होशे 3
3
इस्राएल परमेशरेरे पासे एइते
1एक्की बार फिरी यहोवा मीं सेइं ज़ोवं, “हुनी गेइतां एक्की एरे कौन्शी सेइं प्यार केर, ज़ै बदचलन भोने पुड़ भी अपने प्यार केरनेबालेरी ट्लारी भोए, किजोकि तैस तरीके सेइं अगर इस्राएली बखले देबतां केरे पासे फिरे, ते किशमिशेरी टिक्कन सेइं प्यार रखतन, फिरी भी यहोवा तैन सेइं प्यार केरते।”
2तैखन मीं अक कौन्श चैंदरे 15 सिक्के#3:2 चैंदरे 15 सिक्के 170 ग्राम चाँदी ते डैढ होमेर जौ#3:2 डैढ होमेर जौ लगभग 150 किल्लो जौ देइतां घिन्नी। 3मीं तैस सेइं ज़ोवं, “तू काही च़िरे तगर मीं सेइं साथी बिश्शां; ते न वेश्यापन केरां, ते न कोन्ची मड़देरी कौन्श बेना; ते अवं भी तीं सेइं वफादारी केरेलो।” 4किजोकि इस्राएली लोक बड़े च़िरे तगर बगैर राज़े, बगैर हाकिमे, बगैर बलिदाने, बगैर पवित्र खम्भां केरे, ते बगैर एपोद या कुल देबतां केरे बिश्शोरे राले। 5तैसेरां बाद तैना अपने परमेशर यहोवा ते दाऊदेरे खानदाने मरां राज़े फिरी तोपेले, ते आखरी वक्ते मां यहोवा कां, ते तैसेरी कीमती चीज़ां हासिल केरनेरे लेई थरकते एज्जेले।
Currently Selected:
होशे 3: BHDNT
Highlight
Share
Compare
Copy
Want to have your highlights saved across all your devices? Sign up or sign in
Bhadrawahi Bible (भड्लाई बाइबिल), 2020 by Beyond Translation is licensed under a Creative Commons Attribution-ShareAlike 4.0 International License.