Ioane 14
14
1Rio himia giopu mibo imahebidioumo aue; rio Iehovaido airiraromodiodumo, moido naiba tararomomo. 2Mo himia Abea daimowa, daimo turi godo‐godo airiadumo, ina nou nou aibo biahai moro rioido banaro; mai no’u rioido bati ata meaha imododiai. 3Ina mo aino’u rio bati ata meaha imododiai, mo ina ainauro‐araiwai wia rio moro ainai‐obuai mo himiaido, ina mo kemidio batii nouowa rio nouowa aiwaimo‐emidioi. 4Wia mo tou batito nairi o’ui rio umori wia nave nouri rio umori. 5Toma nouido naiba iaowa, Pai‐dubu e, ro tou batito wairi o’ui, imo umo biahai wia imoo navenu umo taiba naimoiti? 6Iesu nouido naiba iaowa; Movia naveri wia naihehari wia kiirori. Dubu amida Abeaido orohomo raihe ina nou momu ko’u biahai. 7Ina rio mo umowa, rioo mo Abea umo batoitiumo wia doihabuo ta’unu rio nou umori wia rioo nou airemeauridumo. 8Pilipo nouido naiba iaowa: Pai‐dubu, Abea imoido tawaeviaro, ina imoo umo ainaimoiti naihehari. 9Iesu nouido naiba iaowa: Mo romu kemidio tutunu Pilipo ina ro mo umo tatora? Dubu nou mo eauriwa, Abea nouro aireauri ina ro teiri raro, Abea imoido tawaeviaro? 10Ro araromodio tatora. Mo Abeamuri wia Abea momuri? Nou kiao wadei mo roido nou niao, mo himia iminito kiao biahai moro; ata Abea nou momu remidio, nouri kidodiai na’i nouro rimododiaiwa. 11Moido tararomodioumo nouri mo Abea muri wia Abea mo muri e moido tararomodioumo mabu nouri kidodiai na’i nei himia rioo nou riauridumo. 12Naiheha, naiheha, mo rioido ainaro: Dubu nou mo araromowa, nouri mo kidodiai na’i nouro doo aiwai idodiai wia kiwaati nana amida auwo aibori nouro doo aiwai idodiai mabu nouri mo Abeaido aina’ui. 13Wia nana auwoha rioo mo painaito aiwaimo‐atodoi, nouri nana moro ainai‐idodiai; nou aibo Abea nou moari aiwaiti nou himia Meremu. 14Ina rioo amida nana auwoha mo painaito iatoromowa, moro ainai idodiaiwai. 15Ina rioo mo niro imahebidiomowa, mo wade modoboito taidodiaimo. 16Wia mo Abeaido moro pupuito natodoi, wia Kiwabatuti‐urio ata Nouro rioido aiwauro‐imaai ina nou riomu karaeito wamidioi. 17Nouri nou Naiheha‐uriori wia batibati oubi auwoha neiio nouido oroobuaimo raihe, mabu nouri neiio nou eaurimo biahai wia neiio nou umo biahai; ata rio nou umori mabu nouri nou riomu remidiodio wia doo nou rio himia turihawa aiwamidioi. 18Moro rio nito oubi aibo ibeede raihe, mo rioido ainauro’ui. 19Keke ta’uwa ina batibati oubi auwoha neiio mo hiwio atawa eaurimo raihe ata rioo mo aineauridumo, wia rioo kiiro aiwaimo‐iviai mabu nouri mo kiirori. 20Wia hiwio’i nouowa rioo umo‐aiwaimoiti, movia mo Abea muri wia riovia mo muri wia movia rio muri. 21Dubu nou mo wade modobo iworohowa wia naibaha idodiaiwawa, nouri dubu nou mo niro remahebidio wia dubu nou mo niro remahebidiowa mo Abearo nou niro aiwamahebidioi wia moro naiba nou niro ainamahebidioi wia moro nouido mo himia ainarowaeviai. 22Iuda, Isakariota biahai, nouido naibaha atodoi: Pai dubu e, Taiba aibo warowaeviai ro imoido wia batibati oubido roro orowaevia tato teiri? 23Iesuro nouido naibaha omowameai naiba iaowa: Ina dubu nou mo niro emahebidiowa, mo wade nouro aiwaidodiai wia mo Abearo nou niro aiwamahebidioi wia imeiti nouido ainaido‐o’ui wia noumu ainaido emidioi. 24Dubu nou mo niro emahebidio tatowa nouvia mo wade modobo idodiai biahai wia nouri wade rio naibaha airirovidiodumo nou mo wade biahai, Abea mo nouro notiodoiro nou waderi.
25Nouri nana mo rioido nou niao, nouri hiwionu nouowa mo riomu nou nemidio. 26Wia nouri Kiwabatuti‐urio, nouvia Tana‐uriori, Abea mo painaito nouro nou aiwauro otiodoi. Nana auwoha nouro rioido aiwai‐atomuai, wia nouri nana auwoha mo rioido nou naro, Nouro rio iminito iraromodioi aiwaiwai. 27Amea amea mo riomu nebeedei mo himia amea rioido ainimaati. Batibati oubi auwoha kimaai na nei aibo, moro rioido imaai biahai. Rio imini godogodo iraromodioumo aue wia rio iminiwa tore iatimo aue. 28Rio tau orovidioumo nouri wade mo nou naro rioido: Mai no’u wia mo rioido ainauro‐araiwai. Ina rio mo niro imahebidiomowa rioo geii aiwaimo‐oiti, mabu nouri moro mo Abeaido na’ui, ina mo Abea nou auwori mo aibo biahai. 29Wia doihabuo mo rioido nou naro, ta’ui nouowa nouri na o’a biahai mabu nouri ina nou aiwau‐ro’ui rioo aiwaimo‐irovidioi. 30Dooudo mo godogodo wade iao raihe riomu mabu nouri Batibati pai‐dubu aiwauro’ui, wia nou na ata momu o’a biahai. 31Wia nouri wade modoboi Abearo moido nou nemaairo mo naibaha nidodiai, batibati oubi auwoha umo‐iwai, moro mo Abea niro nemahebidio. Tatoamo. Imo batinu noudo taimo.
Currently Selected:
Ioane 14: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Ioane 14
14
1Rio himia giopu mibo imahebidioumo aue; rio Iehovaido airiraromodiodumo, moido naiba tararomomo. 2Mo himia Abea daimowa, daimo turi godo‐godo airiadumo, ina nou nou aibo biahai moro rioido banaro; mai no’u rioido bati ata meaha imododiai. 3Ina mo aino’u rio bati ata meaha imododiai, mo ina ainauro‐araiwai wia rio moro ainai‐obuai mo himiaido, ina mo kemidio batii nouowa rio nouowa aiwaimo‐emidioi. 4Wia mo tou batito nairi o’ui rio umori wia nave nouri rio umori. 5Toma nouido naiba iaowa, Pai‐dubu e, ro tou batito wairi o’ui, imo umo biahai wia imoo navenu umo taiba naimoiti? 6Iesu nouido naiba iaowa; Movia naveri wia naihehari wia kiirori. Dubu amida Abeaido orohomo raihe ina nou momu ko’u biahai. 7Ina rio mo umowa, rioo mo Abea umo batoitiumo wia doihabuo ta’unu rio nou umori wia rioo nou airemeauridumo. 8Pilipo nouido naiba iaowa: Pai‐dubu, Abea imoido tawaeviaro, ina imoo umo ainaimoiti naihehari. 9Iesu nouido naiba iaowa: Mo romu kemidio tutunu Pilipo ina ro mo umo tatora? Dubu nou mo eauriwa, Abea nouro aireauri ina ro teiri raro, Abea imoido tawaeviaro? 10Ro araromodio tatora. Mo Abeamuri wia Abea momuri? Nou kiao wadei mo roido nou niao, mo himia iminito kiao biahai moro; ata Abea nou momu remidio, nouri kidodiai na’i nouro rimododiaiwa. 11Moido tararomodioumo nouri mo Abea muri wia Abea mo muri e moido tararomodioumo mabu nouri kidodiai na’i nei himia rioo nou riauridumo. 12Naiheha, naiheha, mo rioido ainaro: Dubu nou mo araromowa, nouri mo kidodiai na’i nouro doo aiwai idodiai wia kiwaati nana amida auwo aibori nouro doo aiwai idodiai mabu nouri mo Abeaido aina’ui. 13Wia nana auwoha rioo mo painaito aiwaimo‐atodoi, nouri nana moro ainai‐idodiai; nou aibo Abea nou moari aiwaiti nou himia Meremu. 14Ina rioo amida nana auwoha mo painaito iatoromowa, moro ainai idodiaiwai. 15Ina rioo mo niro imahebidiomowa, mo wade modoboito taidodiaimo. 16Wia mo Abeaido moro pupuito natodoi, wia Kiwabatuti‐urio ata Nouro rioido aiwauro‐imaai ina nou riomu karaeito wamidioi. 17Nouri nou Naiheha‐uriori wia batibati oubi auwoha neiio nouido oroobuaimo raihe, mabu nouri neiio nou eaurimo biahai wia neiio nou umo biahai; ata rio nou umori mabu nouri nou riomu remidiodio wia doo nou rio himia turihawa aiwamidioi. 18Moro rio nito oubi aibo ibeede raihe, mo rioido ainauro’ui. 19Keke ta’uwa ina batibati oubi auwoha neiio mo hiwio atawa eaurimo raihe ata rioo mo aineauridumo, wia rioo kiiro aiwaimo‐iviai mabu nouri mo kiirori. 20Wia hiwio’i nouowa rioo umo‐aiwaimoiti, movia mo Abea muri wia riovia mo muri wia movia rio muri. 21Dubu nou mo wade modobo iworohowa wia naibaha idodiaiwawa, nouri dubu nou mo niro remahebidio wia dubu nou mo niro remahebidiowa mo Abearo nou niro aiwamahebidioi wia moro naiba nou niro ainamahebidioi wia moro nouido mo himia ainarowaeviai. 22Iuda, Isakariota biahai, nouido naibaha atodoi: Pai dubu e, Taiba aibo warowaeviai ro imoido wia batibati oubido roro orowaevia tato teiri? 23Iesuro nouido naibaha omowameai naiba iaowa: Ina dubu nou mo niro emahebidiowa, mo wade nouro aiwaidodiai wia mo Abearo nou niro aiwamahebidioi wia imeiti nouido ainaido‐o’ui wia noumu ainaido emidioi. 24Dubu nou mo niro emahebidio tatowa nouvia mo wade modobo idodiai biahai wia nouri wade rio naibaha airirovidiodumo nou mo wade biahai, Abea mo nouro notiodoiro nou waderi.
25Nouri nana mo rioido nou niao, nouri hiwionu nouowa mo riomu nou nemidio. 26Wia nouri Kiwabatuti‐urio, nouvia Tana‐uriori, Abea mo painaito nouro nou aiwauro otiodoi. Nana auwoha nouro rioido aiwai‐atomuai, wia nouri nana auwoha mo rioido nou naro, Nouro rio iminito iraromodioi aiwaiwai. 27Amea amea mo riomu nebeedei mo himia amea rioido ainimaati. Batibati oubi auwoha kimaai na nei aibo, moro rioido imaai biahai. Rio imini godogodo iraromodioumo aue wia rio iminiwa tore iatimo aue. 28Rio tau orovidioumo nouri wade mo nou naro rioido: Mai no’u wia mo rioido ainauro‐araiwai. Ina rio mo niro imahebidiomowa rioo geii aiwaimo‐oiti, mabu nouri moro mo Abeaido na’ui, ina mo Abea nou auwori mo aibo biahai. 29Wia doihabuo mo rioido nou naro, ta’ui nouowa nouri na o’a biahai mabu nouri ina nou aiwau‐ro’ui rioo aiwaimo‐irovidioi. 30Dooudo mo godogodo wade iao raihe riomu mabu nouri Batibati pai‐dubu aiwauro’ui, wia nou na ata momu o’a biahai. 31Wia nouri wade modoboi Abearo moido nou nemaairo mo naibaha nidodiai, batibati oubi auwoha umo‐iwai, moro mo Abea niro nemahebidio. Tatoamo. Imo batinu noudo taimo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.