Mareko 8

1Nouri hiwiowa oubi gema ina idabuaiwaumo wia nei dou iho tato emidiowaumo. Iesu nou himia kitomudio mere nouido o’umoi naibaha itua wia nou neido naiba aro. 2Mo oubi gemanu niainiai nemahebidio nouri neivia hiwio neewa na’uri momu kemidiomo’i wia nei dou tatori. 3Ina moro nei himia oopoito dou tato itiodoiwa navewa nei tama duduruo oromooutimo tore nouri nei amida bati auudo tau o’umo. 4Wia nou kitomudio mereo nouido naibaha omowameaumo: Dubu na’uro dou baudo rimidaidai nouri burubatiwa, oubi gemanu niro iapeuti. 5Wia nou neido naibaha iatodoi: Rio dou kopi taibari? Neiio nou naibaha omowameaumo: 7. 6Wia nouro oubido wade modoboito aro, hopuwa emiwamoi; wia 7 dou kopi nou naibaha imidai naiba emabiti naiba ihebuti wia nou kitomudio mereido naiba imaatiwa, neiio iworohomoi oubi hoho mabuwa idiamomoi, wia neiio oubi hoho mabuwa idaidiamo’umo. 7Wia nei na keke amida aiiaumo, wia nou naiba emabiti naiba wade modoito aro nei ina nei hohowa idiamomoi. 8Neiio naibaha ihowaumo wia niro naibaha iapeutiwaumo, neiio kiraho dou naibaha iviaumo, 7 hao iape’utiumo. 9Wia nouri dou kiho oubi nei modobo, tariwai 4,000, wia nouro nei naibaha itiodoi. 10Ina nou ta’uwa nou peito naibaha orovia nou himia kitomudio merimu, nei Dalemanuta oopo oopoito naibaha o’umo.

11Wia Parisea oubi nouido naibaha ihuomo neiio nou atodoi naibaha iaiumo. Nei niro nou toboro modobo’i neido iwaevia, wia neiio nou ematuhemo niroi. 12Wia nou urioito imini godogodoha iraromodiowa, nou naiba iaowa: Teiri doihabuo kemidio oubinu amida modobo rimohoutidumo. Naiheha mo rioido ainaro, doihabuo kemidio oubi, modobo neido imaati raihe. 13Wia nouro nei naibaha imeheai ina peito nou naibaha orovia wia ata hapuoito naibaha abumo.

14Kitomudio mere dodooitumo dou kopi imidaimoi, nei dou kopi na’u pewa neimu, ata biahai. 15Wia nou neido wade pupuito aro: Taaurimo meaha rio, Parisea dou kiaupai na’i, wia Heroda dou kiaupai na’i tore taimaatimo. 16Nei himia himia naibaha oromowahuodiowaumo: Nouri imowia dou tatori. 17Ina Iesuro nei kiao wade’i umo naibaha oiti nouro neido naiba iaowa: Teiri roromowahuodiowadumo rio nouri rio dou tatori. Doihabuo rioo eaurimo tatora? Doihabuo rioo umoitimo tatora, doihabuonu rio giopu kokoiha ria? 18Riovia idomai ramuri, iaurimo tatora, riovia gare ramuri, irovidiomo tatora, rioo iraromomo tatora? 19Nou ta’uwa moro 5 dou kopi nou nekekutiwaro wia nou nimioro 5,000 oubido, taiba ha’ori dou nia’ei rioo nou ibiwaumo? Nei nouido naiba iaowaumo: 12. 20Wia nou ta’uwa moro 7 dou kopi nou nimioro 4,000 oubido. Taiba ha’o iviaumo kiraho dou nia’e ramu? Nei naiba iaowaumo: 7. 21Wia nou neido naiba iaowa: Teiri na rio umooitimo tato?

22Nei Betesaidaito naibaha o’umo, neiio idomai tato dubu nouido naibaha owoumo, naiba hobo atodoumo, nouro nou atibodoi. 23Nouro idomai tato dubu tuudo naibaha emahiiai oopu wegeito naibaha owou. Ina nouro idomaiwa, haugeito naiba amotidio wia nou tu neewa naibaha itomai. Nou nouido naibaha atodoi: Nana amida ariauri? 24Wia nou naibaha iarovia naiba iaowa: Dubu amida moro ainiauri, nei nua aibo rorohodumo. 25Dooudo ina nou tu nou idomaiwa naibaha itomai wia nouro pupuito iauriwa wia nou meaha naibaha oito wia nana auwoha nouro paeaha iauriwa. 26Wia Iesu nou naibaha otiodoi nou himia motoito, nou naibaha iaowa: Ro oopo’i noito odoro aue.

27Iesu nou himia kitomudio meremu, Kaisarea Pilipi oopo oopoito naibaha o’umo wia navewa nou kitomudio mereido naibaha iatodoi wia neido naiba iaowa: Oubio mo botito nemahoodumo? 28Nei nouido naibaha omowameaumo: Ioane Babatiso; wia amida naiba iaowaumo, Elia; wia amida naiba iaowaumo; Na’u Peroveta duburi. 29Wia nou neido ina naiba iatodoi: Rioo taiba rararomodumo mo boti? Pitaro naibaha omowameai naiba iaowa: Rovia Kerisori. 30Nou neido wade modoboito naiba iaowa: Amida oubido, mo owaduutimo, aue. 31Nou neido imatomudioi naibaha iai: Oubiha‐mere godogodo temeteme nana kiviaiha wairi iviai. Mamusi mamusi wia auwo kohena oubi wia titi oubi, neiio nou aiwaimo ahoiuti wia aiwaimo‐epiai wia hiwio neewa na’u oboiri nou ina aiwaroitorai. 32Wade nouri nouro pakeha aro; wia Pitaro nouido naibaha ohiai wia nouido emadohiomai naibaha iai. 33Ina Iesu ida’irimeteai nou himia kitomudio mere nou naibaha iauri wia Pita naibaha emadohiomai. Nou naiba iaowa: Satana mo dooudo ta’uro. Rovia Iehova nana iraromodio biahai na’uwia oubiha nana riraromodio. 34Ina oubi gema nouro nouido naibaha ituaro, nou neido naiba iaowa: Ina dubu nou mo dooudo o’u niro oawa, nou himia nana taimeheai wia nou satauro taotairo wia mo dooudo tanobodoro. 35Nouri dubu nou himia kiirowa o’u niroi, do’o nou aiwaratoai wia nouri dubu nou himia kiiro owateaiwa, moido wia Pai‐meaido, nouvia kiiro aiwaveai. 36Nou meahara, ina dubu nou oopo oopo nana auwoha da’idabuti wia nou himia urio aiwaratoai? 37Kiiro kowaiwai na’i touowai, ina dubu nana nouri nou himia kiiroido aiwamaai? 38Ina dubu moido wia mo wadewa, hipo aiwamahebidioi nouri doihabuo kemidio koromohuwo oubi wia ubauba oubi nei mabuwa, Oubiha‐mere nouido hipo aiwamaati nou ta’uwa nou aiwauro’ui nou himia Abea moariwa wia tana gururu‐oubimu.

Currently Selected:

Mareko 8: KXW1941

Highlight

Copy