Matiu 11
11
NA SOPENA 11.
1Tau Iesu, mosori na aso hauhaua me ra uluo hina na havulatea na vana morua tau, molaho ture na vanua nee sura aso pipisera, sura lalaa ta mera, me ra vanuara.
2Jon morohoe tau me na ima hi na hajihajiri ra varao hi Na Kristo, mosula ra uluo hina, 3moaso ta mea, Iniho na tajua inumai, e amamalohoti mositea? 4Tau Tesu motami, moaso ta mera, Otolaho, otovetia ta me Jon ra sanu sava otorohora, ra sanu sava otorenira: 5ra taha pisi terioriova, ra taha laho yiriahi ielaho tahonae, ra taha leper tevoevoe, ra taha pupura terohorohova, ra taha mate tetamaraha, ra taha ariari teroho na taveti tahonae. 6Itea va isameje nataliliu suriaumoejieji. 7Tau hire telaho tau, Iesu movaere aso ta me ra tajua ra tari suri Jon, Otovano me ra utahau sura reni nasava? Na orua taha malelehi hi na lahi? 8Maa otovano ae sura reni nasava? Na tajua taha riri na visivisina tahonae? O aue, ra taha riri ra visivisira tahonae tetetohd me ra peara moli. 9Maa surasava otovano ae? Sura reni na provet motea? Io, aaso ta meamiu inie motahonae jivi na provet. 10Na tajua naa inie na tajua surisei teulia mine,
Inau aisula na varisula hiu me na pahomu,
Inie ivei vavanao na riomu me na pahomu.
11Aaso taharahu ta meamiu, Saite tajua itea hi ra tajua taha malua me ra hajae monumai mosale jivi hi Jon Na Paptais: maa itea na taha taiti hira me na vanuana tailahi inie mosale jivia. 12Majuri me na rani hi Jon Na Paptais me na rani naanoi telavi ra sanu hi na tailahi hi na hauhaua, ra tajua taha hauhaua telavia hi na hauhaua. 13Suria ra provet vunuvunu me na leo hi Atua me na rani hi Jon monumai telalaa suri ra sanu tinumai. 14Va amiu otomeje narohoe, iano Elaija, teaso mine inumai pa. 15Itea va ra jalihana ae, motahonae irohoe. 16Maa aivaraiamiu ra tajua me na rani hija naanoi tepala sava? Tepala rapaule taha sihe toho me na jara hi na uju, teore ra tuara, 17teaso, Amama-suvisuvi ta meamiu, amiu otosapolo; amamapuepue, amiu otosatahi. 18Suria Jon monumai, mosahanihani, mosaoo, tau teaso, Na tamate motea ae. 19Matu i tajua monumai, inie mohanihani, mooo, tau teaso, O, na tajua naano inie na taha hanihani tiasihi, na taha oo uain, na taha tuara tajua taha lava sule hi na mata ra sanu, na taha tuara taha oso! Maa ra matuna lolorani teaso na lolorani motataholo.
20Tau movaere aso me ra vanua veae move ra tari hi ra pilana varao hauhau, suria tesajomi. 21E Koresin! E Petsaita! va ra varao hauhaua inau avera meamurua movera minemine me Tair me Saiton terajomi minemine me na visivisi hi na tahi me na veto. 22Maaaaso ta meamurua, me na pohi hi Iehova itahonae me Tair me Saiton jivi amurua. 23Iniho mono, Kapernaam, osahe jua me na tailahi, oisivo jua pa me na vanua oso: suria va ra varao hauhaua inau avera meho movera minemine me Sotom, inie motoho reji me na rani naano. 24Maa aaso ta meho, me na pohi hi Iehova itahonae me na yanua i Sotom jiviho.
25Me na rani hina Iesu motami, moaso, Inau aaso, Motahonae, meho, O Tata, Na Moli hi na tailahi me na ulu, suria opunupunu ra sanu naa me ra taha lolorani, opisera ta me ra paule taiti: 26Tata, suria iniho omejeia mopalahi. 27Tamau morahu ra sanu vunuvunu ta meau: saitea me Tata tomopinisi Matuna; saitea me Matuna tomopinisi Tata, hire mono Matuna momeje na pisea ta mera. 28Otonumai meau, amiu ra taha malumulumu me ra taha mamahanu, tau inau airahu na lolotamautu ta meamiu. 29Otolavi na pilau varao meamiu, otojuriau aiaso pipiseamiu; suria inau atoho tamautu me na lolou: tau otopasuana lolotamautu me na talumemiu. 30Suria na pilau varao motahonae, na pilau sanu ra tajua tepalae momararaha.
Currently Selected:
Matiu 11: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
