Mareko 9
9
1Wia nou neido naiba iaowa: Naiheha mo rioido ainaro: Amida kotoi oubi nouowa neiio oroihimo raihe ina opuito Iehova bububati pupuoramu o’uwa neiio aiwaimo eauri.
2Hiwio 6 ida oropoiioumo Iesuro naibaha iaubuaibi Pitari, Iakobori, Ioaneri, auwo akabu barito naibaha iwaboiiabi neibi himia gauwoha. Nou neibi hohowa tiaha orowaevia. 3Wia nou himia hipura, gahoro gahoro auwo bohobohoiha naibaha oiti; ata duburo orododiai raihe bohobohoiha nou aibo. 4Wia Eliara Mosera neiti neibido naibaha imowaetaimama, neiti Iesumu wade iaowaudo. 5Wia Pitaro naibaha omowameai Iesuido naiba iaowa: Abae, nou meahari imeibi nouowa emidiobi. Imeibio duo daimo neewa na’u ainiditidaibidumo; na’u roido, na’u Moseido wia ata Eliaido. 6Nouro nou umo biahai touna rarodai mabu nouri neibi tore iatibumo. 7Wia na’u buburo neibi naibaha imuraibi wia wade bubudo naibaha ipiotai naiba iaowa: Nouri mo himia Mereri, mo nou auwo niroi. Tarovidioumo nou. 8Ina nou ta’uwa hagohagoha ina neibio naibaha iremeteutiwabumo, neibio ata mere eauribi biahai, Iesu nou himia gauwoha neibimu.
9Ina neibi akabudo naibaha oroworuowabumo Iesuro neibido wade modoboito iaowa: Rieibio keauri na’i oubi amidaido orowaduutibi aue doihabuo, doo ina Oubiha‐mere koihiaudo aiwaroitorai. 10Nouri wade neibio naibaha irovidiobumo wia neibi himia himia naibaha aratorowabumo: Tounai nouri wade, koihiaudo ina aiwaroitarai? 11Wia neibio nouido naibaha atodoibumo naiba iaowabumo: Teiri titi oubio naiba iaowaumo, Elia opuito ko’uiha nou o’uro. 12Wia nou neibido naiba iaowa: Naiheha! Elia opuito nou o’uro wia nana auwoha orio aibo nouro idodiaiwa. Ina tounai wade Oubiha‐mere ko’u nana nou titi nou iatiumo? Nouri, nou temeteme nana godogodo kivieiha bativia wia haupo aibo kododiaiha batododiai. 13Ata mo rioido ainaro, Elia nou tau o’uro wia nouri nana nei niro, neiio nouido nou idodiaumo, kiati wade’i nou aibori.
14Ina nou ta’uwa neibio aio’ubumo, kitomudio mereido, neibio idaiauribumo kitomudio mere, oubi godogodoo iwahirutiumo wia titi‐oubio neido wade iatorowaumo. 15Wia nou ta’uwa oubi auwohao nou aieauriumo nei auwo niimoito emaeawaumo wia nouido hioito orowarariowaumo wia neiio nouido niainiaito ahoowaumo. 16Wia nou titi‐oubido naibaha atodoi: Tou wade iatoroumo rio neido? 17Na’u dubu oubi piipiiha turi goroudo, nouido naibaha omowameairo: Auwo dubu mo himia mere moro roido nouwouro: nou mubaruo urio ramuri. 18Toubatito nouro nou owouwa nou nouowa kamehuari wia nou hauge kimomoutiri wia nou iawa kimakikitiri wia nou goho tato naibaha koitiri. Mo ro himia kitomudio mereido hobo niatodoi, uba urio neiio iahiitimoi ata nei kiahiiti umo biahai. 19Iesu nouido naiba imowameai, naiba iaowa: Riovia irovidio tato oubiri; mo taiba tutuito nemidio riomu, taiba tutuito nemidio mo mubaha? Nou moido tawoumo. 20Neiio ohio nouido naibaha owoumo ina nouri urio Iesu idaauriwaro nou ta’uwa mere’i nou naibaha eediutiwa wia nou hopuwa naibaha omoa wia nou naibaha orowa’ewuti wia maataito hauge naibaha imomoutiwa. 21Wia Iesu abeaido naiba atodoi: Taiba tutuito emidiotuti noumu? Wia nou naiba aro: Keke merewari. 22Godogodo ta’uwa nou kupowa atowotuti wia obowa aberutituti, nou epia niroi. Ina ro umoiha oawa, imoido niainiai tanimahebidioro wia imo taniwabai. 23Iesu nouido naiba iaowa: Ro umoiha oawa? Ina dubu nou kiraromodio, nana auwoha nou pauwo biahai. 24Nou ta’uwa mere abea idebi ramu naibaha imotua: Pai‐dubu mainararomo, ina mo araromo tatowa ro mo tanowabai. 25Ina Iesuro naibaha iauriwa oubi gema batii noito imaiiodiowaumo, nouro irio urio naibaha adohiomai wia noudio naibaha iaowa: Ro urio mubaruori wia tumutumuri, moro roido modoboito naro: Tahuodidio nou aueudo ina ata ta’uwa ro nouido araiwairo aue. 26Wia nouri urio naibaha imakakai wia nou auwo niimo naibaha eedioutiwa, wia nou aueudo naibaha ohuodidiowa wia nouri mere nou koihiai aibo oiti ina nouri oubi godogodoo naiba iaowaumo: Nou tau roihiai. 27Wia Iesuro nou tudo naibaha ohiai naiba oviai wia nou naibaha oibua. 28Ina nou motoito idadoro, nou himia kitomudio mere nouido piroha iaowaumo naiba atodoumo: Teiri imoo ahouiutimo tato? 29Nou neido naiba iaowa: Nouri na’i nou hagohagoha ohuodidio raihe nou kirodumeaito wade arowa gauwoha nouwa kohuodidioi.
30Nei nouri batiudo naibaha emeheaumo wia Galilaia naibaha ohodaumo wia nou niro biahai oubi umoitimoi. 31Nouri nou himia kitomudio mereido nou naibaha imatomudiowa; wia nou neido naiba iaowa: Oubiha‐mere oubi tuito tau emaairo wia neiio nou aiwaimo‐epiai wia hiwio neewa na’uito nou aiwaroitorai. 32Wia nouri kiao wade nei umo biahai wia nouido atodoimoi nei tore iatiwaumo.
33Wia nei Kapenaumaito naibaha o’umo ina nou motowa naibaha emi nou neido naiba iatodoi: Touna roromowamewadumo rio navewa? 34Wia nei mububa naibaha oitiumo, mabu nouri navewa nei himia himia naibaha oromowamewaumo; Imomu botiri opuito. 35Nou naibaha emi wia 12 kitomudio mere nouro naibaha itua, wia neido naiba iaowa: Nouri dubu nou opuito niro emahebediowa nouvia dooudo waiti, wia oubi auwoha nouro kiwabatutiha waiwabatuti. 36Wia na’u keke mere nouro naibaha emahiiai, nei turiwa naibaha owotoboa, ina nouro nou tuito naibaha aeruai wia neido naiba iaowa: 37Nouri duburo keke mere na’unu nou aibo oobuaiwa mo painawa, nourovia mo ainaobuai; wia nouri duburo mo oobuaiwa nourovia mo oobuai raihe; mo nouro notidoiro nou waobuai.
38Ioane nouido naiba iaowa: Auwo‐dubu e, imo dubu na’u aineauriumo nou uba urio iheewa ro painawa. Imoo nou hobo nadohiomaumo nouri nou imomu orobodo biahai. 39Wia Iesu naiba aro: Nou adohiomaimo aue. Mabu nouri dubu nou timaha auwo nana ma painawa idodiaiwa, teiri nou mo hagohagoha ubauba wadeito nou waduuti. 40Nouri dubu nou imo komobori biahai nouvia imo muri. 41Nouri dubu nou rioido obo koimo idioi imaaiwa, mabu nouri rio Keriso oubiri, nou himia wiha nouro atoai raihe. 42Wia dubu nou gooa owaiwa na’u moido korovidio keke merenu nou, dubui nouri nouido nou meahari ina opuito auwo akabu nou hokowa erereru wia nou auwo‐turiwa aiveimoi. 43Ina ro tu ro gooa owaiwa, tahiai: nou meaha ro kiiro‐batito odoroi na’u tu ramu, nou mea biahai ro tu neewa ramu Gehenaito aivemoi, nouri kupo odoiia tato batii noito. 44Nouri batiwa nei himia kokoii oroihimo tatowa wia nei kupoi odoiia raihe. 45Ina ro konoro ro gooa owaiwa: tahiai. Nou meaha ro kiiro‐batito na’u kono ramu odoroi, nou mea biahai ro neewa kono ramu Gehenaito aivemoi, nouri kupo odoiia tato batii noito. 46Nouri batiwa nei himia kokoii oroihimo tatowa wia nei kupoii odoiia raihe. 47Ina ro idomairo ro gooa owaiwa. Tarahiodidio: nou meaha ro Iehova bububatito na’u idomai ramu odoroi, nou mea biahai ro neewa idomai ramu Gehenaito aivemoi. 48Nouri batiwa nei himia kokoii oroihimo tatowa wia nei kupoii odoiia raihe. 49Oubi auwoha tana iwaimoi kupo bubu ramui. 50Damobo meari, ina damobo topo tatori taiba riaidai topo owai. Damo na rioo turiwa taiwarohomo wia rio auwoha amea amea emidiomoi.
Currently Selected:
Mareko 9: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Mareko 9
9
1Wia nou neido naiba iaowa: Naiheha mo rioido ainaro: Amida kotoi oubi nouowa neiio oroihimo raihe ina opuito Iehova bububati pupuoramu o’uwa neiio aiwaimo eauri.
2Hiwio 6 ida oropoiioumo Iesuro naibaha iaubuaibi Pitari, Iakobori, Ioaneri, auwo akabu barito naibaha iwaboiiabi neibi himia gauwoha. Nou neibi hohowa tiaha orowaevia. 3Wia nou himia hipura, gahoro gahoro auwo bohobohoiha naibaha oiti; ata duburo orododiai raihe bohobohoiha nou aibo. 4Wia Eliara Mosera neiti neibido naibaha imowaetaimama, neiti Iesumu wade iaowaudo. 5Wia Pitaro naibaha omowameai Iesuido naiba iaowa: Abae, nou meahari imeibi nouowa emidiobi. Imeibio duo daimo neewa na’u ainiditidaibidumo; na’u roido, na’u Moseido wia ata Eliaido. 6Nouro nou umo biahai touna rarodai mabu nouri neibi tore iatibumo. 7Wia na’u buburo neibi naibaha imuraibi wia wade bubudo naibaha ipiotai naiba iaowa: Nouri mo himia Mereri, mo nou auwo niroi. Tarovidioumo nou. 8Ina nou ta’uwa hagohagoha ina neibio naibaha iremeteutiwabumo, neibio ata mere eauribi biahai, Iesu nou himia gauwoha neibimu.
9Ina neibi akabudo naibaha oroworuowabumo Iesuro neibido wade modoboito iaowa: Rieibio keauri na’i oubi amidaido orowaduutibi aue doihabuo, doo ina Oubiha‐mere koihiaudo aiwaroitorai. 10Nouri wade neibio naibaha irovidiobumo wia neibi himia himia naibaha aratorowabumo: Tounai nouri wade, koihiaudo ina aiwaroitarai? 11Wia neibio nouido naibaha atodoibumo naiba iaowabumo: Teiri titi oubio naiba iaowaumo, Elia opuito ko’uiha nou o’uro. 12Wia nou neibido naiba iaowa: Naiheha! Elia opuito nou o’uro wia nana auwoha orio aibo nouro idodiaiwa. Ina tounai wade Oubiha‐mere ko’u nana nou titi nou iatiumo? Nouri, nou temeteme nana godogodo kivieiha bativia wia haupo aibo kododiaiha batododiai. 13Ata mo rioido ainaro, Elia nou tau o’uro wia nouri nana nei niro, neiio nouido nou idodiaumo, kiati wade’i nou aibori.
14Ina nou ta’uwa neibio aio’ubumo, kitomudio mereido, neibio idaiauribumo kitomudio mere, oubi godogodoo iwahirutiumo wia titi‐oubio neido wade iatorowaumo. 15Wia nou ta’uwa oubi auwohao nou aieauriumo nei auwo niimoito emaeawaumo wia nouido hioito orowarariowaumo wia neiio nouido niainiaito ahoowaumo. 16Wia nou titi‐oubido naibaha atodoi: Tou wade iatoroumo rio neido? 17Na’u dubu oubi piipiiha turi goroudo, nouido naibaha omowameairo: Auwo dubu mo himia mere moro roido nouwouro: nou mubaruo urio ramuri. 18Toubatito nouro nou owouwa nou nouowa kamehuari wia nou hauge kimomoutiri wia nou iawa kimakikitiri wia nou goho tato naibaha koitiri. Mo ro himia kitomudio mereido hobo niatodoi, uba urio neiio iahiitimoi ata nei kiahiiti umo biahai. 19Iesu nouido naiba imowameai, naiba iaowa: Riovia irovidio tato oubiri; mo taiba tutuito nemidio riomu, taiba tutuito nemidio mo mubaha? Nou moido tawoumo. 20Neiio ohio nouido naibaha owoumo ina nouri urio Iesu idaauriwaro nou ta’uwa mere’i nou naibaha eediutiwa wia nou hopuwa naibaha omoa wia nou naibaha orowa’ewuti wia maataito hauge naibaha imomoutiwa. 21Wia Iesu abeaido naiba atodoi: Taiba tutuito emidiotuti noumu? Wia nou naiba aro: Keke merewari. 22Godogodo ta’uwa nou kupowa atowotuti wia obowa aberutituti, nou epia niroi. Ina ro umoiha oawa, imoido niainiai tanimahebidioro wia imo taniwabai. 23Iesu nouido naiba iaowa: Ro umoiha oawa? Ina dubu nou kiraromodio, nana auwoha nou pauwo biahai. 24Nou ta’uwa mere abea idebi ramu naibaha imotua: Pai‐dubu mainararomo, ina mo araromo tatowa ro mo tanowabai. 25Ina Iesuro naibaha iauriwa oubi gema batii noito imaiiodiowaumo, nouro irio urio naibaha adohiomai wia noudio naibaha iaowa: Ro urio mubaruori wia tumutumuri, moro roido modoboito naro: Tahuodidio nou aueudo ina ata ta’uwa ro nouido araiwairo aue. 26Wia nouri urio naibaha imakakai wia nou auwo niimo naibaha eedioutiwa, wia nou aueudo naibaha ohuodidiowa wia nouri mere nou koihiai aibo oiti ina nouri oubi godogodoo naiba iaowaumo: Nou tau roihiai. 27Wia Iesuro nou tudo naibaha ohiai naiba oviai wia nou naibaha oibua. 28Ina nou motoito idadoro, nou himia kitomudio mere nouido piroha iaowaumo naiba atodoumo: Teiri imoo ahouiutimo tato? 29Nou neido naiba iaowa: Nouri na’i nou hagohagoha ohuodidio raihe nou kirodumeaito wade arowa gauwoha nouwa kohuodidioi.
30Nei nouri batiudo naibaha emeheaumo wia Galilaia naibaha ohodaumo wia nou niro biahai oubi umoitimoi. 31Nouri nou himia kitomudio mereido nou naibaha imatomudiowa; wia nou neido naiba iaowa: Oubiha‐mere oubi tuito tau emaairo wia neiio nou aiwaimo‐epiai wia hiwio neewa na’uito nou aiwaroitorai. 32Wia nouri kiao wade nei umo biahai wia nouido atodoimoi nei tore iatiwaumo.
33Wia nei Kapenaumaito naibaha o’umo ina nou motowa naibaha emi nou neido naiba iatodoi: Touna roromowamewadumo rio navewa? 34Wia nei mububa naibaha oitiumo, mabu nouri navewa nei himia himia naibaha oromowamewaumo; Imomu botiri opuito. 35Nou naibaha emi wia 12 kitomudio mere nouro naibaha itua, wia neido naiba iaowa: Nouri dubu nou opuito niro emahebediowa nouvia dooudo waiti, wia oubi auwoha nouro kiwabatutiha waiwabatuti. 36Wia na’u keke mere nouro naibaha emahiiai, nei turiwa naibaha owotoboa, ina nouro nou tuito naibaha aeruai wia neido naiba iaowa: 37Nouri duburo keke mere na’unu nou aibo oobuaiwa mo painawa, nourovia mo ainaobuai; wia nouri duburo mo oobuaiwa nourovia mo oobuai raihe; mo nouro notidoiro nou waobuai.
38Ioane nouido naiba iaowa: Auwo‐dubu e, imo dubu na’u aineauriumo nou uba urio iheewa ro painawa. Imoo nou hobo nadohiomaumo nouri nou imomu orobodo biahai. 39Wia Iesu naiba aro: Nou adohiomaimo aue. Mabu nouri dubu nou timaha auwo nana ma painawa idodiaiwa, teiri nou mo hagohagoha ubauba wadeito nou waduuti. 40Nouri dubu nou imo komobori biahai nouvia imo muri. 41Nouri dubu nou rioido obo koimo idioi imaaiwa, mabu nouri rio Keriso oubiri, nou himia wiha nouro atoai raihe. 42Wia dubu nou gooa owaiwa na’u moido korovidio keke merenu nou, dubui nouri nouido nou meahari ina opuito auwo akabu nou hokowa erereru wia nou auwo‐turiwa aiveimoi. 43Ina ro tu ro gooa owaiwa, tahiai: nou meaha ro kiiro‐batito odoroi na’u tu ramu, nou mea biahai ro tu neewa ramu Gehenaito aivemoi, nouri kupo odoiia tato batii noito. 44Nouri batiwa nei himia kokoii oroihimo tatowa wia nei kupoi odoiia raihe. 45Ina ro konoro ro gooa owaiwa: tahiai. Nou meaha ro kiiro‐batito na’u kono ramu odoroi, nou mea biahai ro neewa kono ramu Gehenaito aivemoi, nouri kupo odoiia tato batii noito. 46Nouri batiwa nei himia kokoii oroihimo tatowa wia nei kupoii odoiia raihe. 47Ina ro idomairo ro gooa owaiwa. Tarahiodidio: nou meaha ro Iehova bububatito na’u idomai ramu odoroi, nou mea biahai ro neewa idomai ramu Gehenaito aivemoi. 48Nouri batiwa nei himia kokoii oroihimo tatowa wia nei kupoii odoiia raihe. 49Oubi auwoha tana iwaimoi kupo bubu ramui. 50Damobo meari, ina damobo topo tatori taiba riaidai topo owai. Damo na rioo turiwa taiwarohomo wia rio auwoha amea amea emidiomoi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.