Mareko 5
5
1Nei auwo‐turi ata hapuoito naibaha abumo Geresene oopo oopoito. 2Ina nou ta’uwa nou peudo naiba oiidimaiwa, dubu na’u uba urio ramu, gabidi batiudo nouido naibaha ohuodidioro. 3Nou gabidi batiwa emidiotuti, ina oubi umo biahai taibao kotohiti, nouri gurehero ivi nou ohidio biahai. 4Mabu nouri godogodo ta’uwa gurehero tububuito wia gurehero ivito neiio nou naibaha omotohititutiumo, ina nou gurehero ivi naibaha imaihirutituti wia gurehero tububu nou naibaha ihebutituti. Taiba oubio mubaha kowaimoi. 5Ta’u auwoha hiwiora duora, gabidi batiwa wia akabu giminiwa nou naibaha imakakaiwadiotuti wia akabuito nou himia naibaha arahiodiotuti. 6Nou ta’uwa Iesu nouro auwowa dawea, nou nouido hioiti imaiowa nou nouido naibaha oroboria. 7Wia nou auwo wade gema naibaha imakakai, nou naiba iaowa: Mo romu touna niaiidaidudo Iesu? Rovia auwo pai Urio‐abea, nou Mereri; Iehova painawa moro roido ainatodoi, mo gooa owai au’e. 8Nouri Iesu nouido naiba aro: Ro uba urio tahuodidio dubu aueudo. 9Wia nou nouido naiba atodoi: Ro paina boti? Nou naiba omowameai naiba iaowa. Mo himia paina Legeona, nouri imo godori. 10Nou Iesuido pupuito hobo atodoi nouro nei oopo oopoudo itiodoi aue. 11Ina boomo godogodo akabu mabuwa aiihotutiumo. 12Uba urio auwoha nouido hobo atodoumo ina iaowaumo: Boomoido nouri imo tanitiodoi nei niro goroito imo idoutimoi. 13Iesuro nei iadohiomai biahai, wia uba urio’i nei naibaha orowohuodutiwaumo wia boomo niro goroito nei naibaha idoutiwaumo wia boomo auwoha, akabu katatai batiudo hioito heawo ramu oroworuowaumo auwo turito. Nei modobo tariwai 2,000 wia auwo‐turiwa nei tau iroruodioumo. 14Wia boomo kiauri oubi nei oopoito aiodaumo wia batibatiwa nei nouri nana’i naibaha orowaduutiwaumo. Nouri oubio naibaha ihuoumo nouri kidodiai nana’i iaurimoi. 15Ina Iesuido nei naibaha o’umo, neiio uba urio ramu dubu naibaha eauriwaumo. Nou hipura ramu emidio wia imini meamea iworohowa wia nei tiaha tore iatiwaumo. 16Wia nouri kiauri oubio oopo oubido naiba iaowaumo, nana nouri uba urio ramu dubuido wia boomoido, touna rododiaidaidumo. 17Ina neiio Iesuido atodoi naibaha ia’iumo nou nei oopo ooponu imowabeedei. 18Nou ta’uwa Iesu peito ida’uwa, opuito uba urio ramu dubui nouido naibaha atodoi nou noumu emidioi 19Ina Iesuro nou aiadohiomai, nou nouido naiba iaowa: Ro himia motoito, ro himia oubido ta’u, wia nouri auwo nana roido Pai‐dubu nou ododiairo wia taiba nou roido niainiai nou emahebidiowa naibaha taiao. 20Wia nou naibaha o’u wia Dekapoli oopo oopo auwohawa, nouri kidodiai na’i Iesuro nouido nou ododiai, nou orowaduuti naibaha iai. Wia oubi auwoha nou naibaha emaeawaumo.
21Ina nou ta’uwa Iesu auwo‐turi ata hapuoito padaro peito naibaha owabumo, oubi godogodo nou mabuwa naibaha idabuaiwaumo wia nou auwo‐turi tariwai emidio. 22Wia sunago pai‐dubu na’u, paina Iairo, naiba o’uro, nouro nou dawea wia Iesu kono mabuwa naibaha oroboria. 23Nou pupuoito hobo atodoi naiba iaowa: Mo behera keke koihiai tariwai airorou; mo roido nou natodoi, ta’uro ro himia tuito nou atibodoi, nouri nou meaha oiti wia kiiro emidioi. 24Wia Iesu noumu naibaha o’udo wia oubi godogodo nou dooudo orobodowaumo nouido naiba arateutiwaumo.
25Wia na’u o’bo nou himia sawi kihupo iworohotuti. 12 konobo; 26Temeteme nana godogodo nouro doketa oubi aueudo iviatutituti wia nou himia nana auwoha neido naibaha imiodiotuti, ata nou mea oiti biahai ina ubaihai. 27Nou ta’uwa nouro Iesu kidia darovidio, Iesu ipiudo oubi turiwa, nou naibaha imovia wia nou uduuduo naibaha ematibodoi. 28Mabu nouri nou himia naiba iaowa: Moro nou uduuduo ematibodoiwa, mo mea ainoitidai. 29Nou ta’uwa nou sawi naibaha emahiai, nou himia temeteme mea tau oiti, nou gohowa naibaha eremahebidiowa. 30Wia Iesu hagohagoha umo naibaha oiti nou himia pupuo na’i dahuodidio nou au’eudo, wia oubi godogodo turi gorowa nou naibaha iremeteutiwa naiba iatodoi: Mo uduuduo botiro nematibodoi? 31Wia nou himia kitomudio mere nouido naiba iaowaumo: Oubi godogodo roro iauri tatora, nei ro dooudo roroho’ioutiumo, ina ro teiri iatodoi, mo botiro natibodoi? 32Ina nouvia naibaha iremeteutiwa, keauri na’i botiro rododiaidai. 33Ina o’bo nou himia umo naibaha oiti nouri nana nouro nouido nou edea, nou tore aatiwa wia nou tama aiimuruowa, nou naibaha o’u Iesu hoho mabuwa naibaha omoa, naiheha wade auwoha nouido naibaha ibodutiwa. 34Wia nou nouido naiba iaowa: Behera ro himia kiraromodio na’i ro meaha tau roiti; ta’uo, mubaha.
35Nou ta’uwa Iesu naibaha iaowa, oubi amida sunago pai‐dubu motoudo naibaha o’umo; nei naiba iaowaumo: Ro himia behera tau roihiai; auwo‐dubu teiri ro obuairo doihabuo. 36Ina nou ta’uwa nouri kiao wade Iesuro naibaha orovidio nou sunago pai‐dubuido naiba iaowa: Tore mo’a, na’u aitararomo. 37Oubi amida noumu o’umoi nouro naibaha iadohiomai, na’u Pitara Iakobora wia Ioane, Iakobo niamari. 38Sunago pai‐dubu motoito nei naibaha eredeaumo wia kiriri wia oubi idebi irotutiwaumo wia eamo gema idodiaiwawaumo, nouro naibaha iauriwa. 39Ina nou ta’uwa nou idadoidio, nou neido naiba iaowa: Tou kiriri rododiaidumo rio, tou idebi rirotutidumo? Behenu oihiai biahai nou uwo rorou. 40Wia neiio nou aiomobuodiowaumo. Ina nou ta’uwa nouro nei auwoha hito iahoiouti, behe abeara mamura wia noumu ko’u mere’i nou naibaha iobuai wia keke behe korou batito nei naibaha orowodoumo. 41Wia behe tudu nouro naibaha ohiai, nouido naiba aro: Talita kumi, wade modobori kowaevia, Behe keke, mo roido ainaro, taiboa. 42Nou ta’uwa behe hagohagoha naibaha oibua naiba orohowa, mabu nouri nou 12 konobori, wia neiio nou auwo niimo emaeawaumo. 43Nou neido wade modoboito iaowa, Oubi amidaido nouri na, rioo irowaduutimo aue. Nou neido naiba aro: Dou nouido tamaaimo.
Currently Selected:
Mareko 5: KXW1941
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.
Mareko 5
5
1Nei auwo‐turi ata hapuoito naibaha abumo Geresene oopo oopoito. 2Ina nou ta’uwa nou peudo naiba oiidimaiwa, dubu na’u uba urio ramu, gabidi batiudo nouido naibaha ohuodidioro. 3Nou gabidi batiwa emidiotuti, ina oubi umo biahai taibao kotohiti, nouri gurehero ivi nou ohidio biahai. 4Mabu nouri godogodo ta’uwa gurehero tububuito wia gurehero ivito neiio nou naibaha omotohititutiumo, ina nou gurehero ivi naibaha imaihirutituti wia gurehero tububu nou naibaha ihebutituti. Taiba oubio mubaha kowaimoi. 5Ta’u auwoha hiwiora duora, gabidi batiwa wia akabu giminiwa nou naibaha imakakaiwadiotuti wia akabuito nou himia naibaha arahiodiotuti. 6Nou ta’uwa Iesu nouro auwowa dawea, nou nouido hioiti imaiowa nou nouido naibaha oroboria. 7Wia nou auwo wade gema naibaha imakakai, nou naiba iaowa: Mo romu touna niaiidaidudo Iesu? Rovia auwo pai Urio‐abea, nou Mereri; Iehova painawa moro roido ainatodoi, mo gooa owai au’e. 8Nouri Iesu nouido naiba aro: Ro uba urio tahuodidio dubu aueudo. 9Wia nou nouido naiba atodoi: Ro paina boti? Nou naiba omowameai naiba iaowa. Mo himia paina Legeona, nouri imo godori. 10Nou Iesuido pupuito hobo atodoi nouro nei oopo oopoudo itiodoi aue. 11Ina boomo godogodo akabu mabuwa aiihotutiumo. 12Uba urio auwoha nouido hobo atodoumo ina iaowaumo: Boomoido nouri imo tanitiodoi nei niro goroito imo idoutimoi. 13Iesuro nei iadohiomai biahai, wia uba urio’i nei naibaha orowohuodutiwaumo wia boomo niro goroito nei naibaha idoutiwaumo wia boomo auwoha, akabu katatai batiudo hioito heawo ramu oroworuowaumo auwo turito. Nei modobo tariwai 2,000 wia auwo‐turiwa nei tau iroruodioumo. 14Wia boomo kiauri oubi nei oopoito aiodaumo wia batibatiwa nei nouri nana’i naibaha orowaduutiwaumo. Nouri oubio naibaha ihuoumo nouri kidodiai nana’i iaurimoi. 15Ina Iesuido nei naibaha o’umo, neiio uba urio ramu dubu naibaha eauriwaumo. Nou hipura ramu emidio wia imini meamea iworohowa wia nei tiaha tore iatiwaumo. 16Wia nouri kiauri oubio oopo oubido naiba iaowaumo, nana nouri uba urio ramu dubuido wia boomoido, touna rododiaidaidumo. 17Ina neiio Iesuido atodoi naibaha ia’iumo nou nei oopo ooponu imowabeedei. 18Nou ta’uwa Iesu peito ida’uwa, opuito uba urio ramu dubui nouido naibaha atodoi nou noumu emidioi 19Ina Iesuro nou aiadohiomai, nou nouido naiba iaowa: Ro himia motoito, ro himia oubido ta’u, wia nouri auwo nana roido Pai‐dubu nou ododiairo wia taiba nou roido niainiai nou emahebidiowa naibaha taiao. 20Wia nou naibaha o’u wia Dekapoli oopo oopo auwohawa, nouri kidodiai na’i Iesuro nouido nou ododiai, nou orowaduuti naibaha iai. Wia oubi auwoha nou naibaha emaeawaumo.
21Ina nou ta’uwa Iesu auwo‐turi ata hapuoito padaro peito naibaha owabumo, oubi godogodo nou mabuwa naibaha idabuaiwaumo wia nou auwo‐turi tariwai emidio. 22Wia sunago pai‐dubu na’u, paina Iairo, naiba o’uro, nouro nou dawea wia Iesu kono mabuwa naibaha oroboria. 23Nou pupuoito hobo atodoi naiba iaowa: Mo behera keke koihiai tariwai airorou; mo roido nou natodoi, ta’uro ro himia tuito nou atibodoi, nouri nou meaha oiti wia kiiro emidioi. 24Wia Iesu noumu naibaha o’udo wia oubi godogodo nou dooudo orobodowaumo nouido naiba arateutiwaumo.
25Wia na’u o’bo nou himia sawi kihupo iworohotuti. 12 konobo; 26Temeteme nana godogodo nouro doketa oubi aueudo iviatutituti wia nou himia nana auwoha neido naibaha imiodiotuti, ata nou mea oiti biahai ina ubaihai. 27Nou ta’uwa nouro Iesu kidia darovidio, Iesu ipiudo oubi turiwa, nou naibaha imovia wia nou uduuduo naibaha ematibodoi. 28Mabu nouri nou himia naiba iaowa: Moro nou uduuduo ematibodoiwa, mo mea ainoitidai. 29Nou ta’uwa nou sawi naibaha emahiai, nou himia temeteme mea tau oiti, nou gohowa naibaha eremahebidiowa. 30Wia Iesu hagohagoha umo naibaha oiti nou himia pupuo na’i dahuodidio nou au’eudo, wia oubi godogodo turi gorowa nou naibaha iremeteutiwa naiba iatodoi: Mo uduuduo botiro nematibodoi? 31Wia nou himia kitomudio mere nouido naiba iaowaumo: Oubi godogodo roro iauri tatora, nei ro dooudo roroho’ioutiumo, ina ro teiri iatodoi, mo botiro natibodoi? 32Ina nouvia naibaha iremeteutiwa, keauri na’i botiro rododiaidai. 33Ina o’bo nou himia umo naibaha oiti nouri nana nouro nouido nou edea, nou tore aatiwa wia nou tama aiimuruowa, nou naibaha o’u Iesu hoho mabuwa naibaha omoa, naiheha wade auwoha nouido naibaha ibodutiwa. 34Wia nou nouido naiba iaowa: Behera ro himia kiraromodio na’i ro meaha tau roiti; ta’uo, mubaha.
35Nou ta’uwa Iesu naibaha iaowa, oubi amida sunago pai‐dubu motoudo naibaha o’umo; nei naiba iaowaumo: Ro himia behera tau roihiai; auwo‐dubu teiri ro obuairo doihabuo. 36Ina nou ta’uwa nouri kiao wade Iesuro naibaha orovidio nou sunago pai‐dubuido naiba iaowa: Tore mo’a, na’u aitararomo. 37Oubi amida noumu o’umoi nouro naibaha iadohiomai, na’u Pitara Iakobora wia Ioane, Iakobo niamari. 38Sunago pai‐dubu motoito nei naibaha eredeaumo wia kiriri wia oubi idebi irotutiwaumo wia eamo gema idodiaiwawaumo, nouro naibaha iauriwa. 39Ina nou ta’uwa nou idadoidio, nou neido naiba iaowa: Tou kiriri rododiaidumo rio, tou idebi rirotutidumo? Behenu oihiai biahai nou uwo rorou. 40Wia neiio nou aiomobuodiowaumo. Ina nou ta’uwa nouro nei auwoha hito iahoiouti, behe abeara mamura wia noumu ko’u mere’i nou naibaha iobuai wia keke behe korou batito nei naibaha orowodoumo. 41Wia behe tudu nouro naibaha ohiai, nouido naiba aro: Talita kumi, wade modobori kowaevia, Behe keke, mo roido ainaro, taiboa. 42Nou ta’uwa behe hagohagoha naibaha oibua naiba orohowa, mabu nouri nou 12 konobori, wia neiio nou auwo niimo emaeawaumo. 43Nou neido wade modoboito iaowa, Oubi amidaido nouri na, rioo irowaduutimo aue. Nou neido naiba aro: Dou nouido tamaaimo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1941.