MWAMBĨLĨLYO 14
14
Avalamu akĩtangĩĩa Loto
1Na kweethĩwa matukũ ma Amulaveli mũsumbĩ wa Sinali, na Alioko mũsumbĩ wa Elasali, na Ketololaomeli mũsumbĩ wa Elamu, na Titali mũsumbi wa Ngoiimu, 2makwatya kaũ na Vela mũsumbĩ wa Sotomo, na Mbilisa mũsumbĩ wa Ngomola, na Sinavu mũsumbĩ wa Atima, na Semeveli mũsumbĩ wa Nzevoiimu, na mũsũmbĩ wa Mbela (nĩyo Nzoali). 3Asu onthe makomanĩa mwandanĩ wa Sitimi (nĩw’o Ũkanga wa Mũnyũ). #Mot 34.12; Kũt 3.17; Yos 3.16. 4Myaka ĩkũmi na ĩlĩ mathũkũmaa Ketololaomeli, na mwaka wa ĩkũmi na ĩtatũ mamũng’endea. 5Na mwaka wa ĩkũmi na ĩna Ketololaomeli ooka na asũmbĩ ala maĩ nake, na makũnĩa Alevai nthĩnĩ wa Asetelothi‐kalinaimu, na Asusi nthĩnĩ wa Amu, na Aemi nthĩnĩ wa Save‐kiliathaimu. #Kũt 2.10–12. 6Na Aoli kĩĩmanĩ kyoo Seili, kũvika Eli‐valani, ĩla yĩ ũtee wa weũ. 7Na masyoka, na mavika Eni‐misivati (nĩyo Katesi), makũna nthĩ yonthe ya Aamaleki, o na ya Aamoli, ala matwĩe Asasoni‐tamali. 8Na mũsũmbĩ wa Sotomo, na mũsumbĩ wa Ngomola, na mũsũmbĩ wa Atima, na mũsumbĩ wa Nzevoiimu, na mũsumbĩ wa Mbela (nĩyo Nzoali) maumaala; na maselelya ita mamelekele mwandanĩ wa Sitimi; 9mokite na Ketololaomeli mũsũmbĩ wa Elamu, na Titali mũsumbĩ wa Ngoiimu, na Amulaveli mũsumbĩ wa Sinali, na Alioko mũsumbĩ wa Elasali; asumbĩ ana mokite na atano. 10Na ĩndĩ mwanda wa Sitimi wausũĩte maima ma lami; na asumbĩ ma Sotomo na Ngomola makũka, na mavalũka vo, na ala matialile makũka maelete kĩĩmanĩ. #Mwa 19.17,30. 11Na makua ũthwii w’onthe wa Sotomo na Ngomola, na lĩu woo w’onthe, na makwata nzĩa mathi. 12Na moosa Loto, mwana wa mwana‐a‐inyia wa Avalamu, ũla watwĩe Sotomo, na ũthwii wake, na mathi. #Mwa 12.5; 13.12.
13Na ũmwe ũla wavonokie ooka, na atavya Avalamu Mũevelania: nake atwĩe mĩtĩnĩ ya myaloni yĩ Mamile, Mũamoli, mwana‐a‐inyia wa Esikoli, na mwana‐a‐inyia wa Aneli; nao nĩmeew’anĩte na Avalamu. 14Na yĩla Avalamu wewie kana mwana‐a‐ĩthe nũtavĩtwe, aumya andũ make ala wamamanyĩĩtye, ala masyaĩwe nyũmbanĩ yake, maana atatũ na ĩkũmi na nyanya, na amaatĩĩa kũvika Ndani. #Mwa 15.3; 17.12,13,27; Mũta 2.7. 15Na ũtukũ eeyĩaan’ya okite nao, we na athũkũmi make, na amakũna, na amaatĩĩa kũvika Ova, ĩla yĩ ngalĩ ya kw’oko kwa aka ya Ndamasiku. 16Nake atũnga ũthwii w’onthe, na ĩngĩ atũnga mwana‐a‐ĩthe Loto, na ũthwii wake, na aka nao na andũ. #Mwa 14.11,12.
Melikiseteki akĩathima Avalamu
17Na mũsumbĩ wa Sotomo athi kũmũthaũa, ĩtina wa kũsyoka kwake kuma kũaa Ketololaomeli na asumbĩ ala maĩ vamwe nake, mwandanĩ wa Save (nĩw’o Mwanda wa Mũsumbĩ). #2 Sam 18.18. 18Na Melikiseteki mũsumbĩ wa Saleme aete kĩmũtũ na mbinyu: nake aĩ mũthembi wa Ngai Ũla Wĩ Ĩũlũ wa Onthe. #Sav 110.4; Mko 5.7; Meko 16.17; Aevl 7.1,11. 19Na amũathima, na asya, Naathimwe Avalamu wa Ngai Ũla Wĩ Ĩũlũ wa Onthe, mwene wa ĩtu na nthĩ: #Meko 17.24; Aevl 7.6,7. 20na nataĩwe Ngai Ũla wĩ Ĩũlũ wa Onthe, ũla ũnenganĩte amaitha maku kw’okonĩ kwaku. Na amũnenga kĩlungu kya ĩkũmi kya syonthe. #Aevl 7.4. 21Na mũsumbĩ wa Sotomo amwĩa Avalamu, Nenga andũ, na ũkĩyosea ũthwii. 22Na Avalamu amwĩa mũsumbĩ wa Sotomo, Nĩnookĩlya kw’oko kwakwa kwa Yeova, Ngai Ũla Wĩ Ĩũlũ wa Onthe, mwene wa ĩtu na nthĩ, #Kuma 6.8; Mot 14.30; Esek 20.5,6; Nda 12.7; Ũvu 10.5. 23kana ndikosa ũlii, kana ũlii wa kĩatũ, kana kĩndũ o na kĩva kyaku, ndũkese kwasya, Nĩthuĩtye Avalamu: #Est 9.15. 24ate o kĩla anake maĩe, na kĩlungu kya andũ ala maendie nakwa, Aneli, na Esikoli, na Mamile; asu nĩmose kĩlungu kyoo. #Mwa 14.13.
Currently Selected:
MWAMBĨLĨLYO 14: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
