لوقا 14
14
عیسی بورده اتا فَریسی سِره
1در اَتّا از روزهای شبات که عیسی غذا بخاردِنِسه بورده اتا فَریسی سر شناس سِره اونایی که اونجا دَیینه به دِقّت وِ رِه زیر نظِر داشتِنه. 2وِنه روبرو اَتّا مردی دَییه که وِنه تن باد دَکِته بی‌یِه. 3عیسی از فقیهون و فَریسیون بَپِرسیه: «آیا شفا هِداهِن در روز شبات جایز هَسّه یا نا؟» 4اونا ساکت بَموندستنه. پس عیسی اون مردی رِه بَییته شفا حِدا و مرخص هاکارده. 5بعد رو به اونا هاکارده ویشونجه بَپورسیه: «کدوم تایه شما اگه وِنه خَر یا وِنه گو در روز شبات چاه دِله دَکِفه نشونی چاه دِله وِرِه دَرنیارنی؟» 6اونا جوابی نداشتنه.
7وقتی عیسی بَدییه مهمونا چِتی شوننه بالایِ مجلس نیشِرِننه این مَثِل رِه ویشون اِسّه بیارده: 8«وقتی اتا نفر ته رِه به مجلس عروسی دعوت کانده، نَشو بالایِ مجلس نَنیش اینِسّه که شاید اتا نفر تِجه سرشناس‌تر دعوت بَووهه. 9در اون صورت صاحب عروسی که هر دِتایِ شِما رِه دعوت هاکارده اِنه و ته رِه گانه: ‹شه جا رِه هاده وِرِ.› بعد تِه خجالت کَشِنی ناچاراً شونی پایینِ مجلس نیشِننی. 10هر موقع هر کی ته رِه دعوت هاکارده، بور و پایین‌ترین جای مجلس هِنیش، تا وقتی اگه صاحب سِره بییَموهه ته رِه بایره: ‹رفق جان بَفِرمی بور بالاتِر هِنیش.› اون لحظه ته بقیه مهمونا پَلی سَربلند وونی. 11اینِسّه که هرکی شه رِه گَت هاکانه کوچیک وونه و هرکی شه رِه کوچیک هاکانه سربِلِند وونه.»
12بعد عیسی صاحب سِره بائوته: «وقتی نهار دهی یا شام دهی دانی شه رفقون و برارون و فامیلون و همسایون ثروتمند رِه دعوت نَکان اینِسّه که اونا هِم ته رِه دعوت کاننه و اینجوری شه مهمانی رِه پَس گِننی. 13پس وقتی میهمانی دِنی، فقیرون و معلولین و لنگون و کورها رِه دعوت هاکان 14تا ته زندگی دِله برکِت بِییه؛ اینِسّه که اونا چیزی نِدارنه که در عوض، ته رِه حادِن و شه پاداش رِه در قیامت پارساهون گِننی.»
مَثِل گَته میمونی
15وقتی اَتّا از مهمونها که با عیسی هم‌سفره بی‌یِه اینا رِه بشناسّه بائوته: «خوشبِحال اون که در مهمونیه پادشاهی خِدا در اون دنیا نون خاننه.» 16عیسی در جِواب بائوته: «اتا نفر اتا گَته میمونی بَییته و خَلِه‌ها رِه دعوت هاکارده. 17وقتی شام موقع بَییه شه نوکِر رِه بَرِسِندیه تا اونایی که دعوت بینه رِه بایره: ‹بِهیند که همه چیز آماده هَسّه.› 18اما اونا هر‌کدوم اتا بَهانه بیاردِنه. اتا بائوته: ‹اتا باغ بَخریمه که باید بورم اونه بَوینِم خواهش کامبه مه رِه بِبَخش که نَتومبه بیهِم.› 19اتا نَفر دیگه بائوته: ‹پنچ تا جفت گو بَخریمه، و الان دَشومبه تا اونا رِه بَوینِم. مه رِه بِبَخش که نَتومبه بیهِم.› 20سومی هِم بائوته: ‹تازه زن بَییتِمه، اینِسّه نَتومبه بیهِم.› 21پس وِنه نوکِر بَر دَگِردسته و شه سرور رِه آگاه هاکارده. صاحب سِره خَله ناراحت بَییه و شه نوکِر رِه دستور هادا که بوره کوچه و بازار دِله و فقیرون و معلولین و کورها و لنگون رِه بیاره. 22وِنه نوکِر وقتی شه اِربابِ دستورارِ انجام هاداهه بَردَگِردِسته و شه اِرباب رِه بائوته: ‹سرور مِن ته دستورها رِه انجام هادامه، اما هنوز جا دَره.› 23پس وِنه سرور بائوته: ‹بور جادهها و کوره راه های بیرون شهر و به‌اصرار مردِم رِه بیار مه مهمانی تا مه سِره پر بَووشه. 24شما رِه گامبه که هیچ کدوم از اونایی که دعوت بَیینه مه شام رِه نَخارِنه.› »
قیمت پیروی از مسیح
25اتا خَله مردِم عیسی رِه همراهی کاردِنه. عیسی بر دَگِردِسته ویشون رِه بائوته: 26«هر کی مه پَلی بی‌یِه و مِره ویشتِراز شه مار و پی‌یِر، زن و وَچه، برار و خاخِر، و حتی شه جان دوست نِداشته بوشه، نَتونه مه شاگِرد بوشِه. 27و هرکی شه صلیبِ نَیره و مه دِنبال راه نَکِفه، نَتونه مه شاگِرد بوشِه.
28«اگه کسی بخواهه سِرِۀ بِسازه اول نیشِننه اون خرج کِرد رِه در نظِر گِننه تا بَوینه بِتونده وِنه خرججه بِر بی‌یِه یا نا 29اینِسّه که اگه پی اون رِه بَکِنه اما نتونه تکمیل هاکانه هرکی وِره بوینه مسخَره کانده 30گانه: ‹یارو شِروع هاکارده به سِره درست هاکاردن اما نَتونِسته اون رِه تکمیل هاکانه!›
31«و یا کدوم پادشاه هَسّه که خانه بوره جنگ با اتا دیگه پادشاه، بدون اینکه اول هِنیشه و فکر هاکانه که آیا با ده هِزار تا سرباز تونده به جنگ با کسی بوره که بیست هِزار داننه؟ 32و اگه بَوینه که نَتونده اونا رِه حَریف بَووهه اون موقع تا سپاه دشمن دور دَره چند نفر رِه رِسِنده تا درباره صلح با اونا صحبِت هاکانه. 33هَمینِطی هیچ کدوم از شما هِم تا از تِمومِ شه دارایی دست نَکِشه نَتونده شاگرد مِن بووشه.
34«نمک خوب هَسّه، اما اگه شه مِزه رِه از دست هاده، چجوری تونده شه مِزه اصلی رِ بدست بیاره؟ 35نا به کار زمین اِنه و نا بدردِ کود زمین خاننه؛ بلکه اون رِه دور شَندِننه. هر کی گوش شنوا دانه بشنوهه!»
Currently Selected:
لوقا 14: Maz
Highlight
Share
Copy
Want to have your highlights saved across all your devices? Sign up or sign in
© Mazanmedia
لوقا 14
14
عیسی بورده اتا فَریسی سِره
1در اَتّا از روزهای شبات که عیسی غذا بخاردِنِسه بورده اتا فَریسی سر شناس سِره اونایی که اونجا دَیینه به دِقّت وِ رِه زیر نظِر داشتِنه. 2وِنه روبرو اَتّا مردی دَییه که وِنه تن باد دَکِته بی‌یِه. 3عیسی از فقیهون و فَریسیون بَپِرسیه: «آیا شفا هِداهِن در روز شبات جایز هَسّه یا نا؟» 4اونا ساکت بَموندستنه. پس عیسی اون مردی رِه بَییته شفا حِدا و مرخص هاکارده. 5بعد رو به اونا هاکارده ویشونجه بَپورسیه: «کدوم تایه شما اگه وِنه خَر یا وِنه گو در روز شبات چاه دِله دَکِفه نشونی چاه دِله وِرِه دَرنیارنی؟» 6اونا جوابی نداشتنه.
7وقتی عیسی بَدییه مهمونا چِتی شوننه بالایِ مجلس نیشِرِننه این مَثِل رِه ویشون اِسّه بیارده: 8«وقتی اتا نفر ته رِه به مجلس عروسی دعوت کانده، نَشو بالایِ مجلس نَنیش اینِسّه که شاید اتا نفر تِجه سرشناس‌تر دعوت بَووهه. 9در اون صورت صاحب عروسی که هر دِتایِ شِما رِه دعوت هاکارده اِنه و ته رِه گانه: ‹شه جا رِه هاده وِرِ.› بعد تِه خجالت کَشِنی ناچاراً شونی پایینِ مجلس نیشِننی. 10هر موقع هر کی ته رِه دعوت هاکارده، بور و پایین‌ترین جای مجلس هِنیش، تا وقتی اگه صاحب سِره بییَموهه ته رِه بایره: ‹رفق جان بَفِرمی بور بالاتِر هِنیش.› اون لحظه ته بقیه مهمونا پَلی سَربلند وونی. 11اینِسّه که هرکی شه رِه گَت هاکانه کوچیک وونه و هرکی شه رِه کوچیک هاکانه سربِلِند وونه.»
12بعد عیسی صاحب سِره بائوته: «وقتی نهار دهی یا شام دهی دانی شه رفقون و برارون و فامیلون و همسایون ثروتمند رِه دعوت نَکان اینِسّه که اونا هِم ته رِه دعوت کاننه و اینجوری شه مهمانی رِه پَس گِننی. 13پس وقتی میهمانی دِنی، فقیرون و معلولین و لنگون و کورها رِه دعوت هاکان 14تا ته زندگی دِله برکِت بِییه؛ اینِسّه که اونا چیزی نِدارنه که در عوض، ته رِه حادِن و شه پاداش رِه در قیامت پارساهون گِننی.»
مَثِل گَته میمونی
15وقتی اَتّا از مهمونها که با عیسی هم‌سفره بی‌یِه اینا رِه بشناسّه بائوته: «خوشبِحال اون که در مهمونیه پادشاهی خِدا در اون دنیا نون خاننه.» 16عیسی در جِواب بائوته: «اتا نفر اتا گَته میمونی بَییته و خَلِه‌ها رِه دعوت هاکارده. 17وقتی شام موقع بَییه شه نوکِر رِه بَرِسِندیه تا اونایی که دعوت بینه رِه بایره: ‹بِهیند که همه چیز آماده هَسّه.› 18اما اونا هر‌کدوم اتا بَهانه بیاردِنه. اتا بائوته: ‹اتا باغ بَخریمه که باید بورم اونه بَوینِم خواهش کامبه مه رِه بِبَخش که نَتومبه بیهِم.› 19اتا نَفر دیگه بائوته: ‹پنچ تا جفت گو بَخریمه، و الان دَشومبه تا اونا رِه بَوینِم. مه رِه بِبَخش که نَتومبه بیهِم.› 20سومی هِم بائوته: ‹تازه زن بَییتِمه، اینِسّه نَتومبه بیهِم.› 21پس وِنه نوکِر بَر دَگِردسته و شه سرور رِه آگاه هاکارده. صاحب سِره خَله ناراحت بَییه و شه نوکِر رِه دستور هادا که بوره کوچه و بازار دِله و فقیرون و معلولین و کورها و لنگون رِه بیاره. 22وِنه نوکِر وقتی شه اِربابِ دستورارِ انجام هاداهه بَردَگِردِسته و شه اِرباب رِه بائوته: ‹سرور مِن ته دستورها رِه انجام هادامه، اما هنوز جا دَره.› 23پس وِنه سرور بائوته: ‹بور جادهها و کوره راه های بیرون شهر و به‌اصرار مردِم رِه بیار مه مهمانی تا مه سِره پر بَووشه. 24شما رِه گامبه که هیچ کدوم از اونایی که دعوت بَیینه مه شام رِه نَخارِنه.› »
قیمت پیروی از مسیح
25اتا خَله مردِم عیسی رِه همراهی کاردِنه. عیسی بر دَگِردِسته ویشون رِه بائوته: 26«هر کی مه پَلی بی‌یِه و مِره ویشتِراز شه مار و پی‌یِر، زن و وَچه، برار و خاخِر، و حتی شه جان دوست نِداشته بوشه، نَتونه مه شاگِرد بوشِه. 27و هرکی شه صلیبِ نَیره و مه دِنبال راه نَکِفه، نَتونه مه شاگِرد بوشِه.
28«اگه کسی بخواهه سِرِۀ بِسازه اول نیشِننه اون خرج کِرد رِه در نظِر گِننه تا بَوینه بِتونده وِنه خرججه بِر بی‌یِه یا نا 29اینِسّه که اگه پی اون رِه بَکِنه اما نتونه تکمیل هاکانه هرکی وِره بوینه مسخَره کانده 30گانه: ‹یارو شِروع هاکارده به سِره درست هاکاردن اما نَتونِسته اون رِه تکمیل هاکانه!›
31«و یا کدوم پادشاه هَسّه که خانه بوره جنگ با اتا دیگه پادشاه، بدون اینکه اول هِنیشه و فکر هاکانه که آیا با ده هِزار تا سرباز تونده به جنگ با کسی بوره که بیست هِزار داننه؟ 32و اگه بَوینه که نَتونده اونا رِه حَریف بَووهه اون موقع تا سپاه دشمن دور دَره چند نفر رِه رِسِنده تا درباره صلح با اونا صحبِت هاکانه. 33هَمینِطی هیچ کدوم از شما هِم تا از تِمومِ شه دارایی دست نَکِشه نَتونده شاگرد مِن بووشه.
34«نمک خوب هَسّه، اما اگه شه مِزه رِه از دست هاده، چجوری تونده شه مِزه اصلی رِ بدست بیاره؟ 35نا به کار زمین اِنه و نا بدردِ کود زمین خاننه؛ بلکه اون رِه دور شَندِننه. هر کی گوش شنوا دانه بشنوهه!»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Mazanmedia