Luka 10
10
1Nouri kidodiai na’i dooudo, Pai‐duburo 70 oubi ata naibaha imapoiwa. Nei nou himia hohowa nouro neewa neewa naibaha itiodutiwa oopoito wia batibatito auwoha, nouri batii noito doo nou himia aiwau‐ro’ui. 2Nouri nou neido naiba iaowa; Maara iopu nei godogodori ata kiwaati oubi nei godo biahai. Rioo naiha bati pai‐dubuido hobo ratodoidumo, kowaati merei nou himia bati mabuito nouro itiodoi. 3Ta’umo rio himia navewa. Taaurimo moro rio ainitiodoi mamoe aibo heauwo kaukau turi goroito. 4Rioo haora, ba’era, doboi konora iworohoumo aue wia oubi amida rioo navewa imohoiiodiomo aue. 5Ina moto’i noito rio idoumowa, opuito taroumo, Amea moto’i noito ta’uro. 6Ina amea mere nouowa emidio rio himia amea nouido aiwau‐ro’ui, ina nou amea tatowa, rio himia amea rioido ina aiwaraiwai. 7Wia moto’i nouowa tamidioumo wia nouri nana neiio rioido imaaimowa rioo taihomo wia taidiomo mabu nouri nou meaha kowaati mere nou wiha imorohoi. Ro moto ata, moto ata ioruriomo aue. 8Wia oopo’i nouowa rio orohomowa, ina neiio rio iaubuaimowa, nouri kihona nei idiamomo rio hohowa rio taihiomo wia taidiomo. 9Wia temeteme oubi nouowa rioo meaha taiwahiitimo wia neido taromo, Iehova bububati rioido tariwai tau ro’u. 10Wia oopo nouowa rio orohomowa ina neiio rio iaubuaimo tatowa rioo nei himia navewa naibaha ta’umo naiba ta’iaomo. 11Rio himia oopo tuo‐tuo imo konowa riatedumo imoo naibaha narahurutiwaumo rio ubauba kidia iwaeviamoi; ina ata umotaitimo rio, Iehova bububati rioido tariwai tau ro’u. 12Wia rioido mainiao, Nouri hiwiowa Sodomaro keke uba wiha aiwaweai wia oopo nouri nouro auwo uba wiha aiwaweai. 13Korasina e, ro uba aiwaiti. Betesaida e, ro uba aiwaiti. Nouri tiaha pupuo kidodiai na’i rio mabuwa tau idodiaumo, ina neiio Turora Sidonara mabuwa idodiaimoi, neitivia imini imoworohotutudo tauo‐tauori, adiri garadibo ramu wia hopu ramu. 14Wia kemeiwotatuti hiwiowa, Turora Sidonara neitio auwo uba wiha oweatoi raihe wia rioo ubauba wiha godogodo aiwaimo‐iviai. 15Wia ro Kapenauma e, Roro toboro ohuito tau iaotaiwa, ro Gehenaito aiwa‐ruoi. 16Dubu nou rio irovidiowa nou moido korovidiori wia dubu nou rio imebeiuaiwa nou moido kemebeiuairi wia dubu nou mo emebeiuaiwa mo nouroi notiodoiro nouro nou kemebeiuairi.
17Wia nouri 70 oubi geii ramu naibaha araiwaiwaumo naiba iaowaumo: Pai‐dubu e, Uba urio’i nei himia, imo kiao wade ro painawa neiio naibaha irovidiowaumo. 18Wia nou neido naiba iaowa: Satana toboro mabudo airoromoouti babase aibo moro ainemeauri. 19Taaurimo moro rioido pupuo tau nimaati ede wia dotounio iateemaimoi wia korowaiematuti oubi nei himia pupuo iateemaimoi wia nana amida auwoha neiio rio gooa iwaimo raihe. 20Ata rioo geii imahebidioumo aue nouri uba urio rioido irovidiomoi, na’u rioo geii taitimo mabu nouri rio himia paina’i toborowa tau iati.
21Nou ta’uwa Iesu urio’i geii emahebidio wia nou naiba iaowa: Mo roido ainemabiti, Abea e, toborora hopura Pai‐duburi, mabu nouri imini mea oubira, keauri mea oubira nei aueudo, roro nana nouri tau ipiraa wia bamuido roro naibaha imapoiwa; mabu nouri kidia’i naiba ro idomaito nou meaha aibori. 22Mo Abea nana auwoha moido tau nemaatiro wia dubu ata nou umo biahai Merenu botiri, Abea nou himia gauwoha, wia dubu ata nou umo biahai Abea botiri, Mere nou himia gauwoha wia nouri dubu Mere nou niro Abea nouido aiwawaeviai. 23Wia nou himia kitomudio mereido nouro naibaha imeteai wia neido gauwoha nou naiba iaowa: Nouri idomai nei airiauridumo nana nouri rio idomoito nou riauridumo, nei tiaha geiiri. 24Mabu nouri mo rioido ainiao, Nouri nana rio rimeauridumo, peroveta‐oubi godo wia pai‐oubi godo neiio auwo niro iaurimoi ina neiio iaurimo raihe wia nouri nana rio nou rirovidiodumo neiio auwo niro irovidiomoi ina neiio irovidioumo biahai.
25Wia na’u bubu‐kiapo‐dubu naibaha otoa, nouido naibaha ematuhia, naiba iaowa: Auwo‐dubu e, touna niaiidai mo kiiro karae karae oweai? 26Iesu nouido naiba iaowa: Touna wade iati bubuwa. Roro teiri iati? 27Ina nou naibaha omowameaiwa naiba iaowa: Iehova ro himiaiha Urio‐abea roro nou niro kemahebidioiha taimahebidio, ro himia giopudo auwoha wia ro himia urioudo auwoha wia ro himia pupuoudo auwoha wia ro himia iminiudo auwoha wia ro dubu ata roro nou niro kimahebidioiha taimahebidio ro himiaido aibo. 28Wia nouro nouido naiba iaowa: Roro naiheha omowameaiwa; nou aibo tadodiai ina ro kiiro aiwaweai. 29Wia nou niro nou himia gamooiha eremeiwotai wia Iesuido nouro naiba iaowa: Mo himia dubu boti? 30Iesu naibaha omowameaiwa naiba iaowa: Na’u duburo Ierusalemaudo Ierikoito naibaha oruoro wia piro oubio naibaha owahirutiumo, neiio nou hipura naibaha owaubutiwaumo naiba atetutiwaumo wia nei naibaha o’umo nou naibaha emeheaumo koihiai tariwai. 31Wia kohena‐dubu na’u hobo aibo idaroho nouri navewa, ina nouro nou idawea ata hapuoito nou naibaha irohodai. 32Nou aibo na’u Levi gu dubu, ina batii nouowa nou naibaha eredea nouro naibaha o’uro nouido naiba eauri wia ata hapuoito naibaha irohodai. 33Wia Samaria dubu na’u, nou ta’uwa nou idao idao, nouri dubu korou batiwa nou naibaha o’uro ina nouro nou naibaha eauri, nou nouido niainiai emahebidiowa. 34Wia nouido naibaha o’u wia nou na nato naibaha otohitiwa, diomora winera nei ohuwa ahauodoi wia dubunu nouro nou himia asina ohuwa naibaha owomi wia oubi kemidio motoito nouro nou naibaha owou wia nouido meaha naibaha eauri. 35Wia dudueido ina nou naibaha o’u, moni neewa nouro naibaha ioutiamama wia moto keauri dubuido naibaha emaai naiba iaowa: Ro nouido meaha taauri ina moni ata ro wiha nou nowai ina mo araiwaiwa roido mo wiha ainamaai. 36Taiba dubu nouri dubu neewa na’u, nou nou himia dubu aibori piro oubi kowahiruti dubu nouido, touna rararomo ro? 37Wia nou naiba iaowa: Nouri dubu nou nouido niainiai emahebidio. Ina Iesu nouido naiba iaowa: Ta’u rovia nou aibo taidodiairo.
38Ina nou ta’uwa nei himia naveito neiio naibaha o’umo, na’u oopoito nou naibaha odoro wia douai behe na’u, paina Mata, nou motoito nouro nou naibaha aubuai. 39Nou nirabo muri, paina Maria, nouro Iesu kono mabuwa naibaha emi wia nou wade naibaha irovidiowa. 40Wia Mata godogodo kowaati naibaha idodiaiwa, nei imotoiwa, wia nou Iesuido naibaha o’u nouido naiba iaowa: Pai‐dubu e, ro moido niainiai tatora, mo niraboro ainemeheai mo gauwoha nimotoi, nouri nouido taro mo wabai. 41Wia Iesu omowameai nouido naiba iaowa, Mata, Mata, rovia pauwo rowaati ina imini godogodoha riraromodio. 42Wia na’u ata na nou meahari wia Mariaro nouri mea na ata tau imebomai ina nouri na nou aueudo ahiitimo raihe.
Currently Selected:
Luka 10: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Luka 10
10
1Nouri kidodiai na’i dooudo, Pai‐duburo 70 oubi ata naibaha imapoiwa. Nei nou himia hohowa nouro neewa neewa naibaha itiodutiwa oopoito wia batibatito auwoha, nouri batii noito doo nou himia aiwau‐ro’ui. 2Nouri nou neido naiba iaowa; Maara iopu nei godogodori ata kiwaati oubi nei godo biahai. Rioo naiha bati pai‐dubuido hobo ratodoidumo, kowaati merei nou himia bati mabuito nouro itiodoi. 3Ta’umo rio himia navewa. Taaurimo moro rio ainitiodoi mamoe aibo heauwo kaukau turi goroito. 4Rioo haora, ba’era, doboi konora iworohoumo aue wia oubi amida rioo navewa imohoiiodiomo aue. 5Ina moto’i noito rio idoumowa, opuito taroumo, Amea moto’i noito ta’uro. 6Ina amea mere nouowa emidio rio himia amea nouido aiwau‐ro’ui, ina nou amea tatowa, rio himia amea rioido ina aiwaraiwai. 7Wia moto’i nouowa tamidioumo wia nouri nana neiio rioido imaaimowa rioo taihomo wia taidiomo mabu nouri nou meaha kowaati mere nou wiha imorohoi. Ro moto ata, moto ata ioruriomo aue. 8Wia oopo’i nouowa rio orohomowa, ina neiio rio iaubuaimowa, nouri kihona nei idiamomo rio hohowa rio taihiomo wia taidiomo. 9Wia temeteme oubi nouowa rioo meaha taiwahiitimo wia neido taromo, Iehova bububati rioido tariwai tau ro’u. 10Wia oopo nouowa rio orohomowa ina neiio rio iaubuaimo tatowa rioo nei himia navewa naibaha ta’umo naiba ta’iaomo. 11Rio himia oopo tuo‐tuo imo konowa riatedumo imoo naibaha narahurutiwaumo rio ubauba kidia iwaeviamoi; ina ata umotaitimo rio, Iehova bububati rioido tariwai tau ro’u. 12Wia rioido mainiao, Nouri hiwiowa Sodomaro keke uba wiha aiwaweai wia oopo nouri nouro auwo uba wiha aiwaweai. 13Korasina e, ro uba aiwaiti. Betesaida e, ro uba aiwaiti. Nouri tiaha pupuo kidodiai na’i rio mabuwa tau idodiaumo, ina neiio Turora Sidonara mabuwa idodiaimoi, neitivia imini imoworohotutudo tauo‐tauori, adiri garadibo ramu wia hopu ramu. 14Wia kemeiwotatuti hiwiowa, Turora Sidonara neitio auwo uba wiha oweatoi raihe wia rioo ubauba wiha godogodo aiwaimo‐iviai. 15Wia ro Kapenauma e, Roro toboro ohuito tau iaotaiwa, ro Gehenaito aiwa‐ruoi. 16Dubu nou rio irovidiowa nou moido korovidiori wia dubu nou rio imebeiuaiwa nou moido kemebeiuairi wia dubu nou mo emebeiuaiwa mo nouroi notiodoiro nouro nou kemebeiuairi.
17Wia nouri 70 oubi geii ramu naibaha araiwaiwaumo naiba iaowaumo: Pai‐dubu e, Uba urio’i nei himia, imo kiao wade ro painawa neiio naibaha irovidiowaumo. 18Wia nou neido naiba iaowa: Satana toboro mabudo airoromoouti babase aibo moro ainemeauri. 19Taaurimo moro rioido pupuo tau nimaati ede wia dotounio iateemaimoi wia korowaiematuti oubi nei himia pupuo iateemaimoi wia nana amida auwoha neiio rio gooa iwaimo raihe. 20Ata rioo geii imahebidioumo aue nouri uba urio rioido irovidiomoi, na’u rioo geii taitimo mabu nouri rio himia paina’i toborowa tau iati.
21Nou ta’uwa Iesu urio’i geii emahebidio wia nou naiba iaowa: Mo roido ainemabiti, Abea e, toborora hopura Pai‐duburi, mabu nouri imini mea oubira, keauri mea oubira nei aueudo, roro nana nouri tau ipiraa wia bamuido roro naibaha imapoiwa; mabu nouri kidia’i naiba ro idomaito nou meaha aibori. 22Mo Abea nana auwoha moido tau nemaatiro wia dubu ata nou umo biahai Merenu botiri, Abea nou himia gauwoha, wia dubu ata nou umo biahai Abea botiri, Mere nou himia gauwoha wia nouri dubu Mere nou niro Abea nouido aiwawaeviai. 23Wia nou himia kitomudio mereido nouro naibaha imeteai wia neido gauwoha nou naiba iaowa: Nouri idomai nei airiauridumo nana nouri rio idomoito nou riauridumo, nei tiaha geiiri. 24Mabu nouri mo rioido ainiao, Nouri nana rio rimeauridumo, peroveta‐oubi godo wia pai‐oubi godo neiio auwo niro iaurimoi ina neiio iaurimo raihe wia nouri nana rio nou rirovidiodumo neiio auwo niro irovidiomoi ina neiio irovidioumo biahai.
25Wia na’u bubu‐kiapo‐dubu naibaha otoa, nouido naibaha ematuhia, naiba iaowa: Auwo‐dubu e, touna niaiidai mo kiiro karae karae oweai? 26Iesu nouido naiba iaowa: Touna wade iati bubuwa. Roro teiri iati? 27Ina nou naibaha omowameaiwa naiba iaowa: Iehova ro himiaiha Urio‐abea roro nou niro kemahebidioiha taimahebidio, ro himia giopudo auwoha wia ro himia urioudo auwoha wia ro himia pupuoudo auwoha wia ro himia iminiudo auwoha wia ro dubu ata roro nou niro kimahebidioiha taimahebidio ro himiaido aibo. 28Wia nouro nouido naiba iaowa: Roro naiheha omowameaiwa; nou aibo tadodiai ina ro kiiro aiwaweai. 29Wia nou niro nou himia gamooiha eremeiwotai wia Iesuido nouro naiba iaowa: Mo himia dubu boti? 30Iesu naibaha omowameaiwa naiba iaowa: Na’u duburo Ierusalemaudo Ierikoito naibaha oruoro wia piro oubio naibaha owahirutiumo, neiio nou hipura naibaha owaubutiwaumo naiba atetutiwaumo wia nei naibaha o’umo nou naibaha emeheaumo koihiai tariwai. 31Wia kohena‐dubu na’u hobo aibo idaroho nouri navewa, ina nouro nou idawea ata hapuoito nou naibaha irohodai. 32Nou aibo na’u Levi gu dubu, ina batii nouowa nou naibaha eredea nouro naibaha o’uro nouido naiba eauri wia ata hapuoito naibaha irohodai. 33Wia Samaria dubu na’u, nou ta’uwa nou idao idao, nouri dubu korou batiwa nou naibaha o’uro ina nouro nou naibaha eauri, nou nouido niainiai emahebidiowa. 34Wia nouido naibaha o’u wia nou na nato naibaha otohitiwa, diomora winera nei ohuwa ahauodoi wia dubunu nouro nou himia asina ohuwa naibaha owomi wia oubi kemidio motoito nouro nou naibaha owou wia nouido meaha naibaha eauri. 35Wia dudueido ina nou naibaha o’u, moni neewa nouro naibaha ioutiamama wia moto keauri dubuido naibaha emaai naiba iaowa: Ro nouido meaha taauri ina moni ata ro wiha nou nowai ina mo araiwaiwa roido mo wiha ainamaai. 36Taiba dubu nouri dubu neewa na’u, nou nou himia dubu aibori piro oubi kowahiruti dubu nouido, touna rararomo ro? 37Wia nou naiba iaowa: Nouri dubu nou nouido niainiai emahebidio. Ina Iesu nouido naiba iaowa: Ta’u rovia nou aibo taidodiairo.
38Ina nou ta’uwa nei himia naveito neiio naibaha o’umo, na’u oopoito nou naibaha odoro wia douai behe na’u, paina Mata, nou motoito nouro nou naibaha aubuai. 39Nou nirabo muri, paina Maria, nouro Iesu kono mabuwa naibaha emi wia nou wade naibaha irovidiowa. 40Wia Mata godogodo kowaati naibaha idodiaiwa, nei imotoiwa, wia nou Iesuido naibaha o’u nouido naiba iaowa: Pai‐dubu e, ro moido niainiai tatora, mo niraboro ainemeheai mo gauwoha nimotoi, nouri nouido taro mo wabai. 41Wia Iesu omowameai nouido naiba iaowa, Mata, Mata, rovia pauwo rowaati ina imini godogodoha riraromodio. 42Wia na’u ata na nou meahari wia Mariaro nouri mea na ata tau imebomai ina nouri na nou aueudo ahiitimo raihe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.