Ioane 16
16
1Nouri nana mo rioido nou naro ina nouri rio neiio imodoriatutimo biahai. 2Sunagoudo rio neiio aiwaimo‐ihere wia hiwio’i aiwauro’ui ina rio korowoto dubui nou naibaha araromo nou Iehova kowaati duburi. 3Wia nouri nana auwoha neiio rioido aiwaimo‐idodiai, mabu nouri mo Abea wia mo nei umoitimo biahai. 4Wia nouri nana mo rioido nou naro ina nouri nou ta’uwa nei aiwau‐mo’ui rioo naibaha waimo‐iraromoi taiba mo rioido nou naro. Wia nouri nana, kowahoro ta’uwa, moro rioido aro tato nou nou’a, mabu nouri mo riomu nemidio. 5Wia doihabuo mo himia naveito mai no’u, mo kotiodoi dubui nouido, wia na’u dubu rio auwoha nouro mo atodoi biahai, Tobatito wa’ui ro? 6Wia mibo nanao rio giopu tau iapeutiumo mabu nouri nana mo rioido nou naro. 7Ata, mo rioido naiheha wade nou naro, Nou meaha rioido ina mo aino’u, mabu nouri ina mo o’u tatowa, Kiwabatuti‐urio rioido o’u raihe, ina mai no’uro nou rioido moro ainauro‐tiodoi. 8Ina nou ta’uwa nou o’uwa batibati oubi auwoha nouro aiwaiwotoi wia ubauba kidiara, meamea kidiara wia kiwotoi nana’i, oubi auwoha nouro umo aiwaiwai. 9Ubauba kidia, mabu nouri nei moido irovidioumo biahai. 10Meamea kidia, mabu nouri mo mo Abeaido naibaha no’u wia hiwio ata rioo mo eaurimo raihe. 11Kiwotoi nana’i, mabu nouri batibati pai‐dubu nouro tau iwotoi. 12Amida nana godogodo moro ainiworoho, rioido iaoi, ata doihabuo nei pauwori. 13Ata nou ta’uwa Naiheha‐urio’i aiwau‐ro’ui nouro rio naiheha nanaito auwoha aiwai‐waboiiai, mabu nouri nou himiaido nouro iao raihe ata nouri nana nou aiwai‐rovidioi nouro aiwaroi, wia dooudo ko’u nana’i nouro rioido aiwai‐waeviai. 14Nouro mo pai ainawai, mabu nouri mo nana’i nouro aiwaimidai wia rioido aiwai‐waeviai. 15Mo Abearo kiworoho nana’i auwoha nei mo nanari: mabu nouri rioido moro nou naro: Mo nana’i nouro aiwaimidai wia rioido aiwaiwaeviai. 16Ina hiwio ata keke rioo mo eaurimo raihe, ina hiwio ata keke rioo mo ainaimo‐eauri, mabu nouri mo Abeaido na’ui. 17Wia nou himia kitomudio mere amida nei himia himia naibaha iaowaumo: Teiri raro nouri wade imoido, Ina hiwio ata keke rioo mo eaurimo raihe, ina hiwio ata keke rioo mo ainaimo‐eauri, wia mabu nouri mo Abeaido na’ui? 18Nouri nei naibaha iaowaumo: Teiri raro nouri wade imoido: Ina hiwio ata keke? Imo umo biahai teiri raro nouri wade. 19Wia Iesu nou umori neiio nouido atodoi niroi wia nou neido naiba iaowa, Rio himia himia teiri raratorowadumo nouri nana mo nou naro rioido: Ina hiwio ata keke rioo mo eaurimo raihe, ina hiwio ata keke rioo mo ainaimo‐eauri? 20Naiheha naiheha mo rioido ainaro, rioo idebi aiwaimo‐irotuti wia rio giopu mibo nana aiwaimo‐iraromodioi; wia batibati oubi auwoha nei tiaha geii waimo‐emahebidioi, wia rio giopo auwo mibo waimo‐imahebidioi; ata rio mibo nana’i auwo geii nanao aiwaimo‐iwaeviai. 21O’bo nou merero aaiwa, nou giopu miboi, mabu nouri nou koroto ta’uri wia nou ta’uwa mere nouro orotowa, ata hiwiowa nou himia temeteme nana’i nouro iraromo raihe mabu nouri nou tiaha geii imahebidio dubu nouro tau oroto batibatinu nouowa. 22Wia doihabuo rio giopu mibo nou aibo rimahebidiodumo, ata moro rio ina ainaiauri wia rio giopu geii waimo‐imahebidioi, wia rio geii nana’i dubu ataro rio mabudo ihee biahai. 23Wia hiwio’i nouowa na ata rioo mo atodoimo raihe, Naiheha naiheha rioido mo ainaro, nana auwoha rioo Abeaido atodoimowa mo painawa, nouro rioido aiwauro‐imaai. 24Opuito hiwio’i nouowa na ata rioo atodoimo biahai; tatodoimo ina rio’o aiwaimo‐iviai ina nouri rio geii nanao aiwaimo‐iapeuti.
25Nouri nana mo rioido nou naro oroaibo wadeito wia hiwio o’uwa ina moro rioido oroaibo wade aro raihe, wia moro rioido Abea paeaha ainawaeviai. 26Wia hiwio nouowa rioo mo painawa aiwaimo‐atodoi wia mo rioido aro biahai moro Abeaido natodoi rioido. 27Mabu nouri, Abea nou himia niro rimahebidio rioido mabu nouri rioo mo niro imahebidioumo wia rioo iraromodioumo mo Abeaudo nohuoro. 28Moro mo Abea mabudo tau nohuoro wia batibati auwohaito mai no’uro, ina mo batibati auwoha ainimeheai wia Abeaido no’u. 29Nou kitomudio mere nouido naibaha iaowaumo: Doihabuo ro pakeha raro, oroaibo wadeito aro biahai. 30Doihabuo imo umori rovia nana auwoha umori, wia imo niro biahai ata na roido atodoimoi. Nouri kiao wadei imo umo iwai iraromodioi, Rovia Iehovaudo tau ohuoro. 31Iesuro neido naibaha imowameai, Doihabuo rioo arirovidiodumo? 32Taaurimo, hiwio aiwau‐ro’ui, doihabuo nou airo’uro wia rio auwoha aiwaimo‐aratuuti, dubu auwoha nei himia mabuito wia rioo mo gauwoha naimoebeede; ata mo gauwoha biahai mabu nouri Abea nou mo muri. 33Nouri kiao wade mo rioido nou naro nouri rio amea amea momu ainaimo‐oworohoi. 34Batibatiwa rioo ubauba kiraromodio na’i aiwaimo‐oweai, ata tore mo’a, moro batibati auwoha tau nimubia.
Currently Selected:
Ioane 16: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Ioane 16
16
1Nouri nana mo rioido nou naro ina nouri rio neiio imodoriatutimo biahai. 2Sunagoudo rio neiio aiwaimo‐ihere wia hiwio’i aiwauro’ui ina rio korowoto dubui nou naibaha araromo nou Iehova kowaati duburi. 3Wia nouri nana auwoha neiio rioido aiwaimo‐idodiai, mabu nouri mo Abea wia mo nei umoitimo biahai. 4Wia nouri nana mo rioido nou naro ina nouri nou ta’uwa nei aiwau‐mo’ui rioo naibaha waimo‐iraromoi taiba mo rioido nou naro. Wia nouri nana, kowahoro ta’uwa, moro rioido aro tato nou nou’a, mabu nouri mo riomu nemidio. 5Wia doihabuo mo himia naveito mai no’u, mo kotiodoi dubui nouido, wia na’u dubu rio auwoha nouro mo atodoi biahai, Tobatito wa’ui ro? 6Wia mibo nanao rio giopu tau iapeutiumo mabu nouri nana mo rioido nou naro. 7Ata, mo rioido naiheha wade nou naro, Nou meaha rioido ina mo aino’u, mabu nouri ina mo o’u tatowa, Kiwabatuti‐urio rioido o’u raihe, ina mai no’uro nou rioido moro ainauro‐tiodoi. 8Ina nou ta’uwa nou o’uwa batibati oubi auwoha nouro aiwaiwotoi wia ubauba kidiara, meamea kidiara wia kiwotoi nana’i, oubi auwoha nouro umo aiwaiwai. 9Ubauba kidia, mabu nouri nei moido irovidioumo biahai. 10Meamea kidia, mabu nouri mo mo Abeaido naibaha no’u wia hiwio ata rioo mo eaurimo raihe. 11Kiwotoi nana’i, mabu nouri batibati pai‐dubu nouro tau iwotoi. 12Amida nana godogodo moro ainiworoho, rioido iaoi, ata doihabuo nei pauwori. 13Ata nou ta’uwa Naiheha‐urio’i aiwau‐ro’ui nouro rio naiheha nanaito auwoha aiwai‐waboiiai, mabu nouri nou himiaido nouro iao raihe ata nouri nana nou aiwai‐rovidioi nouro aiwaroi, wia dooudo ko’u nana’i nouro rioido aiwai‐waeviai. 14Nouro mo pai ainawai, mabu nouri mo nana’i nouro aiwaimidai wia rioido aiwai‐waeviai. 15Mo Abearo kiworoho nana’i auwoha nei mo nanari: mabu nouri rioido moro nou naro: Mo nana’i nouro aiwaimidai wia rioido aiwaiwaeviai. 16Ina hiwio ata keke rioo mo eaurimo raihe, ina hiwio ata keke rioo mo ainaimo‐eauri, mabu nouri mo Abeaido na’ui. 17Wia nou himia kitomudio mere amida nei himia himia naibaha iaowaumo: Teiri raro nouri wade imoido, Ina hiwio ata keke rioo mo eaurimo raihe, ina hiwio ata keke rioo mo ainaimo‐eauri, wia mabu nouri mo Abeaido na’ui? 18Nouri nei naibaha iaowaumo: Teiri raro nouri wade imoido: Ina hiwio ata keke? Imo umo biahai teiri raro nouri wade. 19Wia Iesu nou umori neiio nouido atodoi niroi wia nou neido naiba iaowa, Rio himia himia teiri raratorowadumo nouri nana mo nou naro rioido: Ina hiwio ata keke rioo mo eaurimo raihe, ina hiwio ata keke rioo mo ainaimo‐eauri? 20Naiheha naiheha mo rioido ainaro, rioo idebi aiwaimo‐irotuti wia rio giopu mibo nana aiwaimo‐iraromodioi; wia batibati oubi auwoha nei tiaha geii waimo‐emahebidioi, wia rio giopo auwo mibo waimo‐imahebidioi; ata rio mibo nana’i auwo geii nanao aiwaimo‐iwaeviai. 21O’bo nou merero aaiwa, nou giopu miboi, mabu nouri nou koroto ta’uri wia nou ta’uwa mere nouro orotowa, ata hiwiowa nou himia temeteme nana’i nouro iraromo raihe mabu nouri nou tiaha geii imahebidio dubu nouro tau oroto batibatinu nouowa. 22Wia doihabuo rio giopu mibo nou aibo rimahebidiodumo, ata moro rio ina ainaiauri wia rio giopu geii waimo‐imahebidioi, wia rio geii nana’i dubu ataro rio mabudo ihee biahai. 23Wia hiwio’i nouowa na ata rioo mo atodoimo raihe, Naiheha naiheha rioido mo ainaro, nana auwoha rioo Abeaido atodoimowa mo painawa, nouro rioido aiwauro‐imaai. 24Opuito hiwio’i nouowa na ata rioo atodoimo biahai; tatodoimo ina rio’o aiwaimo‐iviai ina nouri rio geii nanao aiwaimo‐iapeuti.
25Nouri nana mo rioido nou naro oroaibo wadeito wia hiwio o’uwa ina moro rioido oroaibo wade aro raihe, wia moro rioido Abea paeaha ainawaeviai. 26Wia hiwio nouowa rioo mo painawa aiwaimo‐atodoi wia mo rioido aro biahai moro Abeaido natodoi rioido. 27Mabu nouri, Abea nou himia niro rimahebidio rioido mabu nouri rioo mo niro imahebidioumo wia rioo iraromodioumo mo Abeaudo nohuoro. 28Moro mo Abea mabudo tau nohuoro wia batibati auwohaito mai no’uro, ina mo batibati auwoha ainimeheai wia Abeaido no’u. 29Nou kitomudio mere nouido naibaha iaowaumo: Doihabuo ro pakeha raro, oroaibo wadeito aro biahai. 30Doihabuo imo umori rovia nana auwoha umori, wia imo niro biahai ata na roido atodoimoi. Nouri kiao wadei imo umo iwai iraromodioi, Rovia Iehovaudo tau ohuoro. 31Iesuro neido naibaha imowameai, Doihabuo rioo arirovidiodumo? 32Taaurimo, hiwio aiwau‐ro’ui, doihabuo nou airo’uro wia rio auwoha aiwaimo‐aratuuti, dubu auwoha nei himia mabuito wia rioo mo gauwoha naimoebeede; ata mo gauwoha biahai mabu nouri Abea nou mo muri. 33Nouri kiao wade mo rioido nou naro nouri rio amea amea momu ainaimo‐oworohoi. 34Batibatiwa rioo ubauba kiraromodio na’i aiwaimo‐oweai, ata tore mo’a, moro batibati auwoha tau nimubia.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.