Matiu 20
20
NA SOPENA 20.
1Suria ra sanu hi na tailahi tepala tajua motea na peana ae, movano me na malaha sura varaira tajua hi na pllaua varao me na umana. 2Tau tetami mea sura volira hi na pene motea hi na pohi motea tau, mosulara me na utnana. 3Tau me na masomaso movano, moreni na valura maa teturi toho me na jara hi na uju, tesavarao; 4moaso ta mera, Amiu mono otovano me na uma, tau na sanu sava aininima motahonae, natuha aivoliarniu. Tau hire tevano. 5Vahatea maa movano me na masomaso vuati, me na matamatana maso mono, movei palahi. 6Tau me na maso moharahara movano, moreni na valura maa teturi toho; moaso ta mera, Surasava ototuri toho nai, otosavarao sope toho? 7Teaso ta mea, Suria saite tajua movaraiamamu sura varao. Moaso ta mera, amiu mono otovano me na uma. 8Tau me na ravi, na varese hi na uma moaso ta me na tajua taha mata ra pilana sanu, Oiore ra tajua hi na varao, oivolira, oiyaere me ra taha tahu hira, oinumai me ra taha majiha hira. 9Tau ra tajua taha vaere varao me na maso moharahara tenumai tau, hire vunuvunu telavi na pene motea. 10Tau ra taha majiha hira tenumai tau, teninima tau tilavi tahajia nie; maa hire vunuvunu mono telavi na pene motea. 11Telaviatau, teetina varese, 12teaso, Ra taha tahumamu naa teva rao taiti hasa, maa overa tepala i amamu avarao sope toho me na maso tahajia. 13Maa motami, moaso ta me motea hira, tuoaso, Tuau, inau asavei oso meho: osatami meau sura pene motea? 14Oilavi na pilamu volivoli, oilaho; inau ameje na rahu ta me ra taha tahumiu naa, pala arahu ta rneho. 15Va aive na sanu amejeia me na sipilau sanu, natuha mo-tataholo, e mojoa? e iniho ooso suria inau atahonae? 16Palahi, ra taha tahu hira timajiha pa, ra taha majiha hira titahu hira pa.
17Tau Iesu mosahe me ra Jerusalem, molavi hasera ra uluo hiua na havulatea na vana morua, moaso ta mera nie na rio, moaso, 18Tosahe toho me ra Jerusalem; tilavi Matu i tajua ta ilie ra varese hi na lotu me ra tajua hi na uli pepe; tau titami isimate, 19tilavia ta me ra taha lolopohitupu sura uru suria, sura marasia, sura vei meteia me na hau palatusi: tau me na vaha toluna pohi itamaraha.
20Tau tinara matu i Sepeti monumai mea valuira matuna morua, molotu mea, motuhae na sanu motea. 21Moaso ta mea, Omeje nasava? Inie moaso ta mea, Oivaraira matuu morua naa tirasihe pa, motea menamatuanahavemu, motea me na marauna havemu, me na vanuamu. 22Maa Iesu motami, moaso, Otosapinisi na sanu ototuhatuha. Otopinisa oo na sanu vahatea inau aioo, e mojoa? Teaso ta mea, Io, amamapinisia. 23Moaso ta mera, Io, na sanu inau aioo, amiu otooo pa: maa na sihe me na matuanahaveu me na marauna haveu, mosapilau sura rahu ta meamiu, natuha mopila i Tamau morahu ta mera movei vavanao nie surira. 24Tau ra uluo hina na havulatea maa terohoe tau, tepuripuri tohova ra tuara morua. 25Maa Iesu moorera ta mea, moaso, Otopinisi ra moli hi ra taha lolopohitupu tevarese hira, na loera varese hira mohauhaua mera. 26Isapalahi meamiu: maa itea va imeje isale jiviamiu, inie isivarao meamiu; 27itea mono va imeje imaji-haamiu, inie isive ra pilamiu varao: 28pala Matu i tajua mosasumai suri ra tajua tevarao mea, mosumai sura varao me ra tajua, sura rahu na sena mauri na tuhu suri ra tajua vunuvunu.
29Tau telaho toho ture i Jeriko, ra tajua ra tari ra tari telaho tahuna. 30Tau ra tajua taha pisi morua terasihe me na valuna rio, teterarohoe Iesu toinolaholaho me na valurarua, teraore, teraaso, Moli, matu i Tevit, motahonae na lolomu imalumu i amamurua. 31Tauhire vunuvunu teumararua, tevarairarua tiratoho tamautu: maa teraore tahajia nie, teraaso, Moli, matu i Tevit, mota-honae na lolomu imalumu i amamurua. 32Tau Iesu moturitoho, moorerarua, moaso, Orameje inau aive nasava ta meamurua? 33Teraaso ta mea, Moli, amamaramejeiho oijevere na matamamurua. 34Tau Iesu, na lolona movano merarua, motieli na matara: tau vilevileahi terarioriova, teralaho tahuna.
Currently Selected:
Matiu 20: TLM9109
Highlight
Share
Copy
Want to have your highlights saved across all your devices? Sign up or sign in
This is a historic text maintained by the British and Foreign Bible Society.
