Ioane 15
15
1Movia naiheha vineri wia mo Abea nou vine kiauri duburi. 2Keteri auwoha iopu omohaudio tatowa nou naibaha airiahio wia keteri auwoha iopu iohiwa nou sovio rimowai ina nouri nou iopu amida godo meaha riohidumo. 3Doihabuo rio soviori, mabu nouri wade mo nou naro rioido. 4Momu tamidioumo nou aibo mo riomu nou nemidio. Keteri nou himia gauwoha, iopu imohaudio raihe ina vine nou i’a tatowa, nou aibo rio iopu imohaudioumo raihe ina rio momu emidioumo biahai. 5Movia vineri, riovia ketereri. Dubu nou momu emidiowa wia mo noumuri, nouri dubu iopu godogodo romohaudio, mabu nouri na ata mo tatowa rioo idodiaimo raihe. 6Ina dubu ata momu emidio tatowa, nou keteri aibo karatuiairi wia nou wahiri wia oubio airiiriatutidumo kupoito iheremoi wia nei airipiamutidumo. 7Ina rio momu emidiomowa wia mo wade riomu emidiowa, nouri nana rio niro, rioo aiwaimo‐atodoi ina nouro rioido aiwaidodiai. 8Ina rio meamea iopu imohaudiowa, rioo mo Abea pai aiwaimo‐owai wia nou aibo riovia mo himia naiheha kitomudio mereri. 9Mo rio niro nimahebidio naiba mo Abearo mo niro remahebidioro. Rioo mo himia niro na’i, nou turiwa tamidioumo. 10Ina rio mo wade modobo naibaha idodiaimowa rioo mo niro na’i nou turiwa aiwaimo‐emidioi naiba mo Abea wade modobo’i mo naibaha nidodiai wia nou niro na’i mo nou turiwa nemidio. 11Nouri wade mo nou naro rioido ina nouri mo geii na riomu emidioi wia rio himia geii na nou auwo‐aiwaiti. 12Nouri mo wade modobo, Rio himia himia niro taremahebidioumo nou aibo moro rio niro nou nimahebidio. 13Ina dubu nou himia kiiro nou himia mabu oubido atouaiwa, niro na ata nou aibo auwo, duburo owea raihe. 14Ina nouri nana mo rioido wade modoboito nou niao rioo idodiaiwamowa, riovia mo mabu oubiri. 15Doihabuo moro rio kowaati‐mereito imahoodio biahai, mabu nouri kowaati‐mere nou umo biahai nouri nana nou himia pai‐duburo kidodiai wia rio moro mabu oubito niahoodiodai, mabu nouri auwoha nana mo Abea maatoudo mo tau nirovidio moro rioido nou niwaevia. 16Mo rioo emeibomaimo biahai, moro rio ainimeibomai ina rioo bato’umo iopu godogodo imohaudiomoi wia rio himia iopu bativia tutimo wia auwoha nana rio Abeaido bati atodoumo nouro rioido batimaatidio. 17Nouri nana mo rioido wade modoboito nou naro, nouri rio himia himia niro taremahebidioumo. 18Ina batibati oubi auwoha rio oriha iaurimowa rio umori opuito mo neiio ori naiba neauriumo nou aibo neiio rio ori nou riauridumo. 19Ina rio batibati oubi aibori, batibati oubi rio niro batimahebidioumo, ata rio batibati oubi aibo biahai, wia moro rio batibatiudo nimeibomairo; mabu nouri batibati oubi nei rio oriha riauridumo. 20Tararomomo rio nouri wadenu mo nou naro rioido; hiwaa‐mere nou pai biahai nou himia pai‐dubumu. Ina neiio mo gooa tau nowaumo, ina neiio rio gooa naiba waimo‐iwai, ina nei mo wade irovidiomowa, ina neiio nou aibo rio wade aiwaimo‐irovidioi. 21Wia nouri nana auwoha neiio rioido aiwaimo‐idodiai mo painaito, mabu nouri nei umo biahai mo kotiodoi urio’i. 22Ina mo opuito o’u biahai wia neido ia’o biahai, nei uba uba kidia iaamo riahe, ata doihabuo kimowamedio wadei nei himia ubauba kidia nei iviamoraihe. 23Dubu nou mo oriha eauriwa nou aibo nouro mo Abea oriha aireauri. 24Ina mo nei mabuwa idodiai tatowa tiaha kidodiai na’i, ata duburo nou aibo idodiai raihe, ubauba kidia neiio iworohomo biahai; ata doihabuo nei airiauridumu wia mo wia mo Abea imeiti neiio oriha niauridumo. 25Nouri nana nou airo’uro nei himia bubu bukawa kiati wade naiheha iwaimoi, wade nouri: Neiio mo oriha neauridumo noupa teiri. 26Ina Kiwabatuti‐urio’i nou aiwauro’ui, nouri Urio’i moro rioido ainatiodoi Abea mabudo. Nouvia Neiheha‐uriori, Abea mabudo rohuodutiro, nouro moido kemapoi wade aiwauro‐aroi. 27Wia rioo nou aibo kemapoi wade aiwaimo‐iaoi, mabu nouri rio momu kemidiomoi karahoo ta’uwa.
Currently Selected:
Ioane 15: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Ioane 15
15
1Movia naiheha vineri wia mo Abea nou vine kiauri duburi. 2Keteri auwoha iopu omohaudio tatowa nou naibaha airiahio wia keteri auwoha iopu iohiwa nou sovio rimowai ina nouri nou iopu amida godo meaha riohidumo. 3Doihabuo rio soviori, mabu nouri wade mo nou naro rioido. 4Momu tamidioumo nou aibo mo riomu nou nemidio. Keteri nou himia gauwoha, iopu imohaudio raihe ina vine nou i’a tatowa, nou aibo rio iopu imohaudioumo raihe ina rio momu emidioumo biahai. 5Movia vineri, riovia ketereri. Dubu nou momu emidiowa wia mo noumuri, nouri dubu iopu godogodo romohaudio, mabu nouri na ata mo tatowa rioo idodiaimo raihe. 6Ina dubu ata momu emidio tatowa, nou keteri aibo karatuiairi wia nou wahiri wia oubio airiiriatutidumo kupoito iheremoi wia nei airipiamutidumo. 7Ina rio momu emidiomowa wia mo wade riomu emidiowa, nouri nana rio niro, rioo aiwaimo‐atodoi ina nouro rioido aiwaidodiai. 8Ina rio meamea iopu imohaudiowa, rioo mo Abea pai aiwaimo‐owai wia nou aibo riovia mo himia naiheha kitomudio mereri. 9Mo rio niro nimahebidio naiba mo Abearo mo niro remahebidioro. Rioo mo himia niro na’i, nou turiwa tamidioumo. 10Ina rio mo wade modobo naibaha idodiaimowa rioo mo niro na’i nou turiwa aiwaimo‐emidioi naiba mo Abea wade modobo’i mo naibaha nidodiai wia nou niro na’i mo nou turiwa nemidio. 11Nouri wade mo nou naro rioido ina nouri mo geii na riomu emidioi wia rio himia geii na nou auwo‐aiwaiti. 12Nouri mo wade modobo, Rio himia himia niro taremahebidioumo nou aibo moro rio niro nou nimahebidio. 13Ina dubu nou himia kiiro nou himia mabu oubido atouaiwa, niro na ata nou aibo auwo, duburo owea raihe. 14Ina nouri nana mo rioido wade modoboito nou niao rioo idodiaiwamowa, riovia mo mabu oubiri. 15Doihabuo moro rio kowaati‐mereito imahoodio biahai, mabu nouri kowaati‐mere nou umo biahai nouri nana nou himia pai‐duburo kidodiai wia rio moro mabu oubito niahoodiodai, mabu nouri auwoha nana mo Abea maatoudo mo tau nirovidio moro rioido nou niwaevia. 16Mo rioo emeibomaimo biahai, moro rio ainimeibomai ina rioo bato’umo iopu godogodo imohaudiomoi wia rio himia iopu bativia tutimo wia auwoha nana rio Abeaido bati atodoumo nouro rioido batimaatidio. 17Nouri nana mo rioido wade modoboito nou naro, nouri rio himia himia niro taremahebidioumo. 18Ina batibati oubi auwoha rio oriha iaurimowa rio umori opuito mo neiio ori naiba neauriumo nou aibo neiio rio ori nou riauridumo. 19Ina rio batibati oubi aibori, batibati oubi rio niro batimahebidioumo, ata rio batibati oubi aibo biahai, wia moro rio batibatiudo nimeibomairo; mabu nouri batibati oubi nei rio oriha riauridumo. 20Tararomomo rio nouri wadenu mo nou naro rioido; hiwaa‐mere nou pai biahai nou himia pai‐dubumu. Ina neiio mo gooa tau nowaumo, ina neiio rio gooa naiba waimo‐iwai, ina nei mo wade irovidiomowa, ina neiio nou aibo rio wade aiwaimo‐irovidioi. 21Wia nouri nana auwoha neiio rioido aiwaimo‐idodiai mo painaito, mabu nouri nei umo biahai mo kotiodoi urio’i. 22Ina mo opuito o’u biahai wia neido ia’o biahai, nei uba uba kidia iaamo riahe, ata doihabuo kimowamedio wadei nei himia ubauba kidia nei iviamoraihe. 23Dubu nou mo oriha eauriwa nou aibo nouro mo Abea oriha aireauri. 24Ina mo nei mabuwa idodiai tatowa tiaha kidodiai na’i, ata duburo nou aibo idodiai raihe, ubauba kidia neiio iworohomo biahai; ata doihabuo nei airiauridumu wia mo wia mo Abea imeiti neiio oriha niauridumo. 25Nouri nana nou airo’uro nei himia bubu bukawa kiati wade naiheha iwaimoi, wade nouri: Neiio mo oriha neauridumo noupa teiri. 26Ina Kiwabatuti‐urio’i nou aiwauro’ui, nouri Urio’i moro rioido ainatiodoi Abea mabudo. Nouvia Neiheha‐uriori, Abea mabudo rohuodutiro, nouro moido kemapoi wade aiwauro‐aroi. 27Wia rioo nou aibo kemapoi wade aiwaimo‐iaoi, mabu nouri rio momu kemidiomoi karahoo ta’uwa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.