Kîam 26
26
Isaka nîwatûûrire Gerari
1Vûrûrirî ûcio nîkwagîre na yûra rîngî tiga rîrîa rîarî kuo vîndî ya Iburahimu. Nîûndû wa ûguo, Isaka nîwathiîre Gerari kûrî Abimeleki mûthamaki wa Afilisiti. 2Ngai-Mûnene nîwaumîrîre Isaka na akîmwîra atîrî, “Ndûkathiî Misiri; îkara vûrûrirî ûrîa ngûkwîra wîkare. 3#Kîam 22.16-18 Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa. 4Nîngaakûva njiarwa nyîngî ta njata irîa irî îgûrû, na njoke nîmave vûrûri ûyû wonthe. Nîigaatuîka kîrathimo kûrî ndûrîrî cionthe cia nthî. 5Nîngaakûrathima nîûndû Iburahimu nîwambathîkîre na akîathîkîra mataaro makwa na mawatho makwa monthe.”
6Kwoguo Isaka nîwatûûrire kûu Gerari. 7#Kîam 12.13; 20.2 Rîrîa arûme a kûu maamûririe maûndû megiî mûka, Isaka nîwamerire atîrî, “Ûyû nî mwarwaiya.” Aameerire ûguo nîûndû nîwetigagîra kûmeera atî nî mûka wake nîûndû andû a kûu nîmangîamûragire nîguo moce Rebeka, nîûndû wa ûrîa aarî mûthaka. 8Isaka ekaranga kûu, Abimeleki mûthamaki wa Afilisiti nîwarorererie na ndirica na akîona Isaka akîarara mûka Rebeka. 9Abimeleki nîwetire Isaka na akîmûria atîrî, “Kwoguo ûyû nî mûkaguo! Nîndûî kîratûmire uge atî nî mwarwanyûkwe?”
Nake Isaka nîwacokirie atîrî, “Neciragia atî nauga Rebeka nî mûka wakwa, nîngûragwa.”
10Abimeleki nîwamûûririe atîrî, “Nî atîa ûguo ûtwîkîte, kethîrwa mûndû ûmwe gatagatîrî getû nîaramenyanire kîîmwîrî na mûkaguo, nîûngîratûretere kîrumi.” 11Abimeleki nîwarutire watho na akîra andû onthe atîrî, “Mûndû wa wonthe ûgeeka mûndû ûyû, kana mûka ûndû mûcûku, nwanginya akaaûragwa.”
12Mwaka ûcio Isaka nîwavandire mbeû mûgûndarî ûcio, na nîwakethire maita îgana rîa mbeû îrîa aavandîte, nîûndû Ngai-Mûnene nîwamûrathimîte. 13Indo cia Isaka nîciathiîre na mbere kwongereka na agîtuîka gîtonga kînene. 14Isaka aarî na ndîthia nyîngî cia ng'ondu na ng'ombe, wana ndungata nyîngî. Nao Afilisiti nîmaagîre na wîru nîûndû wake. 15Kwoguo nîmaathikire ithima cionthe irîa cienjîtwe nî ndungata cia îthe Iburahimu rîrîa aarî mwoyo.
16Abimeleki nîwerire Isaka atîrî, “Uma gûkû vûrûrirî wetû, nîûndû nîûgîte na vinya gûtûkîra.” 17Kwoguo Isaka nîwaumire kûu na akîthiî Kîandarî Kîam Gerari na agîtûûra kuo. 18Nîwathikûririe ithima irîa cienjîtwe vîndî ya Iburahimu, na ciathikîtwe nî Afilisiti rîrîa Iburahimu aakwire. Isaka nîwetire ithima icio marîîtwa wa marîa cietîtwe nî îthe.
19Ndungata cia Isaka nîcienjire kîthima kûu Kîamndarî na gîkiuma manjî. 20Nwatî arîthi a kûu Gerari nîmaakararanirie na arîthi a Isaka makiugaga atîrî, “Manjî mama nî metû.” Kwoguo Isaka nîwatuîrîre kîthima kîu rîîtwa Ezeku (Ngarari).
21Ndungata cia Isaka nîciacokire ikînja kîthima kîngî, na gûkîgîa ngarari îgûrû rîgiî kîthima kîu wanakîo. Kwoguo Isaka nîwagîtire Sitina, (Ûthû). 22Isaka nîwathaamire vandû vau na akîthiî akînja kîthima kîngî, na gîtiagîa na ngarari. Kwoguo Isaka nîwetire kîthima kîu Rehobothi (Wîyathi). Nîwaugire atîrî, “Rîu Ngai-Mûnene nî mûtûveu wîyathi tûtûûre gûkû, na nî tûkûthegeera kuo.”
23Isaka nîwaumire kûu na akîthiî Beerisheba. 24Ûtukû ûcio Ngai-Mûnene nîwaumîrîre Isaka akîmwîra atîrî, “Nînie Ngai wa aguo Iburahimu. Ndûgetigîre nîûndû nîrî vamwe nawe. Nîngaakûrathima na ndûme njiarwa ciaku ithegee nîûndû nînarîkanîre na ndungata yakwa Iburahimu.” 25Isaka nîwatumire metha ya kîgongoona vau, na akîgooca Ngai-Mûnene. Nîwacokire akîamba îgema rîake vau nacio ndungata ciake ikînja kîthima kîngî.
Isaka na Abimeleki nîmaarûthire kîrîkanîro
26 #
Kîam 21.22
Abimeleki, Ahuzathu Mûmûtaari na mûnene wa athigari ake wetagwa Fikoli, nîmaathiîre kûrî Isaka. 27Nake Isaka nîwamaûririe atîrî, “Mwaûka kûrî nie nîkî na mwamenire na mûkîmîngata vûrûrirî wenyu?”
28Nao nîmaamûcokerie atîrî, “Rîu tue nîtûmenyete nama atî Ngai-Mûnene arî vamwe nawe, na nîtûrona kwagîrîte tûthondeke mwîvîtwa gatagatîrî getû nawe na tûthondeke kîrîkanîro nawe. Twîrîre 29atî ndûgaatûîka ûndû mûcûku nîûndû wanatue tûtiagwîka ûndû mûcûku. Tue twagwîkire maûndû maro na tûkîrekia ûthiî na thayû. Rîu Ngai-Mûnene nîakûrathimîte.” 30Isaka nîwamarugîre, makîrîa na makînyua. 31Mûthenya ûcio wîngî nîmaaramûkire karaûko tene makîrûtha kîrîkanîro na makîîvîtanîra. Isaka nîwacokire akîmaugîra ûvoro magîtigana na thayû.
32Mûthenya wa ûcio ndungata cia Isaka nîciaûkire na ikîmwîra ûvoro wîgiî kîthima kîrîa meenjîte. Nîmaamwîrire atîrî, “Nîtwona manjî.” 33Isaka nîwetire kîthima kîu Shiba (Mwîvîtwa.) Vau nîvo îtûûra rîa Beerisheba#26.33 Beerisheba: kiugo gîkî kiugaga, “Kîthima kîa mwîvîto” kana “mûgwanja.” rîarutire rîîtwa.
Esaû nîwavikirie aka aîrî a Ndûrîrî
34Rîrîa Esaû aakinyirie mîaka mîrongo îna, nîwavikirie erîtu aîrî Ahiti. Ûmwe eetagwa Judîthi mwarî wa Be-eri, na Basemathi mwarî wa Eloni. 35Aka a acio nîmaanyamaririe Isaka na Rebeka mûno.
Currently Selected:
Kîam 26: KKB
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
Kîam 26
26
Isaka nîwatûûrire Gerari
1Vûrûrirî ûcio nîkwagîre na yûra rîngî tiga rîrîa rîarî kuo vîndî ya Iburahimu. Nîûndû wa ûguo, Isaka nîwathiîre Gerari kûrî Abimeleki mûthamaki wa Afilisiti. 2Ngai-Mûnene nîwaumîrîre Isaka na akîmwîra atîrî, “Ndûkathiî Misiri; îkara vûrûrirî ûrîa ngûkwîra wîkare. 3#Kîam 22.16-18 Tûûra vûrûrirî ûyû na ngethagîrwa nîrî vamwe nawe na nîngaakûrathima. Nîngaakûva vûrûri ûyû wonthe, we na njiarwa ciaku, na nîngaavingia kîîranîro gîakwa kîrîa neerîre Iburahimu na mwîvîtwa. 4Nîngaakûva njiarwa nyîngî ta njata irîa irî îgûrû, na njoke nîmave vûrûri ûyû wonthe. Nîigaatuîka kîrathimo kûrî ndûrîrî cionthe cia nthî. 5Nîngaakûrathima nîûndû Iburahimu nîwambathîkîre na akîathîkîra mataaro makwa na mawatho makwa monthe.”
6Kwoguo Isaka nîwatûûrire kûu Gerari. 7#Kîam 12.13; 20.2 Rîrîa arûme a kûu maamûririe maûndû megiî mûka, Isaka nîwamerire atîrî, “Ûyû nî mwarwaiya.” Aameerire ûguo nîûndû nîwetigagîra kûmeera atî nî mûka wake nîûndû andû a kûu nîmangîamûragire nîguo moce Rebeka, nîûndû wa ûrîa aarî mûthaka. 8Isaka ekaranga kûu, Abimeleki mûthamaki wa Afilisiti nîwarorererie na ndirica na akîona Isaka akîarara mûka Rebeka. 9Abimeleki nîwetire Isaka na akîmûria atîrî, “Kwoguo ûyû nî mûkaguo! Nîndûî kîratûmire uge atî nî mwarwanyûkwe?”
Nake Isaka nîwacokirie atîrî, “Neciragia atî nauga Rebeka nî mûka wakwa, nîngûragwa.”
10Abimeleki nîwamûûririe atîrî, “Nî atîa ûguo ûtwîkîte, kethîrwa mûndû ûmwe gatagatîrî getû nîaramenyanire kîîmwîrî na mûkaguo, nîûngîratûretere kîrumi.” 11Abimeleki nîwarutire watho na akîra andû onthe atîrî, “Mûndû wa wonthe ûgeeka mûndû ûyû, kana mûka ûndû mûcûku, nwanginya akaaûragwa.”
12Mwaka ûcio Isaka nîwavandire mbeû mûgûndarî ûcio, na nîwakethire maita îgana rîa mbeû îrîa aavandîte, nîûndû Ngai-Mûnene nîwamûrathimîte. 13Indo cia Isaka nîciathiîre na mbere kwongereka na agîtuîka gîtonga kînene. 14Isaka aarî na ndîthia nyîngî cia ng'ondu na ng'ombe, wana ndungata nyîngî. Nao Afilisiti nîmaagîre na wîru nîûndû wake. 15Kwoguo nîmaathikire ithima cionthe irîa cienjîtwe nî ndungata cia îthe Iburahimu rîrîa aarî mwoyo.
16Abimeleki nîwerire Isaka atîrî, “Uma gûkû vûrûrirî wetû, nîûndû nîûgîte na vinya gûtûkîra.” 17Kwoguo Isaka nîwaumire kûu na akîthiî Kîandarî Kîam Gerari na agîtûûra kuo. 18Nîwathikûririe ithima irîa cienjîtwe vîndî ya Iburahimu, na ciathikîtwe nî Afilisiti rîrîa Iburahimu aakwire. Isaka nîwetire ithima icio marîîtwa wa marîa cietîtwe nî îthe.
19Ndungata cia Isaka nîcienjire kîthima kûu Kîamndarî na gîkiuma manjî. 20Nwatî arîthi a kûu Gerari nîmaakararanirie na arîthi a Isaka makiugaga atîrî, “Manjî mama nî metû.” Kwoguo Isaka nîwatuîrîre kîthima kîu rîîtwa Ezeku (Ngarari).
21Ndungata cia Isaka nîciacokire ikînja kîthima kîngî, na gûkîgîa ngarari îgûrû rîgiî kîthima kîu wanakîo. Kwoguo Isaka nîwagîtire Sitina, (Ûthû). 22Isaka nîwathaamire vandû vau na akîthiî akînja kîthima kîngî, na gîtiagîa na ngarari. Kwoguo Isaka nîwetire kîthima kîu Rehobothi (Wîyathi). Nîwaugire atîrî, “Rîu Ngai-Mûnene nî mûtûveu wîyathi tûtûûre gûkû, na nî tûkûthegeera kuo.”
23Isaka nîwaumire kûu na akîthiî Beerisheba. 24Ûtukû ûcio Ngai-Mûnene nîwaumîrîre Isaka akîmwîra atîrî, “Nînie Ngai wa aguo Iburahimu. Ndûgetigîre nîûndû nîrî vamwe nawe. Nîngaakûrathima na ndûme njiarwa ciaku ithegee nîûndû nînarîkanîre na ndungata yakwa Iburahimu.” 25Isaka nîwatumire metha ya kîgongoona vau, na akîgooca Ngai-Mûnene. Nîwacokire akîamba îgema rîake vau nacio ndungata ciake ikînja kîthima kîngî.
Isaka na Abimeleki nîmaarûthire kîrîkanîro
26 #
Kîam 21.22
Abimeleki, Ahuzathu Mûmûtaari na mûnene wa athigari ake wetagwa Fikoli, nîmaathiîre kûrî Isaka. 27Nake Isaka nîwamaûririe atîrî, “Mwaûka kûrî nie nîkî na mwamenire na mûkîmîngata vûrûrirî wenyu?”
28Nao nîmaamûcokerie atîrî, “Rîu tue nîtûmenyete nama atî Ngai-Mûnene arî vamwe nawe, na nîtûrona kwagîrîte tûthondeke mwîvîtwa gatagatîrî getû nawe na tûthondeke kîrîkanîro nawe. Twîrîre 29atî ndûgaatûîka ûndû mûcûku nîûndû wanatue tûtiagwîka ûndû mûcûku. Tue twagwîkire maûndû maro na tûkîrekia ûthiî na thayû. Rîu Ngai-Mûnene nîakûrathimîte.” 30Isaka nîwamarugîre, makîrîa na makînyua. 31Mûthenya ûcio wîngî nîmaaramûkire karaûko tene makîrûtha kîrîkanîro na makîîvîtanîra. Isaka nîwacokire akîmaugîra ûvoro magîtigana na thayû.
32Mûthenya wa ûcio ndungata cia Isaka nîciaûkire na ikîmwîra ûvoro wîgiî kîthima kîrîa meenjîte. Nîmaamwîrire atîrî, “Nîtwona manjî.” 33Isaka nîwetire kîthima kîu Shiba (Mwîvîtwa.) Vau nîvo îtûûra rîa Beerisheba#26.33 Beerisheba: kiugo gîkî kiugaga, “Kîthima kîa mwîvîto” kana “mûgwanja.” rîarutire rîîtwa.
Esaû nîwavikirie aka aîrî a Ndûrîrî
34Rîrîa Esaû aakinyirie mîaka mîrongo îna, nîwavikirie erîtu aîrî Ahiti. Ûmwe eetagwa Judîthi mwarî wa Be-eri, na Basemathi mwarî wa Eloni. 35Aka a acio nîmaanyamaririe Isaka na Rebeka mûno.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019