Luka 3

1Ina Kaisara Tiberioro nou pai‐dubu batibati auwoha konobo 15 wia Pontio Pilato nou Iudea gavana wia Heroda nou keke gavana Galilaia hapuowa wia nou niama Pilipo nou keke gavana Ituria wia Terikoniti hapuowa wia Lisania nou keke gavana Abilene hapuowa. 2Anna wia Kaiapa neiti auwo‐kohena dubu neewa. Nou ta’uwa Iehova wade, Ioane, Sakaria mere, nouido naibaha o’u buru batiwa. 3Wia batibati auwoha, Ioridana hapuowa nou naibaha o’uwaro wia babatiso imini imowaiimo nouri neiri auwoha ubauba kidia iaho’iutimoi nouro naibaha imotomututi. 4Naiba Isaia, peroveta dubu, nou kiao wade bukawa titi naibaha iatiwaumo. Nou naiba iaowa:

Na’u wade burubatiwa imauwoidiotuti,

Pai‐dubuido nave mea tadodiaimo,

Nou nave gamooiha tamododiaiwaumo.

5Bobo auwoha aiwaimo‐iapeauti;

Auwo akabu, keke akabu auwoha, komukomu aiwaimo‐oiituti;

Hee‐hee nou gamoo aiwawai,

Himuhimu nave orimo aiwaimo‐oiituti.

6Wia oubio auwoha Iehova kiitouti nana aiwaimo‐iauri.

7Ina nouri oubi godo nouido naibaha o’umo babatiso iwaimoi, nouro neido naibaha iaowa: Rio kewahauke aramio, botiro imowahuo rioido, rioo doo heauwo ta’uwa odaumoi? 8Ina rio imini naiheha imowaimoi, iopu mea nou aibo taiviamoi wia wade nouri rio himiaido araromomo aue, Nau abea Aberahamo imo ainarahohodumo; mabu nouri mainaro rioido Iehova nou umori merei Aberahamoido iahomoi akabu nouri nei aueudo. 9Wia doihabuo ibuo tau romohi nua hipi mabuwa, nouri taiba nua iopu meamea imohaudio tato nou aiwarahiai wia kupoito waimo‐iheei. 10Wia oubi nouido naibaha atodoumo naiba iaowaumo: Ina imo touna naimoidodiai. 11Nou naiba imowameai neido naiba iaowa: Dubu neewa uduuduo airia tamaai nana tato dubuido; dubu nou kihona ramu nou aibo taiidodiaimo. 12Ina gavana wiha keauri oubi nouido naibaha o’uwaumo, babatiso iwaimoi, wia nouido naiba iaowaumo: Auwo‐dubu e, touna naimoidodiai imoo? 13Wia nou neido naiba iaowa: Rio piroha moni ata imeimo aue, moni rioido taimapoiwa nou na’uri. 14Wia korowoto‐oubi naibaha nouido iatodoumo naiba iaowaumo: Touna naimoidodiai imoo? Wia nou neido iaowa: Heauwo kidia ata dubuido rioo idodiaimo aue wia dubu ataido kiromohuwadio wade iaomo aue wia rio wiha nana’i rioo gunuuni iatimo aue neido.

15Ina oubio naibaha omotoiwaumo wia oubi auwoha nei iminiwa naibaha atodoiwaumo Ioane botiri. Nou Kerisora e nou Keriso biahai? 16Ioane imowameai wia nei auwohaido naiba iaowa, Oboito moro rioido babatiso niwai wia dubu ata aiwau‐ro’ui nou auwori, mo kekebuori; mo mea biahai nou himia douboi kono ivi omopiwoi. Nourovia rioido Tana‐urioito wia kupo ramu babatiso aiwaiwai. 17Nou komumu nou tuito rohidio wia nou himia koni tewa airia nouro sovio sovio aiwaiwai wia koni nou himia koni motowa nouro aiwaihioi wia touha‐touha nouro aiwaipihamuti kupo odoo tato batiwa.

18Wia nana ata godogodo nou himia wadewa nouro oubido naibaha itoutituti pai‐mea ramu. 19Wia Heroda, nouri keke gavana, Ioanero naibaha adohiomai, mabu Herodia, nou niama Pilipo o’boa, wia ubauba nana ata auwoha Heroda tau idodiai. 20Wia ata auwo ubauba na Herodaro ododiai ina nou Ioane durii daimowa naibaha ibia.

21Ina nou ta’uwa oubi auwoha babatiso idaiwai, ina Iesu babatiso idawai, ina wade kirodumeaito nou naiba iaowa nou ta’uwa toboro naibaha araerai. 22Wia Tana‐urio, badu goho aibo, nou ohudo naibaha oruoro wia na’u wade toboroudo naibaha o’uro naiba iaowa: Rovia mo auwo niro mereri, Mo auwo geii nemahebidio roido.

23Wia Iesu nou 30 konobo tariwai nou ta’uwa nou oubido iatomuai naiba iai. Wia oubio naibaha araromomo Nouvia Iosepa mereri wia Iosepa nou Eli mereri, 24Eli nou Matata mereri, Matata nou Levi mereri, Levi nou Meleki mereri, Meleki nou Ianai mereri, Ianai nou Iosepa mereri; 25Iosepa nou Matatia mereri, Matatia nou Amosa mereri, Amosa nou Nauma mereri, Nauma nou Eseli mereri, Eseli nou Nagai mereri, 26Nagai nou Maata mereri, Maata nou Matatia mereri, Matatia nou Semei mereri, Semei nou Iosepa mereri, Iosepa nou Iuda mereri, 27Iuda nou Ioana mereri, Ioana nou Rese mereri, Rese nou Serubabela mereri, Serubabela nou Salatiela mereri, Salatiela nou Neri mereri, 28Neri nou Meleki mereri, Meleki nou Adi mereri, Adi nou Kosama mereri, Kosama nou Elemodama mereri, Elemodama nou Era mereri, 29Era nou Iose mereri, Iose nou Eliesa mereri, Eliesa nou Iorima mereri, Iorima nou Matata mereri, Matata nou Levi mereri, 30Levi nou Simiona mereri, Simiona nou Iuda mereri, Iuda nou Iosepa mereri, Iosepa nou Ionama mereri, Ionama nou Eliakima mereri, 31Eliakima nou Melea mereri, Melea nou Mena mereri, Mena nou Matata mereri, Matata nou Natana mereri, Natana nou Davida mereri, 32Davida nou Iese mereri, Iese nou Obeda mereri, Obeda nou Boasa mereri, Boasa nou Salamona mereri, Salamona nou Naasona mereri, 33Naasona nou Aminadaba mereri, Aminadaba nou Ani mereri, Ani nou Heserona mereri, Heserona nou Pere mereri, Pere nou Iuda mereri, 34Iuda nou Iakobo mereri, Iakobo nou Isako mereri, Isako nou Aberahamo mereri, Aberahamo nou Tera mereri, Tera nou Nahora mereri, 35Nahora nou Seruga mereri, Seruga nou Reu mereri, Reu nou Pelega mereri, Pelega nou Ebera mereri, Ebera nou Sala mereri, 36Sala nou Kainana mereri, Kainana nou Apakasa mereri, Apakasa nou Sema mereri, Sema nou Noa mereri, Noa nou Lameka mereri, 37Lameka nou Metusela mereri, Metusela nou Enoka mereri, Enoka nou Iareda mereri, Iareda nou Malelela mereri, Malelela nou Kainana mereri, 38Kainana nou Enosa mereri, Enosa nou Seta mereri, Seta nou Adamu mereri, Adamu nou Iehova mereri.

Currently Selected:

Luka 3: KXW1941

Highlight

Copy