Luka 11
11
1Ina nou ta’uwa na’u batiwa nou kirodumeaito wade naibaha iaowa, ina nou oboiri nou himia kitomudio mere na’u nouido naiba iaowa: Pai‐dubu e, imoido tanimatomudioro kirodumeaito wade aroi naiba Ioane nou himia kitomudio mereido naibaha iatomuaiwa. 2Wia nou neido naiba iaowa, Ina rioo kirodumeaito wade iaomowa, nou aibo ta’iaomo; Imo Abea toborowa remidio, Ro paina tana aiwaiti. Ro bububati mo’uro. Ro bubui batibati auwoha idodiaiwamoi toboro aibo. 3Imo kihona roro tanimaatiro hiwio ata wia hiwio ata. 4Imo ubauba kidia roro kiraromo biahai naiba imoido goowa kiwai oubi imoo nei kidia iraromodiomo biahai. Kematuhe na’ito kiwaboiia biahai imo wia ubauba nanaudo imo tanitouti.
5Wia nou neido naiba iaowa: Botiri mabu‐dubu ramu, ina duo gohowa nou nouido aiwa‐o’ui wia nouido naiba aiwaroi, Mabu‐dubu e, dou kopi neewa na’u moido hobo aibo tanemaairo. 6Mabu nouri mo mabu‐dubu ata nou koroho ta’uwa nou moido naibaha o’uro wia moro na ata emedea biahai nou hohowa. 7Wia duburo goroudo aiwamowameai, Mo gooa kowai biahai. Biri koopairi doihabuo wia mo mere momu uwo niro dodoowa. Taiba koibuai mo roido emaai? 8Mo rioido ainaro, Nou o’ibua raihe ina emaai raihe nouri nou mabu‐duburi ata nouri nou airaraiwutiro nou aiwaibuai ina nouido aiwamaai taiba dou kopi niroi nou. 9Wia mo rioido ainaro, Tatodoimo rioo ina rioido nouro aiwauro imaai; tamohomo rioo ina rioo aiwaimo‐oweai; tamopo’utimo rioo ina nouro rioido aiwauro‐imaerai. 10Ina nouri kiatoduti oubi auwoha nouro neido aiwai‐maati, wia komoho dubu nouro aiwaveai, wia komopo’uti dubu nouido biri aiwauro emaerai. 11Ina dubu riomu nou abeari, noupa nou mere dou kopi atodoiwa, nou nouido akabu awamaai? ina nou na atodoiwa, nou nouido ede awamaai? 12Ina nou pahagama iopu atodoiwa, nou nouido dotounio awamaai? 13Ina rio, uba oubi aibori, mea nana rio himia mereido umoiti imaatimoi, taiba auwo nou aibori rio Toboro‐abea katoduti‐oubii neido Tana‐urio nouro aiwauro‐imaati.
14Wia mubaruo uba urio na’u nouro aiaho’iuti, ina uba urio nou tau ohuodidio, mubaruo duburo wade naibaha iaowa wia oubi auwoha aiemaeawaumo. 15Wia oubi amida naibaha iaowaumo: Ubauba urio’i nouro naibaha riaho’iouti Belesabula, pai uba‐urio, nou pupuito. 16Wia amida oubi nouido ematuhewaumo, neiio toboroudo modobo’i nouido naibaha iatodoumo. 17Wia nouro nei iminito kiraromo na’i umo naibaha oiti wia neido naiba iaowa: Batibati oubi auwoha ina nei himia himia aiwaimo eremahiiti, nei uba aiwai moiti, ina kerema’uti moto nou aiwarehebuti. 18Ina Satana nou himiaro aiwai‐ia’iai, nou bububati taiba pupuito riaa? Ina rioo naibaha iaowaumo mo uba urio niaho’iouti Belesabula pupuito. 19Ina mo Belesabula pupuito uba urio’i iaho’ioutiwa taiba pupuito rio himia merei naibaha iaho’ioutimoi? Nouri neiio rio kiwotoi oubi aibo aiwaimoiti. 20Ina mo Iehova tuito uba urio naibaha niaho’iouti, noupa Iehova bububati rioido tau o’uro. 21Nou ta’uwa pupuo dubu, nou himia kihi nana auwoha nei ramu, nou moto meaha naibaha eauri, nou himia moto nana’i auwoha meaha naibaha iaaumo. 22Ina nou ta’uwa dubu ata auwo pupuo, nou aibo biahai, nouido aiwau‐ro’ui, nouro nouido aiwatoihiro wia nou himia meaha kiraromo kihi nana’i auwoha nouro aiwa‐iahiiti wia nou kimei nana’i ata oubido nouro naibaha imedeamowa. 23Dubu nou momu biahai nourovia mo komobuori, wia dubu nou momu araubuai tatowa nourovia airiheredai. 24Nou ta’uwa ubauba urio, dubu aueudo ohuodidiowa, obo tato batibatiwa nouro naibaha orohowa, kemidio bati mea omohowa, wia nouro owea biahai. Ina nou naiba iaowa. Mo himia motoito mai‐naraiwaidai tobatiudo nodorai. 25Wia nou ta’uwa nou naibaha araiwai, motonu nou naibaha owea meaha datobiroumo wia geii nana’i nou ramu. 26Ina nou aio’u wia 7 urio amida noumu aiaraubuaumo, nei auwo ubari nou aibo biahai wia nei aidoumo nouowa emidiotutiumo wia dubunu dooudo ta’u nou ubaiha auwori opuito ta’u kekebu ubari.
27Wia nou ta’uwa nouri wadei nou naibaha iaowa, na’u o’bo oubi mabuwa naibaha iauwoidio naiba iaowa: Ro kohuo mere daimo wia ro kimedio amo neewa’i neitivia geiigeiihari. 28Wia nou naibaha iaowa: Bowia, ina opuito, oubi nei Iehova wade irovidiomoi naibaha idodiai, neivia geiigeiihari.
29Ina nou ta’uwa oubi piipiiha naibaha idabuaiwaumo, nou aroi naibaha iai: Nouri ubauba oubiri modobo nei romohodumo wia modobo ata neido imaati raihe, na’u Iona peroveta dubu nou modobori. 30Naiba Iona nou modobori Ninive oubido, nou aibo Oubiha‐mere nouri oubido nou modobo aiwaiwai. 31Pai o’bo auwo‐turi hapuowa, kimeiwotatuti hiwiowa nouri oubi badi nouro aiwa‐roitorai wia neido nouro aiwai‐iapoiwai mabu nouri nou bati auudo naibaha o’uro Solomona imini mea wade irovidioi ina dubu nouowa nou auwo auwori, Solomona kekehari. 32Ninivei oubio kimeiwotatuti hiwiowa, nouri oubi badi aiwaimo‐oroitorai wia neiio neido aiwaimo‐iapoiwai mabu nouri nou ta’uwa Iona itomututi nei imini aiimowa’umo ina dubu nouowa nou auwo auwori Iona kekehari.
33Dubu ataro ina lamepa nou naibaha adia, piroha batiwa e kepuri gorowa nouro edea biahai, nou himia kedea bati ohuwa nouro naibaha edea ina oubi auwoha nou pida eaurimoi, nouri motoito kido’uti oubii. 34Idomai nou goho lamepari, nouri ina ro idomai meameahari ro goho auwoha pidapidaha waiiaai ina nou ta’uwa ro idomai ubaubahari ro goho auwoha duriiha waiiaai. 35Ina nouri, taaurimo mea nouri pida nou riomu airoa nou durii aibo biahai. 36Mabu nouri, ina ro goho auwoha pidaro aiapee wia amida bati nouowa durii biahai, ro himia goho’i nou pida pidahari, naiba auwo lamepa nou pida naibaha imeivia wia roido nouro pida airemamaatiro nou aibo. 37Ina nou ta’uwa nou naibaha iaowa, Parisea dubu na’u nouido naibaha atodoi nou noumu ihotoi wia nou naibaha odoro naiba emi ihoi. 38Ina Parisea duburo naibaha eauriwa, nou nouro aiemaeawa mabu nouri nou opuito oroduuti biahai nou aiho. 39Wia Pai‐dubu nouido naibaha iaowa: Rio Parisea oubi koimo wia kepuri tama rioo sovio kiwairi wia rio niro goroito kiodi na’i wia ubauba na’i neiio tau iapeeumo. 40Rio dauwodauwo oubiri: ina nouro nou tamaha idodiai nouro gorowa na’i idodiaiwa tatora? 41Nouri nou meaha rio kirahoomo nana’i rioo ata oubido hobo aibo taimaatimo ina nana auwoha rioido sovio aiwaiwai.
42Ere, rio Parisea oubi, nouri mintira ruera wia batimabu nana’i auwoha, nei komo na 10 aueudo rioo naibaha emaaimoi, ina kemeiwotai na’i ina Iehova niainiai rioo tau emeheaumo; nouri nana rioo kidodiaiha taidodiaimo wia ata na imeheaimo aue. 43Ere, rio Parisea oubi, sunagowa opuito kemi batii wia koromohoiodio wadei paki batiwa rio auwo niro rimahebidiodumo. 44Ere, rio titi‐oubira Parisea‐oubira, kiromohuodio oubiri, nouri rio kopiraa gabidi bati aibori wia oubio ohuwa korohoi ina nei umo biahai.
45Nou ta’uwa na’u bubu kiapo dubu naibaha omowameai nouido naiba iaowa; Auwo‐dubu, ina ro naiba iaowa, imoido roro naiba ubauba wadeito kiao’i. 46Wia nou naiba iaowa: Ere, rio bubu kiapo oubi naibari, mabu nouri mibo kiaotidio na’i oubi ohuwa, pauwo kiworohori, rioo naibaha idiamomo wia rioo nouri mibo kiaotidio na’i rio himia tu niro kopo na’uito, rioo iatibomo aue. 47Ere, rioido, nouri rioo peroveta oubi gabidi moto rimiditidumo ina rio himia abeamioo nei tau iwotodiotutiumo. 48Nou aibo rio abeamio kidodiai nana’i rioo naibaha airimapoidumo ina iadohiomaimo biahai, mabu nouri neiio peroveta oubi naibaha epiawaumo ina rioo nei gabidi moto’i naibaha ridididumo. 49Nouri Iehova imini mea naibaha iaowa, Peroveta oubi wia kitiodoi oubi neido moro ainaitiodoi ina neiio nei amida aiwaimo‐iwotoi naiba gooa aiwaimo‐iwai. 50Nouri peroveta oubi auwoha nei himia kahauodoi sawi, batibati kowahoro ta’ui nouowa wia doihabuo ta’ui noito, nouri oubido aiwai‐imapoiwai. 51Abele noudo, nou himia sawi wia Sakaraia nouri nou himia sawi, nouri neiio kepia dubu tana‐dodoo wia tana‐moto’i neiti turiwa, mo rioido ainaro sawi nouri nouri oubido aiwai‐imapoiwai. 52Ere, rio bubu kiapo oubi. Iminito kiaiere ki’i rioo taiahiitimo. Rio gauwoha idoutimo biahai wia tariwa kidouti oubii rioo taimadohiomatutimo.
53Ina nou ta’uwa nouri nana nouro neido iaowa, titi oubi wia Parisea oubi gunuuni aiboitiumo wia nou wade godogodo iaoi neiio nou naibaha emaihebaumo. 54Neiio nou sisiboito irovidiowaumo naiba omohowaumo wade ata nou maataudo emidaimoi nouri nei nouido gooa owaimo niroi.
Currently Selected:
Luka 11: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Luka 11
11
1Ina nou ta’uwa na’u batiwa nou kirodumeaito wade naibaha iaowa, ina nou oboiri nou himia kitomudio mere na’u nouido naiba iaowa: Pai‐dubu e, imoido tanimatomudioro kirodumeaito wade aroi naiba Ioane nou himia kitomudio mereido naibaha iatomuaiwa. 2Wia nou neido naiba iaowa, Ina rioo kirodumeaito wade iaomowa, nou aibo ta’iaomo; Imo Abea toborowa remidio, Ro paina tana aiwaiti. Ro bububati mo’uro. Ro bubui batibati auwoha idodiaiwamoi toboro aibo. 3Imo kihona roro tanimaatiro hiwio ata wia hiwio ata. 4Imo ubauba kidia roro kiraromo biahai naiba imoido goowa kiwai oubi imoo nei kidia iraromodiomo biahai. Kematuhe na’ito kiwaboiia biahai imo wia ubauba nanaudo imo tanitouti.
5Wia nou neido naiba iaowa: Botiri mabu‐dubu ramu, ina duo gohowa nou nouido aiwa‐o’ui wia nouido naiba aiwaroi, Mabu‐dubu e, dou kopi neewa na’u moido hobo aibo tanemaairo. 6Mabu nouri mo mabu‐dubu ata nou koroho ta’uwa nou moido naibaha o’uro wia moro na ata emedea biahai nou hohowa. 7Wia duburo goroudo aiwamowameai, Mo gooa kowai biahai. Biri koopairi doihabuo wia mo mere momu uwo niro dodoowa. Taiba koibuai mo roido emaai? 8Mo rioido ainaro, Nou o’ibua raihe ina emaai raihe nouri nou mabu‐duburi ata nouri nou airaraiwutiro nou aiwaibuai ina nouido aiwamaai taiba dou kopi niroi nou. 9Wia mo rioido ainaro, Tatodoimo rioo ina rioido nouro aiwauro imaai; tamohomo rioo ina rioo aiwaimo‐oweai; tamopo’utimo rioo ina nouro rioido aiwauro‐imaerai. 10Ina nouri kiatoduti oubi auwoha nouro neido aiwai‐maati, wia komoho dubu nouro aiwaveai, wia komopo’uti dubu nouido biri aiwauro emaerai. 11Ina dubu riomu nou abeari, noupa nou mere dou kopi atodoiwa, nou nouido akabu awamaai? ina nou na atodoiwa, nou nouido ede awamaai? 12Ina nou pahagama iopu atodoiwa, nou nouido dotounio awamaai? 13Ina rio, uba oubi aibori, mea nana rio himia mereido umoiti imaatimoi, taiba auwo nou aibori rio Toboro‐abea katoduti‐oubii neido Tana‐urio nouro aiwauro‐imaati.
14Wia mubaruo uba urio na’u nouro aiaho’iuti, ina uba urio nou tau ohuodidio, mubaruo duburo wade naibaha iaowa wia oubi auwoha aiemaeawaumo. 15Wia oubi amida naibaha iaowaumo: Ubauba urio’i nouro naibaha riaho’iouti Belesabula, pai uba‐urio, nou pupuito. 16Wia amida oubi nouido ematuhewaumo, neiio toboroudo modobo’i nouido naibaha iatodoumo. 17Wia nouro nei iminito kiraromo na’i umo naibaha oiti wia neido naiba iaowa: Batibati oubi auwoha ina nei himia himia aiwaimo eremahiiti, nei uba aiwai moiti, ina kerema’uti moto nou aiwarehebuti. 18Ina Satana nou himiaro aiwai‐ia’iai, nou bububati taiba pupuito riaa? Ina rioo naibaha iaowaumo mo uba urio niaho’iouti Belesabula pupuito. 19Ina mo Belesabula pupuito uba urio’i iaho’ioutiwa taiba pupuito rio himia merei naibaha iaho’ioutimoi? Nouri neiio rio kiwotoi oubi aibo aiwaimoiti. 20Ina mo Iehova tuito uba urio naibaha niaho’iouti, noupa Iehova bububati rioido tau o’uro. 21Nou ta’uwa pupuo dubu, nou himia kihi nana auwoha nei ramu, nou moto meaha naibaha eauri, nou himia moto nana’i auwoha meaha naibaha iaaumo. 22Ina nou ta’uwa dubu ata auwo pupuo, nou aibo biahai, nouido aiwau‐ro’ui, nouro nouido aiwatoihiro wia nou himia meaha kiraromo kihi nana’i auwoha nouro aiwa‐iahiiti wia nou kimei nana’i ata oubido nouro naibaha imedeamowa. 23Dubu nou momu biahai nourovia mo komobuori, wia dubu nou momu araubuai tatowa nourovia airiheredai. 24Nou ta’uwa ubauba urio, dubu aueudo ohuodidiowa, obo tato batibatiwa nouro naibaha orohowa, kemidio bati mea omohowa, wia nouro owea biahai. Ina nou naiba iaowa. Mo himia motoito mai‐naraiwaidai tobatiudo nodorai. 25Wia nou ta’uwa nou naibaha araiwai, motonu nou naibaha owea meaha datobiroumo wia geii nana’i nou ramu. 26Ina nou aio’u wia 7 urio amida noumu aiaraubuaumo, nei auwo ubari nou aibo biahai wia nei aidoumo nouowa emidiotutiumo wia dubunu dooudo ta’u nou ubaiha auwori opuito ta’u kekebu ubari.
27Wia nou ta’uwa nouri wadei nou naibaha iaowa, na’u o’bo oubi mabuwa naibaha iauwoidio naiba iaowa: Ro kohuo mere daimo wia ro kimedio amo neewa’i neitivia geiigeiihari. 28Wia nou naibaha iaowa: Bowia, ina opuito, oubi nei Iehova wade irovidiomoi naibaha idodiai, neivia geiigeiihari.
29Ina nou ta’uwa oubi piipiiha naibaha idabuaiwaumo, nou aroi naibaha iai: Nouri ubauba oubiri modobo nei romohodumo wia modobo ata neido imaati raihe, na’u Iona peroveta dubu nou modobori. 30Naiba Iona nou modobori Ninive oubido, nou aibo Oubiha‐mere nouri oubido nou modobo aiwaiwai. 31Pai o’bo auwo‐turi hapuowa, kimeiwotatuti hiwiowa nouri oubi badi nouro aiwa‐roitorai wia neido nouro aiwai‐iapoiwai mabu nouri nou bati auudo naibaha o’uro Solomona imini mea wade irovidioi ina dubu nouowa nou auwo auwori, Solomona kekehari. 32Ninivei oubio kimeiwotatuti hiwiowa, nouri oubi badi aiwaimo‐oroitorai wia neiio neido aiwaimo‐iapoiwai mabu nouri nou ta’uwa Iona itomututi nei imini aiimowa’umo ina dubu nouowa nou auwo auwori Iona kekehari.
33Dubu ataro ina lamepa nou naibaha adia, piroha batiwa e kepuri gorowa nouro edea biahai, nou himia kedea bati ohuwa nouro naibaha edea ina oubi auwoha nou pida eaurimoi, nouri motoito kido’uti oubii. 34Idomai nou goho lamepari, nouri ina ro idomai meameahari ro goho auwoha pidapidaha waiiaai ina nou ta’uwa ro idomai ubaubahari ro goho auwoha duriiha waiiaai. 35Ina nouri, taaurimo mea nouri pida nou riomu airoa nou durii aibo biahai. 36Mabu nouri, ina ro goho auwoha pidaro aiapee wia amida bati nouowa durii biahai, ro himia goho’i nou pida pidahari, naiba auwo lamepa nou pida naibaha imeivia wia roido nouro pida airemamaatiro nou aibo. 37Ina nou ta’uwa nou naibaha iaowa, Parisea dubu na’u nouido naibaha atodoi nou noumu ihotoi wia nou naibaha odoro naiba emi ihoi. 38Ina Parisea duburo naibaha eauriwa, nou nouro aiemaeawa mabu nouri nou opuito oroduuti biahai nou aiho. 39Wia Pai‐dubu nouido naibaha iaowa: Rio Parisea oubi koimo wia kepuri tama rioo sovio kiwairi wia rio niro goroito kiodi na’i wia ubauba na’i neiio tau iapeeumo. 40Rio dauwodauwo oubiri: ina nouro nou tamaha idodiai nouro gorowa na’i idodiaiwa tatora? 41Nouri nou meaha rio kirahoomo nana’i rioo ata oubido hobo aibo taimaatimo ina nana auwoha rioido sovio aiwaiwai.
42Ere, rio Parisea oubi, nouri mintira ruera wia batimabu nana’i auwoha, nei komo na 10 aueudo rioo naibaha emaaimoi, ina kemeiwotai na’i ina Iehova niainiai rioo tau emeheaumo; nouri nana rioo kidodiaiha taidodiaimo wia ata na imeheaimo aue. 43Ere, rio Parisea oubi, sunagowa opuito kemi batii wia koromohoiodio wadei paki batiwa rio auwo niro rimahebidiodumo. 44Ere, rio titi‐oubira Parisea‐oubira, kiromohuodio oubiri, nouri rio kopiraa gabidi bati aibori wia oubio ohuwa korohoi ina nei umo biahai.
45Nou ta’uwa na’u bubu kiapo dubu naibaha omowameai nouido naiba iaowa; Auwo‐dubu, ina ro naiba iaowa, imoido roro naiba ubauba wadeito kiao’i. 46Wia nou naiba iaowa: Ere, rio bubu kiapo oubi naibari, mabu nouri mibo kiaotidio na’i oubi ohuwa, pauwo kiworohori, rioo naibaha idiamomo wia rioo nouri mibo kiaotidio na’i rio himia tu niro kopo na’uito, rioo iatibomo aue. 47Ere, rioido, nouri rioo peroveta oubi gabidi moto rimiditidumo ina rio himia abeamioo nei tau iwotodiotutiumo. 48Nou aibo rio abeamio kidodiai nana’i rioo naibaha airimapoidumo ina iadohiomaimo biahai, mabu nouri neiio peroveta oubi naibaha epiawaumo ina rioo nei gabidi moto’i naibaha ridididumo. 49Nouri Iehova imini mea naibaha iaowa, Peroveta oubi wia kitiodoi oubi neido moro ainaitiodoi ina neiio nei amida aiwaimo‐iwotoi naiba gooa aiwaimo‐iwai. 50Nouri peroveta oubi auwoha nei himia kahauodoi sawi, batibati kowahoro ta’ui nouowa wia doihabuo ta’ui noito, nouri oubido aiwai‐imapoiwai. 51Abele noudo, nou himia sawi wia Sakaraia nouri nou himia sawi, nouri neiio kepia dubu tana‐dodoo wia tana‐moto’i neiti turiwa, mo rioido ainaro sawi nouri nouri oubido aiwai‐imapoiwai. 52Ere, rio bubu kiapo oubi. Iminito kiaiere ki’i rioo taiahiitimo. Rio gauwoha idoutimo biahai wia tariwa kidouti oubii rioo taimadohiomatutimo.
53Ina nou ta’uwa nouri nana nouro neido iaowa, titi oubi wia Parisea oubi gunuuni aiboitiumo wia nou wade godogodo iaoi neiio nou naibaha emaihebaumo. 54Neiio nou sisiboito irovidiowaumo naiba omohowaumo wade ata nou maataudo emidaimoi nouri nei nouido gooa owaimo niroi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.