Luka 6
6
1Ina na’u Sabati hiwiowa, nou ta’uwa koni bati nouro naibaha iohodai, nou kitomudio mere koni kia’e kia’e naibaha o’uwaumo naiba ihowaumo ina koni tuito neiio naibaha ihiamutiwaumo. 2Wia Parisea oubi amida neido naiba iaowaumo: Tounai rio naibaha ridodiaidumo? Bubu airoa naiba kiwaati moa Sabati hiwiowa. 3Wia Iesu neido imowameai naiba iaowa: Rio titi iapo tatora taiba Davida ododiai nouri hiwio’i nou wia nei noumu emidiowa dou niroro iai. 4Taiba Iehova Tana‐motoito nouro naibaha odorowa wia tana‐dou nouro naibaha ihowa wia nou himiamu kemidio oubi nouro neido naibaha imaatiwa? Nouri na bubu airia, oubi amida kiho biahai, kohena‐oubi nei himia gauwoha. 5Wia nou neido naiba iaowa, Ina Oubiha‐mere nou pairi Sabati hiwiowa.
6Ina Sabati hiwio atawa nouro sunagoito naibaha odorowa naiba itomuwa wia dubu na’u nouowa emidiowa tuiha tu karawo ramuri. 7Wia titi‐oubira Parisea‐oubira nouido eauriwaumo noupa nouro nou mea arowaidai Sabati hiwionu nouowa, na ata neiio omohowaumo ina nouri neiio nouido emamautimo niroi. 8Wia nei kiraromodio na’i nouvia umori wia tu karawo dubuido nou naiba iaowa: Tatoa wia oubi turiwa ta’u. Wia nou naibaha otoa naiba o’u. 9Ina Iesu neido naiba iaowa: Na’u na mo rioido ainiatodoi; Tounai meamea kidia Sabati hiwiowa, mea na ododiaira e uba na ododiaira, kiiro kowaira e epiaira? 10Wia nei auwoha nouro naibaha irimeteiutiwa wia dubuido naiba iaowa: Ro tu tato‐turo wai nou tu aiototuro wia nou tu mea naibaha oiti tu ata aibo. 11Wia nei tiaha heauwo oitiwaumo. Nei himia himia naibaha aratorowaumo Iesuido touna nidodiaidaidumo.
12Ina nouri hiwiowa nouro akabuito naibaha ohuowa, wade kirodumeaito aroi wia duo tutu nou naibaha emidiotuti, Iehovaido naibaha iaotuti. 13Wia hiwio iheheaiwa nouro nou himia merei nei nouido naibaha itua wia 12 oubi nei aueudo nouro naibaha iahueta ina ata paina, kitiodoi‐oubi, nouro neido naibaha iahoowa. 14Simona, paina ata Pita, nou idodo wia Anederea nou niamari, Iakobora, Ioanera, Pilipora, Batolomaiora. 15Mataiora, Tomara wia Iakobo, Alepaio mere wia Simona, paina ata Selote. 16Wia Iuda, Iakobo niamari wia Iuda Isakariota, nouri piroho kowahuo duburi. 17Wia nouro neimu naibaha oruoro wia hanave batiwa naibaha otoawa wia nou himia kitomudio mere godogodo wia oubi gema Iudeara Ierusalemara hapuo auwohaudo wia Turara Sidonara auwo turi baraudo, nouri oubio nouido o’umo nou orovidiomoi wia nei himia temeteme meaha iwai. 18Wia uba urioo gooa kimowai oubii nouido naiba o’umo ina nei meaha tau oitiumo. 19Wia oubi gema auwoha nou atiboumo niroi mabu nouri pupuo na’i nou aueudo naibaha ohuodidio nei auwoha meaha naibaha oitiumo.
20Wia nou kitomudio mere nouro idomaito naibaha iauriwa naiba iaowa: Nana tato oubii rio geiigeiihari, nouri Iehova bubu‐bati rioido airoa. 21Doihabuo dou niroro kiaiwa oubii, rio geiigeiihari nouri rio aiwai‐iapeuti. Doihabuo idebi kirotuti oubii, rio geiigeiihari nouri rioo wari aiwaimo‐iroti. 22Nou ta’uwa oubio rioido oriha aiwaimo‐iauri ina rio nei mabudo aiwaimo‐itateai ina rio neiio aiwaimo‐imadauuriai ina rio paina neiio uba aiwaimo‐iwai Oubiha‐mere painawa, rio geiigeiihari. 23Hiwio nouri geii taitimo naiba geii‐ramu pai‐paiha tarohomo, ina taauri, rio wiha toborowa auwo‐auwori mabu nouri nei abeamio peroveta‐oubido nou aibo idodiaiwaumo. 24Ata ere! rio nana horohoro oubiri, rio niainiai nana’i rioo tau iviaumo. 25Ere! rio niro kiapeuti oubiri nouri rioo dou niro aiwaimo‐imahebidioi. Ere! rio doihabuo wari kiroti oubiri, rioo aiwaimo‐ododidioi naiba idebi aiwaimo‐irotuti. 26Ere rioido! nou ta’uwa oubio auwoha rioido meamea kiao wade aiwaimo‐iaoi, mabu nouri nei abeamio kiromohuwodio peroveta‐oubido naibaha idodiaiwaumo.
27Wia rio kirovidio oubi, mo rioido ainiao, Rio korowaiematuti oubii rioo neido niainiai taimehebidioumo, nouri oubi rioido heauwo oitimowa rioo neido mea nana ta’idodiaiwamo. 28Nouri oubi rioido ubauba wadeito naibaha imama’utimowa rioo neido niainiai wade taiaomo wia nouri oubi rioido gooa iwaimowa, neido kirodumea wadeito taroumo Iehovaido. 29Wia dubu ro oomuwa aiidawa roro nouido ata oomu tawaorai, wia dubu ro uduuduo piroito rowame, ro koko tama uduuduo emidai roro nouido kadohiomai moa. 30Dubu nouri nana ata ro aueudo atodoiwa, roro nouido tamaai, ina dubu ataro ro nana owahiitiwa, nei ina iwaiwai roro atodoi raihe. 31Nouri nana auwoha rio niro oubi rioido idodiaimoi, rio neido naiba‐naiba taidodiaiwaumo. 32Rio niro kimahebidio oubii, ina rioo nei niro imahebidioumo, tou wihai? mabu nouri ubauba oubi nei himia niro kimahebidio oubii neiio nei niro rimahebidiodumo. 33Wia oubi nei rioido meamea nana idodiaiwamowa ina rioo neido meamea nana naibaha idodiaimoi, tou wihai? Ubauba oubi nei aibo ridodiaidumo. 34Ina rio oubi amidaido nana naibaha iwohaumo mabu nouri rio kiraromo wiha nana aiwaumo‐araiwai nei mabudo, tou wihai? Nouri ubauba oubi ata oubido nana naibaha iwohaumo, nana nou aibo iviamoi. 35Ata rio korowaiematuti oubii rioo nei niro taimahebidioumo wia mea kidia neido taidodiaiwamo wia neido nana taiimiomo ina wiha nana rioo iraromomo aue, wia rio wiha’i nou auwo aiwaiti ina rioo Auwo‐pai‐urio, nou mere’i aiwaimo‐oiti, mabu nouri nouvia niainiai rimahebidio wiha tato oubido wia ubauba oubido. 36Nouri rioo oubido auwoha niainiai taimahebidioumo naiba rio Abea, toborowa remidio, nouvia niainiairi. 37Rio oubi ata imeiiwotutimo aue ina oubi atao rio imeiiwotatutimo raihe wia oubi ata rio imapoiwamo aue ina oubi atao rio iapoi‐wamo raihe. Oubi ata nei ubauba kidia rioo iraromomo aue ina oubi rio ubauba kidia neiio naibaha iraromomo raihe, 38na ata taimaatimo ina oubio rioido aiwaimo‐imaati, mea modobo, kapee kiateieouti naiba kodododio oubio rio hipuroito aiwaimo‐iomuti, mabu nouri modoboi nouri oubido amida rioo owateaimo rioido wiha naibari aiwaimaati.
39Wia wade oro‐aibo neido nou naiba iaowa: Idomai tato dubu idomai tato dubu ata owaboiiara ina neiio gowowa iomoamama tatora? 40Kitomudio mere opuito biahai nou kiapo dubumu wia dubu auwoha ina nou kidia mea oitiwa kiapo dubunu nou nou aibo aiwaiti. 41Wia horo na ro namu idomaiwa teiri reauri ina nua tutu ro himia idomaiwa roro eauri tatora? 42Ina taiba ro himia namuido ro naiba‐haroi, Nouri horo‐na ro idomaudo moro maihii, ina na’u tutu nua ro himia idomaiwa roro eauri tatora? Ro koromohuwodio dubu, opuito tutu nua ro himia idomaudo tahiodidio ina dooudo roro meaha aiwa‐auri taiba horo na ro namu idomaudo roro aiwa‐waihii. 43Mea nua uba iopu omohaudio biahai wia uba nua mea iopu omohaudio biahai. 44Nua auwoha nei himia iopu umoitimowa; oubio suki iopu badiri mabudo iahiodioumo biahai naiba eperapera mabudo neiio vine iopu iahiodioumo biahai. 45Mea dubu nouri meamea nana nou iminiwa airia nouro mea nana noudo rioutidio wia ubauba duburo uba nana nou himia uba iminiudo naibaha rioutidio wia nouri nanao imini aiapeeumo nou maataito naibaha riaodio.
46Wia tounai rio moido naiba aroi, Pai‐dubu e, pai‐dubu e, ina mo kiao wadei rioo idodiaimo tatora? 47Dubu nou moido naibaha o’uro wia mo himia wade naibaha irovidio naiba idodiai, moro rioido aina‐waeviai tou aiboi nouri dubu. 48Nou dubu ata aibori. Nouro moto naibaha ididi, pituu tutu nou naibaha emaudo wia moto kotoi bati akabu ohuwa naibaha edea. Ina dori aiododo wia obo motoito heauworamu itaruti ata taiba kerederio, nouri nou akabu ohuwa ididi. 49Wia nouri dubu nou mo wade naibaha emitevidio wia wade nouri idodiai biahai nou na’u mere aibori. Nouro moto hopuwa naibaha ididi, nou kotoi bati pupuo biahai, wia obo heauwo ramu motoito naibaha itaruti wia hagohagoha nou naibaha omoa wia nou auwoha erehebuti.
Currently Selected:
Luka 6: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Luka 6
6
1Ina na’u Sabati hiwiowa, nou ta’uwa koni bati nouro naibaha iohodai, nou kitomudio mere koni kia’e kia’e naibaha o’uwaumo naiba ihowaumo ina koni tuito neiio naibaha ihiamutiwaumo. 2Wia Parisea oubi amida neido naiba iaowaumo: Tounai rio naibaha ridodiaidumo? Bubu airoa naiba kiwaati moa Sabati hiwiowa. 3Wia Iesu neido imowameai naiba iaowa: Rio titi iapo tatora taiba Davida ododiai nouri hiwio’i nou wia nei noumu emidiowa dou niroro iai. 4Taiba Iehova Tana‐motoito nouro naibaha odorowa wia tana‐dou nouro naibaha ihowa wia nou himiamu kemidio oubi nouro neido naibaha imaatiwa? Nouri na bubu airia, oubi amida kiho biahai, kohena‐oubi nei himia gauwoha. 5Wia nou neido naiba iaowa, Ina Oubiha‐mere nou pairi Sabati hiwiowa.
6Ina Sabati hiwio atawa nouro sunagoito naibaha odorowa naiba itomuwa wia dubu na’u nouowa emidiowa tuiha tu karawo ramuri. 7Wia titi‐oubira Parisea‐oubira nouido eauriwaumo noupa nouro nou mea arowaidai Sabati hiwionu nouowa, na ata neiio omohowaumo ina nouri neiio nouido emamautimo niroi. 8Wia nei kiraromodio na’i nouvia umori wia tu karawo dubuido nou naiba iaowa: Tatoa wia oubi turiwa ta’u. Wia nou naibaha otoa naiba o’u. 9Ina Iesu neido naiba iaowa: Na’u na mo rioido ainiatodoi; Tounai meamea kidia Sabati hiwiowa, mea na ododiaira e uba na ododiaira, kiiro kowaira e epiaira? 10Wia nei auwoha nouro naibaha irimeteiutiwa wia dubuido naiba iaowa: Ro tu tato‐turo wai nou tu aiototuro wia nou tu mea naibaha oiti tu ata aibo. 11Wia nei tiaha heauwo oitiwaumo. Nei himia himia naibaha aratorowaumo Iesuido touna nidodiaidaidumo.
12Ina nouri hiwiowa nouro akabuito naibaha ohuowa, wade kirodumeaito aroi wia duo tutu nou naibaha emidiotuti, Iehovaido naibaha iaotuti. 13Wia hiwio iheheaiwa nouro nou himia merei nei nouido naibaha itua wia 12 oubi nei aueudo nouro naibaha iahueta ina ata paina, kitiodoi‐oubi, nouro neido naibaha iahoowa. 14Simona, paina ata Pita, nou idodo wia Anederea nou niamari, Iakobora, Ioanera, Pilipora, Batolomaiora. 15Mataiora, Tomara wia Iakobo, Alepaio mere wia Simona, paina ata Selote. 16Wia Iuda, Iakobo niamari wia Iuda Isakariota, nouri piroho kowahuo duburi. 17Wia nouro neimu naibaha oruoro wia hanave batiwa naibaha otoawa wia nou himia kitomudio mere godogodo wia oubi gema Iudeara Ierusalemara hapuo auwohaudo wia Turara Sidonara auwo turi baraudo, nouri oubio nouido o’umo nou orovidiomoi wia nei himia temeteme meaha iwai. 18Wia uba urioo gooa kimowai oubii nouido naiba o’umo ina nei meaha tau oitiumo. 19Wia oubi gema auwoha nou atiboumo niroi mabu nouri pupuo na’i nou aueudo naibaha ohuodidio nei auwoha meaha naibaha oitiumo.
20Wia nou kitomudio mere nouro idomaito naibaha iauriwa naiba iaowa: Nana tato oubii rio geiigeiihari, nouri Iehova bubu‐bati rioido airoa. 21Doihabuo dou niroro kiaiwa oubii, rio geiigeiihari nouri rio aiwai‐iapeuti. Doihabuo idebi kirotuti oubii, rio geiigeiihari nouri rioo wari aiwaimo‐iroti. 22Nou ta’uwa oubio rioido oriha aiwaimo‐iauri ina rio nei mabudo aiwaimo‐itateai ina rio neiio aiwaimo‐imadauuriai ina rio paina neiio uba aiwaimo‐iwai Oubiha‐mere painawa, rio geiigeiihari. 23Hiwio nouri geii taitimo naiba geii‐ramu pai‐paiha tarohomo, ina taauri, rio wiha toborowa auwo‐auwori mabu nouri nei abeamio peroveta‐oubido nou aibo idodiaiwaumo. 24Ata ere! rio nana horohoro oubiri, rio niainiai nana’i rioo tau iviaumo. 25Ere! rio niro kiapeuti oubiri nouri rioo dou niro aiwaimo‐imahebidioi. Ere! rio doihabuo wari kiroti oubiri, rioo aiwaimo‐ododidioi naiba idebi aiwaimo‐irotuti. 26Ere rioido! nou ta’uwa oubio auwoha rioido meamea kiao wade aiwaimo‐iaoi, mabu nouri nei abeamio kiromohuwodio peroveta‐oubido naibaha idodiaiwaumo.
27Wia rio kirovidio oubi, mo rioido ainiao, Rio korowaiematuti oubii rioo neido niainiai taimehebidioumo, nouri oubi rioido heauwo oitimowa rioo neido mea nana ta’idodiaiwamo. 28Nouri oubi rioido ubauba wadeito naibaha imama’utimowa rioo neido niainiai wade taiaomo wia nouri oubi rioido gooa iwaimowa, neido kirodumea wadeito taroumo Iehovaido. 29Wia dubu ro oomuwa aiidawa roro nouido ata oomu tawaorai, wia dubu ro uduuduo piroito rowame, ro koko tama uduuduo emidai roro nouido kadohiomai moa. 30Dubu nouri nana ata ro aueudo atodoiwa, roro nouido tamaai, ina dubu ataro ro nana owahiitiwa, nei ina iwaiwai roro atodoi raihe. 31Nouri nana auwoha rio niro oubi rioido idodiaimoi, rio neido naiba‐naiba taidodiaiwaumo. 32Rio niro kimahebidio oubii, ina rioo nei niro imahebidioumo, tou wihai? mabu nouri ubauba oubi nei himia niro kimahebidio oubii neiio nei niro rimahebidiodumo. 33Wia oubi nei rioido meamea nana idodiaiwamowa ina rioo neido meamea nana naibaha idodiaimoi, tou wihai? Ubauba oubi nei aibo ridodiaidumo. 34Ina rio oubi amidaido nana naibaha iwohaumo mabu nouri rio kiraromo wiha nana aiwaumo‐araiwai nei mabudo, tou wihai? Nouri ubauba oubi ata oubido nana naibaha iwohaumo, nana nou aibo iviamoi. 35Ata rio korowaiematuti oubii rioo nei niro taimahebidioumo wia mea kidia neido taidodiaiwamo wia neido nana taiimiomo ina wiha nana rioo iraromomo aue, wia rio wiha’i nou auwo aiwaiti ina rioo Auwo‐pai‐urio, nou mere’i aiwaimo‐oiti, mabu nouri nouvia niainiai rimahebidio wiha tato oubido wia ubauba oubido. 36Nouri rioo oubido auwoha niainiai taimahebidioumo naiba rio Abea, toborowa remidio, nouvia niainiairi. 37Rio oubi ata imeiiwotutimo aue ina oubi atao rio imeiiwotatutimo raihe wia oubi ata rio imapoiwamo aue ina oubi atao rio iapoi‐wamo raihe. Oubi ata nei ubauba kidia rioo iraromomo aue ina oubi rio ubauba kidia neiio naibaha iraromomo raihe, 38na ata taimaatimo ina oubio rioido aiwaimo‐imaati, mea modobo, kapee kiateieouti naiba kodododio oubio rio hipuroito aiwaimo‐iomuti, mabu nouri modoboi nouri oubido amida rioo owateaimo rioido wiha naibari aiwaimaati.
39Wia wade oro‐aibo neido nou naiba iaowa: Idomai tato dubu idomai tato dubu ata owaboiiara ina neiio gowowa iomoamama tatora? 40Kitomudio mere opuito biahai nou kiapo dubumu wia dubu auwoha ina nou kidia mea oitiwa kiapo dubunu nou nou aibo aiwaiti. 41Wia horo na ro namu idomaiwa teiri reauri ina nua tutu ro himia idomaiwa roro eauri tatora? 42Ina taiba ro himia namuido ro naiba‐haroi, Nouri horo‐na ro idomaudo moro maihii, ina na’u tutu nua ro himia idomaiwa roro eauri tatora? Ro koromohuwodio dubu, opuito tutu nua ro himia idomaudo tahiodidio ina dooudo roro meaha aiwa‐auri taiba horo na ro namu idomaudo roro aiwa‐waihii. 43Mea nua uba iopu omohaudio biahai wia uba nua mea iopu omohaudio biahai. 44Nua auwoha nei himia iopu umoitimowa; oubio suki iopu badiri mabudo iahiodioumo biahai naiba eperapera mabudo neiio vine iopu iahiodioumo biahai. 45Mea dubu nouri meamea nana nou iminiwa airia nouro mea nana noudo rioutidio wia ubauba duburo uba nana nou himia uba iminiudo naibaha rioutidio wia nouri nanao imini aiapeeumo nou maataito naibaha riaodio.
46Wia tounai rio moido naiba aroi, Pai‐dubu e, pai‐dubu e, ina mo kiao wadei rioo idodiaimo tatora? 47Dubu nou moido naibaha o’uro wia mo himia wade naibaha irovidio naiba idodiai, moro rioido aina‐waeviai tou aiboi nouri dubu. 48Nou dubu ata aibori. Nouro moto naibaha ididi, pituu tutu nou naibaha emaudo wia moto kotoi bati akabu ohuwa naibaha edea. Ina dori aiododo wia obo motoito heauworamu itaruti ata taiba kerederio, nouri nou akabu ohuwa ididi. 49Wia nouri dubu nou mo wade naibaha emitevidio wia wade nouri idodiai biahai nou na’u mere aibori. Nouro moto hopuwa naibaha ididi, nou kotoi bati pupuo biahai, wia obo heauwo ramu motoito naibaha itaruti wia hagohagoha nou naibaha omoa wia nou auwoha erehebuti.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.