Markus Tumoro ung kitap kenu
Tumoro ung kitap kenu
Ung kitap kenu ém pinantik ni Markus, taan zéi'kan méipahkua-kuanala u ngaranna witu ung kitap kenu. Witu ung kitap Sirita né Aatu ni Yesus, si Markus kangkasii ém pahkuan Yohanes (Kis. 12:12). Si Markus kenumo si memali-mali karia ni Paulus wo ni Barnabas i ni séra mahwoka' u Nuwu' Lé'os tumoro si Yesus im puuna (Kis. 12:25). Si Paulus in esa si kimua sa si Markus kenu é si simawangomé ni sia i nimahwoka'mé u Nuwu' Lé'os tumoro si Yesus (2Tim. 4:11).
Si Markus nimantik ung kitap kenu in iwéhé wia sé tou sé mahento' witi tana' zéi'kan pinahpaa-paayangané ni Yesus. Ni séramo sé zéi'kan mahile-ilekla kura si Yesus i menou-nou. Ni séra én totoz kinamang pahpaan um pinantik ni Markus kenu, u nimapata'uma wia ni séra tumoro si Yesus. U makalakez méipantik ni Markus én tumoro ung kawasa ni Yesus. Ni sia nimantik sa si Yesus én toro lumé'os sé tou wo toro méhé ampungan wana a singkéla' né tou. Si Markus zéi'kan totoz niméhé genang wana an tutuzu' ni Yesus. Kapaaz ni Markus, zozo' sé tou zéi'kan nimilekla si Yesus taan ni séra é ma'éman péléng a makakompo'en wo an zéi'kan kakuaan pinahalé'osa ni Yesus. Ni séra kangkasii én toro mata'u sa si Yesus é si Kristus si nimilot sé tou im witu un ukuman wana a singkéla' néra. Wo ni Sia kangkasii én Oki' ni Tou wo Oki' ni Opo Empung. Si Markus nimantik ung kitap kenu wo sé tou toro kumiit si Yesus zozo' in zézéha kaapa i mahpaa-paaz. Ung kitap kenu ém pahkuan kasii Nuwu' Lé'os tumoro si Yesus pahpaan séi uman si ma'éman si Yesus Kristus si nimilot péléng sé tou im witu un ukuman wana a singkéla' néra, ni séra é makailek ampungan wo ung katou-touan makaz ing kauré-uré.
Currently Selected:
Markus Tumoro ung kitap kenu: LAITOM
Highlight
Share
Copy
Want to have your highlights saved across all your devices? Sign up or sign in
Markus Tumoro ung kitap kenu
Tumoro ung kitap kenu
Ung kitap kenu ém pinantik ni Markus, taan zéi'kan méipahkua-kuanala u ngaranna witu ung kitap kenu. Witu ung kitap Sirita né Aatu ni Yesus, si Markus kangkasii ém pahkuan Yohanes (Kis. 12:12). Si Markus kenumo si memali-mali karia ni Paulus wo ni Barnabas i ni séra mahwoka' u Nuwu' Lé'os tumoro si Yesus im puuna (Kis. 12:25). Si Paulus in esa si kimua sa si Markus kenu é si simawangomé ni sia i nimahwoka'mé u Nuwu' Lé'os tumoro si Yesus (2Tim. 4:11).
Si Markus nimantik ung kitap kenu in iwéhé wia sé tou sé mahento' witi tana' zéi'kan pinahpaa-paayangané ni Yesus. Ni séramo sé zéi'kan mahile-ilekla kura si Yesus i menou-nou. Ni séra én totoz kinamang pahpaan um pinantik ni Markus kenu, u nimapata'uma wia ni séra tumoro si Yesus. U makalakez méipantik ni Markus én tumoro ung kawasa ni Yesus. Ni sia nimantik sa si Yesus én toro lumé'os sé tou wo toro méhé ampungan wana a singkéla' né tou. Si Markus zéi'kan totoz niméhé genang wana an tutuzu' ni Yesus. Kapaaz ni Markus, zozo' sé tou zéi'kan nimilekla si Yesus taan ni séra é ma'éman péléng a makakompo'en wo an zéi'kan kakuaan pinahalé'osa ni Yesus. Ni séra kangkasii én toro mata'u sa si Yesus é si Kristus si nimilot sé tou im witu un ukuman wana a singkéla' néra. Wo ni Sia kangkasii én Oki' ni Tou wo Oki' ni Opo Empung. Si Markus nimantik ung kitap kenu wo sé tou toro kumiit si Yesus zozo' in zézéha kaapa i mahpaa-paaz. Ung kitap kenu ém pahkuan kasii Nuwu' Lé'os tumoro si Yesus pahpaan séi uman si ma'éman si Yesus Kristus si nimilot péléng sé tou im witu un ukuman wana a singkéla' néra, ni séra é makailek ampungan wo ung katou-touan makaz ing kauré-uré.
Currently Selected:
:
Highlight
Share
Copy
Want to have your highlights saved across all your devices? Sign up or sign in