Mareko 12
12
1Nou neido oro aibo wadeito iaoi naibaha iai: Na’u dubu vine bati naibaha ibo wia ara naibaha ate wia vine obo kimehiiti bati naibaha imododiai wia keauri moto tutu naibaha ididi wia nouri bati, vine keauri oubi amidaido nouro naibaha imapoi neiio eaurimoi ina nou bati auwoito naibaha o’uro. 2Naiha ta’uwa nouro na’u hiwaa mere naibaha otiodoiwa, vine bati keauri oubido; iopu amida vine bati keauri oubi aueudo iviai. 3Neiio nou naibaha ohiaumo naibaha epiawaumo wia nana tato araiwai naibaha otiodoumo. 4Ata hiwaa mere nouro naibaha otiodoiro: wia neiio nou akabuito naibaha adowaumo, nou opu naibaha aviaumo, wia nou goho gooa naibaha owaiwaumo, araiwai naibaha otiodoumo. 5Ata hiwaa mere nouro naibaha otiodoiro; neiio nou kirimiha aiidaumo; wia hiwaa mere amida godo godo, amida neiio aiwotowaumo amida neiio kirimiha iadowaumo. 6Na’u mere ata noumu emidio, nou himia auwo niro mere na’uri wia nouro nou nei dooudo naibaha otiodoi, bati keauri oubido: Nou naiba iaowa: Mo himia mere neiio nouido airorovidiodaidumo. 7Wia nouri vine bati keauri oubi nei himia himia naibaha oromododiaiwawaumo: Nouri opuito mereri. Ta’umo imoo nou ainepiadaidumo kirimi edeamoi, wia nou himia batinu imoo ainarahoodaidumo. 8Wia neiio nou naibaha ohiaumo, kirimiha naibaha aiidaumo wia neiio nou goho, vine batiudo naibaha amehuaumo. 9Ina nouri vine bati pai‐duburo taiba waidodiai. Nouvia aio’uro, vine bati keauri oubi iwotoi wia vine bati oubi amidaido nouro aiwaimaai. 10Nouri titi rio iapomo tatora?
Nouri akabu, moto kididi oubio naibaha aiveumo,
Doibabuo nou opuito akaburi motonu nouowa.
11Nouri Iehova kidodiai nari
Wia nouvia kemaea na’i imo idomaiwa.
12Wia neiio nou tuito ohiaimo niroi ata nei oubi gema tore iatiwaumo, nouri nei umo naibaha oitiumo nouri oro aibo wade nou neido kiao’i wia neiio nou naibaha emeheaumo naibaha o’umo.
13Ina amida Parisea oubi wia amida Herodiana oubi neiio nou nouido naibaha itiodoumo nou himia wadewa ohiaimoi. 14Ina nei da’umo neiio nouido naiba iaowaumo: Auwo dubu e, imo umori rovia naihehari wia ro oubi ata tore iati biahai. Rovia oubiha nana iraromo biahai, na’u Iehova kidia roro naiheha riatomuai; meahara e ubara imo moni Kaisaraido emaatimoi? 15Imoo emaaimoira e emaai tatora. Wia nei himia kiraromodio kidia nouvia umori, nouri nou neido naiba iaowa: Moni na’u moido tawoumo moro eauri. 16Wia neiio na’u moni naibaha owoumo; nou neido naibaha iaowa: Boti hohori, boti titiri moninu nouowa? Wia neiio nouido naibaha iaowaumo: Kaisarari. 17Iesu neido naiba iaowa: Kaisara na’i Kaisaraido tamaatimo; Iehova na’i Iehovaido tamaatimo; wia neiio nou auwo niimoito emaeawaumo.
18Amida Sadukea oubi nouido naibaha o’umo; oubi nouri naibaha iaotutiumo, oubi koroihiudo oroitoutimo biahai, wia neiio nou atodoimoi naibaha iaowa: 19Auwo‐dubu e, Mose imoido titi naibaha iati; ina dubu namu naibaha oihiai wia nou o’boa naibaha emeheai, ina nou mere tato ibeede, nou himia niamaro o’bo nouri kemidaiha emidai wia mere nou namuido naibaha ahomai. 20Wia 7 niamamioo naibaha ememidiotutiumo, wia opuito dubui o’boa naibaha emidai ina nou naibaha oihiai, mere tato. 21Ina dubu ataro o’boi naibaha emidai ina mere tato naibaha oihiai wia dubu ata naiba. 22Wia nouri 7 dubuo nou naibaha ememetutiumo ina naibaha oroihiumo mere tato. Dooudo o’boi naibaha oihiai. 23Ina koroihiudo koroiitouti hiwio’i nouowa, botiro warahooi o’bonu? Mabu nouri 7 niamamioo ememidiotutiumo o’bonu. 24Wia Iesuro naibaha imowameai neido naiba iaowa: Noupa rio kiraromo na’i nei heeheeri mabu nouri rio umo biahai Tana titi wadei wia Iehova pupuo’i. 25Nouri nou ta’uwa nei koroihiudo oroitoutimowa nei upira dubura oitutimo raihe wia kidabuai imaati raihe, na’u nei gururu oubi aibori toborowa. 26Ina nouri wade koroihi oubi koroiitoutiri; rio Mose bukawa iapomo tatora nou ta’uwa Iehova budi batiwa nouido naiba aro? Nou naiba iaowa: Movia Aberahamo Urio‐abeari wia Isako Urio‐abeari wia Iakobo Urio‐abeari. 27Nouri nou koroihi oubi Urio‐abea biahai: Nou kiiro oubi Urio‐abeari. Nouri rio kiraromo na’i nou auwo heeheeri.
28Wia na’u titi dubu naibaha o’u, nei himia kiao wade nou idarovidio. Nou umo Iesuro neido meaha tau imowameai, nouri nouro nouido naibaha atodoi: Touna bubu auwori bubudo auwoha. 29Wia Iesu nouido naibaha omowameaiwa: Nouri opuito buburi: Isaraela e, tarovidioumo; Iehova imo Urio‐abea nou na’uri. 30Wia Iehova, ro himia Urio‐abea roro nou niro kemahebidioiha tamahebidio ro himia giopoudo auwoha wia ro himia urioudo auwoha wia ro himia iminiudo auwoha, wia ro himia pupuo’i noudo auwoha; Nouro opuihaito buburi. 31Wia nouri dooudo bubu, nou opuito bubu aibori: Ro dubu ata roro nou niro kemahebidioiha tamahebidio ro himiaido aibo. Ata bubu neiti aibo iamama biahai, 32Wia titi dubu nouido naiba iaowa: Auwo‐dubu, ro kiao wade nou naihehari, Ata Urio‐abea emidio biahai, na’u nou himia gauwohari. 33Ina ro nou niro emahebidioi ro himia giopoudo auwoha wia ro iminiudo auwoha wia ro urioudo auwoha wia ro pupuo’i noudo auwoha, ina ro oubi ataido niro emahebidioi ro himia aibo; neiti auwo bubu neewari, kopihai wiha nana’i wia ata wiha nana’i nei kekebuo aibori. 34Ina nou ta’uwa Iesuro naibaha eauriwa, dubu nouri imini mea ramu naibaha omowameai, nou nouido naiba iaowa: Rovia Iehova Bububatiudo auwowa biahai; wia nou ta’uwa dooudo dubu ataro nou atodoi tore iatituti. 35Wia nou ta’uwa Iesuro Tana‐motowa naibaha imatomudiowa nouro naibaha imowameai naiba iaowa: Teiri titi oubio naibaha iaotutiumo; Keriso nou Davida mereri. 36Nouri Davida nou himia Tana‐urioito naibaha iao:
Pai‐duburo mo pai‐dubuido naiba aro:
Ro mo tuiha hapuoudo tami, doo ta’uwa ro himia bauurowaro oubi ro himia kono idia bati,
Moro ainamododiai.
37Nouri Davida nou himiaro idodo, Nou Pai‐duburi. Ina teiri nou nou himia merei? Wia oubi gema nouido geii ramu irovidiotutiumo.
38Wia Iesuro naiba iaowa nou himia kitomudio wadewa. Rio titi oubi tore taimaatimo: Nei auwo niro tutututu uduuduo ramu itoito orohomoi wia paki batiwa nei auwo niro oubio neido meamea wade iaomoi. 39Wia opuito kemiwa bati sunagowa, wia opuito horiomoowa kemiwa batii meamea’i nei auwo niroi. 40Wia samesame motoi nei piroha kiaeremoi, wia tutu tutu kirodumeaito wadei nei kiromohuo aibo kiaomoi. Nouri oubi auwo uba wiha waimo‐oweai.
41Wia nou Tana‐moni‐moto wegeudo naibaha emiro. Nouro oubi godogodo naibaha iauriwa, neiio moni iibiwaumo motoi nouowa. Wia godogodo oubi ina nei nana horohorori, neiio moni godogodo iibiwaumo. 42Wia na’u same naibaha o’uro, nou nana tatori. Nou neewatoi moni keke neewa naibaha ibiamama. Neiti moni kekekeke, wibuwibu moni aibo biahai. 43Wia Iesu nou himia kitomudio mere nouido o’umoi naibaha iama’uoti wia nou neido naiba iaowa: Naiheha mo rioido ainaro, Nouri same, nana tatori, nou nana godogodo tau ribia. Auwoha oubi nei keke aibo ribiwadumo. 44Mabu nouri nei auwoha nei himia nana godogodoudo, nana amida ibiwaumo: nouri same o’bo, ina nou nana tatori, nou himia nana auwoha ibia: nou himia kiworoho nana’i auwoha.
Currently Selected:
Mareko 12: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Mareko 12
12
1Nou neido oro aibo wadeito iaoi naibaha iai: Na’u dubu vine bati naibaha ibo wia ara naibaha ate wia vine obo kimehiiti bati naibaha imododiai wia keauri moto tutu naibaha ididi wia nouri bati, vine keauri oubi amidaido nouro naibaha imapoi neiio eaurimoi ina nou bati auwoito naibaha o’uro. 2Naiha ta’uwa nouro na’u hiwaa mere naibaha otiodoiwa, vine bati keauri oubido; iopu amida vine bati keauri oubi aueudo iviai. 3Neiio nou naibaha ohiaumo naibaha epiawaumo wia nana tato araiwai naibaha otiodoumo. 4Ata hiwaa mere nouro naibaha otiodoiro: wia neiio nou akabuito naibaha adowaumo, nou opu naibaha aviaumo, wia nou goho gooa naibaha owaiwaumo, araiwai naibaha otiodoumo. 5Ata hiwaa mere nouro naibaha otiodoiro; neiio nou kirimiha aiidaumo; wia hiwaa mere amida godo godo, amida neiio aiwotowaumo amida neiio kirimiha iadowaumo. 6Na’u mere ata noumu emidio, nou himia auwo niro mere na’uri wia nouro nou nei dooudo naibaha otiodoi, bati keauri oubido: Nou naiba iaowa: Mo himia mere neiio nouido airorovidiodaidumo. 7Wia nouri vine bati keauri oubi nei himia himia naibaha oromododiaiwawaumo: Nouri opuito mereri. Ta’umo imoo nou ainepiadaidumo kirimi edeamoi, wia nou himia batinu imoo ainarahoodaidumo. 8Wia neiio nou naibaha ohiaumo, kirimiha naibaha aiidaumo wia neiio nou goho, vine batiudo naibaha amehuaumo. 9Ina nouri vine bati pai‐duburo taiba waidodiai. Nouvia aio’uro, vine bati keauri oubi iwotoi wia vine bati oubi amidaido nouro aiwaimaai. 10Nouri titi rio iapomo tatora?
Nouri akabu, moto kididi oubio naibaha aiveumo,
Doibabuo nou opuito akaburi motonu nouowa.
11Nouri Iehova kidodiai nari
Wia nouvia kemaea na’i imo idomaiwa.
12Wia neiio nou tuito ohiaimo niroi ata nei oubi gema tore iatiwaumo, nouri nei umo naibaha oitiumo nouri oro aibo wade nou neido kiao’i wia neiio nou naibaha emeheaumo naibaha o’umo.
13Ina amida Parisea oubi wia amida Herodiana oubi neiio nou nouido naibaha itiodoumo nou himia wadewa ohiaimoi. 14Ina nei da’umo neiio nouido naiba iaowaumo: Auwo dubu e, imo umori rovia naihehari wia ro oubi ata tore iati biahai. Rovia oubiha nana iraromo biahai, na’u Iehova kidia roro naiheha riatomuai; meahara e ubara imo moni Kaisaraido emaatimoi? 15Imoo emaaimoira e emaai tatora. Wia nei himia kiraromodio kidia nouvia umori, nouri nou neido naiba iaowa: Moni na’u moido tawoumo moro eauri. 16Wia neiio na’u moni naibaha owoumo; nou neido naibaha iaowa: Boti hohori, boti titiri moninu nouowa? Wia neiio nouido naibaha iaowaumo: Kaisarari. 17Iesu neido naiba iaowa: Kaisara na’i Kaisaraido tamaatimo; Iehova na’i Iehovaido tamaatimo; wia neiio nou auwo niimoito emaeawaumo.
18Amida Sadukea oubi nouido naibaha o’umo; oubi nouri naibaha iaotutiumo, oubi koroihiudo oroitoutimo biahai, wia neiio nou atodoimoi naibaha iaowa: 19Auwo‐dubu e, Mose imoido titi naibaha iati; ina dubu namu naibaha oihiai wia nou o’boa naibaha emeheai, ina nou mere tato ibeede, nou himia niamaro o’bo nouri kemidaiha emidai wia mere nou namuido naibaha ahomai. 20Wia 7 niamamioo naibaha ememidiotutiumo, wia opuito dubui o’boa naibaha emidai ina nou naibaha oihiai, mere tato. 21Ina dubu ataro o’boi naibaha emidai ina mere tato naibaha oihiai wia dubu ata naiba. 22Wia nouri 7 dubuo nou naibaha ememetutiumo ina naibaha oroihiumo mere tato. Dooudo o’boi naibaha oihiai. 23Ina koroihiudo koroiitouti hiwio’i nouowa, botiro warahooi o’bonu? Mabu nouri 7 niamamioo ememidiotutiumo o’bonu. 24Wia Iesuro naibaha imowameai neido naiba iaowa: Noupa rio kiraromo na’i nei heeheeri mabu nouri rio umo biahai Tana titi wadei wia Iehova pupuo’i. 25Nouri nou ta’uwa nei koroihiudo oroitoutimowa nei upira dubura oitutimo raihe wia kidabuai imaati raihe, na’u nei gururu oubi aibori toborowa. 26Ina nouri wade koroihi oubi koroiitoutiri; rio Mose bukawa iapomo tatora nou ta’uwa Iehova budi batiwa nouido naiba aro? Nou naiba iaowa: Movia Aberahamo Urio‐abeari wia Isako Urio‐abeari wia Iakobo Urio‐abeari. 27Nouri nou koroihi oubi Urio‐abea biahai: Nou kiiro oubi Urio‐abeari. Nouri rio kiraromo na’i nou auwo heeheeri.
28Wia na’u titi dubu naibaha o’u, nei himia kiao wade nou idarovidio. Nou umo Iesuro neido meaha tau imowameai, nouri nouro nouido naibaha atodoi: Touna bubu auwori bubudo auwoha. 29Wia Iesu nouido naibaha omowameaiwa: Nouri opuito buburi: Isaraela e, tarovidioumo; Iehova imo Urio‐abea nou na’uri. 30Wia Iehova, ro himia Urio‐abea roro nou niro kemahebidioiha tamahebidio ro himia giopoudo auwoha wia ro himia urioudo auwoha wia ro himia iminiudo auwoha, wia ro himia pupuo’i noudo auwoha; Nouro opuihaito buburi. 31Wia nouri dooudo bubu, nou opuito bubu aibori: Ro dubu ata roro nou niro kemahebidioiha tamahebidio ro himiaido aibo. Ata bubu neiti aibo iamama biahai, 32Wia titi dubu nouido naiba iaowa: Auwo‐dubu, ro kiao wade nou naihehari, Ata Urio‐abea emidio biahai, na’u nou himia gauwohari. 33Ina ro nou niro emahebidioi ro himia giopoudo auwoha wia ro iminiudo auwoha wia ro urioudo auwoha wia ro pupuo’i noudo auwoha, ina ro oubi ataido niro emahebidioi ro himia aibo; neiti auwo bubu neewari, kopihai wiha nana’i wia ata wiha nana’i nei kekebuo aibori. 34Ina nou ta’uwa Iesuro naibaha eauriwa, dubu nouri imini mea ramu naibaha omowameai, nou nouido naiba iaowa: Rovia Iehova Bububatiudo auwowa biahai; wia nou ta’uwa dooudo dubu ataro nou atodoi tore iatituti. 35Wia nou ta’uwa Iesuro Tana‐motowa naibaha imatomudiowa nouro naibaha imowameai naiba iaowa: Teiri titi oubio naibaha iaotutiumo; Keriso nou Davida mereri. 36Nouri Davida nou himia Tana‐urioito naibaha iao:
Pai‐duburo mo pai‐dubuido naiba aro:
Ro mo tuiha hapuoudo tami, doo ta’uwa ro himia bauurowaro oubi ro himia kono idia bati,
Moro ainamododiai.
37Nouri Davida nou himiaro idodo, Nou Pai‐duburi. Ina teiri nou nou himia merei? Wia oubi gema nouido geii ramu irovidiotutiumo.
38Wia Iesuro naiba iaowa nou himia kitomudio wadewa. Rio titi oubi tore taimaatimo: Nei auwo niro tutututu uduuduo ramu itoito orohomoi wia paki batiwa nei auwo niro oubio neido meamea wade iaomoi. 39Wia opuito kemiwa bati sunagowa, wia opuito horiomoowa kemiwa batii meamea’i nei auwo niroi. 40Wia samesame motoi nei piroha kiaeremoi, wia tutu tutu kirodumeaito wadei nei kiromohuo aibo kiaomoi. Nouri oubi auwo uba wiha waimo‐oweai.
41Wia nou Tana‐moni‐moto wegeudo naibaha emiro. Nouro oubi godogodo naibaha iauriwa, neiio moni iibiwaumo motoi nouowa. Wia godogodo oubi ina nei nana horohorori, neiio moni godogodo iibiwaumo. 42Wia na’u same naibaha o’uro, nou nana tatori. Nou neewatoi moni keke neewa naibaha ibiamama. Neiti moni kekekeke, wibuwibu moni aibo biahai. 43Wia Iesu nou himia kitomudio mere nouido o’umoi naibaha iama’uoti wia nou neido naiba iaowa: Naiheha mo rioido ainaro, Nouri same, nana tatori, nou nana godogodo tau ribia. Auwoha oubi nei keke aibo ribiwadumo. 44Mabu nouri nei auwoha nei himia nana godogodoudo, nana amida ibiwaumo: nouri same o’bo, ina nou nana tatori, nou himia nana auwoha ibia: nou himia kiworoho nana’i auwoha.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.