Mareko 4
4
1Nouro iatomuai naibaha iai auwo‐turi barawa, wia oubi gema nouido idabuaiwaumo, nouri nou pewa naibaha orovia wia auwo‐turiwa naibaha emi, oubi gemao potoudo omotoiwaumo auwo‐turi barawa. 2Wia godogodo timaha na, oroaibo wadeito, nouro neido naibaha iatomuaiwa naiba iaowa, kitomudio wadeito. 3Tarovidioumo; taaurimo, Na’u mate kibo dubu mate kiboido naibaha o’u. 4Ina nou ta’uwa nou naibaha ibo, mate amida nave gohowa oromooutiwaumo wia pahagama toboroudo naibaha o’umo naiba ihoumo. 5Mate amida, akabu batiwa oromooutiwaumo, ina nouowa hopo goberi biahai, wia hagohagoha nei naibaha orowohuoumo, nouri hopu goberi biahai. 6Ina nou ta’uwa hiwio naibaha iororo nei naibaha ipihamuti naiba orokokoutiumo, nouri nei hipi tatori. 7Mate amida eperapera batiwa oromooutiwaumo wia eperapera naibaha ihuodutiumo naiba imakikitiumo nouri nei iopu imohaudio biahai. 8Mate amida hopu meawa oromooutiwaumo wia nei noro auwo auwori. Wia iopu naibaha imohaudioumo, amida 30, amida 60, amida 100. 9Wia nou neido naiba iaowa: Dubu nou gare ramu, nouro tarovidio.
10Ina nou ta’uwa nou gauwoha emidio noumu kemidio oubii, wia 12 kitomudio meremu, neiio nouido naiba atodoumo; Nouri oroaibo wadei teiri. 11Wia nou neido naiba iaowa: Iehova bububati sisibo nana’i rioido tau imaai, wia wegewa oubi amidaido nana auwoha neiio oroaibo wadeito idodiaiwaumo. 12Nouri nei keauri keauri ina eauriumo, ata nou paeaha oiti raihe, nei korowairi korowairi ina gareito ko’umoi ata nei umoitimo raihe; nouri neiio imini imowaimo tore, ina nei ubauba kidia batipiti. 13Nou neido naiba iaowa: Nouri oroaibo wade rio umoitimo tatora, ina oroaibo wade ata teiri rioo umoairoitidaidumo? 14Mate kibo mere nou wade kibori. 15Nouri nave barawa kemidio oubiri wade nouowa ibo; nou ta’uwa nei idaorovidioumo, hagohagoha Satana naibaha o’uro wia wade naibaha iwodau, nei giopowa kibo na’i. 16Nouri akabu batiwa kibo oubiri: nou ta’uwa neiio idaorovidioumo, hagohagoha nei geii ramu irovidioumo. 17Ina nei himia niro gorowa hipi tatori, nouri nei kekebuo tutu aibo emidioumo, dooudo uba ta’uwa wia heauwo ta’uwa nouri wadeudo o’umoi hagohagoha nei niro biahai. 18Wia nouri eperapera turiwa kibo oubiri; neiio wade naibaha irovidioumo. 19Wia batibati pauwo nana’i wia koromohuwo nari, nana horohoro ramu, wia ubauba kiraromodio nari, wade nouri airarakasaroubiaidumo wia nouri wade iopu tato oitiumo. 20Nouri mea hopuwa kibo oubiri; nou ta’uwa wade neiio idaorovidioumo, hagohagoha nei geii ramu iraromodiowaumo wia iopu naibaha omohau, amida 30 amida 60 amida 100.
21Wia nou neido naiba iaowa: Lamepa arowouro kepuri gorowa edeiaira wia dodoo goroudo edeiaira, dodoo ohuwa edea tatora? 22Kopiroa nana auwoha paeaha aiwaiwai; sisibo nana auwoha nou pidaito aiwauro’ui. 23Dubu nou gare ramu nouro tarovidio. 24Wia nou neido naiba iaowa: Ta’aurimo meaha touna rirovidiodaidumo rioo; modobo’i nouri oubi amidaido rioo owateai, rioido wiha naibari, wia godogodoha rioido aiwaimaati. 25Dubu nou nana amida airia, do’o godoha nouido aiwamaati; dubu nou nana tatori, do’o nou himia nana auwoha aiwaimo‐orowahiiti.
26Wia nou naiba iaowa: Iehova bububati, dubu mate hopuwa kibo’i nou aibori. 27Duo nou uwokoro’utiri, hiwio nou koibuari wia mate nei aiapooumo, noro naibaha oitiumo, taiba nou umo biahai. 28Mabu nouri hopu nou himia iopu naibaha omohau, opuito mu dooudo hura, dooito naihari. 29Do’o iopu naiha oitimowa, nou ta’uwa nou garaara damidai, naiba iahio, mabu nouri iopu kimohaudio ta’u aio’uro.
30Nou ina iaowa: Iehova bububati taiba aibo imo ainododiaidaidumo, tou oroaibo wadeito nedeadaidumo imo? 31Nou Sinapi mate aibori, iopu nouri kekehari, ata iopu hopuwa nei aibo biahai, hiwio nouri nou hopuwa ibowa. 32Ina nou ta’uwa nou daibo, nou noro hagohagoha oiti wia nou auwo aioiti, ata nou aibo biahai; keteri auwoauwo naibaha iwatatutiumo nouri pahagama auwoha toborowa nei gudibo batiri nouowa naibaha emiwaumo.
33Wia oroaibo wade horohoro nei aibo, nou wade neido naiba iaowa ina nei umoiti irovidiomoi. 34Wia oroaibo wade tato nou neido iao biahai wia nou ta’uwa nei himia gauwoha emidioumo, nana auwoha nou himia kitomudio mereido nou imapoiwawa.
35Nouri hiwio doho aioiti, nou neido naiba iaowa: Imo hapuo ataito tabuodaimo. 36Ina nou ta’uwa oubi gema neiio naibaha itiodoumo, nei nou himiamu tutuha peito naibaha iodoi; amida padaro pe neimu badi orowabuwaumo. 37Wia hurama gema naibaha o’uro, goiioro pewa naibaha imowutiwa, padaro pe naibaha apee. 38Wia nou wapowa irao ohuwa uwo orouwa, wia neiio nou naibaha itoraumo, nei nouido naiba iaowaumo: Auwo‐dubu e, ro niainiai tatora imo, imo oroihiaimoira? 39Wia nou naibaha otoa ina hurama naibaha emadohiomai wia goiioido naiba aro: Mubaha taiti; wia hurama nou naibaha arahiai wia obo ta’u mea naibaha oiti. 40Nou neido ina iaowa: Tou tore? Tounai rio iraromomo biahai. 41Wia nei tiaha tore imahebidiowaumo: nei himia himia naibaha iaowaumo: Boti dubu nouri, huramara goiiora neiti nouido naibaha rirowaidudo.
Currently Selected:
Mareko 4: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Mareko 4
4
1Nouro iatomuai naibaha iai auwo‐turi barawa, wia oubi gema nouido idabuaiwaumo, nouri nou pewa naibaha orovia wia auwo‐turiwa naibaha emi, oubi gemao potoudo omotoiwaumo auwo‐turi barawa. 2Wia godogodo timaha na, oroaibo wadeito, nouro neido naibaha iatomuaiwa naiba iaowa, kitomudio wadeito. 3Tarovidioumo; taaurimo, Na’u mate kibo dubu mate kiboido naibaha o’u. 4Ina nou ta’uwa nou naibaha ibo, mate amida nave gohowa oromooutiwaumo wia pahagama toboroudo naibaha o’umo naiba ihoumo. 5Mate amida, akabu batiwa oromooutiwaumo, ina nouowa hopo goberi biahai, wia hagohagoha nei naibaha orowohuoumo, nouri hopu goberi biahai. 6Ina nou ta’uwa hiwio naibaha iororo nei naibaha ipihamuti naiba orokokoutiumo, nouri nei hipi tatori. 7Mate amida eperapera batiwa oromooutiwaumo wia eperapera naibaha ihuodutiumo naiba imakikitiumo nouri nei iopu imohaudio biahai. 8Mate amida hopu meawa oromooutiwaumo wia nei noro auwo auwori. Wia iopu naibaha imohaudioumo, amida 30, amida 60, amida 100. 9Wia nou neido naiba iaowa: Dubu nou gare ramu, nouro tarovidio.
10Ina nou ta’uwa nou gauwoha emidio noumu kemidio oubii, wia 12 kitomudio meremu, neiio nouido naiba atodoumo; Nouri oroaibo wadei teiri. 11Wia nou neido naiba iaowa: Iehova bububati sisibo nana’i rioido tau imaai, wia wegewa oubi amidaido nana auwoha neiio oroaibo wadeito idodiaiwaumo. 12Nouri nei keauri keauri ina eauriumo, ata nou paeaha oiti raihe, nei korowairi korowairi ina gareito ko’umoi ata nei umoitimo raihe; nouri neiio imini imowaimo tore, ina nei ubauba kidia batipiti. 13Nou neido naiba iaowa: Nouri oroaibo wade rio umoitimo tatora, ina oroaibo wade ata teiri rioo umoairoitidaidumo? 14Mate kibo mere nou wade kibori. 15Nouri nave barawa kemidio oubiri wade nouowa ibo; nou ta’uwa nei idaorovidioumo, hagohagoha Satana naibaha o’uro wia wade naibaha iwodau, nei giopowa kibo na’i. 16Nouri akabu batiwa kibo oubiri: nou ta’uwa neiio idaorovidioumo, hagohagoha nei geii ramu irovidioumo. 17Ina nei himia niro gorowa hipi tatori, nouri nei kekebuo tutu aibo emidioumo, dooudo uba ta’uwa wia heauwo ta’uwa nouri wadeudo o’umoi hagohagoha nei niro biahai. 18Wia nouri eperapera turiwa kibo oubiri; neiio wade naibaha irovidioumo. 19Wia batibati pauwo nana’i wia koromohuwo nari, nana horohoro ramu, wia ubauba kiraromodio nari, wade nouri airarakasaroubiaidumo wia nouri wade iopu tato oitiumo. 20Nouri mea hopuwa kibo oubiri; nou ta’uwa wade neiio idaorovidioumo, hagohagoha nei geii ramu iraromodiowaumo wia iopu naibaha omohau, amida 30 amida 60 amida 100.
21Wia nou neido naiba iaowa: Lamepa arowouro kepuri gorowa edeiaira wia dodoo goroudo edeiaira, dodoo ohuwa edea tatora? 22Kopiroa nana auwoha paeaha aiwaiwai; sisibo nana auwoha nou pidaito aiwauro’ui. 23Dubu nou gare ramu nouro tarovidio. 24Wia nou neido naiba iaowa: Ta’aurimo meaha touna rirovidiodaidumo rioo; modobo’i nouri oubi amidaido rioo owateai, rioido wiha naibari, wia godogodoha rioido aiwaimaati. 25Dubu nou nana amida airia, do’o godoha nouido aiwamaati; dubu nou nana tatori, do’o nou himia nana auwoha aiwaimo‐orowahiiti.
26Wia nou naiba iaowa: Iehova bububati, dubu mate hopuwa kibo’i nou aibori. 27Duo nou uwokoro’utiri, hiwio nou koibuari wia mate nei aiapooumo, noro naibaha oitiumo, taiba nou umo biahai. 28Mabu nouri hopu nou himia iopu naibaha omohau, opuito mu dooudo hura, dooito naihari. 29Do’o iopu naiha oitimowa, nou ta’uwa nou garaara damidai, naiba iahio, mabu nouri iopu kimohaudio ta’u aio’uro.
30Nou ina iaowa: Iehova bububati taiba aibo imo ainododiaidaidumo, tou oroaibo wadeito nedeadaidumo imo? 31Nou Sinapi mate aibori, iopu nouri kekehari, ata iopu hopuwa nei aibo biahai, hiwio nouri nou hopuwa ibowa. 32Ina nou ta’uwa nou daibo, nou noro hagohagoha oiti wia nou auwo aioiti, ata nou aibo biahai; keteri auwoauwo naibaha iwatatutiumo nouri pahagama auwoha toborowa nei gudibo batiri nouowa naibaha emiwaumo.
33Wia oroaibo wade horohoro nei aibo, nou wade neido naiba iaowa ina nei umoiti irovidiomoi. 34Wia oroaibo wade tato nou neido iao biahai wia nou ta’uwa nei himia gauwoha emidioumo, nana auwoha nou himia kitomudio mereido nou imapoiwawa.
35Nouri hiwio doho aioiti, nou neido naiba iaowa: Imo hapuo ataito tabuodaimo. 36Ina nou ta’uwa oubi gema neiio naibaha itiodoumo, nei nou himiamu tutuha peito naibaha iodoi; amida padaro pe neimu badi orowabuwaumo. 37Wia hurama gema naibaha o’uro, goiioro pewa naibaha imowutiwa, padaro pe naibaha apee. 38Wia nou wapowa irao ohuwa uwo orouwa, wia neiio nou naibaha itoraumo, nei nouido naiba iaowaumo: Auwo‐dubu e, ro niainiai tatora imo, imo oroihiaimoira? 39Wia nou naibaha otoa ina hurama naibaha emadohiomai wia goiioido naiba aro: Mubaha taiti; wia hurama nou naibaha arahiai wia obo ta’u mea naibaha oiti. 40Nou neido ina iaowa: Tou tore? Tounai rio iraromomo biahai. 41Wia nei tiaha tore imahebidiowaumo: nei himia himia naibaha iaowaumo: Boti dubu nouri, huramara goiiora neiti nouido naibaha rirowaidudo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.