Mataio 19
19
1Ina nou ta’uwa Iesuro kiao wade nouri nou naibaha oropoiio, Galilaia nouro naibaha emeheai wia Iudea oopo oopowa Ioridana hapuo ataito nou naibaha o’uwaro. 2Wia oubi gema nouido orobodowaumo wia batii nouowa nouro nei mea naibaha iwaiwa.
3Parisea oubi nouido naibaha o’umo nou imatuhutimoi wia neiio nouido naibaha iaowaumo. Meahara duburo nou himia o’boa ahoioutira auwoha kidiaudo? 4Wia Iesuro naibaha imowameai, neido naibaha iatodoi. Rio iapo tatora, kowahoro ta’uo opuito nouro neiti naibaha idodiaimama ina nouro neiti o’boara dubura naibaha iwaimama. 5Nouri dubu abeara mamura neiri imeheaimama wia o’boara dubura naibaha oititoi; wia neiti himia goho na’u aibo oitiudo. 6Nouri neiti neewatoi biahai, na’u gohori; ina nouri oubi Iehovaro naibaha idabuai, dubu ataro aho’iouti raihe. 7Nei nouido naibaha atodoumo. Teiri Mose oubio modoboito naiba iaotuti, duburo o’boa aho’iuti pepa kiatiri wia nou o’bo neiri kaho’ioutiri? 8Nou neido naiba iaowa. Rio imini karakarari, nouri Mosero rio imadohiomai tato neiri oatuti rio upiamio iho’ioutiri; ina opuito kowahoro’i, nouri nou aibo biahai. 9Wia mo rioido nou niao, Nouri duburo nou himia o’bo aho’ioutiwa, ina nou iwo o’bo biahai, wia o’bo atamu idabuaiwa, nou siwokori duburi, wia nouri duburo kaho’iouti o’bomu idabuaiwa, nou siwokoriri. 10Nou kitomudio mere nouido naibaha iaowaumo: Ina dubu o’bomu kidabuai modobo’i nou aibori, nou mea biahai o’bora dubura oititoi. 11Wia Iesu neido naibaha iaowa: Oubi auwoha wade nouri irovidioumo raihe, na’u nei himia gauwoha nouri wade neido imaatiwa. 12Amida oubi nei kirotuti hiwiowa nei eunauka aibori; amida oubi nei eunaukari mabu nouri oubio nei nou aibo tau iwaumo, wia amida oubi nei eunaukari, nouri nei himia nou aibo tau idodiaumo, mabu nouri Toboro‐bububati na’i nei auwo nirorimahebidiodumo. Dubu nouri, wade nouri nouro umoiti ohidiowa, nouro mohidio.
13Wia keke mere nouido naibaha iworohowaumo, nouri nou tu nei opu ohuwai itomai wia kirodumeaito wade naibaha iaowa, ina kitomudio mere neiio nei naibaha imadohiomaumo. 14Wia Iesu naiba iaowa. Keke mere mo’umo moido ina rio kiadoho mo’a, nouri Iehova babubati neidori. 15Wia Iesuro mere keke nou himia tu neewa, opu ohuwa naibaha itomai, wia nouri mabudo nou naibaha emeheai. 16Ina dubu na’u naibaha o’uro wia nouido naibaha iaowa: Auwodubu meaha, tounai mea na nododiaidai mo, kiiro kara’e kara’e oweai? 17Wia Iesu nouido naiba iaowa: Teiriri nahoowa mo meari? Oubi amida mea biahai, na’u Iehova gauwoha; ata ina ro kiiro batito odoro nirowa, roro bubui taidodiai. 18Wia nouido naiba iaowa: Teiri? Iesu naiba iaowa. Oubi iwoto aue, siwokori oworoho aue, piro moa, kiromohuwadio wade iao aue, 19Ro abeara mamura niainiai taimahebidiomama ueitido, wia ro himia oubido roro niainiai taimahebidio ro himiaido aibo. 20Wia orio dubu nouido naiba iaowa: Auwodubu e, nouri bubu auwoha movia ohioudo tau nirovidio, tounai ata nana moro idodiai biahai? 21Iesu nouido naiba iaowa: Ina ro mea nana auwoha niroi, ta’uo ro himia nana auwoha tawamemo wia nana tato oubido taimaati ina rovia meamea nana toborowa aiwairiviai; wia ta’uro, mo tanobodoro. 22Ina orio dubu wade nouri naibaha emetevidio, nou duri‐duri ramu naibaha araiwairo, mabu nouri, nou nana horohorori.
23Ina Iesuro nou kitomudio mereido naiba iaowa: Dubu nou nana horohorori, ina nou Toboro‐bububatito odorowa, nouido nou tiaha pauwori. 24Wia ata wade moro rioido ainiao; Kamela naihiia pituuwa odorowa, nouri miboiha biahai; wia nana horohoro mere Iehova bububatito odorowa, nouri mibo auwori. 25Wia nou ta’uwa nou kitomudio mere naibaha orovidiowaumo nei aiemaeawaumo auwori, ina nei naibaha iaowaumo: Kiiro bodio oubio waimo oweai? 26Ina Iesu neido iauriwa naiba iaowa: Oubi nei himia gauwoha idodiaimo raihe, ata nana auwoha Iehova wia umoito idodiai. 27Wia Pita nouido omowameai, nouido naiba iaowa: Taauri! imoo nana auwoha tau nebeedeumo wia ro dooudo norobododumo, taiba nana nouri imoo ainaimo‐iworohoi? 28Wia Iesu neido naiba iaowa: Naiheha mo rioido ainaro, Nou ta’uwa Oubiha‐mere, orio‐bububatiwa, nou himia moari kemi batiwa aiwami; rioo, mo dooudo korobodo oubi, 12 pai‐mere kemi batiwa aiwaimoemiwai wia Isaraela 12 gugu rioo aiwaimoiwotoi. 29Wia nouri dubu nou moto wia niamamio wia nirabomio wia abea wia mamu wia o’bo wia mere wia batimabu, mo painawa naibaha ibeede, dubu nouri 100 nana aibo aiwairiviai wia kiiro karae karae nouro aiwaraho’oi. 30Oubi godgodo doihabuo nei opuitori doo nei dooudori, wia oubi godo doihabuo nei dooudori, doo nei opuitori.
Currently Selected:
Mataio 19: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
