MWAMBĨLĨLYO 24
24
Isaka aitwaĩwa mũka
1Na Avalaamu aĩ mũkũu, na wa myaka mingĩ: na Yeova ethĩwa aathimĩte Avalaamu maũndũnĩ onthe. #Mwa 24.35. 2Na Avalaamu amwĩa mũthũkũmi wake, ũla waĩ mũkũu nyũmbanĩ yake, ũla waiĩtwe ĩũlũ wa syonthe ila waĩ nasyo, Nĩngũũvoya, ĩkĩa kw’oko kwaku ungu wa waswa wakwa: #Mwa 15.2; 24.9–10; 47.29. 3nakwa nĩngũkwĩavĩthya kwa Yeova, Ngai wa ĩtu na Ngai wa nthĩ, ndũkatwaĩe mwana wakwa mũka eĩtunĩ ma Akanaani, ala nĩtũaa katĩ woo: #Kuma 34.16; Kũt 7.3; 2 Ako 6.14. 4ĩndĩ ũkaenda kũvika nthĩ yakwa, na ũkonĩ wakwa, ũtwaĩe mwana wakwa Isaka mũka. #Mwa 11.31. 5Na mũthũkũmi amwĩa, Nokwĩthĩwa mũndũ mũka ndakenda kũmbikĩla kũvika nthĩ ĩno: no mũvaka nĩmũtũnga ĩngĩ mwana waku nthĩ ĩla waumie? 6Na Avalaamu amwĩa, Ĩsũvĩe ndũkaamũtũnge mwana wakwa kũu ĩngĩ. 7Yeova, Ngai wa ĩtu, ũla wanumisye nyũmbanĩ ya asa wakwa, na kuma nthĩ ĩla nasyaĩwe, ũla waneenie nakwa, na eembĩtĩa, akyasya, Ũsyao waku ngoonenga nthĩ ĩno; we akatũma mũlaĩka wake mbee waku, naku ũkatwaĩa mwana wakwa mũka kuma kw’o. #Mwa 12.1,7; Kuma 23.20. 8Na ethĩwa mũndũ mũka ndekwenda ũkũvikĩla, ũkaekewa wĩvĩto ũũ wakwa: ĩndĩ ndũkaamũtũnge mwana wakwa kũu ĩngĩ. #Yos 2.17–20. 9Na mũthũkũmi eekĩa kw’oko kwake ungu wa waswa wa Avalaamu vwana wake, na amwĩavĩa ũndũnĩ ũsu. #Mwa 24.2.
10Na mũthũkũmi oosa ngamĩle ĩkũmi, ngamĩlenĩ sya vwana wake, na akũsya e na syĩndũ syonthe nzeo sya vwana wake kw’okonĩ kwake: na ookĩla, na aenda Mesovotamia, kũvika ndũanĩ ya Naoli. #Mwa 27.43. 11Na atulĩthya ngamĩle ndu ũtee wa ndũa kĩthimanĩ ĩvinda ya wĩoo, ĩvinda yĩla aka maendaa kũtava manzĩ. #Kuma 2.16. 12Nake asya, Ame Yeova, Ngai wa vwana wakwa Avalaamu, nĩngũũvoya, mbaĩlĩlya ũmũnthĩ, wĩke vwana wakwa Avalaamu nesa. #Mwa 24.27,42,48; 27.20. 13Sisya, nyie nĩũngamĩte nthongonĩ ya manzĩ; na eĩtu andũ ma ndũa nĩmekũka kũtava manzĩ: 14nĩkwĩthĩwe, mwĩĩtu ũla ngũmũtavya, Aũa kĩtete kyaku kya yũmba, nĩngũũvoya, nĩnyw’e; nake akambĩa, Nyw’a, na nĩngũnyithya ngamĩle syaku nasyo: ũsu nĩethĩwe ũla wamũnyuvĩe mũthũkũmi waku Isaka; nĩw’o nĩmanya kana nũmwĩkĩte vwana wakwa nesa. #Mwa 15.8; Asi 6.17–22. 15Na kweethĩwa, atanamina kũneena, sisya, Leveka aumaala, ũla wasyaĩwe Mbethueli mwana wa Milika, mũka wa Naoli, mwana‐a‐inyia wa Avalaamu, e na kĩtete kyake kĩtuonĩ kyake. #Mwa 11.29; 22.23. 16Na mwĩĩtu aĩ mwanake mũno kwa kũsiw’a, mũtheu, o na vatyaĩ mũndũ mũũme waamũmanya; nake atheea nthongonĩ, ausũsya kĩtete kyake, na ambata. #Mwa 26.7. 17Na mũthũkũmi asemba kũmũthaũa, amwĩa, Nenga nĩnyw’e, nĩngũũvoya, tũmanzĩ kuma kĩtetenĩ kyaku. 18Nake asũngĩa, Nyw’a, mwĩaĩi wakwa: nake eekalaata, na atheesya kĩtete kyake kw’okonĩ kwake, na amũnenga anyw’e. 19Na amina ũmũnenga anyw’e, amwĩa, Nĩngũtavĩa ngamĩle syaku nasyo, mũvaka ilaũke. 20Na eekalaata, oonosya kĩtete kyake mũvalatĩnĩ, na asemba ĩngĩ kĩthimanĩ kũtava, na atavĩa ngamĩle syake syonthe. 21Na ũla mũndũ amũketeea, akilĩtye, amanye kana Yeova nũmwaĩlĩlye kyalo kyake kana ti w’o. 22Na kweethĩwa, ngamĩle syalaũka, ũla mũndũ oosa ngome ya thaavu, ũito wayo nyunzu ya sekeli, na itang’a ilĩ kwondũ wa moko make ũito wa thaavu wa sekeli ĩkũmi, 23akũlya, Wĩ mwĩĩtu waũ, we? Nĩngũkwĩsũva, ndavya. Ve ũthei nyũmbanĩ ya au wa ũtũ-komya? 24Nake amũsũngĩa, Nĩ mwĩĩtu wa Mbethueli mwana wa Milika, ũla wamũsyaĩe Naoli. 25Na ĩngĩ amwĩa, Twĩ na ũa o na ũĩthyo mwĩanĩu, na ũthei wa kũmũkomya. 26Na ũla mũndũ akunamya mũtwe, na athaitha Yeova. #Mwa 24.48,52; Kuma 4.31. 27Nake asya, Nataĩwe Yeova, Ngai wa vwana wakwa Avalaamu, ũla ũtaaeka ũseo wake wĩ wendo na w’o wake kwa vwana wakwa: nakwa, Yeova nũndongoesye nzĩanĩ kũvika nyũmba ya ana‐a‐inyia ma vwana wakwa. #Mwa 24.12,48; 32.10.
28Na mwĩĩtu asemba, atavan’ya nyũmbanĩ ya inyia wake o ndeto isu. 29Na Leveka aĩ na mwana‐a‐inyia, na syĩtwa yake eetawa Lavani: na Lavani asemba vala ve ũla mũndũ, kũvika nthongonĩ. #Mwa 25.20; 28.2. 30Na kweethĩwa, yĩla wonie ngome, na itang’a mokonĩ ma mwĩĩtu‐a‐inyia, na eew’a ndeto sya Leveka, mwĩtũ‐a‐inyia, akyasya, Ũla mũndũ andavya ũna na ũna; ooka vala ve ũla mũndũ; na, sisya, aũngamĩte na ngamĩle nthongonĩ. 31Na amwĩa, Lika, we, ũathimĩtwe nĩ Yeova; ũũngamĩte nza nĩkĩ? Nũndũ nĩnzeũvisye nyũmba, na vandũ va ngamĩle. #Mwa 26.29; Asi 17.2; Lu 3.10. 32Na ũla mũndũ avota nyũmbanĩ, na athasya ngamĩle; na anenga ngamĩle ũa na ũĩthyo, na manzĩ ma ũthambya maũũ make na maũũ ma andũ ala maĩ nake. #Mwa 18.4; 43.24; Asi 19.21. 33Na vaiwa lĩu mbee wake aye: ĩndĩ asya, Ndiya, ndanatavan’ya ũndũ ndũmiwe. Na asũngĩa, Neena ĩndĩ. 34Nake asya, Nyie nĩ mũthũkũmi wa Avalaamu. 35Na Yeova nũathimĩte vwana wakwa mũno; na nũtw’ĩkĩte mũnene: nũmũnengete ndĩthya sya mbũi na malondu na sya ng’ombe, na vetha na thaavu, na athũkũmi aũme na eĩtu, na ngamĩle na mang’oi. #Mwa 13.2. 36Na Sala mũka wa vwana wakwa nĩwamũsyaĩe vwana wakwa mwana yĩla waĩ mũkũu: nake amũnengete syonthe ila wĩ nasyo. #Mwa 21.2,10; 25.5. 37Na vwana wakwa nĩwatumie nĩvĩta, akĩmbĩa, Ndũkaamũtwaĩe mwana wakwa mũka eĩtunĩ ma Akanaani, ala nĩtwĩe nthĩ yoo: #Mwa 24.3. 38ĩndĩ ũkathi nyũmbanĩ ya asa wakwa, kwa ũko wakwa, na ũkamũtwaĩe mwana wakwa mũka. 39Nakwa namwĩa vwana wakwa, Nokwĩthĩwa mũndũ mũka atakambikĩla. 40Nake ambĩa, Yeova, ũla nĩendaa mbee wake, akatũma mũlaĩka wake vamwe naku, akwaĩlĩlye nzĩa yaku; naku ũkamũtwaĩa mwana wakwa mũka wa ũko wakwa, na wa nyũmba ya asa wakwa: #Mwa 17.1; 24.7. 41nĩvo wĩekewa wĩvĩto wakwa, wavika kwa ũko wakwa; na malea ũkũnenga, ũkaekewa wĩvĩto wakwa. #Mwa 24.8. 42Na nĩnũkie mũnthĩ ũũ nthongonĩ, nasya, Ame Yeova, Ngai wa vwana wakwa Avalaamu, ethĩwa yu nũũmbaĩlĩlya nzĩa yakwa ĩla nĩendaa: #Mwa 24.12,21. 43sisya, nĩũngamĩte nthongonĩ ya manzĩ; na nĩkwĩthĩwe, mwĩĩtu ũla ũnũũka kũtava, ũla ngũmwĩa, Nenga nĩnyw’e, nĩngũũvoya, tũmanzĩ kuma kĩtetenĩ kyaku: #Mwa 24.13,14. 44nake akambĩa, Nyw’a, we, na ngamĩle syaku nasyo nĩngwitavĩa: ũsu nĩethĩwe mũndũ mũka ũla Yeova ũnyuvĩe mwana wa vwana wakwa. 45Na ndanamina kũneena ngoonĩ yakwa, sisya, Leveka aumaala na kĩtete kyake kĩtuonĩ kyake; na atheea nthongonĩ, na atava: nakwa namwĩa, Nenga nĩnyw’e, nĩngũkwĩsũva. #Mwa 24.15–17. 46Nake eekalaata, atheesya kĩtete kyake kuma kĩtuonĩ kyake, na ambĩa, Nyw’a, na nĩngũnyithya ngamĩle syaku nasyo: nakwa nanyw’a, na anyithya ngamĩle nasyo. #Mwa 24.18–20. 47Na namũkũlya, nasya, Wĩ mwĩĩtu waũ, we? Nake asũngĩa, Nĩ mwĩĩtu wa Mbethueli, mwana wa Naoli, ũla Milika wamũsyaĩe: nakwa namwĩkĩa ngome ĩnyiũũ, na itang’a moko. #Esek 16.11,12. 48Nakwa nakunamya mũtwe, nathaĩtha Yeova, na nataĩa Yeova, Ngai wa vwana wakwa Avalaamu, ũla wandongoesye nzĩanĩ ya w’o nĩmũtwaĩe mwana wa vwana wakwa mwĩĩtu wa mwana‐a‐inyia wake. #Mwa 22.23; 24.26,27; Isa 48.17. 49Na yu ĩndĩ ethĩwa mũkeeka vwana wakwa nesa na w’o, ndavyai: na ethĩwa ti w’o, ndavyai; nĩthyũũe kw’okonĩ kwa aũme, kana kwa aka. #Mwa 47.29; Yos 2.14.
50Nĩvo Lavani na Mbethueli masũngĩie na masya, Ũndũ ũũ wumĩte kwa Yeova: tũitonya kũneena naku ũthũku kana ũseo. #Mwa 31.24; Sav 118.23. 51Sisya, Leveka e mbee waku, mwose, ũende, ethĩwe mũka wa mwana wa vwana waku, o tondũ Yeova waĩtye. #Mwa 24.42–46. 52Na kweethĩwa, mũthũkũmi wa Avalaamu eew’a ndeto syoo, eekunamĩsya Yeova kũvika nthĩ. #Mwa 24.26. 53Na ũla mũthũkũmi aumya mĩio ya wanake ya vetha, na thaavu, na ngũa, na amũnenga Leveka: o na mwana‐a‐inyia na inyia amanenga syĩndũ syĩ vata mũno. 54Nao maya na manyw’a, we na andũ ala maĩ vamwe nake, na mekala ũtukũ w’onthe; na mookĩla kĩoko, nake asya, Ekai nĩthi kwa vwana wakwa. 55Na mwana‐a‐inyia na inyia masya, Mwĩĩtu ekale naitũ matukũ mavũthũ, ta ĩkũmi; ĩtina wa ũu akathi. 56Na amea, Mũikanziĩĩe, nũndũ Yeova nũmbaĩlĩlye nzĩa yakwa; ekai nĩthi kwa vwana wakwa. 57Nao masya, Nĩtũkwĩta mwĩĩtu, tũmũkũlye ũndũ ũnũkwasya. 58Na mamwĩta Leveka, mamũkũlya, Nũkũenda na mũndũ ũũ? Nake asũngĩa, Nĩngũthi. 59Na maeka Leveka mwĩĩtu‐a‐inyia woo athi, na mũei wake, na mũthũkũmi wa Avalaamu, na andũ make. #Mwa 35.8. 60Na maathima Leveka, mamwĩa, We mwĩĩtu‐a‐ia, wĩthĩwe wĩ inyia wa ngili kũndũ ngili makũmi, na ũsyao waku nĩũmesye mbingĩlo ya ala mamamenaa. #Mwa 17.16; 22.17.
61Na Leveka ookĩla, na athũkũmi make eĩtu, na matũla ngamĩle, mamũvikĩla ũla mũndũ: na mũthũkũmi oosa Leveka, akwata nzĩa yake athi. 62Na Isaka ooka na nzĩa ya Mbeeli‐laai‐loi; nũndũ atũaa nthĩ ya ngalĩ ya Ĩtheo. #Mwa 16.14; 25.11. 63Na Isaka aumaala akasũanĩe kĩsesinĩ wĩoo: na ookĩlya metho, oona, na, sisya, kwaĩ ngamĩle syũkĩte. 64Na Leveka ookĩlya metho, na oona Isaka, auma ngamĩlenĩ. 65Na amũkũlya mũthũkũmi, Mũndũ ũya nũũ ũnũkũtambũka kĩsesinĩ atũthaũĩte? Na ũla mũthũkũmi amwĩa, Nĩwe vwana wakwa: na oosa suka wake mũvũthũ, eekunĩkĩlya. 66Na ũ mũthũkũmi atavya Isaka maũndũ onthe ala wĩkĩte. 67Na Isaka amũete ĩeemanĩ ya inyia wake Sala, na oosa Leveka, na atw’ĩka mũka wake; na amwenda: na Isaka akiakiw’a ĩtina wa kĩkw’ũ kya inyia wake. #Mwa 23.2.
Currently Selected:
MWAMBĨLĨLYO 24: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MWAMBĨLĨLYO 24
24
Isaka aitwaĩwa mũka
1Na Avalaamu aĩ mũkũu, na wa myaka mingĩ: na Yeova ethĩwa aathimĩte Avalaamu maũndũnĩ onthe. #Mwa 24.35. 2Na Avalaamu amwĩa mũthũkũmi wake, ũla waĩ mũkũu nyũmbanĩ yake, ũla waiĩtwe ĩũlũ wa syonthe ila waĩ nasyo, Nĩngũũvoya, ĩkĩa kw’oko kwaku ungu wa waswa wakwa: #Mwa 15.2; 24.9–10; 47.29. 3nakwa nĩngũkwĩavĩthya kwa Yeova, Ngai wa ĩtu na Ngai wa nthĩ, ndũkatwaĩe mwana wakwa mũka eĩtunĩ ma Akanaani, ala nĩtũaa katĩ woo: #Kuma 34.16; Kũt 7.3; 2 Ako 6.14. 4ĩndĩ ũkaenda kũvika nthĩ yakwa, na ũkonĩ wakwa, ũtwaĩe mwana wakwa Isaka mũka. #Mwa 11.31. 5Na mũthũkũmi amwĩa, Nokwĩthĩwa mũndũ mũka ndakenda kũmbikĩla kũvika nthĩ ĩno: no mũvaka nĩmũtũnga ĩngĩ mwana waku nthĩ ĩla waumie? 6Na Avalaamu amwĩa, Ĩsũvĩe ndũkaamũtũnge mwana wakwa kũu ĩngĩ. 7Yeova, Ngai wa ĩtu, ũla wanumisye nyũmbanĩ ya asa wakwa, na kuma nthĩ ĩla nasyaĩwe, ũla waneenie nakwa, na eembĩtĩa, akyasya, Ũsyao waku ngoonenga nthĩ ĩno; we akatũma mũlaĩka wake mbee waku, naku ũkatwaĩa mwana wakwa mũka kuma kw’o. #Mwa 12.1,7; Kuma 23.20. 8Na ethĩwa mũndũ mũka ndekwenda ũkũvikĩla, ũkaekewa wĩvĩto ũũ wakwa: ĩndĩ ndũkaamũtũnge mwana wakwa kũu ĩngĩ. #Yos 2.17–20. 9Na mũthũkũmi eekĩa kw’oko kwake ungu wa waswa wa Avalaamu vwana wake, na amwĩavĩa ũndũnĩ ũsu. #Mwa 24.2.
10Na mũthũkũmi oosa ngamĩle ĩkũmi, ngamĩlenĩ sya vwana wake, na akũsya e na syĩndũ syonthe nzeo sya vwana wake kw’okonĩ kwake: na ookĩla, na aenda Mesovotamia, kũvika ndũanĩ ya Naoli. #Mwa 27.43. 11Na atulĩthya ngamĩle ndu ũtee wa ndũa kĩthimanĩ ĩvinda ya wĩoo, ĩvinda yĩla aka maendaa kũtava manzĩ. #Kuma 2.16. 12Nake asya, Ame Yeova, Ngai wa vwana wakwa Avalaamu, nĩngũũvoya, mbaĩlĩlya ũmũnthĩ, wĩke vwana wakwa Avalaamu nesa. #Mwa 24.27,42,48; 27.20. 13Sisya, nyie nĩũngamĩte nthongonĩ ya manzĩ; na eĩtu andũ ma ndũa nĩmekũka kũtava manzĩ: 14nĩkwĩthĩwe, mwĩĩtu ũla ngũmũtavya, Aũa kĩtete kyaku kya yũmba, nĩngũũvoya, nĩnyw’e; nake akambĩa, Nyw’a, na nĩngũnyithya ngamĩle syaku nasyo: ũsu nĩethĩwe ũla wamũnyuvĩe mũthũkũmi waku Isaka; nĩw’o nĩmanya kana nũmwĩkĩte vwana wakwa nesa. #Mwa 15.8; Asi 6.17–22. 15Na kweethĩwa, atanamina kũneena, sisya, Leveka aumaala, ũla wasyaĩwe Mbethueli mwana wa Milika, mũka wa Naoli, mwana‐a‐inyia wa Avalaamu, e na kĩtete kyake kĩtuonĩ kyake. #Mwa 11.29; 22.23. 16Na mwĩĩtu aĩ mwanake mũno kwa kũsiw’a, mũtheu, o na vatyaĩ mũndũ mũũme waamũmanya; nake atheea nthongonĩ, ausũsya kĩtete kyake, na ambata. #Mwa 26.7. 17Na mũthũkũmi asemba kũmũthaũa, amwĩa, Nenga nĩnyw’e, nĩngũũvoya, tũmanzĩ kuma kĩtetenĩ kyaku. 18Nake asũngĩa, Nyw’a, mwĩaĩi wakwa: nake eekalaata, na atheesya kĩtete kyake kw’okonĩ kwake, na amũnenga anyw’e. 19Na amina ũmũnenga anyw’e, amwĩa, Nĩngũtavĩa ngamĩle syaku nasyo, mũvaka ilaũke. 20Na eekalaata, oonosya kĩtete kyake mũvalatĩnĩ, na asemba ĩngĩ kĩthimanĩ kũtava, na atavĩa ngamĩle syake syonthe. 21Na ũla mũndũ amũketeea, akilĩtye, amanye kana Yeova nũmwaĩlĩlye kyalo kyake kana ti w’o. 22Na kweethĩwa, ngamĩle syalaũka, ũla mũndũ oosa ngome ya thaavu, ũito wayo nyunzu ya sekeli, na itang’a ilĩ kwondũ wa moko make ũito wa thaavu wa sekeli ĩkũmi, 23akũlya, Wĩ mwĩĩtu waũ, we? Nĩngũkwĩsũva, ndavya. Ve ũthei nyũmbanĩ ya au wa ũtũ-komya? 24Nake amũsũngĩa, Nĩ mwĩĩtu wa Mbethueli mwana wa Milika, ũla wamũsyaĩe Naoli. 25Na ĩngĩ amwĩa, Twĩ na ũa o na ũĩthyo mwĩanĩu, na ũthei wa kũmũkomya. 26Na ũla mũndũ akunamya mũtwe, na athaitha Yeova. #Mwa 24.48,52; Kuma 4.31. 27Nake asya, Nataĩwe Yeova, Ngai wa vwana wakwa Avalaamu, ũla ũtaaeka ũseo wake wĩ wendo na w’o wake kwa vwana wakwa: nakwa, Yeova nũndongoesye nzĩanĩ kũvika nyũmba ya ana‐a‐inyia ma vwana wakwa. #Mwa 24.12,48; 32.10.
28Na mwĩĩtu asemba, atavan’ya nyũmbanĩ ya inyia wake o ndeto isu. 29Na Leveka aĩ na mwana‐a‐inyia, na syĩtwa yake eetawa Lavani: na Lavani asemba vala ve ũla mũndũ, kũvika nthongonĩ. #Mwa 25.20; 28.2. 30Na kweethĩwa, yĩla wonie ngome, na itang’a mokonĩ ma mwĩĩtu‐a‐inyia, na eew’a ndeto sya Leveka, mwĩtũ‐a‐inyia, akyasya, Ũla mũndũ andavya ũna na ũna; ooka vala ve ũla mũndũ; na, sisya, aũngamĩte na ngamĩle nthongonĩ. 31Na amwĩa, Lika, we, ũathimĩtwe nĩ Yeova; ũũngamĩte nza nĩkĩ? Nũndũ nĩnzeũvisye nyũmba, na vandũ va ngamĩle. #Mwa 26.29; Asi 17.2; Lu 3.10. 32Na ũla mũndũ avota nyũmbanĩ, na athasya ngamĩle; na anenga ngamĩle ũa na ũĩthyo, na manzĩ ma ũthambya maũũ make na maũũ ma andũ ala maĩ nake. #Mwa 18.4; 43.24; Asi 19.21. 33Na vaiwa lĩu mbee wake aye: ĩndĩ asya, Ndiya, ndanatavan’ya ũndũ ndũmiwe. Na asũngĩa, Neena ĩndĩ. 34Nake asya, Nyie nĩ mũthũkũmi wa Avalaamu. 35Na Yeova nũathimĩte vwana wakwa mũno; na nũtw’ĩkĩte mũnene: nũmũnengete ndĩthya sya mbũi na malondu na sya ng’ombe, na vetha na thaavu, na athũkũmi aũme na eĩtu, na ngamĩle na mang’oi. #Mwa 13.2. 36Na Sala mũka wa vwana wakwa nĩwamũsyaĩe vwana wakwa mwana yĩla waĩ mũkũu: nake amũnengete syonthe ila wĩ nasyo. #Mwa 21.2,10; 25.5. 37Na vwana wakwa nĩwatumie nĩvĩta, akĩmbĩa, Ndũkaamũtwaĩe mwana wakwa mũka eĩtunĩ ma Akanaani, ala nĩtwĩe nthĩ yoo: #Mwa 24.3. 38ĩndĩ ũkathi nyũmbanĩ ya asa wakwa, kwa ũko wakwa, na ũkamũtwaĩe mwana wakwa mũka. 39Nakwa namwĩa vwana wakwa, Nokwĩthĩwa mũndũ mũka atakambikĩla. 40Nake ambĩa, Yeova, ũla nĩendaa mbee wake, akatũma mũlaĩka wake vamwe naku, akwaĩlĩlye nzĩa yaku; naku ũkamũtwaĩa mwana wakwa mũka wa ũko wakwa, na wa nyũmba ya asa wakwa: #Mwa 17.1; 24.7. 41nĩvo wĩekewa wĩvĩto wakwa, wavika kwa ũko wakwa; na malea ũkũnenga, ũkaekewa wĩvĩto wakwa. #Mwa 24.8. 42Na nĩnũkie mũnthĩ ũũ nthongonĩ, nasya, Ame Yeova, Ngai wa vwana wakwa Avalaamu, ethĩwa yu nũũmbaĩlĩlya nzĩa yakwa ĩla nĩendaa: #Mwa 24.12,21. 43sisya, nĩũngamĩte nthongonĩ ya manzĩ; na nĩkwĩthĩwe, mwĩĩtu ũla ũnũũka kũtava, ũla ngũmwĩa, Nenga nĩnyw’e, nĩngũũvoya, tũmanzĩ kuma kĩtetenĩ kyaku: #Mwa 24.13,14. 44nake akambĩa, Nyw’a, we, na ngamĩle syaku nasyo nĩngwitavĩa: ũsu nĩethĩwe mũndũ mũka ũla Yeova ũnyuvĩe mwana wa vwana wakwa. 45Na ndanamina kũneena ngoonĩ yakwa, sisya, Leveka aumaala na kĩtete kyake kĩtuonĩ kyake; na atheea nthongonĩ, na atava: nakwa namwĩa, Nenga nĩnyw’e, nĩngũkwĩsũva. #Mwa 24.15–17. 46Nake eekalaata, atheesya kĩtete kyake kuma kĩtuonĩ kyake, na ambĩa, Nyw’a, na nĩngũnyithya ngamĩle syaku nasyo: nakwa nanyw’a, na anyithya ngamĩle nasyo. #Mwa 24.18–20. 47Na namũkũlya, nasya, Wĩ mwĩĩtu waũ, we? Nake asũngĩa, Nĩ mwĩĩtu wa Mbethueli, mwana wa Naoli, ũla Milika wamũsyaĩe: nakwa namwĩkĩa ngome ĩnyiũũ, na itang’a moko. #Esek 16.11,12. 48Nakwa nakunamya mũtwe, nathaĩtha Yeova, na nataĩa Yeova, Ngai wa vwana wakwa Avalaamu, ũla wandongoesye nzĩanĩ ya w’o nĩmũtwaĩe mwana wa vwana wakwa mwĩĩtu wa mwana‐a‐inyia wake. #Mwa 22.23; 24.26,27; Isa 48.17. 49Na yu ĩndĩ ethĩwa mũkeeka vwana wakwa nesa na w’o, ndavyai: na ethĩwa ti w’o, ndavyai; nĩthyũũe kw’okonĩ kwa aũme, kana kwa aka. #Mwa 47.29; Yos 2.14.
50Nĩvo Lavani na Mbethueli masũngĩie na masya, Ũndũ ũũ wumĩte kwa Yeova: tũitonya kũneena naku ũthũku kana ũseo. #Mwa 31.24; Sav 118.23. 51Sisya, Leveka e mbee waku, mwose, ũende, ethĩwe mũka wa mwana wa vwana waku, o tondũ Yeova waĩtye. #Mwa 24.42–46. 52Na kweethĩwa, mũthũkũmi wa Avalaamu eew’a ndeto syoo, eekunamĩsya Yeova kũvika nthĩ. #Mwa 24.26. 53Na ũla mũthũkũmi aumya mĩio ya wanake ya vetha, na thaavu, na ngũa, na amũnenga Leveka: o na mwana‐a‐inyia na inyia amanenga syĩndũ syĩ vata mũno. 54Nao maya na manyw’a, we na andũ ala maĩ vamwe nake, na mekala ũtukũ w’onthe; na mookĩla kĩoko, nake asya, Ekai nĩthi kwa vwana wakwa. 55Na mwana‐a‐inyia na inyia masya, Mwĩĩtu ekale naitũ matukũ mavũthũ, ta ĩkũmi; ĩtina wa ũu akathi. 56Na amea, Mũikanziĩĩe, nũndũ Yeova nũmbaĩlĩlye nzĩa yakwa; ekai nĩthi kwa vwana wakwa. 57Nao masya, Nĩtũkwĩta mwĩĩtu, tũmũkũlye ũndũ ũnũkwasya. 58Na mamwĩta Leveka, mamũkũlya, Nũkũenda na mũndũ ũũ? Nake asũngĩa, Nĩngũthi. 59Na maeka Leveka mwĩĩtu‐a‐inyia woo athi, na mũei wake, na mũthũkũmi wa Avalaamu, na andũ make. #Mwa 35.8. 60Na maathima Leveka, mamwĩa, We mwĩĩtu‐a‐ia, wĩthĩwe wĩ inyia wa ngili kũndũ ngili makũmi, na ũsyao waku nĩũmesye mbingĩlo ya ala mamamenaa. #Mwa 17.16; 22.17.
61Na Leveka ookĩla, na athũkũmi make eĩtu, na matũla ngamĩle, mamũvikĩla ũla mũndũ: na mũthũkũmi oosa Leveka, akwata nzĩa yake athi. 62Na Isaka ooka na nzĩa ya Mbeeli‐laai‐loi; nũndũ atũaa nthĩ ya ngalĩ ya Ĩtheo. #Mwa 16.14; 25.11. 63Na Isaka aumaala akasũanĩe kĩsesinĩ wĩoo: na ookĩlya metho, oona, na, sisya, kwaĩ ngamĩle syũkĩte. 64Na Leveka ookĩlya metho, na oona Isaka, auma ngamĩlenĩ. 65Na amũkũlya mũthũkũmi, Mũndũ ũya nũũ ũnũkũtambũka kĩsesinĩ atũthaũĩte? Na ũla mũthũkũmi amwĩa, Nĩwe vwana wakwa: na oosa suka wake mũvũthũ, eekunĩkĩlya. 66Na ũ mũthũkũmi atavya Isaka maũndũ onthe ala wĩkĩte. 67Na Isaka amũete ĩeemanĩ ya inyia wake Sala, na oosa Leveka, na atw’ĩka mũka wake; na amwenda: na Isaka akiakiw’a ĩtina wa kĩkw’ũ kya inyia wake. #Mwa 23.2.
Currently Selected:
:
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956