Epeso 4
4
1Movia Pai‐duburo kotohiai mereri, nouri mo rioido pupuito niaowa rio meaha tamidioumo wia meamea kidia taidodiaimo, kiiro kidia nou aibo Iesuro imo nouido nou nituaro. 2Rio kiparo biahai, rio muni aiboi, wia rio heauwo hagohagoha koitimo moa, rio himia himia taremadohutimo mabu nouri rio himia himia niro taremahebidioumo. 3Rio tamahibaimo urio na’u aibo oitimoi, amea amea kitohiti na’i nou ramu. 4Na’u goho airoa wia na’u urio airo’a ina nou aibo rio tau itua na’u niro kiraromo na’ito, rio himia kitua na’i nouri. 5Na’u Pai‐dubu; na’u kiraromodio na’i; na’u babatiso kidia’i; 6na’u Urio‐abea wia oubi auwoha kiahomo‐abea na’uri. Imo auwoha nou pairi, wia imo auwoha nou turiwari wia imomu auwoha nou airemidio. 7Ata niainiai kiwabatuti na’i nou imoido tau nimaatiro, Keriso kimio na’i nou modobo aibo. 8Nouri nou naiba iaowa
Nou tauwa nou ohuito naibaha ioro, kitohiti oubi piipiiha nouro naibaha iwaboiia
Wia kimio nana’i oubido nouro naibaha imaati.
9(Touna iminito, Nou ohuito nou ioro? Na’u nouri, nou opuito aioruoro hopu goroihaito. 10Dubu nou aioruoro, nouvia kioro dubunu Toboro ohuito auwowa, ina nouri nana auwoha nouro iapeuti.) 11Wia nouro imapoiwa, amida kitiodoi‐oubi wia amida peroveta‐oubi wia amida totomuoubi wia amida hiwaa‐oubi wia amida kiatomuai‐oubi. 12Nouri nei tana‐oubi pupuo iwaimoi wia hiwaa‐oubi kowaati idodiaiwamoi wia Iesu goho iditimoi. 13Ta’ui nouowa imo na’u aibo ainaimo‐oiti, na’u kiraromodio na’i nou ramu, wia Iehova Mere imo umo ainaimoiti Keriso nou himia kidia auwoha, nou goho modobori nou aibo. 14Ina imo keke mere aibo emidioumo aue. Tiaha kiatomuai wadei godogodo, hurama aibo, wia oubi piroha nana’i, rio imowaiwuti tore wia ihudeoutimo tore, nouri oubi nei piroha remidiodumo oubi ata ematuhutimoi. 15Naiheha wadei imoo kohidioiha tahidio‐daimo, wia imo nou turiwa noro koitutiha oitutimoi, auwo niro kimahebidio na’i nou ramu, mabu nouri Keriso nou opuri wia goho auwoha goroudori, 16wia goho nou aioruu wia pupuo naibaha oitiumo nou himia kerehebo na’i nou ramu. Ina nana auwoha nei himia kiwaati ramu goho owabaimoi nou pupuito oiti wia nou himia niro kimahebidio na’i nou ramu kaupairi.
17Nouri mo rioido ainaro wia Iehova painawa pupuito naro, douboi oubi kidia idodiaiwamo aue. Nei himia imini buru aibori. 18Wia nei imini durii tau oitiumo wia nouri kiiro Iehovaro nou imaati nei umo biahai, mabu nouri nei himia giopu kokori, nouri nei imini tatori. 19Nouri oubio, auwo hipo kidia, uba imini ramu, naibaha rimododiaiwadumo wia hipo nana auwoha nei auwo niro imahebidioumo. 20Wia kidia nou aibo Keriso mabuwa rioo oweamo biahai. 21Ina rioo nou wade tau orovidioumo, ina nouro rio tau imatomudio nouri naiheha nana nou Iesumuri. 22Tauo kidia, amake dubu aibo, rioo kitateaiha taitateaimo. Nouri kidia nou rio opuito kiiro nanari wia nouri kiiro na nou aiwapuhei, kiromohuito iwo idomai nana’i nou ramu. 23Wia rio urio imini, orio aibo, kidodiaiha taidodiaimo. 24Wia orio kidia, orio dubu aibo tarowamitimo, nouri dubu nou tau idodiai Iehova aibo oiti, auwo mea kidia ramu wia tana kidia ramu, naiheha kidia noudo ko’umori.
25Ina nouri kiromohuwadio wadei taitateaimo. Dubu amidao nei himia oubido naiheha wadeito taimowaduutimo mabu nouri imo auwoha na’u oubi aibori. 26Ina rio heauwowa, ubauba kidia idodiaimo aue. Taaurimo hiwio nou kahoiia biahai ina rio heauwo emidiowa. 27Ubauba urio, rioo nouido orovidiomo aue. 28Dubu nou opuito piro duburi, doihabuo nana piroito imeme aue. Nou meaha nou miwaati wia mea nana gauwoha nou himia tuito idodiaiwai, ina nou aibo nana amida nouro aiwaiworohoi nana tato oubido imaati. 29Taaurimo ubauba kiao wade’i rio maataudo ihuodutimo aue na’u nouri kiao wade nou oubi imini mea imowaimoi, wia nouri kiao wadero niainiai kiwabututi naibaha waimaati kirovidio oubido. 30Wia Iehova Tanaurio rioo gooa omowaimo aue. Nouvia rio mea aiwaiwai kiitouti hiwiowa. 31Heauwo kimahebidio na’i auwoha wia heauwo na’i wia gunuuni na’i wia kerema’uti wadei wia ori nana’i auwoha nou ramu, rio mabudo taitateaimo. 32Wia rio himia himia niainiai taremahebidioumo, ibiibi giopu ramu. Rio himia himia ubauba kidia iraromodioumo aue naiba Iehovaro Iesu Kerisomu rio ubauba kidia tau ipiiti.
Currently Selected:
Epeso 4: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Epeso 4
4
1Movia Pai‐duburo kotohiai mereri, nouri mo rioido pupuito niaowa rio meaha tamidioumo wia meamea kidia taidodiaimo, kiiro kidia nou aibo Iesuro imo nouido nou nituaro. 2Rio kiparo biahai, rio muni aiboi, wia rio heauwo hagohagoha koitimo moa, rio himia himia taremadohutimo mabu nouri rio himia himia niro taremahebidioumo. 3Rio tamahibaimo urio na’u aibo oitimoi, amea amea kitohiti na’i nou ramu. 4Na’u goho airoa wia na’u urio airo’a ina nou aibo rio tau itua na’u niro kiraromo na’ito, rio himia kitua na’i nouri. 5Na’u Pai‐dubu; na’u kiraromodio na’i; na’u babatiso kidia’i; 6na’u Urio‐abea wia oubi auwoha kiahomo‐abea na’uri. Imo auwoha nou pairi, wia imo auwoha nou turiwari wia imomu auwoha nou airemidio. 7Ata niainiai kiwabatuti na’i nou imoido tau nimaatiro, Keriso kimio na’i nou modobo aibo. 8Nouri nou naiba iaowa
Nou tauwa nou ohuito naibaha ioro, kitohiti oubi piipiiha nouro naibaha iwaboiia
Wia kimio nana’i oubido nouro naibaha imaati.
9(Touna iminito, Nou ohuito nou ioro? Na’u nouri, nou opuito aioruoro hopu goroihaito. 10Dubu nou aioruoro, nouvia kioro dubunu Toboro ohuito auwowa, ina nouri nana auwoha nouro iapeuti.) 11Wia nouro imapoiwa, amida kitiodoi‐oubi wia amida peroveta‐oubi wia amida totomuoubi wia amida hiwaa‐oubi wia amida kiatomuai‐oubi. 12Nouri nei tana‐oubi pupuo iwaimoi wia hiwaa‐oubi kowaati idodiaiwamoi wia Iesu goho iditimoi. 13Ta’ui nouowa imo na’u aibo ainaimo‐oiti, na’u kiraromodio na’i nou ramu, wia Iehova Mere imo umo ainaimoiti Keriso nou himia kidia auwoha, nou goho modobori nou aibo. 14Ina imo keke mere aibo emidioumo aue. Tiaha kiatomuai wadei godogodo, hurama aibo, wia oubi piroha nana’i, rio imowaiwuti tore wia ihudeoutimo tore, nouri oubi nei piroha remidiodumo oubi ata ematuhutimoi. 15Naiheha wadei imoo kohidioiha tahidio‐daimo, wia imo nou turiwa noro koitutiha oitutimoi, auwo niro kimahebidio na’i nou ramu, mabu nouri Keriso nou opuri wia goho auwoha goroudori, 16wia goho nou aioruu wia pupuo naibaha oitiumo nou himia kerehebo na’i nou ramu. Ina nana auwoha nei himia kiwaati ramu goho owabaimoi nou pupuito oiti wia nou himia niro kimahebidio na’i nou ramu kaupairi.
17Nouri mo rioido ainaro wia Iehova painawa pupuito naro, douboi oubi kidia idodiaiwamo aue. Nei himia imini buru aibori. 18Wia nei imini durii tau oitiumo wia nouri kiiro Iehovaro nou imaati nei umo biahai, mabu nouri nei himia giopu kokori, nouri nei imini tatori. 19Nouri oubio, auwo hipo kidia, uba imini ramu, naibaha rimododiaiwadumo wia hipo nana auwoha nei auwo niro imahebidioumo. 20Wia kidia nou aibo Keriso mabuwa rioo oweamo biahai. 21Ina rioo nou wade tau orovidioumo, ina nouro rio tau imatomudio nouri naiheha nana nou Iesumuri. 22Tauo kidia, amake dubu aibo, rioo kitateaiha taitateaimo. Nouri kidia nou rio opuito kiiro nanari wia nouri kiiro na nou aiwapuhei, kiromohuito iwo idomai nana’i nou ramu. 23Wia rio urio imini, orio aibo, kidodiaiha taidodiaimo. 24Wia orio kidia, orio dubu aibo tarowamitimo, nouri dubu nou tau idodiai Iehova aibo oiti, auwo mea kidia ramu wia tana kidia ramu, naiheha kidia noudo ko’umori.
25Ina nouri kiromohuwadio wadei taitateaimo. Dubu amidao nei himia oubido naiheha wadeito taimowaduutimo mabu nouri imo auwoha na’u oubi aibori. 26Ina rio heauwowa, ubauba kidia idodiaimo aue. Taaurimo hiwio nou kahoiia biahai ina rio heauwo emidiowa. 27Ubauba urio, rioo nouido orovidiomo aue. 28Dubu nou opuito piro duburi, doihabuo nana piroito imeme aue. Nou meaha nou miwaati wia mea nana gauwoha nou himia tuito idodiaiwai, ina nou aibo nana amida nouro aiwaiworohoi nana tato oubido imaati. 29Taaurimo ubauba kiao wade’i rio maataudo ihuodutimo aue na’u nouri kiao wade nou oubi imini mea imowaimoi, wia nouri kiao wadero niainiai kiwabututi naibaha waimaati kirovidio oubido. 30Wia Iehova Tanaurio rioo gooa omowaimo aue. Nouvia rio mea aiwaiwai kiitouti hiwiowa. 31Heauwo kimahebidio na’i auwoha wia heauwo na’i wia gunuuni na’i wia kerema’uti wadei wia ori nana’i auwoha nou ramu, rio mabudo taitateaimo. 32Wia rio himia himia niainiai taremahebidioumo, ibiibi giopu ramu. Rio himia himia ubauba kidia iraromodioumo aue naiba Iehovaro Iesu Kerisomu rio ubauba kidia tau ipiiti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.