Markus 2
2
Si tou lailai liné'os ni Yesus
(Mat. 9:1-8; Luk. 5:17-26)
1Limangkoia woopirana endo, si Yesus mawurima sumaup witi Kapernaum. An ikawoka'ma wia sé tou i ni Sia ém witi walé. 2A méyé sé tou totoz lakez nimaréwoké, taka-takazan im witu én zéi'mo siapa tampa, maan im witu u loloangan ém wutamo né tou. Karegas si Yesus mahtuzu' wia ni séra u Nuwu' ni Opo Empung, 3a méyé sé tou epat memuléngé si tou lailai, ipahwali wia ni Sia. 4Taan pahpaan in tahlouso lakez sé tou, ni séra én zéi'kan mata'u mahwali si tou itii witu u rété ni Yesus. Ang kayasen nérala un atep witu ung katoroan ni Yesus. I nimawukamoma, an itonton nérama karia um wuwuléngan si tou lailai itii. 5I si Yesus nimilekla um pa'émanen néra wia ni Sia, ang kuan-Na wia si tou lailai itii, “É oki'-Ku, a singkéla'mu é niampungano.”
6Taan im witu kangkasii é rimumez sé woopira tou tulap un Torat. Witu ung genang néra, ni séra meligau, 7“Kaa si tou kenu mahkua in téntu? Ni Sia é mahséro'mo wia si Opo Empung. Séi si toro méhé un ampung wana a singkéla' né tou sa zéi'kan si Opo Empung?”
8Taan am pegena-genangen néra é rengan ing kinata'uana ni Yesus. Ang kuan-Na wia ni séra, “Kaa kamu gimenang un téntu witu un até niou? 9Wisa u meripu' umané in ikuama wia si lailai kenu, ‘A singkéla'mu é niampungano’, kaapa ing kumuama ‘Tumoozomé, éndona um winuléngané ni ko wo lumampangoma?’ 10Taan wo kata'uan nioula sa si Oki' ni Tou ém wéwéhan ung kawasa i méhé un ampungan wana a singkéla' né tou wia ung kaayahan kenu.” Ang kuan-Na wia si tou lailai itii, 11“Ikua-Kuma wia ni ko, rumendaiomé, éndonoma um winuléngané ni ko wo mawurimoma witi walému!”
12Si tou itii rumendaié, rengan éndonamé um winuléngané ni sia a mondola witu u saru-sarun né tou lakez. Péléng sé tou é mengusi-ngusingsing, a séra mahsigi' wo mahlooz si Opo Empung, kuan néra, “Ni kai én zéi'kampé' kawisa nimilekla tanu a nimamuali kenu.”
Si Yesus timawah si Lewi ing kumiit ni Sia
(Mat. 9:9-13; Luk. 5:27-32)
13A si Yesus mangé sumaup witi tembir u louz. Lakez sé tou niméyé wia ni Sia, a Sia mahtuzu' ni séra. 14Tumondongla niitu, i si Yesus mahlampang an ileken-Nama si Lewi, si menanagi am pajak, si oki' ni Alfeus, makarumez witu um pahpaayanganna. Ang kuan ni Yesus wia ni sia, “Kumiitomé ni Aku!” A sia rumendaié ang kumiit si Yesus. 15Tumondong niitu, i si Yesus karegas mahkan witi walé ni tou itii, lakez sé menanagi am pajak wo sé tou mahsingkéla' é mahkan mahwali karia ni Yesus wo né pahtuzu'en-Na, pahpaan totoz lakez sé tou nimengiité ni Sia.
16I sé tou tulap un Torat sé wia sé sana réwok tou Farisi nimileka si Yesus mahkan karia né menanagi am pajak wo sé tou mahsingkéla' itii, kuan néra wia sé pahtuzu'en ni Yesus, “Kaa ni Sia mahkan karia né menanagi am pajak wo né tou mahsingkéla'?” 17U méikua nérama én tinalingama ni Yesus, ang kuan-Na wia ni séra, “Zéi'kan sé tou zéi'kan saki sé memandung si dokter, taan sé tou saki. Ni Aku i niméyé én zéi'kan métumawah sé tou ulit, taan métumawah sé tou mahsingkéla'.”
Tumoro u mahpuasa
(Mat. 9:14-17; Luk. 5:33-39)
18Makasamé, i sé pahtuzu'en ni Yohanes Menanarani wo sé tou wia sé sana réwok tou Farisi mahpuasa, a méyé sé tou meligau wia si Yesus, “Kaa sé pahtuzu'en ni Yohanes Menanarani wo sé sana réwok tou Farisi mahpuasa, taan sé pahtuzu'en-Nu én zéi'kan?”
19A séra wingkotela ni Yesus, “Sa si brédégom ém witipé' pahpéstaan karia né kakariana, toro wé sé kakariana i mahpuasa? Sa si brédégom memali-malipé' karia néra, tantumo ni sera zéi'kan mahpuasa. 20Taan un orasna é méyé, si brédégom in éndon im wia ni séra, wo in toro niitumo ni séra i mahpuasa.”
21Ang kuan-Na kasii, “Zéi'kan siapa tou mapén u roko' weru witu ung karai tu'a. Pahpaan sa téntu, u méipapén itii éng kumoskos wo ung karai tu'a é makésé' wo ung késé'na é sumelahpé'mé ung késé' kataré-taré. 22Téntu kangkasii, zéi'kan siapa tou tumahu' un anggor weru witu um penanahu'an anggor ung kawal né binatang am wangunen un urémo. Pahpaan sa téntu, un anggor itii é mangun um penanahu'an anggor itii mawenta'. Ing kamurian un anggor é méikatia' wo um penanahu'an itii én itia'. Taan un anggor weru é léwo'zéi' ilé'osla witu um penanahu'an anggor ung kawal ni binatang am wangunen um werupé'.”
Sé pahtuzu'en ni Yesus mahupu' ang gandum witu un endo Sabat
(Mat. 12:1-8; Luk. 6:1-5)
23 #
Ul. 23:25
Witu un endo Sabat, si Yesus wo sé pahtuzu'en-Na é mahlampang lumangkoi wana an uma tinaneman ang gandum. Karegas séra i mahlampang witu, sé pahtuzu'en-Na é mahupu'ma ang gandum. 24A sé tou im wia sé sana réwok tou Farisi kumuama wia si Yesus, “Ilekena! Kaa séra memua-muali an zéi'kan toro pahmualin witu un endo Sabat?”
25 #
1Sam. 21:1-6
A séra wingkotela ni Yesus, “Zéi'kampé' pinahbaca-baca nioula wé u liné'os ni Daud, i ni sia wo sé mahkii-kiit ni sia zéi'mo siapa kanen wo maharem? 26#Im. 24:5-9 Wo kura sia nimuntepa witu un Ténda Lenas ni Opo Empung, i si Walian Wangko' é si Abyatar, ang kuman u roti méiragés wia si Opo Empung, un toro uman kanen né walian, wo niméhé kasii u roti itii wia sé touna?”
27A si Yesus kumua kasiila wia ni séra, “Un endo Sabat winangun ni Opo Empung pahpaan sé tou, zéi'kan sé tou sé winangun ni Opo Empung pahpaan un endo Sabat. 28Niitumo, si Oki' ni Tou ém wéwéhan ung kawasa in tumotoz un toro wangunen né tou witu un endo Sabat.”
Currently Selected:
Markus 2: LAITOM
Highlight
Share
Copy
Want to have your highlights saved across all your devices? Sign up or sign in
Markus 2
2
Si tou lailai liné'os ni Yesus
(Mat. 9:1-8; Luk. 5:17-26)
1Limangkoia woopirana endo, si Yesus mawurima sumaup witi Kapernaum. An ikawoka'ma wia sé tou i ni Sia ém witi walé. 2A méyé sé tou totoz lakez nimaréwoké, taka-takazan im witu én zéi'mo siapa tampa, maan im witu u loloangan ém wutamo né tou. Karegas si Yesus mahtuzu' wia ni séra u Nuwu' ni Opo Empung, 3a méyé sé tou epat memuléngé si tou lailai, ipahwali wia ni Sia. 4Taan pahpaan in tahlouso lakez sé tou, ni séra én zéi'kan mata'u mahwali si tou itii witu u rété ni Yesus. Ang kayasen nérala un atep witu ung katoroan ni Yesus. I nimawukamoma, an itonton nérama karia um wuwuléngan si tou lailai itii. 5I si Yesus nimilekla um pa'émanen néra wia ni Sia, ang kuan-Na wia si tou lailai itii, “É oki'-Ku, a singkéla'mu é niampungano.”
6Taan im witu kangkasii é rimumez sé woopira tou tulap un Torat. Witu ung genang néra, ni séra meligau, 7“Kaa si tou kenu mahkua in téntu? Ni Sia é mahséro'mo wia si Opo Empung. Séi si toro méhé un ampung wana a singkéla' né tou sa zéi'kan si Opo Empung?”
8Taan am pegena-genangen néra é rengan ing kinata'uana ni Yesus. Ang kuan-Na wia ni séra, “Kaa kamu gimenang un téntu witu un até niou? 9Wisa u meripu' umané in ikuama wia si lailai kenu, ‘A singkéla'mu é niampungano’, kaapa ing kumuama ‘Tumoozomé, éndona um winuléngané ni ko wo lumampangoma?’ 10Taan wo kata'uan nioula sa si Oki' ni Tou ém wéwéhan ung kawasa i méhé un ampungan wana a singkéla' né tou wia ung kaayahan kenu.” Ang kuan-Na wia si tou lailai itii, 11“Ikua-Kuma wia ni ko, rumendaiomé, éndonoma um winuléngané ni ko wo mawurimoma witi walému!”
12Si tou itii rumendaié, rengan éndonamé um winuléngané ni sia a mondola witu u saru-sarun né tou lakez. Péléng sé tou é mengusi-ngusingsing, a séra mahsigi' wo mahlooz si Opo Empung, kuan néra, “Ni kai én zéi'kampé' kawisa nimilekla tanu a nimamuali kenu.”
Si Yesus timawah si Lewi ing kumiit ni Sia
(Mat. 9:9-13; Luk. 5:27-32)
13A si Yesus mangé sumaup witi tembir u louz. Lakez sé tou niméyé wia ni Sia, a Sia mahtuzu' ni séra. 14Tumondongla niitu, i si Yesus mahlampang an ileken-Nama si Lewi, si menanagi am pajak, si oki' ni Alfeus, makarumez witu um pahpaayanganna. Ang kuan ni Yesus wia ni sia, “Kumiitomé ni Aku!” A sia rumendaié ang kumiit si Yesus. 15Tumondong niitu, i si Yesus karegas mahkan witi walé ni tou itii, lakez sé menanagi am pajak wo sé tou mahsingkéla' é mahkan mahwali karia ni Yesus wo né pahtuzu'en-Na, pahpaan totoz lakez sé tou nimengiité ni Sia.
16I sé tou tulap un Torat sé wia sé sana réwok tou Farisi nimileka si Yesus mahkan karia né menanagi am pajak wo sé tou mahsingkéla' itii, kuan néra wia sé pahtuzu'en ni Yesus, “Kaa ni Sia mahkan karia né menanagi am pajak wo né tou mahsingkéla'?” 17U méikua nérama én tinalingama ni Yesus, ang kuan-Na wia ni séra, “Zéi'kan sé tou zéi'kan saki sé memandung si dokter, taan sé tou saki. Ni Aku i niméyé én zéi'kan métumawah sé tou ulit, taan métumawah sé tou mahsingkéla'.”
Tumoro u mahpuasa
(Mat. 9:14-17; Luk. 5:33-39)
18Makasamé, i sé pahtuzu'en ni Yohanes Menanarani wo sé tou wia sé sana réwok tou Farisi mahpuasa, a méyé sé tou meligau wia si Yesus, “Kaa sé pahtuzu'en ni Yohanes Menanarani wo sé sana réwok tou Farisi mahpuasa, taan sé pahtuzu'en-Nu én zéi'kan?”
19A séra wingkotela ni Yesus, “Sa si brédégom ém witipé' pahpéstaan karia né kakariana, toro wé sé kakariana i mahpuasa? Sa si brédégom memali-malipé' karia néra, tantumo ni sera zéi'kan mahpuasa. 20Taan un orasna é méyé, si brédégom in éndon im wia ni séra, wo in toro niitumo ni séra i mahpuasa.”
21Ang kuan-Na kasii, “Zéi'kan siapa tou mapén u roko' weru witu ung karai tu'a. Pahpaan sa téntu, u méipapén itii éng kumoskos wo ung karai tu'a é makésé' wo ung késé'na é sumelahpé'mé ung késé' kataré-taré. 22Téntu kangkasii, zéi'kan siapa tou tumahu' un anggor weru witu um penanahu'an anggor ung kawal né binatang am wangunen un urémo. Pahpaan sa téntu, un anggor itii é mangun um penanahu'an anggor itii mawenta'. Ing kamurian un anggor é méikatia' wo um penanahu'an itii én itia'. Taan un anggor weru é léwo'zéi' ilé'osla witu um penanahu'an anggor ung kawal ni binatang am wangunen um werupé'.”
Sé pahtuzu'en ni Yesus mahupu' ang gandum witu un endo Sabat
(Mat. 12:1-8; Luk. 6:1-5)
23 #
Ul. 23:25
Witu un endo Sabat, si Yesus wo sé pahtuzu'en-Na é mahlampang lumangkoi wana an uma tinaneman ang gandum. Karegas séra i mahlampang witu, sé pahtuzu'en-Na é mahupu'ma ang gandum. 24A sé tou im wia sé sana réwok tou Farisi kumuama wia si Yesus, “Ilekena! Kaa séra memua-muali an zéi'kan toro pahmualin witu un endo Sabat?”
25 #
1Sam. 21:1-6
A séra wingkotela ni Yesus, “Zéi'kampé' pinahbaca-baca nioula wé u liné'os ni Daud, i ni sia wo sé mahkii-kiit ni sia zéi'mo siapa kanen wo maharem? 26#Im. 24:5-9 Wo kura sia nimuntepa witu un Ténda Lenas ni Opo Empung, i si Walian Wangko' é si Abyatar, ang kuman u roti méiragés wia si Opo Empung, un toro uman kanen né walian, wo niméhé kasii u roti itii wia sé touna?”
27A si Yesus kumua kasiila wia ni séra, “Un endo Sabat winangun ni Opo Empung pahpaan sé tou, zéi'kan sé tou sé winangun ni Opo Empung pahpaan un endo Sabat. 28Niitumo, si Oki' ni Tou ém wéwéhan ung kawasa in tumotoz un toro wangunen né tou witu un endo Sabat.”
Currently Selected:
:
Highlight
Share
Copy
Want to have your highlights saved across all your devices? Sign up or sign in