Mishiraachechinaꞌo Gimo
Gimo
Mishiraachechinaꞌochi Shuunoo Luqaasi kooriti macaafoochee guttinnoone. Hini macaafo kooreeto, kittinnee guupho aabichii neexeꞌi bi diccito gaata arichiibeeti ibere mooyo nooch bi beeyemmoyichiye.
Hini macaafo beshoon bi gettiibeeto, mishiraachechinaꞌo tuneti gutte asheenaꞌochi shuunooniye; eboshiyoo Pheexiroosinaa Phawuloosinane. Pheexiroosi batti batt Yerusaalem kittinnee guuphon neechitinaꞌo daggoochee shiichiti uroone; Phawuloosi wotta Yerusaalemi guudooch beeti showooch hammiꞌi, Kiristoosichi mishiraachoon getoyich shiichii kechiti mishiraachechone. Mishiraachechinaꞌochi Shuunoo getteeti macaafo, “Yaafe Ayaanee Shuunoo” getteyoo hakkiye; ebiyoo Yaafe Ayaanee womichonaa shuuneechonon bi arichii beetoyichiye.
Mishiraachechinaꞌochi Shuunoo batti batt neexeti kittinnee guuphichon keejje mooyon arichii beetone. Ebiyoo: 1) Batti batti kittinnee guuphi wocho amo gaata, 2) Ayihudeenaꞌo ebi wochoon iberii deꞌon boonoshi qayon, wotta Yeeri hini mishiraachoon iberiiree deqqemmi aageteenaꞌo waan mishiraachechinaꞌon wochee bi daachiyoo; 3) batti batti kittinnee guuphon showee ukkireenaꞌonaa Roomi iraasheenaꞌona aabichiꞌi boonoshi iritiito gaata, eboshine.
Inde Moochi Sheqqo
Kiristoosi bi dabbeenaꞌoyich bi immiti ciireexi geteenaꞌo (1:1-11)
Yerusaalem beeti kittinnee guupho (1:12–8:1)
Yerusaalemi guudooch beeti showooch mishiraachee qaaro gamino (8:2–12:25)
Mishiraachee qaaroon gamichoyich Phawuloosi batti batt keyo (13:1–14:28)
Yerusaalem beeti mishiraachechinaꞌonaa geeneenaꞌona kiceeꞌi echeyoo (15:1-35)
Mishiraachee qaaroon gamichoyich Phawuloosi guttinnoon keyo (15:36–18:22)
Mishiraachee qaaroon gamichoyich Phawuloosi keejjinnoon keyo (18:23–19:41)
Phawuloosi Yerusaaleminaa Qesaariyi katemoonooch hamo (20:1–26:32)
Room mishiraachee qaaroon Phawuloosi gamichoo (27:1–28:31)
Currently Selected:
Mishiraachechinaꞌo Gimo: KBRC
Highlight
Share
Copy
Want to have your highlights saved across all your devices? Sign up or sign in
SIM International, 2020.