होशे 12
12
यहूदा प्रदेशेरे पापे पुड़ परमेशरेरो क्रोध
1एप्रैम#12:1 एप्रैम इस्राएली लोक हवा च़रते ते पूर्वेरी हवारो पीछो केरतो रहते; तै लगातार झूठ ते ज़ुलम बद्धाते; तैना लोक अश्शूरे सेइं करार केरतां ते मिस्रे मां तेल भेज़तन। 2यहूदा सेइं भी यहोवारो मुकदमोए, ते तै याकूबे तैसेरे चाल चलनेरे मुताबिक सज़ाह देलो; तैसेरे कम्मां केरे मुताबिक तै तैन बदलो देलो। 3याकूबे एपनी अम्मरे पेटे मां अपने ढ्लाएरी थूड़ी ट्लातोरी थी, ते बड्डे भोइतां तैनी परमेशरे सेइं घौल कियोरो थियो।#उत्प. 25:22,26;32:24. 4तै परमेशरेरे दूते सेइं लड़ो, ते ज़ीती भी जेव, तै लेरां लगो देने ते छंदे केरतां बिनती की। बेतेले मां तै तैस मैल्हो, ते तैड़ी तैनी असन सेइं गल्लां की। 5यहोवा, सेना केरो परमेशर, ज़ेसेरी याद यहोवारे नंव्वे सेइं भोतीए। 6एल्हेरेलेइ तू अपने परमेशरेरे पासे फिर; दया ते न्याय सेइं कम केरतो रा, ते लगातार अपने परमेशरेरो इंतज़ार केरतो रा।
7तै बुपारीए, ते तैसेरे हथ्थे मां धोखेरी ट्लकड़ीए, अंधेर केरनू तैस रोड़ू लगते। 8एप्रैम ज़ोते, “अवं बड़ो अमीर भोवरोईं, मीं दौलत हासिल कियोरीए। मेरे कोन्ची कम्मे मां कोई एरहो अधर्म नईं मैल्होरो ज़ैस सेइं पाप लगे।”#प्रका. 3:17. 9अवं यहोवा, मिस्र मुल्खेरो देंतो तेरो परमेशर आईं; अवं फिरी तीं डेरन मां एरहो बसेइलो ज़ेन्च़रे ठहरावरे तिहारां केरे दिहाड़न मां भोतू रहतू थियूं।
10मीं नेबी केरे ज़िरिये गल्लां की, ते बार-बार दर्शन देंतो राव; ते नेबी केरे ज़िरिये मसालां भी देंतो राव। 11कुन गिलाद प्रदेश कुकर्मी नईं? तैना लोक पूरे कपटी भेवरेन। गिलगाल नगरे मां दांत बलि किये गातन, बल्के तैन केरि वेदी तैन घोड़ां केरे ढेरां केरि ज़ेरिन ज़ैना ऊडारां केरि सींथन मां भोन। 12इश्शो पूर्वज याकूब अराम मुल्खेरे मैइदाने मां नश्शोरो थियो; तैड़ी इस्राएले एक्की कौन्शरे लेई सेवा की, ते कौन्शरे लेई तै पुहाली केरतो थियो।#उत्प. 27:41-45. 13एक्की नेबेरे ज़िरिये यहोवा इस्राएल मिस्र मुल्खे मरां केढतां आनो, ते मूसा नेबेरे ज़िरिये तैसेरी रक्षा की। 14एप्रैमे तैस बड़ी सरक दुवाई; एल्हेरेलेइ तैसेरे कियोरे खूनेरी सज़ाह तैस मैल्हेली, ते तैनी अपने परमेशरेरी निन्दा कियोरीए, तैसेरो बदलो तैस्से पुड़ एज्जेलो।
Currently Selected:
होशे 12: BHDNT
Highlight
Share
Compare
Copy
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.