Markus 1
1
Si Yohanes Menanarani
(Mat. 3:1-12; Luk. 3:1-18; Yoh. 1:19-28)
1Ung kenumo ung kataré-taré witu u Nuwu' Lé'os tumoro si Yesus Kristus, si Oki' ni Opo Empung.
2 #
Mal. 3:1
Tanu u méipantik witu ung kitap ni nabi Yesaya in téntii,
“Ilekena, ni Aku é nimatuma si aatu-Ku i mapuunama wia ni Ko,
ni sia é mamimek u lalan lampangan-Nu.
3 #
Yes. 40:3
Wéwéhan si tou si mengéré-ngérét witi kapelasan:
Imekela u lalan lampangan ni Mahpiara,
terénela u lalan lampangan-Na.”
4Si tou méiatumé ni Opo Empung itii é Yohanes Menanarani. Ni sia ém witi kapelasan wo mahwoka' wia péléng sé tou, ‘Itula'umola a singkéla' niou wo iwéhémola un tou niou i saranin wo a singkéla' niou ampungan ni Opo Empung.’ 5A sé tou wana péléng an tana' Yudea wo péléng sé tou witi Yerusalem mangé wia si Yohanes. Karia i makaulit a singkéla' néra, ni séra pahsaranin ni Yohanes witi so'so'an Yordan. 6#2Raj. 1:8 Si Yohanes éng kimarai ung karai tonton kulit ni onta am wangunen wo un embetna éng kawal ni binatang am wangunen. Ang kakanenna é sé koropit wo a rarina' wana an talun.
7Ni sia mahwoka' in téntii, “Wéwéhan si méyé tumondongé ni aku, ni Siapé' si mahkawasa taan ni aku. Maan i mongkot umanla i mowar un tali sapatu-Na, ni aku én zéi'kan wangun. 8Ni aku é mahsarani ni kamu karia un zano, taan ni Sia é sumarani ni kamu karia si Roh Lenas.”
Si Yesus i sinarani
(Mat. 3:13-17; Luk. 3:21-22)
9In toro niitu si Yesus ém witi Nazaret um witi tana' Galilea a méyé, a Sia saranila ni Yohanes witi so'so'an Yordan. 10I si Yesus nimondolé im witu un zano, ileken-Nama u langit é nimawukama, a si Roh ni Opo Empung tanu si bombo tumumpama witu um wawo-Na. 11#Kej. 22:2; Mzm. 2:7; Yes. 42:1; Mat. 3:17, 12:18; Mrk. 9:7; Luk. 3:22 An talingané u nuwu' witi kasendukan a méyé, “Ni Komo si Oki'-Ku, si totoz ikararaaté-Ku. Ni Komo si mahwangun ni Aku mahpaa-paaz.”
Si Yesus pema'wa'en ni tonaas né sétang
(Mat. 4:1-11; Luk. 4:1-13)
12Kumawusa niitu, si Yesus rengan i niahkita ni Roh ni Opo Empung mangé witi kapelasan. 13Epatna pulu' endo Sia im pema'wa'en ni tonaas né sétang witu. Si Yesus i mahwitu-witu éng karia né liontana' wo sé malaekat mahselewir ni Sia.
Si Yesus im witi Galilea
(Mat. 4:12-22; Luk. 4:14-15, 5:1-11)
14I si Yohanes tinionanoma, si Yesus mangé witi Galilea a mahkua u Nuwu' Lé'os ni Opo Empung, 15#Mat. 3:2 kuan-Na, “Un oras tinotoz ni Opo Empung én tarékano, ung Kakolanoan ni Opo Empung é lelezokan. Niitumo, itula'umola a singkéla' wo ma'émanola u Nuwu' Lé'os ni Opo Empung.”
Si Yesus in timawah sé pahtuzu'en-Na ing kataré
16I si Yesus mahlampang witi tembir u louz Galilea, ileken-Nama sé zua mahtuari, si Simon wo si Andreas. Ni séra éng karegas i mahlombo' u lolombo' witi louz pahpaan ni séra é melolombo'. 17A séra tawahené ni Yesus, “Méyémo, kumiitomé ni Aku! Ni kamu ém wanguneng-Ku mahpenéro tou ing kumiit ni Aku.” 18A rengan itula'u néramé u lolombo' néra ang kumiit ni Sia.
19Tumondong niitu, si Yesus timerusa i limampang, an ileken-Nama sé zua mahtuari, si Yakobus wo si Yohanes sé oki' ni Zebedeus, sé karegas mahimek#1:19 Um pahimeken néra é mahsondol a repes. u lolombo' witu u londéi. 20Si Yesus é rengan in timawahma ni séra, a séra tumula'umé si ama' néra, si Zebedeus witu u londéi karia né tou pahwaéranna ang kumiit si Yesus.
Si Yesus im witi walé peraragésan né tou Yahudi witi Kapernaum
(Luk. 4:31-37)
21Si Yesus wo sé pahtuzu'en-Na é mémoikaayola witi Kapernaum. I méikaayomola witu un endo Sabat,#1:21 Im witu un endo Sabat, sa si endo nimuntepo ung kalakoana un endo Sabat éng kimawusoma wo sé tou én toromo maayang. si Yesus rengan i nimuntepa witu um walé peraragésan né tou Yahudi a mahtuzu' witu. 22#Mat. 7:28-29 Sé tou witu é mengusi-ngusingsing i mahtalinga am pahtuzu'-Na, pahpaan ni Sia i mahtuzu' éng karia ung kawasa, zéi'kan tanu sé tou tulap un Torat.
23In toro niitu witu un untep um walé peraragésan itii ém wéwéhan si tou sinelazan ni sétang. Si tou itii é mahkérét, 24“Yesus, tou Nazaret! Apa un éyé-Nu wia ni kai? Apa Ko i niméyé é méluméwo' ni kai? Ni Ko éng kata'uangku: Ni Komo si Lenas si wia si Opo Empung a méyé.”
25Taan si Yesus rimekaka ni sia, “Menesla! Mondolé im wia ni sia!”
26Si sétang itii nimangun si tou itii totoz i mahgerger, wo karia i ma'ulit mahkérét si sétang itii nimondolé im wia ni sia. 27Péléng sé tou witu é mengusi-ngusingsing, akaz si esa é mahkua wia sé walina, “Apa mokala ang kenu! Ang kenu én tutuzu'mo weru ung kinaria ung kawasa! Ni Sia é mahperénta sé sétang wo sé sétang é mahkiit am perénta-Na.” 28A rengan in ikaserama u sirita tumoro ni Sia wana péléng an tampa witi Galilea.
Si mahnuang wéwéné ni Simon wo sé tou walina liné'os ni Yesus
(Mat. 8:14-17; Luk. 4:38-41)
29Kaiondolé im witu um walé peraragésan né tou Yahudi, a si Yesus karia ni Yakobus wo ni Yohanes mangé witi walé ni Simon wo ni Andreas. 30In toro niitu, si mahnuang wéwéné ni Simon é meneke-nekelokan pahpaan im pasu', a rengan i maituzu' nérala wia si Yesus. 31Si Yesus mangé wia si mahnuang wéwéné ni Simon itii, wo karia in timionla u lengenna, sia sawangan-Namé i méitoozé. In toro niitukan a mazéi'ma um pasu'na, a sia masumelewir ni séra.
32I mawengimo, i si endo nimuntepola, sé tou mahwalima wia si Yesus péléng sé tou saki wo sé sinelazan né sétang. 33Péléng sé tou witi wanua tua'na itii é nimaréwoké witu ung kauntepala um walé itii. 34Si Yesus limé'osa a saki né tou lakez a nimahwali-walinaan, wo kangkasii lakez sé sétang simelaz wia sé tou sé méiwoho-Nama. Zéi'kan iwéhé-Na sé sétang itii i numuwu', pahpaan ni Sia éng kata'uan néra.
Si Yesus mahtuzu' wana am wanua witi Galilea
(Luk. 4:42-44)
35Im woondopé' lé'os, i mahnana'upé' tou, si Yesus én timoozé a mondola. Ni Sia é nimangé witi tampa zéi'kan siapa tou a mengaléi. 36Taan si Simon wo sé kakariana é manimenéro ni Sia. 37I ni Sia kinailekan néramola, kuan néra, “Péléng sé tou mahpenéro ni Ko.”
38A mingkotla si Yesus, “Méyémo, kita mangé witi tampa walina, wana am wanua tua'na rété wia'i, wo im wana kangkasii ni Aku mahwoka' u Nuwu' Lé'os ni Opo Empung, pahpaan niitumo u niéyé-Ku.”
39 #
Mat. 4:23, 9:35 A si Yesus mangé wana péléng am wanua witi Galilea. Ni Sia é mahwoka' u Nuwu' Lé'os wia sé tou wana am walé peraragésan néra wo mahwoho sé sétang simelaz wia sé tou.
Si tou tinoro ung kusta liné'os ni Yesus
(Mat. 8:1-4; Luk. 5:12-16)
40Si tou tinoro ung kusta niméyé wia si Yesus. Karia ing kimuruz witu u sinaru-Na si tou itii é mekitulung, kuana, “Sa Ko paaz, ni Ko én toro lumé'osé ni aku.”
41A mawiamé u raraatéan ni Yesus wia si tou itii. Ni Sia nimayola u lengen-Na an tumiona wia si tou itii ang kumua, “Ni Aku ém paaz, malé'osoma.” 42In toro niitukan, ung kusta ni tou itii é nimazéi'moma a sia malé'osa.
43Kumawusa niitu si Yesus é rengan i nimatuma si tou itii i mangémo karia in totoz mapagenagla wia si tou itii, 44#Im. 14:1-32 “Gena-genangen! Tia'mo ipengua-ngua wia si séi uman u nimamuali wia ni ko. Taan mangémo wia si walian, papailekla un toumu wia ni sia wo iwéhéla u raragésmu tanu u méiperénta ni Musa, un tumuzu'mé wia ni séra i ni ko én uli-ulit lé'oso.”
45Taan si tou itii masimirita u nimamuali itii wana am pahangéannamé. Niitumo, si Yesus zéi'kan mata'u muntep witi wanua tua'na tanu ung kanaramen. Ni sia é mahento'mokan witi ondolé um wanua tua'na wana an tampa zéi'kan siapa tou. Taan zozo' in téntumokan, sé tou sé woo wisa wo mahéyé én zéi'kan kumana' i mengéyé-ngéyé wia ni Sia.
Currently Selected:
Markus 1: LAITOM
Highlight
Share
Copy
Want to have your highlights saved across all your devices? Sign up or sign in
Markus 1
1
Si Yohanes Menanarani
(Mat. 3:1-12; Luk. 3:1-18; Yoh. 1:19-28)
1Ung kenumo ung kataré-taré witu u Nuwu' Lé'os tumoro si Yesus Kristus, si Oki' ni Opo Empung.
2 #
Mal. 3:1
Tanu u méipantik witu ung kitap ni nabi Yesaya in téntii,
“Ilekena, ni Aku é nimatuma si aatu-Ku i mapuunama wia ni Ko,
ni sia é mamimek u lalan lampangan-Nu.
3 #
Yes. 40:3
Wéwéhan si tou si mengéré-ngérét witi kapelasan:
Imekela u lalan lampangan ni Mahpiara,
terénela u lalan lampangan-Na.”
4Si tou méiatumé ni Opo Empung itii é Yohanes Menanarani. Ni sia ém witi kapelasan wo mahwoka' wia péléng sé tou, ‘Itula'umola a singkéla' niou wo iwéhémola un tou niou i saranin wo a singkéla' niou ampungan ni Opo Empung.’ 5A sé tou wana péléng an tana' Yudea wo péléng sé tou witi Yerusalem mangé wia si Yohanes. Karia i makaulit a singkéla' néra, ni séra pahsaranin ni Yohanes witi so'so'an Yordan. 6#2Raj. 1:8 Si Yohanes éng kimarai ung karai tonton kulit ni onta am wangunen wo un embetna éng kawal ni binatang am wangunen. Ang kakanenna é sé koropit wo a rarina' wana an talun.
7Ni sia mahwoka' in téntii, “Wéwéhan si méyé tumondongé ni aku, ni Siapé' si mahkawasa taan ni aku. Maan i mongkot umanla i mowar un tali sapatu-Na, ni aku én zéi'kan wangun. 8Ni aku é mahsarani ni kamu karia un zano, taan ni Sia é sumarani ni kamu karia si Roh Lenas.”
Si Yesus i sinarani
(Mat. 3:13-17; Luk. 3:21-22)
9In toro niitu si Yesus ém witi Nazaret um witi tana' Galilea a méyé, a Sia saranila ni Yohanes witi so'so'an Yordan. 10I si Yesus nimondolé im witu un zano, ileken-Nama u langit é nimawukama, a si Roh ni Opo Empung tanu si bombo tumumpama witu um wawo-Na. 11#Kej. 22:2; Mzm. 2:7; Yes. 42:1; Mat. 3:17, 12:18; Mrk. 9:7; Luk. 3:22 An talingané u nuwu' witi kasendukan a méyé, “Ni Komo si Oki'-Ku, si totoz ikararaaté-Ku. Ni Komo si mahwangun ni Aku mahpaa-paaz.”
Si Yesus pema'wa'en ni tonaas né sétang
(Mat. 4:1-11; Luk. 4:1-13)
12Kumawusa niitu, si Yesus rengan i niahkita ni Roh ni Opo Empung mangé witi kapelasan. 13Epatna pulu' endo Sia im pema'wa'en ni tonaas né sétang witu. Si Yesus i mahwitu-witu éng karia né liontana' wo sé malaekat mahselewir ni Sia.
Si Yesus im witi Galilea
(Mat. 4:12-22; Luk. 4:14-15, 5:1-11)
14I si Yohanes tinionanoma, si Yesus mangé witi Galilea a mahkua u Nuwu' Lé'os ni Opo Empung, 15#Mat. 3:2 kuan-Na, “Un oras tinotoz ni Opo Empung én tarékano, ung Kakolanoan ni Opo Empung é lelezokan. Niitumo, itula'umola a singkéla' wo ma'émanola u Nuwu' Lé'os ni Opo Empung.”
Si Yesus in timawah sé pahtuzu'en-Na ing kataré
16I si Yesus mahlampang witi tembir u louz Galilea, ileken-Nama sé zua mahtuari, si Simon wo si Andreas. Ni séra éng karegas i mahlombo' u lolombo' witi louz pahpaan ni séra é melolombo'. 17A séra tawahené ni Yesus, “Méyémo, kumiitomé ni Aku! Ni kamu ém wanguneng-Ku mahpenéro tou ing kumiit ni Aku.” 18A rengan itula'u néramé u lolombo' néra ang kumiit ni Sia.
19Tumondong niitu, si Yesus timerusa i limampang, an ileken-Nama sé zua mahtuari, si Yakobus wo si Yohanes sé oki' ni Zebedeus, sé karegas mahimek#1:19 Um pahimeken néra é mahsondol a repes. u lolombo' witu u londéi. 20Si Yesus é rengan in timawahma ni séra, a séra tumula'umé si ama' néra, si Zebedeus witu u londéi karia né tou pahwaéranna ang kumiit si Yesus.
Si Yesus im witi walé peraragésan né tou Yahudi witi Kapernaum
(Luk. 4:31-37)
21Si Yesus wo sé pahtuzu'en-Na é mémoikaayola witi Kapernaum. I méikaayomola witu un endo Sabat,#1:21 Im witu un endo Sabat, sa si endo nimuntepo ung kalakoana un endo Sabat éng kimawusoma wo sé tou én toromo maayang. si Yesus rengan i nimuntepa witu um walé peraragésan né tou Yahudi a mahtuzu' witu. 22#Mat. 7:28-29 Sé tou witu é mengusi-ngusingsing i mahtalinga am pahtuzu'-Na, pahpaan ni Sia i mahtuzu' éng karia ung kawasa, zéi'kan tanu sé tou tulap un Torat.
23In toro niitu witu un untep um walé peraragésan itii ém wéwéhan si tou sinelazan ni sétang. Si tou itii é mahkérét, 24“Yesus, tou Nazaret! Apa un éyé-Nu wia ni kai? Apa Ko i niméyé é méluméwo' ni kai? Ni Ko éng kata'uangku: Ni Komo si Lenas si wia si Opo Empung a méyé.”
25Taan si Yesus rimekaka ni sia, “Menesla! Mondolé im wia ni sia!”
26Si sétang itii nimangun si tou itii totoz i mahgerger, wo karia i ma'ulit mahkérét si sétang itii nimondolé im wia ni sia. 27Péléng sé tou witu é mengusi-ngusingsing, akaz si esa é mahkua wia sé walina, “Apa mokala ang kenu! Ang kenu én tutuzu'mo weru ung kinaria ung kawasa! Ni Sia é mahperénta sé sétang wo sé sétang é mahkiit am perénta-Na.” 28A rengan in ikaserama u sirita tumoro ni Sia wana péléng an tampa witi Galilea.
Si mahnuang wéwéné ni Simon wo sé tou walina liné'os ni Yesus
(Mat. 8:14-17; Luk. 4:38-41)
29Kaiondolé im witu um walé peraragésan né tou Yahudi, a si Yesus karia ni Yakobus wo ni Yohanes mangé witi walé ni Simon wo ni Andreas. 30In toro niitu, si mahnuang wéwéné ni Simon é meneke-nekelokan pahpaan im pasu', a rengan i maituzu' nérala wia si Yesus. 31Si Yesus mangé wia si mahnuang wéwéné ni Simon itii, wo karia in timionla u lengenna, sia sawangan-Namé i méitoozé. In toro niitukan a mazéi'ma um pasu'na, a sia masumelewir ni séra.
32I mawengimo, i si endo nimuntepola, sé tou mahwalima wia si Yesus péléng sé tou saki wo sé sinelazan né sétang. 33Péléng sé tou witi wanua tua'na itii é nimaréwoké witu ung kauntepala um walé itii. 34Si Yesus limé'osa a saki né tou lakez a nimahwali-walinaan, wo kangkasii lakez sé sétang simelaz wia sé tou sé méiwoho-Nama. Zéi'kan iwéhé-Na sé sétang itii i numuwu', pahpaan ni Sia éng kata'uan néra.
Si Yesus mahtuzu' wana am wanua witi Galilea
(Luk. 4:42-44)
35Im woondopé' lé'os, i mahnana'upé' tou, si Yesus én timoozé a mondola. Ni Sia é nimangé witi tampa zéi'kan siapa tou a mengaléi. 36Taan si Simon wo sé kakariana é manimenéro ni Sia. 37I ni Sia kinailekan néramola, kuan néra, “Péléng sé tou mahpenéro ni Ko.”
38A mingkotla si Yesus, “Méyémo, kita mangé witi tampa walina, wana am wanua tua'na rété wia'i, wo im wana kangkasii ni Aku mahwoka' u Nuwu' Lé'os ni Opo Empung, pahpaan niitumo u niéyé-Ku.”
39 #
Mat. 4:23, 9:35 A si Yesus mangé wana péléng am wanua witi Galilea. Ni Sia é mahwoka' u Nuwu' Lé'os wia sé tou wana am walé peraragésan néra wo mahwoho sé sétang simelaz wia sé tou.
Si tou tinoro ung kusta liné'os ni Yesus
(Mat. 8:1-4; Luk. 5:12-16)
40Si tou tinoro ung kusta niméyé wia si Yesus. Karia ing kimuruz witu u sinaru-Na si tou itii é mekitulung, kuana, “Sa Ko paaz, ni Ko én toro lumé'osé ni aku.”
41A mawiamé u raraatéan ni Yesus wia si tou itii. Ni Sia nimayola u lengen-Na an tumiona wia si tou itii ang kumua, “Ni Aku ém paaz, malé'osoma.” 42In toro niitukan, ung kusta ni tou itii é nimazéi'moma a sia malé'osa.
43Kumawusa niitu si Yesus é rengan i nimatuma si tou itii i mangémo karia in totoz mapagenagla wia si tou itii, 44#Im. 14:1-32 “Gena-genangen! Tia'mo ipengua-ngua wia si séi uman u nimamuali wia ni ko. Taan mangémo wia si walian, papailekla un toumu wia ni sia wo iwéhéla u raragésmu tanu u méiperénta ni Musa, un tumuzu'mé wia ni séra i ni ko én uli-ulit lé'oso.”
45Taan si tou itii masimirita u nimamuali itii wana am pahangéannamé. Niitumo, si Yesus zéi'kan mata'u muntep witi wanua tua'na tanu ung kanaramen. Ni sia é mahento'mokan witi ondolé um wanua tua'na wana an tampa zéi'kan siapa tou. Taan zozo' in téntumokan, sé tou sé woo wisa wo mahéyé én zéi'kan kumana' i mengéyé-ngéyé wia ni Sia.
Currently Selected:
:
Highlight
Share
Copy
Want to have your highlights saved across all your devices? Sign up or sign in