinga néra i mapahsasala' si Yesus wo Sia toro ukumen i maté, taan ni séra én zéi'kan méikailekla. 56Lakez sé tou mahnuwu' an towo i mapahsasala' si Yesus, taan péléng an ipahkua néra én zéi'kan nimahéndoan.
57Ing kamurian, sé woopira tou sé mahnuwu' an towo tumoro a niilek wo an tinalinga néra éng kimuala, 58#Yoh. 2:19 “Tinalinga nai si tou kenu kimuala in téntii, ‘Ni Aku éng kumemu um Walé ni Opo Empung wo witu un teluna endo ni Aku é rumendai um Walé ni Opo Empung walina, un zéi'kan winangun né tou.’ ” 59Taan a méipahkua néra itii si esa wo si esa én zéi'kan nimahéndoan.
60A si Walian Wangko' rumendaila witu un unez um paheruzan a meligau wia si Yesus, “Kaa Ko soo mingkot an ipahtoké né tou wia ni Ko?” 61Taan si Yesus é memene-menes uman, ni Sia én zéi'kan nimingkotla apa.
A si Walian Wangko' itii lumigau kasiila wia si Yesus, “Apa ni Ko é Mesias, si Oki' ni Opo Empung, Si Pahloozen?”
62 #
Dan. 7:13
A si Yesus mingkotla, “Ni Akumo Sia, wo ni kamu é milek si Oki' ni Tou i rimumez witu ung kakan ni Totoz Mahkawasa wo méyé witu um wawo a ninahak witi langit.”
63A si Walian Wangko' itii sumangsanga ung kinaraina, ang kumua, “Apapé' un torona kita i menéro tou ing kumua a niilek wo tinalinga tumoro ni Sia? 64#Im. 24:16 Tinalinga niouoma ni Sia i mahséro' wia si Opo Empung. Sa kamu éng kura?”
Ni séra péléng maesaan an tumotozla i ni Sia é léwo'zéi' in ukumen maté. 65A sé woopira tou rengan i mahrura' wia si Yesus. Apé'an nérala ung gio-Na, a Sia pahsondo'en néra karia i meligau, “É nabi, pahteterangené séi si mahsondo' ni Ko!” Wo sé menénéiz kangkasii é mahsondo' ni Sia.
Si Petrus ing kimélong si Yesus
(Mat. 26:69-75; Luk. 22:56-62; Yoh. 18:15-18, 25-27)
66In toro niitu, si Petrus ém witipé' wawa' witi lésaz um walé ni Walian Wangko', a méyé wia ni sia si ata wéwéné ni Walian Wangko'. 67I niileknama si Petrus merarang, na'u-na'uannala lé'os ung gio ni Petrus ang kuana, “Ni ko kangkasii sekezé é memali-mali karia ni Yesus si tou Nazaret itii.”
68Taan si Petrus é mahkélong uman, kuana, “Zéi'kan kata'uangku wo zéi'kan katulapangku ung kalakoan un ipahkuamu.” A si Petrus mangé witi loloangan um walé ni Walian Wangko'. [In toro niitu, kumukuké si laka'].
69I si Petrus niilek ni ata itii, ang kuanamo kasii wia sé tou witu, “Si tou kenu én esaané im wia ni séra.” 70Taan si Petrus kasii éng kimélong umanla.
Zéi'kan uré, sé tou witu é mahkua kasii wia si Petrus, “Ulito, ni ko én esaané im wia ni séra, pahpaan ni ko én tou Galilea!”
71A si Petrus rengan i mahsalou wo mahtiwa', “Zéi'kan kata'uangku si tou pahkua nioué itii!”
72In toro niitukan ang kumukuké ing kazua si laka'. Ang kagenangala ni Petrus u méikua ni Yesus wia ni sia, “Puunala si laka' kumukuké ing kazua, ni ko é makatelumo ing kimélongla ni Aku.” A si Petrus mamamé' karia i sindekokan.
Currently Selected:
:
Highlight
Share
Copy
Want to have your highlights saved across all your devices? Sign up or sign in