Kîam 25
25
Njiarwa ciîngî cia Iburahimu
(1Maû 1.32-33)
1Iburahimu nîwavikirie mûka wîngî wetagwa Ketura. 2Ketura nîwaciarîre Iburahimu Zimurani, Jokishani, Medani, Midiani, Ishibaku na Shua. 3Jokishani nîke warî îthe wa Sheba na Dedani. Njiarwa cia Dedani ciarî: Ashurimu, Letushi na Leumimu. 4Avîcî a Midiani maarî: Efa, Eferi, Hanoku, Abida na Elida. Acio onthe maarî njiarwa cia Ketura.
5Iburahimu nîwatigîre Isaka indo cionthe irîa aarî nacio. 6Nwatî avîcî arîa aagîte na aka ake a kwiga aamaveere iveo. Arî wa mwoyo, Iburahimu nîwengatire anake acio kuuma kûrî Isaka na makîthiî mwena wa îrathîro.
Gûkua na kûthikwa kwa Iburahimu
7Iburahimu aakwire arî na ûkûrû wa mîaka îgana rîa mîrongo mûgwanja na îtano (175). 8Aakwire arî mûkûrû mûno na akîthikwa. 9Ciana ciake Isaka na Ishumaeli, nîciamûthikire ngurungarî ya Makipela, mûgûndarî ûrîa warî mwena wa îrathîro wa Mamure. Mûgûnda ûcio warî wa Efironi mûvîcî wa Zohari ûrîa warî Mûhiti. 10#Kîam 23.3-16 Mûgûnda ûcio nî ûrîa Iburahimu aagûrîte kuuma kûrî Ahiti, na nîkuo Iburahimu na mûka Sara maathikirwe. 11Vuva wa gîkuû Kîam Iburahimu, Ngai nîwarathimire mûvîcî Isaka. Isaka nîwatûûrire vakuvî na kîthima kîrîa gîtagwa “Kîthima Kîam Ûrîa Ûrî Mwoyo na Ûmonaga”.
Njiarwa cia Ishumaeli
(1Maû 1.28-31)
12Ino nîcio njiarwa cia Ishumaeli mûvîcî wa Iburahimu. Ishumaeli aaciarirwe nî Hagari ûrîa warî Mûmisiri. Hagari eethîrîtwe arî ndungata ya Sara. 13Mama nîmo marîîtwa ma avîcî a Ishumaeli marûmanîrîrîte kûringana na ûrîa maaciarirwe. Nebaiothi nîke warî îrikithathi. Aarûmîrîrîtwe nî Kedari, Adibeli, Mibusamu, 14Mishima, Duma, Masa, 15Hadadi, Tema, Jeturi, Nafishi na Kedema. 16Acio nîo maarî avîcî îkûmi na aîrî a Ishumaeli na nîo methe ma tene marîa metanîtue na athani arîa îkûmi na aîrî. Namo matûûra mao vamwe na kûrîa mambîte magema gwîtanîtue na marîîtwa mao. 17Ishumaeli aakwire arî na ûkûrû wa mîaka îgana rîa mîrongo îthatû na mûgwanja (137). 18Njiarwa cia Ishumaeli ciatûûraga kuuma Havila nginya Shuru, mwena wa îrathîro wa Misiri, njîrarî îrîa îthiîte Asîria. Maatûûraga matakwîgucana na njiarwa icio ciîngî cia Iburahimu.
Gûciarwa kwa Esaû na Jakovu
19Ino nîcio njiarwa cia Isaka mûvîcî wa Iburahimu. Iburahimu nîke warî îthe wa Isaka. 20Isaka aarî na ûkûrû wa mîaka mîrongo îna rîrîa aavikirie Rebeka mwarî wa Bethueli. (Mûaramea wa kuuma Mesopotamia) Rebeka aarî mwarwang'ina wa Labani. 21Rebeka aarî nthata, na Isaka nîwavoire kûrî Ngai-Mûnene nîûndû wake. Ngai-Mûnene nîwegwire mavoya make na Rebeka akîgîa îvu. 22Îvu rîu rîarî rîa mathatha, na mbere ya aciara, ciana icio nîciagianaga. Rebeka nîweyûragia gîtûmi Kîam ûndû ûcio wîkîke. Kwoguo nîwathiîre kûrî Ngai-Mûnene kûmûria gîtûmi Kîam ûndû ûcio.
23 #
Aro 9.12
Nake Ngai-Mûnene nîwamwîrire atîrî,
“Ndaarî yaku kûrî na ndûrîrî igîrî,
we nîûgaaciara andû a mîvîrîga îîrî.
Nao nî magaatûûra marûaga,
ûmwe nîûgakîria ûrîa wîngî vinya.
Ûrîa mûkûrû nîagaatungatîra ûrîa mûnini.”
24Rebeka nîwakinyirie îvinda rîa gûciara, na nîwagîre na twana twa mathatha. 25Kaana karîa gaaciarirwe mbere kaarî gatune na mwîrî wako wonthe wakunîkîtwe nî guoya takwa arî guo geekîrîte. Kwoguo nîgaatuîrîrwe rîîtwa Esaû. 26Kaana ga kaîrî gaaciarirwe kanyitîte nthûng'wa ya Esaû. Kwoguo nîgaatuîrîrwe rîîtwa Jakovu. Isaka aarî na ûkûrû wa mîaka mîrongo îtandatû rîrîa twana tûu twaciarirwe.
Esaû nîwendirie ûrikithathi wake kûrî Jakovu
27Rîrîa tûvîcî tûu tuoîrî twakûrire, Esaû nîwatuîkire mûguîmi mwaro, kwoguo aatindaga kîthakarî. Nwatî Jakovu aarî mûkiri na kwoguo aatindaga mûciî. 28Isaka nîwendete Esaû nîûndû nîwakenaga akîrîa nyama cia nyamû irîa Esaû aaûragaga, nwatî Rebeka eendete Jakovu.
29Mûthenya ûmwe Jakovu nîwarugire gîtwero Kîam ndengû. Nake Esaû nîwaûkire aumîte kîthakarî kûguîma avûtîte mûno, 30na akîra Jakovu atîrî, “Tanûmia tûirio tûu twaku tûtune nîûndû nîrî mûvûtu.” (Kîu nîkîo gîatûmire etwa Edomu).
31Nake Jakovu nîwamwîrire atîrî, “Mbere nwa wambire kûmenderie ûrikithathi waku.”
32Esaû nîwaugire atîrî, “Rîu nîrî vakuvî gûkua, ûrikithathi ûcio wakwa nîûng'una na kî?”
33 #
Ahib 12.16
Jakovu nîwamûcokerie atîrî, “Amba wîvîte atî nîûkûmenderia ûrikithathi waku.”
Esaû nîwevîtire, na akîenderia Jakovu ûrikithathi wake. 34Jakovu nîwarûmirie Esaû mûgate na gîtwero Kîam ndengû. Nîwarîre na akînyua agîcoka akîthiîra. Ûguo nîguo Esaû aateere ûrikithathi wake.
Currently Selected:
Kîam 25: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Kîam 25
25
Njiarwa ciîngî cia Iburahimu
(1Maû 1.32-33)
1Iburahimu nîwavikirie mûka wîngî wetagwa Ketura. 2Ketura nîwaciarîre Iburahimu Zimurani, Jokishani, Medani, Midiani, Ishibaku na Shua. 3Jokishani nîke warî îthe wa Sheba na Dedani. Njiarwa cia Dedani ciarî: Ashurimu, Letushi na Leumimu. 4Avîcî a Midiani maarî: Efa, Eferi, Hanoku, Abida na Elida. Acio onthe maarî njiarwa cia Ketura.
5Iburahimu nîwatigîre Isaka indo cionthe irîa aarî nacio. 6Nwatî avîcî arîa aagîte na aka ake a kwiga aamaveere iveo. Arî wa mwoyo, Iburahimu nîwengatire anake acio kuuma kûrî Isaka na makîthiî mwena wa îrathîro.
Gûkua na kûthikwa kwa Iburahimu
7Iburahimu aakwire arî na ûkûrû wa mîaka îgana rîa mîrongo mûgwanja na îtano (175). 8Aakwire arî mûkûrû mûno na akîthikwa. 9Ciana ciake Isaka na Ishumaeli, nîciamûthikire ngurungarî ya Makipela, mûgûndarî ûrîa warî mwena wa îrathîro wa Mamure. Mûgûnda ûcio warî wa Efironi mûvîcî wa Zohari ûrîa warî Mûhiti. 10#Kîam 23.3-16 Mûgûnda ûcio nî ûrîa Iburahimu aagûrîte kuuma kûrî Ahiti, na nîkuo Iburahimu na mûka Sara maathikirwe. 11Vuva wa gîkuû Kîam Iburahimu, Ngai nîwarathimire mûvîcî Isaka. Isaka nîwatûûrire vakuvî na kîthima kîrîa gîtagwa “Kîthima Kîam Ûrîa Ûrî Mwoyo na Ûmonaga”.
Njiarwa cia Ishumaeli
(1Maû 1.28-31)
12Ino nîcio njiarwa cia Ishumaeli mûvîcî wa Iburahimu. Ishumaeli aaciarirwe nî Hagari ûrîa warî Mûmisiri. Hagari eethîrîtwe arî ndungata ya Sara. 13Mama nîmo marîîtwa ma avîcî a Ishumaeli marûmanîrîrîte kûringana na ûrîa maaciarirwe. Nebaiothi nîke warî îrikithathi. Aarûmîrîrîtwe nî Kedari, Adibeli, Mibusamu, 14Mishima, Duma, Masa, 15Hadadi, Tema, Jeturi, Nafishi na Kedema. 16Acio nîo maarî avîcî îkûmi na aîrî a Ishumaeli na nîo methe ma tene marîa metanîtue na athani arîa îkûmi na aîrî. Namo matûûra mao vamwe na kûrîa mambîte magema gwîtanîtue na marîîtwa mao. 17Ishumaeli aakwire arî na ûkûrû wa mîaka îgana rîa mîrongo îthatû na mûgwanja (137). 18Njiarwa cia Ishumaeli ciatûûraga kuuma Havila nginya Shuru, mwena wa îrathîro wa Misiri, njîrarî îrîa îthiîte Asîria. Maatûûraga matakwîgucana na njiarwa icio ciîngî cia Iburahimu.
Gûciarwa kwa Esaû na Jakovu
19Ino nîcio njiarwa cia Isaka mûvîcî wa Iburahimu. Iburahimu nîke warî îthe wa Isaka. 20Isaka aarî na ûkûrû wa mîaka mîrongo îna rîrîa aavikirie Rebeka mwarî wa Bethueli. (Mûaramea wa kuuma Mesopotamia) Rebeka aarî mwarwang'ina wa Labani. 21Rebeka aarî nthata, na Isaka nîwavoire kûrî Ngai-Mûnene nîûndû wake. Ngai-Mûnene nîwegwire mavoya make na Rebeka akîgîa îvu. 22Îvu rîu rîarî rîa mathatha, na mbere ya aciara, ciana icio nîciagianaga. Rebeka nîweyûragia gîtûmi Kîam ûndû ûcio wîkîke. Kwoguo nîwathiîre kûrî Ngai-Mûnene kûmûria gîtûmi Kîam ûndû ûcio.
23 #
Aro 9.12
Nake Ngai-Mûnene nîwamwîrire atîrî,
“Ndaarî yaku kûrî na ndûrîrî igîrî,
we nîûgaaciara andû a mîvîrîga îîrî.
Nao nî magaatûûra marûaga,
ûmwe nîûgakîria ûrîa wîngî vinya.
Ûrîa mûkûrû nîagaatungatîra ûrîa mûnini.”
24Rebeka nîwakinyirie îvinda rîa gûciara, na nîwagîre na twana twa mathatha. 25Kaana karîa gaaciarirwe mbere kaarî gatune na mwîrî wako wonthe wakunîkîtwe nî guoya takwa arî guo geekîrîte. Kwoguo nîgaatuîrîrwe rîîtwa Esaû. 26Kaana ga kaîrî gaaciarirwe kanyitîte nthûng'wa ya Esaû. Kwoguo nîgaatuîrîrwe rîîtwa Jakovu. Isaka aarî na ûkûrû wa mîaka mîrongo îtandatû rîrîa twana tûu twaciarirwe.
Esaû nîwendirie ûrikithathi wake kûrî Jakovu
27Rîrîa tûvîcî tûu tuoîrî twakûrire, Esaû nîwatuîkire mûguîmi mwaro, kwoguo aatindaga kîthakarî. Nwatî Jakovu aarî mûkiri na kwoguo aatindaga mûciî. 28Isaka nîwendete Esaû nîûndû nîwakenaga akîrîa nyama cia nyamû irîa Esaû aaûragaga, nwatî Rebeka eendete Jakovu.
29Mûthenya ûmwe Jakovu nîwarugire gîtwero Kîam ndengû. Nake Esaû nîwaûkire aumîte kîthakarî kûguîma avûtîte mûno, 30na akîra Jakovu atîrî, “Tanûmia tûirio tûu twaku tûtune nîûndû nîrî mûvûtu.” (Kîu nîkîo gîatûmire etwa Edomu).
31Nake Jakovu nîwamwîrire atîrî, “Mbere nwa wambire kûmenderie ûrikithathi waku.”
32Esaû nîwaugire atîrî, “Rîu nîrî vakuvî gûkua, ûrikithathi ûcio wakwa nîûng'una na kî?”
33 #
Ahib 12.16
Jakovu nîwamûcokerie atîrî, “Amba wîvîte atî nîûkûmenderia ûrikithathi waku.”
Esaû nîwevîtire, na akîenderia Jakovu ûrikithathi wake. 34Jakovu nîwarûmirie Esaû mûgate na gîtwero Kîam ndengû. Nîwarîre na akînyua agîcoka akîthiîra. Ûguo nîguo Esaû aateere ûrikithathi wake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019