Mareko 10
10
1Wia nou naiba o’ibua wia Iudea hapuoito naibaha o’u Ioridana hapuo ataito, wia oubi gema nouido ina idabuaiwaumo. Nou neido itomututi, nou himia kidia aibo. 2Wia Parisea oubi nouido naiba o’umo naiba atodoumo: Nou meahara dubu nou himia o’boa ahoiuti? Nei nouido aiematuheumo. 3Wia nou neido naiba imowameai naiba iatodoi: Mosero rioido taiba wade modobo imaai? 4Neiio naiba aroumo: Mosero imadohiomai biahai duburo o’boa kahoiuti pepa kiatiri, ina nou himia o’boa ahoiuti. 5Iesuro neido naiba iaowa: Mosero nouri wade modobo rioido nou imaai, mabu nouri rio imini kokori. 6Opuito Iehova batibati auwoha kidodiaiwa ta’uwa, o’bora dubura nouro naiba idodiaimama. 7Mabu nouri dubu nou abeara mamura aiwai meheaimamai wia nou himia o’boamu emidiotoi. 8Wia neiti himia goho na’u aibo waido oito. Nouri neiti neewatoi biahai na’u gohori. 9Nouri Iehova kidabuai na modobo’i, duburo ahoiuti raihe. 10Ina nei moto turiwa emidioumo, na’i nouri kitomudio mere nouido ina naibaha atodoiwaumo. 11Wia nou neido aro: Nouri duburo nou himia o’boa ahoiutiwa wia o’boa atamu idabuaiwa, nou siwokoriri opuito o’boaido. 12Ina o’bo nou uramu ahoiutiwa wia dubu atamu idabuaiwa nou siwokoriri.
13Mamio keke mere Iesuido naibaha iwoumo, nouro nei iatiboi wia kitomudio mereo nei naibaha imadohiomaumo. 14Ina Iesuro nei idaiauriwa nou neido gunuuni iatiwa, nou neido naiba iaowa: Keke mere mo’umo moido, iadohiomaimo aue; nouri Iehova bububati neidori. 15Naiheha mo rioido nou niao: Nouri dubu nou Iehova bububati oobuai tatowa mere keke aibo, nouro nouito odoro raihe. 16Wia mere keke nou himia tuito nouro naibaha iviai, wia nou himia tu neewa neewa naiba itomai, niainiai wade neido naiba iaowa.
17Ina Iesu navewa idao’uwaro, dubu na’u nouido naibaha imaiioro wia nouido popoito imohorai, nouido naibaha atodoi: Auwo‐dubu meaha, Tounai niaidai mo kiiro karae karae oweai. 18Iesuro nouido naiba iaowa: Teiriri nahoowa mo meari? Oubi amida mea biahai, Iehova nou himia gauwoha. 19Bubu auwoha rovia umori; siwokori oworoho aue; oubi iwoto aue; piro moa; oubi amida maata kiworoho biahai; ipiro aue; ro abeara mamura niainiai taimahebidiomama neitido. 20Nouro naibaha omowameai, nouido naiba iaowa: Auwo‐dubu e, nouri bubu auwoha moro ohiowa taunirovidio. 21Ina Iesuro nouido naibaha eauriwa wia nou auwo niro emahebidiowa nouido wia nouido naiba iaowa: Na’u na roro oworoho aue; Ta’u ro himia nana auwoha tawamemo wia nana tato oubido taimaati ina roro nana godogodo toborowa aiwaiviai, ina ta’uro mo tanobodoro. 22Ina nou ta’uwa kiao wade’i nouro ida orovidio nou himia hoho naibaha orohumiti wia nou naibaha o’uro giopu mibo ramu, mabu nouri nou nana horohorori.
23Iesuro naibaha iremeteutiwa wia nou himia kitomudio mereido naiba aro: Tiaha auwo pauwo, nana horohoro oubi Iehova bububatito idoutimoi. 24Ina kitomudio mere nou himia wadeito auwo niimo naibaha emaeawaumo wia Iesuro ina imowameai neido naiba iaowa: Mo mere, tiaha auwo pauwo oubio nana horohoro iraromodiomoi, Iehova bububatito idoutimoi. 25Kamela naihiia pituuwa odorowa nou miboiha biahai wia nana horohoro mere Iehova bububatito odorowa nou tiaha miboi. 26Wia neiio ina auwo niimo emaeawaumo wia nouido naiba iaowaumo: Kiiro bodio oubio waimooweai. 27Wia Iesuro nei naibaha iauriwa naiba iaowa: Duburo umoiti ododiai raihe, Iehova nou himia gauwoha idodiaiwa. Nana auwoha Iehovawia umori kidodiaiwa. 28Pitaro nouido ina naibaha iaowa: Imo nana auwoha tau nibeedeumo ina ro dooudo norobododumo. 29Wia Iesuro naibaha imowameai naiba iaowa: Naiheha mo rioido ainaro: Na’u duburo oopo wia niamamio wia nirabomio wia mamu wia abea wia mere auwoha wia bati auwoha, moido wia paimeaido ibeedewa. 30Doihabuonu dubu nouri, nouro 100 nana nou aibo aiwai riviai; moto godo wia niamamio wia nirabomio wia mamio wia mere godo wia bati godo, gooa nana nou ramu; ina kiiro tau o’uwa, kiiro karae karae nouro aiwaviai. 31Wia oubi godogodo doihabuo nei opuitori, doo nei dooudori wia oubi godogodo doihabuo nei dooudori, doo nei opuitori.
32Wia nei navewa orohowaumo, Ierusalemaito oroviowaumo wia Iesuro, nei opo imowouwa, wia neiio aiemaeawaumo wia nou ta’uwa nei nou dooudo nou orobodowaumo nei tiaha tore iatiwaumo. Wia 12 oubi nouri nouro naibaha itateai nou himiaido, wia nouro neido aroi naibaha iai, nouri nouido doo ko’u nanari. 33Nouro naiba aro: Taaurimo, imo Ierusalemaito oroviomoi wia Oubiha‐mere nou aiwaimoowoi auwo‐kohena oubido wia titi oubido, wia neiio nou koihiai wiha waimo‐emapoi wia neiio nou douboi oubido aiwaimoimaai. 34Neiio nou aiwaimo‐emesiodiowai wia aiwaimo‐emadowai wia aiwaimo‐epiai wia hiwio neewa na’uwa nou koihiaudo aiwaroitorai.
35Wia Iakobora Ioanera, Sebedaia mere neewari, nouido naiba o’udo. Neitio naiba iaowaudo: Auwo‐dubu e, nou natodoidudo imeiti niro roro idodiaimamai. 36Wia nou neitido naiba iaowa: Tou nanari rieiti niro moro idodiaimamai? 37Neiti nouido naiba iaowaudo: Imeitido tanimaaimama kemi bati neewa, na’u ro himia tuiha hapuoito wia ata pere hapuoito, ro himia moariwa. 38Wia Iesuro neitido naiba iaowa: Nouri nana rieitio nou ratodoidudo rieiti umo biahai. Mo kidio koimo’i rieitio kidio umora, nouri babatiso na’i mo noudo babatiso nou nowaumo rieitiovia nouri babatiso awaido oweai? 39Wia neiti nouido naiba iaowaudo: Imeitivia umo ainaidoiti. Wia Iesu neitido naiba iaowa: Mo kidio koimo’i rieitio aiwaido‐idioi wia nouri babatiso na’i mo noudo babatiso nou nowaumo, rieitio babatisoi aiwaido‐oweai. 40Ata bo tami tuiha hapuoudo wia bo tami pere hapuoudo moro imaati raihe. Oubi kemi bati neido meaha idodiai nouri oubido kemi bati nouri nou aiwaimaai. 41Ina 10 kitomudio mereo nouri wade orovidiowaumo, neiio gunuuni iatiwaumo Iakobora Ioaneraido. 42Wia Iesuro nei nouido o’umoi naibaha itua. Nou neido naiba iaowa: Riovia umoro, nouri oubi nei pai tau iwai douboi oubimu, neivia kimotoi oubiri nei mabuwa wia nei himia auwo auwo oubi neivia auwo pairi nei himia oubi mabuwa. 43Ata rio nou aibo idodiaimo aue: Dubu nou niro auwo aiwaiti rio mabuwa, nouvia komotoi mereha aibo waiti. 44Wia nouri dubu rio mabuwa nou opuito niroi, nouvia rio kowaati mereha aibo waiti. 45Nouri Oubiha‐mere nou aio’uro, nou niro biahai oubio nou omotoimoi, nou niro oubi nouro imotoi; wia nou niro nou himia kiiro oubi amidaido nouro imaati, uba kidiaudo oroitoutimoi.
46Nei Ieriko naibaha ohiaiwaumo ina nou Ieriko naibaha emeheaiwa nou himia kitomudio meremu wia auwo oubi gemamu, Batimaio, idomai tato dubu, Timaio mere, nave barawa emidiowa nouro nana amida irowarodiotuti. 47Ina nou ta’uwa nouro idarowai Iesu nouowari nou imakakai naibaha iai naiba iaowa: Iesu, rovia Davida mereri, moido niainiai tamahebidio ro. 48Amida oubio nouido naibaha emadohiomaumo nou mubaha oiti, ata nou ina imakakaiwa auwori: Davida mere, Ro niainiai tanemahebidioro mo. 49Wia Iesu naibaha otoa, naiba iaowa: Rio nou tatuamo. Wia nouri idomai tato dubu neiio naibaha otuaumo, nouido naiba iaowaumo: Geii taitiro; tatoa; nou ro romorouro. 50Wia nou uduuduo nou naibaha aive: nou hagohagoha naibaha oroviai wia Iesuido naibaha o’uro. 51Wia Iesuro naibaha omowameai, nouido naiba iaowa: Touna niaidai roido ro niro? Idomai tato dubu nouido naiba iaowa: Auwo‐dubu mo niro idomai irawodai. 52Wia Iesuro nouido naiba iaowa: Ta’u ro himia naveito. Ro himia kiraromodio na’i meaha tau roiti ro. Wia nou ta’uwa nou idomai meaha naiba irawodai wia nou Iesu dooudo navewa naibaha orobodowa.
Currently Selected:
Mareko 10: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Mareko 10
10
1Wia nou naiba o’ibua wia Iudea hapuoito naibaha o’u Ioridana hapuo ataito, wia oubi gema nouido ina idabuaiwaumo. Nou neido itomututi, nou himia kidia aibo. 2Wia Parisea oubi nouido naiba o’umo naiba atodoumo: Nou meahara dubu nou himia o’boa ahoiuti? Nei nouido aiematuheumo. 3Wia nou neido naiba imowameai naiba iatodoi: Mosero rioido taiba wade modobo imaai? 4Neiio naiba aroumo: Mosero imadohiomai biahai duburo o’boa kahoiuti pepa kiatiri, ina nou himia o’boa ahoiuti. 5Iesuro neido naiba iaowa: Mosero nouri wade modobo rioido nou imaai, mabu nouri rio imini kokori. 6Opuito Iehova batibati auwoha kidodiaiwa ta’uwa, o’bora dubura nouro naiba idodiaimama. 7Mabu nouri dubu nou abeara mamura aiwai meheaimamai wia nou himia o’boamu emidiotoi. 8Wia neiti himia goho na’u aibo waido oito. Nouri neiti neewatoi biahai na’u gohori. 9Nouri Iehova kidabuai na modobo’i, duburo ahoiuti raihe. 10Ina nei moto turiwa emidioumo, na’i nouri kitomudio mere nouido ina naibaha atodoiwaumo. 11Wia nou neido aro: Nouri duburo nou himia o’boa ahoiutiwa wia o’boa atamu idabuaiwa, nou siwokoriri opuito o’boaido. 12Ina o’bo nou uramu ahoiutiwa wia dubu atamu idabuaiwa nou siwokoriri.
13Mamio keke mere Iesuido naibaha iwoumo, nouro nei iatiboi wia kitomudio mereo nei naibaha imadohiomaumo. 14Ina Iesuro nei idaiauriwa nou neido gunuuni iatiwa, nou neido naiba iaowa: Keke mere mo’umo moido, iadohiomaimo aue; nouri Iehova bububati neidori. 15Naiheha mo rioido nou niao: Nouri dubu nou Iehova bububati oobuai tatowa mere keke aibo, nouro nouito odoro raihe. 16Wia mere keke nou himia tuito nouro naibaha iviai, wia nou himia tu neewa neewa naiba itomai, niainiai wade neido naiba iaowa.
17Ina Iesu navewa idao’uwaro, dubu na’u nouido naibaha imaiioro wia nouido popoito imohorai, nouido naibaha atodoi: Auwo‐dubu meaha, Tounai niaidai mo kiiro karae karae oweai. 18Iesuro nouido naiba iaowa: Teiriri nahoowa mo meari? Oubi amida mea biahai, Iehova nou himia gauwoha. 19Bubu auwoha rovia umori; siwokori oworoho aue; oubi iwoto aue; piro moa; oubi amida maata kiworoho biahai; ipiro aue; ro abeara mamura niainiai taimahebidiomama neitido. 20Nouro naibaha omowameai, nouido naiba iaowa: Auwo‐dubu e, nouri bubu auwoha moro ohiowa taunirovidio. 21Ina Iesuro nouido naibaha eauriwa wia nou auwo niro emahebidiowa nouido wia nouido naiba iaowa: Na’u na roro oworoho aue; Ta’u ro himia nana auwoha tawamemo wia nana tato oubido taimaati ina roro nana godogodo toborowa aiwaiviai, ina ta’uro mo tanobodoro. 22Ina nou ta’uwa kiao wade’i nouro ida orovidio nou himia hoho naibaha orohumiti wia nou naibaha o’uro giopu mibo ramu, mabu nouri nou nana horohorori.
23Iesuro naibaha iremeteutiwa wia nou himia kitomudio mereido naiba aro: Tiaha auwo pauwo, nana horohoro oubi Iehova bububatito idoutimoi. 24Ina kitomudio mere nou himia wadeito auwo niimo naibaha emaeawaumo wia Iesuro ina imowameai neido naiba iaowa: Mo mere, tiaha auwo pauwo oubio nana horohoro iraromodiomoi, Iehova bububatito idoutimoi. 25Kamela naihiia pituuwa odorowa nou miboiha biahai wia nana horohoro mere Iehova bububatito odorowa nou tiaha miboi. 26Wia neiio ina auwo niimo emaeawaumo wia nouido naiba iaowaumo: Kiiro bodio oubio waimooweai. 27Wia Iesuro nei naibaha iauriwa naiba iaowa: Duburo umoiti ododiai raihe, Iehova nou himia gauwoha idodiaiwa. Nana auwoha Iehovawia umori kidodiaiwa. 28Pitaro nouido ina naibaha iaowa: Imo nana auwoha tau nibeedeumo ina ro dooudo norobododumo. 29Wia Iesuro naibaha imowameai naiba iaowa: Naiheha mo rioido ainaro: Na’u duburo oopo wia niamamio wia nirabomio wia mamu wia abea wia mere auwoha wia bati auwoha, moido wia paimeaido ibeedewa. 30Doihabuonu dubu nouri, nouro 100 nana nou aibo aiwai riviai; moto godo wia niamamio wia nirabomio wia mamio wia mere godo wia bati godo, gooa nana nou ramu; ina kiiro tau o’uwa, kiiro karae karae nouro aiwaviai. 31Wia oubi godogodo doihabuo nei opuitori, doo nei dooudori wia oubi godogodo doihabuo nei dooudori, doo nei opuitori.
32Wia nei navewa orohowaumo, Ierusalemaito oroviowaumo wia Iesuro, nei opo imowouwa, wia neiio aiemaeawaumo wia nou ta’uwa nei nou dooudo nou orobodowaumo nei tiaha tore iatiwaumo. Wia 12 oubi nouri nouro naibaha itateai nou himiaido, wia nouro neido aroi naibaha iai, nouri nouido doo ko’u nanari. 33Nouro naiba aro: Taaurimo, imo Ierusalemaito oroviomoi wia Oubiha‐mere nou aiwaimoowoi auwo‐kohena oubido wia titi oubido, wia neiio nou koihiai wiha waimo‐emapoi wia neiio nou douboi oubido aiwaimoimaai. 34Neiio nou aiwaimo‐emesiodiowai wia aiwaimo‐emadowai wia aiwaimo‐epiai wia hiwio neewa na’uwa nou koihiaudo aiwaroitorai.
35Wia Iakobora Ioanera, Sebedaia mere neewari, nouido naiba o’udo. Neitio naiba iaowaudo: Auwo‐dubu e, nou natodoidudo imeiti niro roro idodiaimamai. 36Wia nou neitido naiba iaowa: Tou nanari rieiti niro moro idodiaimamai? 37Neiti nouido naiba iaowaudo: Imeitido tanimaaimama kemi bati neewa, na’u ro himia tuiha hapuoito wia ata pere hapuoito, ro himia moariwa. 38Wia Iesuro neitido naiba iaowa: Nouri nana rieitio nou ratodoidudo rieiti umo biahai. Mo kidio koimo’i rieitio kidio umora, nouri babatiso na’i mo noudo babatiso nou nowaumo rieitiovia nouri babatiso awaido oweai? 39Wia neiti nouido naiba iaowaudo: Imeitivia umo ainaidoiti. Wia Iesu neitido naiba iaowa: Mo kidio koimo’i rieitio aiwaido‐idioi wia nouri babatiso na’i mo noudo babatiso nou nowaumo, rieitio babatisoi aiwaido‐oweai. 40Ata bo tami tuiha hapuoudo wia bo tami pere hapuoudo moro imaati raihe. Oubi kemi bati neido meaha idodiai nouri oubido kemi bati nouri nou aiwaimaai. 41Ina 10 kitomudio mereo nouri wade orovidiowaumo, neiio gunuuni iatiwaumo Iakobora Ioaneraido. 42Wia Iesuro nei nouido o’umoi naibaha itua. Nou neido naiba iaowa: Riovia umoro, nouri oubi nei pai tau iwai douboi oubimu, neivia kimotoi oubiri nei mabuwa wia nei himia auwo auwo oubi neivia auwo pairi nei himia oubi mabuwa. 43Ata rio nou aibo idodiaimo aue: Dubu nou niro auwo aiwaiti rio mabuwa, nouvia komotoi mereha aibo waiti. 44Wia nouri dubu rio mabuwa nou opuito niroi, nouvia rio kowaati mereha aibo waiti. 45Nouri Oubiha‐mere nou aio’uro, nou niro biahai oubio nou omotoimoi, nou niro oubi nouro imotoi; wia nou niro nou himia kiiro oubi amidaido nouro imaati, uba kidiaudo oroitoutimoi.
46Nei Ieriko naibaha ohiaiwaumo ina nou Ieriko naibaha emeheaiwa nou himia kitomudio meremu wia auwo oubi gemamu, Batimaio, idomai tato dubu, Timaio mere, nave barawa emidiowa nouro nana amida irowarodiotuti. 47Ina nou ta’uwa nouro idarowai Iesu nouowari nou imakakai naibaha iai naiba iaowa: Iesu, rovia Davida mereri, moido niainiai tamahebidio ro. 48Amida oubio nouido naibaha emadohiomaumo nou mubaha oiti, ata nou ina imakakaiwa auwori: Davida mere, Ro niainiai tanemahebidioro mo. 49Wia Iesu naibaha otoa, naiba iaowa: Rio nou tatuamo. Wia nouri idomai tato dubu neiio naibaha otuaumo, nouido naiba iaowaumo: Geii taitiro; tatoa; nou ro romorouro. 50Wia nou uduuduo nou naibaha aive: nou hagohagoha naibaha oroviai wia Iesuido naibaha o’uro. 51Wia Iesuro naibaha omowameai, nouido naiba iaowa: Touna niaidai roido ro niro? Idomai tato dubu nouido naiba iaowa: Auwo‐dubu mo niro idomai irawodai. 52Wia Iesuro nouido naiba iaowa: Ta’u ro himia naveito. Ro himia kiraromodio na’i meaha tau roiti ro. Wia nou ta’uwa nou idomai meaha naiba irawodai wia nou Iesu dooudo navewa naibaha orobodowa.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.