Matiu 13
13
NA SOPENA 13.
1Me na pohi nee Iesu moruhusivo me na pea, mosihe toho me na para i tasi. 2Tau ra tajua ra tari ra tari tehuhurahi mea, tau moate me na ovo motea suria, mosihe toho ae; ra tajua taha huhurahi tetuituri toho me na para i tasi. 3Tau molalaa ta mera na aso ra tari hi na aso liholiho, moaso, Te tajua taha jajala oni itea movano sura jajala; 4tau mojajala toho na valura oni tejovi ta na rio, tau ra manu tesumai, tehanira: 5navalura maa tejovi ta na tano malo, na tano mosatavere ae: tau tejiha vilevileahi suria na tano mosasivo jua ae: 6tau momasomaso vuati, na maso morerehira; tau temaririha suria na hoera mojoa ae. 7Na valura maa tejovi ta na hau jiha vileahi; tau ra hau jiha vileahi tejiha, tehohoira: 8tau na valura maa tejovi ta na tano tahonae; tau tevae, na valura tevae na tarivahatea, na valura na havulalimarave, na valura na havulatolu. 9Itea va ra jalihana ae, motahonae irohoe.
10Tau ra uluo hina tenumai, teaso mea, Surasava olalaa ta mera hi na aso liholiho? 11Tau motami, moaso ta mera, Amiu otopinisi ra sanu hi na tailahi, maa ihire tesapinisia. 12Suria itea, ra pilana sanu ae, ilavi ra sanu maa, tau ra pilana sanu tetavere ae: maa itea, ra pilana sanu mosatavere ae, tilavituhe ra pilana sanu. 13Inau alalaa ta mera me na aso liholiho suria; suria teterioriova, maa tesareni ra sanu, teterohorohova, maa tesaroho ra sanu, tesapinisira. 14Ta mera na aso hi na provet Aisaia motaraae, moaso,
Hi na rohorohova otoroho ra sanu, maa otosapinisira;
Hi na rioriova mono otoreni ra sanu, maa otosapinisira:
15Suria na lolora tajua naa tehauhaua,
Na jalihara tevono,
Tematapisi na matara,
Suria tisarioriova hi na matara,
Tisarohorohova hi iia jalihara,
Tisapinisi ra sanu hi na lolora,
Tisailao, Tau inau aivei mauri hire.
16Maa na matamiu tetahonae, suria terioriova; na jalihamiu mono tetahonae suria terohorohova. 17Suria aaso taharahu ta meamiu, ra provet ra tari me ra tajua tataholo ra tari mine temeje na reni ra sanu amiu otorenira, maa tesarenira; temejo na roho ra sanu amiu otorohora, maatesarohora. 18Otoroho naanoi na aso liholiho sura tajua taha jajalaoni. 19Te tajua itea va iroho na leo sura sanu hi na tailahi, mosapinisia, tau na tamate monumai, moravelujana leo taha jajala me na lolona. Iano na taha lavi na oni me na rio. 20Na tajua taha lavi na oni me na tano malo iano na taha roho na leo, tau molavia vilevileahi, moejieji suria; 21maa na hoena mojoa ae, motoho taiti hasa; tau na mamahanu e na vei oso sura leo inumai, vileahi motaliliu. 22Na tajua taha lavi na oni me na hau jiha vileahi iano na taha roho na leo; tau na sena ninima ra sanu hi na ulu, na jihajiha hi ra pilana sanu mono, mohohoi na leo, tau isavae. 23Na tajua taha lavi na oni me na tano tahonae iano na taha roho na leo, mopinisia; inie movae, na valura tevae na tarivahatea, na valura na havulalimarave, na valura na havulatolu.
24Molalaa ta mera na aso liholiho motea maa, moaso, Ra sanu hi na tailahi tepala tajua taha lavo na oni tahonae me na umana: 25maa me na rani hi na navu, na satuana monumai, molavo ra sanu me na vuati hi na oni, tau molaho. 26Maa na hau hina mojiha, movae tau, na hau hi na sanu oso mono mojiha. 27Tau ra tajua hi na varao pilana varese tenumai, teaso mea, Varese, olavo te oni tahonae me na umamu, e mojoa? surasava na sanu oso ae? 28Tau moaso ta mera, Te tajua itea mosatuau, movei a. Tau ra pilana tajua teaso mea, Omejeamamu aivano, airahu huhurera, e mojoa? 29Maa moaso, Mojoa; suria va amiu otorahu huhurera sanu oso, otovuti hurena oni mono. 30Motahonae hirerua terajiha me na rani hi na pahia: tau me na rani hi na pahia inau aiaso ta me ra tajua hi na pahia, Otorahu huhurera sanu oso majiha, otomataira me ra voro sura sulira: maa otorahu huhurena oni me na pea hina.
31Molalaa ta mera na aso liholiho motea maa, moaso, Ra sanu hi na tailahi tepala maena mastart, te tajua itea molavia, molavoe me na umana: 32inie na taiti jivi hi ra maena sanu vunuvunu; inaa mojiha tau, motahajia jivi hira hau taiti, inie mohau, ra manu tenumai suria, teunuhi me ra rahana.
33Molalaa ta mera na aso liholiho motea maa; Ra sanu hi na tailahi tepala leven, te hajae itea molavia, mojurupunia me na vuati hi na vlaur, movea mosihi.
34Ra sanu naa lesu molalaa hi naaso liholiho ta me ra taha huhurahi; molalaa ta mera hi na aso liholiho hasa: 35sura ve na leo hi na provet mine motaraae, moaso,
Ailalaa hi na aso liholiho;
Aivavahara sanupunupunu majiha me na esa.
36Tau molaho ture ra taha huhurahi, moruhusahe me na pea: tau ra uluo hina tenumai mea, teaso, Oipiseamamu na aso liholiho sura sanu oso me na uma. 37Tau motami, moaso, Na taha lavo na oni tahonae inie Matu i tajua; 38na uma inie na ulu; na oni tahonae hire ra matuna tailahi; ra sanu oso hire ra ma-tuna tamate; 39na satuana, na taha lavora, inie na tamate: na rani hi na pahipahi inie na rani hi na ulu isori pa: ra tajua hi na pahipahi hire ra enjel. 40Suria, palaira terahu huhurera sanu oso, tesulira me na hapu; ipalee me na rani hi na uluisoripa. 41Matu i tajua isulara pilana enjel, tirahu huhurera sanu taha vei jovijovi ture na vanuana, tirahuhuhurera taha vei oso mono, 42tiputuhera ta na hapu tahajia; na tahi ae, na mamahanu ae. 43Me na rani hina ra taha tataholo titila pa pala maso me na vanua i Tamara. Itea va ra jalihana ae, motahonae irohoe.
44Ra sanu hi na tailahi tepala sanu tahonae mopunupunu me na uma; te tajua itea mopasuae, mopunia; tau sura sena ejieji suria movano, moua ra pilana sanu vunuvunu, movoli na uma nee.
45Vahatea maa, ra sanu hi na tailahi tepala tajua taha tiro ra perel tahonae: 46tau mopasua na perel motea, na volina motavere, movano, moua ra pilana sanu vunuvunu, movolia.
47Vahatea maa, ra sanu hi na tailahi tepala maliu, teputuheata na tasi, moaju ra maji ririhi: 48tau motavere hi na maji me na maliu tau, teraveia me na one; tau tesihe tasivo, terahuile ra taha tahonae me ra huro, maa teputuhera taha oso. 49Ipalee me na rani hi na ulu isori pa: ra enjel tinumai, tiraliuilera taha oso ture ra taha tataholo, 50tiputubera ta na hapu tahajia: na tahi ae, na mamahanu ae.
51Otopinisi ra sanu naa vunuvunu, e mojoa? Teaso mea, Io. 52Tau moaso ta mera, Suria, te tajua hi na uli pepe va inie na uluo hi na tailahi tomopala tajua motea, na pea ae, mosahatuhe ra sanu havui, ra sanu taha mine, me na pilana sanu.
53Tau Iesu mosori me ra aso liholiho naano tau, molaho ture na vanua nee. 54Tau monumai me na sivanuana, moaso pipisera me ra peara hi na lotu, tau teuloulo suria, teaso, Na tajua naa molavi na lolorani naa me ra varao uloulo naa veae? 55Iano mosamatuna karpenter, e mojoa? tesajuri tinana Mere, e mojoa? tesajuri ra tasina Jemes me Josev me Saimon me Jutas, e mojoa? 56Ra mavinena mono tesatoho valuija, e mojoa? Suria, na tajua naa molavi ra sanu naa veae? 57Tau temamahanu suria. Maa Iesu moaso ta mera, Teasooso sura provet me na sivanuana hasa, me na sipeana hasa. 58Tau mosave ra varao uloulo ra tari me na vanua nee sura sera sarohoroho.
Currently Selected:
Matiu 13: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
