Luka 7
7
1Ina nou kiao wade, kirovidio‐oubi mabuwa, nou naibaha oropoiio, Kapanaumaito nou naibaha odorowa.
2Wia korowoto pai‐dubu na’u, nou himia auwo niro komotoi mere uba orou, koihiai tariwai. 3Ina nou ta’uwa Iesu kidia’i nouro ida’irovidio, nouro Iudea mamusi mamusi amida nouido naiba itiodoi, hobo atodoimoi nou o’ui nou komotoi mere mea omowai. 4Ina nei Iesuido o’umowa neiio nouido hobo atodoumo naiba iaowaumo; Nou meaha ro nouido naiba ododiai mabu nouri nou meahari. 5Nouri nou auwo niainiai imo oubi wia sunago na’u imoido nou himiaro tau ididi. 6Ina Iesu neimu naibaha o’uro. Ina nou motoito auwowai biahai, korowoto pai‐duburo nou himia mabu‐oubi amida nouido naibaha itiodoi naiba iaowa; Auwo‐dubu e, ro pauwo na ododiai aue, nouri mo mea biahai ro mo moto goroito odoroi. 7Nouri mo naiba nararomo mo mea biahai roido o’ui. Na’u ro wadeito taroro wia mo komotoi mere meaha airoitidai. 8Mabu nouri mo naibari, pai‐dubu ata mo nou gorowai wia korowoto oubi mainiworoho mo gorowari. Wia dubu ata na’uido mainaro, ta’u, ina nou airo’u wia ataro ta’uro, ina nou airo’uro wia mo himia komotoi mereido, Nou tadodiai, ina nouro airododiai. 9Ina Iesu nana nouri naibaha irovidio, nouro nouido aiemaeawa naiba iremeteai wia nou korobodo oubido naiba iaowa: Mo rioido ainaro, auwo kiraromodio na’i nou aibo moro owea biahai, ina Isaraela batibatiwa moro owea biahai. 10Ina nou ta’uwa kitiodoi‐oubi motoito naibaha araiwaumo neiio temeteme korou mere meaha naibaha oweaumo.
11Ina dooudo hiwio’i oopo na’u, paina Naine, nouro naibaha odoro wia nou kitomudio mere godo wia oubi godogodo noumu o’uwaumo. 12Ina nou ta’uwa oopo biri mabuwa nou naibaha otaumai, na’u koihiai dubu oopoudo neiio naibaha owoumo: nouri nou himia mamu na’u mereri wia nouvia same‐o’bori; wia oopo oubi godogodo noumu aiemidiowaumo. 13Nou ta’uwa Pai‐duburo nou naibaha eauri nou nouido auwo niainiai emahebidio wia nouido naiba iaowa; Idebi moa. 14Ina nou naibaha o’u tariwai wia tetepe nouro tuito naibaha ematibodoi, wia dubui kowou oubii nei gamooha naiba otoaumo; Nou naiba iaowa; Orio dubu e, roido mainiao, Taibua. 15Wia opuito koihiai dubui nou naibaha emi wia wade amida aroi naibaha iai. Ina Iesuro mere mamuido naibaha emaai. 16Wia tore‐tore na oubi auwohaido naibaha o’uro. Neiio Iehovaido naibaha emabitiwaumo naiba iaowaumo; Auwo peroveta‐dubu imo turihawa tau o’uro wia Iehova nou himia oubido tau o’u. 17Wia nou kowaduuti wade nouri, Iudea batiwa wia nou hapuo auwohawa naibaha o’uro.
18Wia nouri nana auwoha Ioane kitomudio mere nouido naibaha owaeviaumo. 19Wia Ioanero nou kitomudio mere neewatoi nouido ituamama, nouro neiti Iesuido naibaha itiodoimama nouido naiba iaotoi; Dubunu noura ro’uro e dubu atara imoo eaurimoi. 20Ina dubu neewa Iesuido naibaha o’udo neiti naibaha iaowaudo: Ioane Babatiso imeitio roido tau nitiodoimamaro, nou naiba iaowa, Dubunu noura ro’uro e dubu atara imoo eaurimoi. 21Nou ta’uwa oubi godogodo, temeteme ramu, kaupi ramu, uba urio ramu, Iesuro mea iwaiwa, wia idomai tato oubi godo nouro neido idomai mea imaatiwa. 22Ina Iesu neitido imowameaimama naiba iaowa: Taraiwaitoi wia nouri nana rieitio nou rirovidiodudo wia nou riauridudo, Ioaneido naibaha tarotoi: Idomai tato oubi nei idomai riviadumo, daiie oubi naibaha rorohodumo, lepera ramu oubi sovio naibaha roitidumo wia tumutumu oubi meamea naibaha rirovidiodumo wia nana tato oubi neido pai‐mea totomu naibaha iaowa. 23Wia nouri dubu ata ina nou moido gunuuni iati biahai nouvia tiaha geiiri.
24Ina nou ta’uwa Ioane hiwaa‐mere neiti himia naveito naibaha araiwaudo, Iesuro Ioane kidiaito, oubi gemaido orowaduuti naibaha iai: Touna eauri ro’udumo rio buru batito? Gaumau hurumaro ariderio? 25Ata touna eauri ro’udumo rio? Na’u dubu, meamea hipura aramitidio? Taaurimo, oubio meamea hipura iamitidiomowa naiba meamea nana ihomowa, neiio pai‐dubu motowa airemidiodumo. 26Ata touna eauri ro’udumo rio? Peroveta‐dubura? Bowia mainaro rioido wia peroveta‐dubu auwo auwori. 27Nouri dubunu nouido titi naibaha iati,
Taauri, mo himia hiwaa mere ro hohowa mainotiodoi,
Nave mea ododiai roido.
28Mainaro rioido, Upibaioo kirotuti merei ata nou auwo biahai Ioane Babatiso aibo, ata dooudo dubu, Iehova bububatiwa nou auwori, Ioane nou kekebuori. 29Wia nou korovidio oubi auwoha naiba gavana wiha keauri oubi Iehova wade naiheha naibaha iwaumo ina Ioane babatiso kidiaito nei babatiso tau iwai. 30Wia Parisea‐oubira, bubu‐titi‐oubira Iehova wade nei hohowa neiio imadohiomatutiumo; nei nouro babatiso iwaidio biahai. 31Wia Pai‐duburo naibaha iaowa: Ina taiba aibo moro nouri aramionu idodiaira, ina taiba nei aibori? 32Nei paki‐batiwa kemidio keke mere aibori, nei himia himia naiba airimoroudiodumo. Neiio naibaha iaowaumo, Imoo sovirowiro diamo’i rioido nidodiaumo wia rio gama amamo biahai. Imoo rioido koadodidiomoi wia rio idebi irotutimo biahai. 33Nouri Ioane Babatiso naibaha o’u, nou dou ihodio biahai naiba wine imedio biahai wia rioo naiba iaowaumo, Nou uba urio ramuri. 34Oubiha‐mere tau o’uwaro nou airihodio wia airimedio ina rioo naibaha iaowaumo, Taaurimo, hogoi mereri naiba wine kidio duburi, gavana wiha keauri oubi wia ubauba oubi nei mabu‐duburi. 35Wia mea imini nou mea oitiwa nou himia mere auwoha neido.
36Wia Parisea‐dubu na’u Iesuido naibaha atodoi nou noumu ihoi. Wia Parisea‐dubu motowa nouro naiba odorowa naiba emi ihoi. 37Wia oopowa kemidio o’bo na’u nou uba o’bori, ina nou umo da’oiti Iesu Parisea‐dubu motowa naibaha emidio naiba iho; nouro Alabata uro, nibo mea diomo ramu, naibaha owouro. 38Wia nou himia kono mabuwa nouro nou dooudo naibaha otoa, idebi naibaha irotutiwa wia nouro nou idebi titi ramu nou kono iduuti naibaha iai wia nou kono neewa naibaha ipitiwamama nou himia opu hooboi noito wia nou kono nouro naibaha ihomewamama wia diomo nou ohudo naibaha ahauodoi. 39Ina Iesu kama’uoti Parisea duburo naibaha eauri, nou himia naibaha imowaduutiwa; Dubu nouri ina nou peroveta‐duburi nou umo daiti nouri nou katibodoi o’bo’i wia nouri o’bo nou kidia’i, mabu nouri nou uba o’bori. 40Wia Iesu omowameai nouido naiba iaowa: Simona, wade amida roido mo niro aroi; wia nou naibaha omowameai: Auwo‐dubu, taroro. 41Na’u moni kowame dubu, dubu ata neewa nou umori. Na’u dubu 500 moni noudo wiha tato imidai wia dubu ata 50 moni noudo wiha tato imidai. 42Ina neiti wiha karaiwai moni ivia raihe, neiti wiha nouro naibaha iraromomama biahai; nouri ro moido taroro; Boti dubu nou nou auwo niro wamahebidioi, noura e noura? 43Simona naibaha omowameaiwa naiba iaowa: Noupa dubu nouri nou moni godogodo iraromo biahai. Iesu nouido naiba iaowa: Ro wade naihehari. 44Wia o’bo’i nouido nou naibaha iremeteiai wia Simonaido naibaha iaowa: Roro areauri o’bonu? Ro motonu noito mainodoro ina mo kono obo roro moido emaai biahai wia o’bo nouri mo kono neewa nouro idebi oboito riduutimama wia nou himia opu hooboi noito ripiitimama. 45Ro mo ohomeai biahai wia nouri o’bo, mo kodoro ta’ui noudo mo kono kohome nou oboiri biahai. 46Diomo mo opu ohuwa roro ahauodoi biahai wia o’bo nouri mo kono ohuwa diomo nou tau rahauodoi. 47Nouri mo roido ainaro, nou ubauba kidia ina nei godogodori nei tau ripiti mabu nouri nou mo auwo niro emahebidioi; ina nouri dubu nou keke nana tau ipiti nou kekebuo niro rimahebidio. 48Wia nouro o’boido naiba iaowa: Ro himia ubauba kidia auwoha tau ripiti. 49Wia noumu kiho oubi nei himia himia aroi naibaha iaiiumo; Boti dubui nou, ubauba kidia nou naibaha airipiti? 50Wia o’boaido nouro naibaha iaowa, Ro kiraromodio na’i noudo ro tau roroitorai; mubaha, ta’u.
Currently Selected:
Luka 7: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Luka 7
7
1Ina nou kiao wade, kirovidio‐oubi mabuwa, nou naibaha oropoiio, Kapanaumaito nou naibaha odorowa.
2Wia korowoto pai‐dubu na’u, nou himia auwo niro komotoi mere uba orou, koihiai tariwai. 3Ina nou ta’uwa Iesu kidia’i nouro ida’irovidio, nouro Iudea mamusi mamusi amida nouido naiba itiodoi, hobo atodoimoi nou o’ui nou komotoi mere mea omowai. 4Ina nei Iesuido o’umowa neiio nouido hobo atodoumo naiba iaowaumo; Nou meaha ro nouido naiba ododiai mabu nouri nou meahari. 5Nouri nou auwo niainiai imo oubi wia sunago na’u imoido nou himiaro tau ididi. 6Ina Iesu neimu naibaha o’uro. Ina nou motoito auwowai biahai, korowoto pai‐duburo nou himia mabu‐oubi amida nouido naibaha itiodoi naiba iaowa; Auwo‐dubu e, ro pauwo na ododiai aue, nouri mo mea biahai ro mo moto goroito odoroi. 7Nouri mo naiba nararomo mo mea biahai roido o’ui. Na’u ro wadeito taroro wia mo komotoi mere meaha airoitidai. 8Mabu nouri mo naibari, pai‐dubu ata mo nou gorowai wia korowoto oubi mainiworoho mo gorowari. Wia dubu ata na’uido mainaro, ta’u, ina nou airo’u wia ataro ta’uro, ina nou airo’uro wia mo himia komotoi mereido, Nou tadodiai, ina nouro airododiai. 9Ina Iesu nana nouri naibaha irovidio, nouro nouido aiemaeawa naiba iremeteai wia nou korobodo oubido naiba iaowa: Mo rioido ainaro, auwo kiraromodio na’i nou aibo moro owea biahai, ina Isaraela batibatiwa moro owea biahai. 10Ina nou ta’uwa kitiodoi‐oubi motoito naibaha araiwaumo neiio temeteme korou mere meaha naibaha oweaumo.
11Ina dooudo hiwio’i oopo na’u, paina Naine, nouro naibaha odoro wia nou kitomudio mere godo wia oubi godogodo noumu o’uwaumo. 12Ina nou ta’uwa oopo biri mabuwa nou naibaha otaumai, na’u koihiai dubu oopoudo neiio naibaha owoumo: nouri nou himia mamu na’u mereri wia nouvia same‐o’bori; wia oopo oubi godogodo noumu aiemidiowaumo. 13Nou ta’uwa Pai‐duburo nou naibaha eauri nou nouido auwo niainiai emahebidio wia nouido naiba iaowa; Idebi moa. 14Ina nou naibaha o’u tariwai wia tetepe nouro tuito naibaha ematibodoi, wia dubui kowou oubii nei gamooha naiba otoaumo; Nou naiba iaowa; Orio dubu e, roido mainiao, Taibua. 15Wia opuito koihiai dubui nou naibaha emi wia wade amida aroi naibaha iai. Ina Iesuro mere mamuido naibaha emaai. 16Wia tore‐tore na oubi auwohaido naibaha o’uro. Neiio Iehovaido naibaha emabitiwaumo naiba iaowaumo; Auwo peroveta‐dubu imo turihawa tau o’uro wia Iehova nou himia oubido tau o’u. 17Wia nou kowaduuti wade nouri, Iudea batiwa wia nou hapuo auwohawa naibaha o’uro.
18Wia nouri nana auwoha Ioane kitomudio mere nouido naibaha owaeviaumo. 19Wia Ioanero nou kitomudio mere neewatoi nouido ituamama, nouro neiti Iesuido naibaha itiodoimama nouido naiba iaotoi; Dubunu noura ro’uro e dubu atara imoo eaurimoi. 20Ina dubu neewa Iesuido naibaha o’udo neiti naibaha iaowaudo: Ioane Babatiso imeitio roido tau nitiodoimamaro, nou naiba iaowa, Dubunu noura ro’uro e dubu atara imoo eaurimoi. 21Nou ta’uwa oubi godogodo, temeteme ramu, kaupi ramu, uba urio ramu, Iesuro mea iwaiwa, wia idomai tato oubi godo nouro neido idomai mea imaatiwa. 22Ina Iesu neitido imowameaimama naiba iaowa: Taraiwaitoi wia nouri nana rieitio nou rirovidiodudo wia nou riauridudo, Ioaneido naibaha tarotoi: Idomai tato oubi nei idomai riviadumo, daiie oubi naibaha rorohodumo, lepera ramu oubi sovio naibaha roitidumo wia tumutumu oubi meamea naibaha rirovidiodumo wia nana tato oubi neido pai‐mea totomu naibaha iaowa. 23Wia nouri dubu ata ina nou moido gunuuni iati biahai nouvia tiaha geiiri.
24Ina nou ta’uwa Ioane hiwaa‐mere neiti himia naveito naibaha araiwaudo, Iesuro Ioane kidiaito, oubi gemaido orowaduuti naibaha iai: Touna eauri ro’udumo rio buru batito? Gaumau hurumaro ariderio? 25Ata touna eauri ro’udumo rio? Na’u dubu, meamea hipura aramitidio? Taaurimo, oubio meamea hipura iamitidiomowa naiba meamea nana ihomowa, neiio pai‐dubu motowa airemidiodumo. 26Ata touna eauri ro’udumo rio? Peroveta‐dubura? Bowia mainaro rioido wia peroveta‐dubu auwo auwori. 27Nouri dubunu nouido titi naibaha iati,
Taauri, mo himia hiwaa mere ro hohowa mainotiodoi,
Nave mea ododiai roido.
28Mainaro rioido, Upibaioo kirotuti merei ata nou auwo biahai Ioane Babatiso aibo, ata dooudo dubu, Iehova bububatiwa nou auwori, Ioane nou kekebuori. 29Wia nou korovidio oubi auwoha naiba gavana wiha keauri oubi Iehova wade naiheha naibaha iwaumo ina Ioane babatiso kidiaito nei babatiso tau iwai. 30Wia Parisea‐oubira, bubu‐titi‐oubira Iehova wade nei hohowa neiio imadohiomatutiumo; nei nouro babatiso iwaidio biahai. 31Wia Pai‐duburo naibaha iaowa: Ina taiba aibo moro nouri aramionu idodiaira, ina taiba nei aibori? 32Nei paki‐batiwa kemidio keke mere aibori, nei himia himia naiba airimoroudiodumo. Neiio naibaha iaowaumo, Imoo sovirowiro diamo’i rioido nidodiaumo wia rio gama amamo biahai. Imoo rioido koadodidiomoi wia rio idebi irotutimo biahai. 33Nouri Ioane Babatiso naibaha o’u, nou dou ihodio biahai naiba wine imedio biahai wia rioo naiba iaowaumo, Nou uba urio ramuri. 34Oubiha‐mere tau o’uwaro nou airihodio wia airimedio ina rioo naibaha iaowaumo, Taaurimo, hogoi mereri naiba wine kidio duburi, gavana wiha keauri oubi wia ubauba oubi nei mabu‐duburi. 35Wia mea imini nou mea oitiwa nou himia mere auwoha neido.
36Wia Parisea‐dubu na’u Iesuido naibaha atodoi nou noumu ihoi. Wia Parisea‐dubu motowa nouro naiba odorowa naiba emi ihoi. 37Wia oopowa kemidio o’bo na’u nou uba o’bori, ina nou umo da’oiti Iesu Parisea‐dubu motowa naibaha emidio naiba iho; nouro Alabata uro, nibo mea diomo ramu, naibaha owouro. 38Wia nou himia kono mabuwa nouro nou dooudo naibaha otoa, idebi naibaha irotutiwa wia nouro nou idebi titi ramu nou kono iduuti naibaha iai wia nou kono neewa naibaha ipitiwamama nou himia opu hooboi noito wia nou kono nouro naibaha ihomewamama wia diomo nou ohudo naibaha ahauodoi. 39Ina Iesu kama’uoti Parisea duburo naibaha eauri, nou himia naibaha imowaduutiwa; Dubu nouri ina nou peroveta‐duburi nou umo daiti nouri nou katibodoi o’bo’i wia nouri o’bo nou kidia’i, mabu nouri nou uba o’bori. 40Wia Iesu omowameai nouido naiba iaowa: Simona, wade amida roido mo niro aroi; wia nou naibaha omowameai: Auwo‐dubu, taroro. 41Na’u moni kowame dubu, dubu ata neewa nou umori. Na’u dubu 500 moni noudo wiha tato imidai wia dubu ata 50 moni noudo wiha tato imidai. 42Ina neiti wiha karaiwai moni ivia raihe, neiti wiha nouro naibaha iraromomama biahai; nouri ro moido taroro; Boti dubu nou nou auwo niro wamahebidioi, noura e noura? 43Simona naibaha omowameaiwa naiba iaowa: Noupa dubu nouri nou moni godogodo iraromo biahai. Iesu nouido naiba iaowa: Ro wade naihehari. 44Wia o’bo’i nouido nou naibaha iremeteiai wia Simonaido naibaha iaowa: Roro areauri o’bonu? Ro motonu noito mainodoro ina mo kono obo roro moido emaai biahai wia o’bo nouri mo kono neewa nouro idebi oboito riduutimama wia nou himia opu hooboi noito ripiitimama. 45Ro mo ohomeai biahai wia nouri o’bo, mo kodoro ta’ui noudo mo kono kohome nou oboiri biahai. 46Diomo mo opu ohuwa roro ahauodoi biahai wia o’bo nouri mo kono ohuwa diomo nou tau rahauodoi. 47Nouri mo roido ainaro, nou ubauba kidia ina nei godogodori nei tau ripiti mabu nouri nou mo auwo niro emahebidioi; ina nouri dubu nou keke nana tau ipiti nou kekebuo niro rimahebidio. 48Wia nouro o’boido naiba iaowa: Ro himia ubauba kidia auwoha tau ripiti. 49Wia noumu kiho oubi nei himia himia aroi naibaha iaiiumo; Boti dubui nou, ubauba kidia nou naibaha airipiti? 50Wia o’boaido nouro naibaha iaowa, Ro kiraromodio na’i noudo ro tau roroitorai; mubaha, ta’u.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.