Mareko 11
11
1Ina nei tariwai Ierusalemaito keredea nei aio’umo Betepagera Betaniara noito, neiti oopo Oliveta akabu mabuwa ia mama, nou ta’uwa nou himia kitomudio mere neewa nouro naibaha itiodoimama. 2Wia nou neitido naiba iaowa: Rieitio hohoito nou remabootidiodudo oopo’i noito ta’utoi wia nou ta’uwa rieiti noito idoutoiwa rieitio orio asina kotohiti oweatoiwa; mereha na’u nou gimini ohuwa otomai biahai. Tamopiwoudo wia tawoudo. 3Ina dubu ataro rieiti iatodoimamawa: Na’i tou riaidudo? Rieitio naiba tarotoi, Pai‐dubu nou nou niroi, wia nou ta’uwa nouro noito airotiodoidairo. 4Neiti nei himia naveito naibaha o’udo wia orio asina neitio naibaha oweaudo, nou biri mabuwa nave turihawa otohiti. Neitio nou naibaha omopiwoudo. 5Amida kotoi oubi nouowa emidioumo, neitido naibaha iaowaumo: Tou riaiidudo rieti, orio asina’i nou romopiwutidudo. 6Neitio neido Iesu karo wade aibo aroudo, ina neiti ko’uwa oubio iadohiomaimo biahai. 7Wia orio asina neitio Iesuido naibaha owoudo, wia neiti himia hipura nou gimini ohuwa naibaha iaodiwaudo wia Iesu asina ohuwa naibaha emi. 8Wia oubi godogodo nei himia hipura navewa naibaha ipohowaumo wia oubi amida nua keteri naibaha iahiowaumo wia navewa naibaha ipohowaumo. 9Opuito ko’u oubii wia dooudo ko’u oubii naibaha iauwoidiowaumo naiba iaowaumo: Hosana, dubu nou airo’u Pai‐dubu painawa; mea nana nouido mo’umo. 10Nouri bububati nou airo’uro, imo abea Davida bububatiri. Mea nana nouido mo’umo. Hosana toborowa ohuwa.
11Wia Iesuro Ierusalemawa naibaha odoro ina Tana‐motoito nou naibaha odoro ina nou itoito orohowa, nana auwoha naibaha iauriwa, nouro Betaniaito naibaha o’uwai. 12 kitomudio meremu, mabu nouri dohori.
12Dudueido ina nei Betaniaudo naiba o’umo, nouvia dou niroro aai. 13Nouro suke nua auwowa eauri pahaha kotoiwa. Nou nouido naibaha o’u iauri, noupa iopu ramura. Ina nou idadoumai nouro iopu ivia biahai na’u pahahari. Nouri ta’u nou suke ta’u biahai. 14Wia Iesuro naibaha omowameai, nouido naiba iaowa: Dubu ataro ro iopu iho raihe ta’ui nouowa; wia kiao wade nouri kitomudio mere’o naibaha orovidiowaumo.
15Nei Ierusalemaito naibaha o’uwaumo, Iesu Tana‐motoito naibaha odoro wia koromio oubii wia korowame oubii nouro iahoiuti naibaha iai, wia moni korowame oubi nei dodoo wia badu korowame oubi nei kemi batii nouro naibaha imeheewa. 16Wia oubi auwoha nouro naibaha iadohiomai, uro Tana motoito iwodoutimo aue. 17Nou neido naiba iatomuaiwa naiba iaowa: Titi nouwa iatimo tatora: Mo motonu paina aiwaimo‐idodoi kirodumeaito wade kiao motori oubi auwohaido; ata rioo piro oubi kopirou bati aibo tau ododiaumo. 18Wia titi oubira, auwo‐kohena oubira naibaha orovidiowaumo wia neiio aiomohowaumo, Iesu taiba epiamoi; nouri nei nouido tore iatiwaumo, mabu nouri oubi auwoha nou himia kitomudio wadewa aiemaeawaumo.
19Ina doho naibaha oito, nou oopoudo naibaha ohuodidio.
20Dudueido, ina nei naibaha ohoda’umo, suke nua neiio naibaha eauriwaumo, nou hipiudo naibaha orokokoutiwa. 21Ina Pitaro aiararomowa wia nou naiba iaowa: Auwo‐dubu e, Ta’auri suke nua roro gooa owaiwa nou tau orokokouti. 22Wia Iesuro naibaha imowameai, neido naiba iaowa: Iehovaido tararomodioumo. 23Naiheha mo riodo ainaro: Ina duburo nouri akabuido aiwaroi: ro ito taiahiodidio naiba auwoturito taiariiai, ina nou imini arotowouti biahai wia nou naibaha iraromodio nou himia kiao wade’i nou aiwau ro’ui, nouri nana nou niro nouro aiwaveai. 24Mabu nouri mo rioido nou naro: Nouri nana rioo kirodumea wadeito naibaha iatodoumo, tairaromomo nei rioido tau imaatiro wia nouri nana rioo aiwaimo‐iviai. 25Wia nou ta’uwa rio ototutimowa kirodumeaito wade iaomoi, ina rio giopu ata dubuido heauwo aibo eremahebediomowa: nou kidia’i rioo iraromomo aue, ina nouri rio Abea, toborowa remidio, rio himia uba uba kidia nouro aiwai‐ipiti. 26Ina rioo ubauba kidia iraromomowa, rio Abea toborowa remidio nouro rio himia ubauba kidia aiwai‐raromoi.
27Nei ina Ierusalemaito naiba o’umo wia Tana‐motowa nou itoito orohowa ina nou ta’uwa auwo kohena oubira, titi oubira wia mamusi mamusi nouido naibaha o’uwaumo. 28Nei nouido naiba iaowaumo: Touna pupuoito ridodiaidai nananu ro, wia ro pupuo botiro rowai nana nouri idodiai. 29Wia Iesuro naibaha imowameai naiba iaowa. Moro rioido na’u na’uha niatorodai, mo tanomowameaimo wia mo pupuo botiro nowai nana nouri idodiai, moro rioido ainarodai. 30Ioane Babatiso kidia, toboroudora e oubi aueudora? Mo tanamowameaimo. 31Nei himia himia naibaha iaowaumo Noupa imo ainiaowadumo, Toboroudori, nouro airiatodoidai: Teiri rio nouido orovidioumo biahai. 32Noupa imo ainiaowadumo oubi aueudori; neiio oubi tore imaatiwaumo mabu nouri, oubi auwoha neiio aiiaowaumo Ioane naiheha Peroveta duburi. 33Nouri nei Iesuido naibaha omowameaiwaumo naiba iaowaumo: Imo umo biahai. Wia Iesu neido naiba iaowa: Nouri moro rioido iao raihe mo pupuo botiro nowai nana nouri idodiai.
Currently Selected:
Mareko 11: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Mareko 11
11
1Ina nei tariwai Ierusalemaito keredea nei aio’umo Betepagera Betaniara noito, neiti oopo Oliveta akabu mabuwa ia mama, nou ta’uwa nou himia kitomudio mere neewa nouro naibaha itiodoimama. 2Wia nou neitido naiba iaowa: Rieitio hohoito nou remabootidiodudo oopo’i noito ta’utoi wia nou ta’uwa rieiti noito idoutoiwa rieitio orio asina kotohiti oweatoiwa; mereha na’u nou gimini ohuwa otomai biahai. Tamopiwoudo wia tawoudo. 3Ina dubu ataro rieiti iatodoimamawa: Na’i tou riaidudo? Rieitio naiba tarotoi, Pai‐dubu nou nou niroi, wia nou ta’uwa nouro noito airotiodoidairo. 4Neiti nei himia naveito naibaha o’udo wia orio asina neitio naibaha oweaudo, nou biri mabuwa nave turihawa otohiti. Neitio nou naibaha omopiwoudo. 5Amida kotoi oubi nouowa emidioumo, neitido naibaha iaowaumo: Tou riaiidudo rieti, orio asina’i nou romopiwutidudo. 6Neitio neido Iesu karo wade aibo aroudo, ina neiti ko’uwa oubio iadohiomaimo biahai. 7Wia orio asina neitio Iesuido naibaha owoudo, wia neiti himia hipura nou gimini ohuwa naibaha iaodiwaudo wia Iesu asina ohuwa naibaha emi. 8Wia oubi godogodo nei himia hipura navewa naibaha ipohowaumo wia oubi amida nua keteri naibaha iahiowaumo wia navewa naibaha ipohowaumo. 9Opuito ko’u oubii wia dooudo ko’u oubii naibaha iauwoidiowaumo naiba iaowaumo: Hosana, dubu nou airo’u Pai‐dubu painawa; mea nana nouido mo’umo. 10Nouri bububati nou airo’uro, imo abea Davida bububatiri. Mea nana nouido mo’umo. Hosana toborowa ohuwa.
11Wia Iesuro Ierusalemawa naibaha odoro ina Tana‐motoito nou naibaha odoro ina nou itoito orohowa, nana auwoha naibaha iauriwa, nouro Betaniaito naibaha o’uwai. 12 kitomudio meremu, mabu nouri dohori.
12Dudueido ina nei Betaniaudo naiba o’umo, nouvia dou niroro aai. 13Nouro suke nua auwowa eauri pahaha kotoiwa. Nou nouido naibaha o’u iauri, noupa iopu ramura. Ina nou idadoumai nouro iopu ivia biahai na’u pahahari. Nouri ta’u nou suke ta’u biahai. 14Wia Iesuro naibaha omowameai, nouido naiba iaowa: Dubu ataro ro iopu iho raihe ta’ui nouowa; wia kiao wade nouri kitomudio mere’o naibaha orovidiowaumo.
15Nei Ierusalemaito naibaha o’uwaumo, Iesu Tana‐motoito naibaha odoro wia koromio oubii wia korowame oubii nouro iahoiuti naibaha iai, wia moni korowame oubi nei dodoo wia badu korowame oubi nei kemi batii nouro naibaha imeheewa. 16Wia oubi auwoha nouro naibaha iadohiomai, uro Tana motoito iwodoutimo aue. 17Nou neido naiba iatomuaiwa naiba iaowa: Titi nouwa iatimo tatora: Mo motonu paina aiwaimo‐idodoi kirodumeaito wade kiao motori oubi auwohaido; ata rioo piro oubi kopirou bati aibo tau ododiaumo. 18Wia titi oubira, auwo‐kohena oubira naibaha orovidiowaumo wia neiio aiomohowaumo, Iesu taiba epiamoi; nouri nei nouido tore iatiwaumo, mabu nouri oubi auwoha nou himia kitomudio wadewa aiemaeawaumo.
19Ina doho naibaha oito, nou oopoudo naibaha ohuodidio.
20Dudueido, ina nei naibaha ohoda’umo, suke nua neiio naibaha eauriwaumo, nou hipiudo naibaha orokokoutiwa. 21Ina Pitaro aiararomowa wia nou naiba iaowa: Auwo‐dubu e, Ta’auri suke nua roro gooa owaiwa nou tau orokokouti. 22Wia Iesuro naibaha imowameai, neido naiba iaowa: Iehovaido tararomodioumo. 23Naiheha mo riodo ainaro: Ina duburo nouri akabuido aiwaroi: ro ito taiahiodidio naiba auwoturito taiariiai, ina nou imini arotowouti biahai wia nou naibaha iraromodio nou himia kiao wade’i nou aiwau ro’ui, nouri nana nou niro nouro aiwaveai. 24Mabu nouri mo rioido nou naro: Nouri nana rioo kirodumea wadeito naibaha iatodoumo, tairaromomo nei rioido tau imaatiro wia nouri nana rioo aiwaimo‐iviai. 25Wia nou ta’uwa rio ototutimowa kirodumeaito wade iaomoi, ina rio giopu ata dubuido heauwo aibo eremahebediomowa: nou kidia’i rioo iraromomo aue, ina nouri rio Abea, toborowa remidio, rio himia uba uba kidia nouro aiwai‐ipiti. 26Ina rioo ubauba kidia iraromomowa, rio Abea toborowa remidio nouro rio himia ubauba kidia aiwai‐raromoi.
27Nei ina Ierusalemaito naiba o’umo wia Tana‐motowa nou itoito orohowa ina nou ta’uwa auwo kohena oubira, titi oubira wia mamusi mamusi nouido naibaha o’uwaumo. 28Nei nouido naiba iaowaumo: Touna pupuoito ridodiaidai nananu ro, wia ro pupuo botiro rowai nana nouri idodiai. 29Wia Iesuro naibaha imowameai naiba iaowa. Moro rioido na’u na’uha niatorodai, mo tanomowameaimo wia mo pupuo botiro nowai nana nouri idodiai, moro rioido ainarodai. 30Ioane Babatiso kidia, toboroudora e oubi aueudora? Mo tanamowameaimo. 31Nei himia himia naibaha iaowaumo Noupa imo ainiaowadumo, Toboroudori, nouro airiatodoidai: Teiri rio nouido orovidioumo biahai. 32Noupa imo ainiaowadumo oubi aueudori; neiio oubi tore imaatiwaumo mabu nouri, oubi auwoha neiio aiiaowaumo Ioane naiheha Peroveta duburi. 33Nouri nei Iesuido naibaha omowameaiwaumo naiba iaowaumo: Imo umo biahai. Wia Iesu neido naiba iaowa: Nouri moro rioido iao raihe mo pupuo botiro nowai nana nouri idodiai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.