MWAMBĨLĨLYO 25
25
Ũsyao wa Avalaamu na Ketula
(1 MAVINDA 1.32–33)
1Na Avalaamu atwaa mũka ũngĩ, na syĩtwa yake eetawa Ketula. #1 Mav 1.32,33. 2Nake amũsyaĩa Nzimilani, na Yokisani, na Metani, na Mitiani, na Isivaki, na Suua. 3Na Yokisani asyaa Sieva, na Ndetani. Na ana ma Ndetani maĩ Aasuli, na Aletusi, na Aleumi. 4Na ana ma Mitiani: Evaa, na Evieli, na Anoki, na Avita, na Elitaa. Asu onthe maĩ ana ma Ketula. 5Na Avalaamu anenga Isaka syonthe ila waĩ nasyo. #Mwa 24.36. 6Ĩndĩ ana ma aka ngombo, ala Avalaamu waĩ nao, Avalaamu amanenga mĩthĩnzĩo; nake e thayũ, amea mathi kũasa na Isaka mwana wake, melekele wumĩlonĩ wa syũa, kũvika nthĩ ya wumĩlonĩ wa syũa.
Kĩkw’ũ na kũthikwa kwa Avalaamu
7Aa nĩmo matukũ ma myaka ya thayu wa Avalaamu ala wekalile, myaka ĩana na mĩongo mũonza na ĩtano. 8Na Avalaamu aumwa nĩ veva, akw’a ũkũunĩ mũseo, e mũtumĩu mũno, na wa myaka mingĩ, na oombanw’a vamwe na andũ make. #Mwa 15.15; 25.17; Asi 2.10. 9Na Isaka na Isumaeli, ana make, mamũthika ngungani yĩ Makivela, kĩsesinĩ kya Eveloni mwana wa Nzooali, Mũititi, kĩla kĩ mbee wa Mamile; #Mwa 23.16–19. 10kĩsesi kĩla Avalaamu wathooee ana ma Ethi: nĩvo Avalaamu wathikiwe, na Sala mũka wake. 11Na kweethĩwa, ĩtina wa kĩkw’ũ kya Avalaamu, Ngai aathima Isaka mwana wake: na Isaka atũaa ku Mbeeli‐laai‐loi. #Mwa 24.62.
Mosyaanĩo ma Isumaeli
(1 MAVINDA 1.28–31)
12Na yu ĩndĩ aa nĩmo mosyaanĩo ma Isumaeli, mwana wa Avalaamu, ũla Akali, Mũmisili, mũthũkũmi wa Sala mwĩĩtu, wamũsyaĩe Avalaamu: #Mwa 16.15. 13na aa nĩmo masyĩtwa ma ana ma Isumaeli, masyĩtwa moo, kũatĩĩa mosyaanĩo moo: ĩkithathi ya Isumaeli, Nevaiothi; na Ketali, na Ativeeli, na Mivisamu, #1 Mav 1.29–31. 14na Misima, na Nduma, na Masa, 15na Aatati, na Tema, na Yetuli, na Navisi, na Ketema: 16asu nĩo ana ma Isumaeli, na asu nĩo masyĩtwa moo, kũatĩĩa mĩsyĩ yoo, na motũo moo; anene ĩkũmi na elĩ kũatĩĩa mbaĩ syoo. #Mwa 17.20. 17Na ĩno nĩyo myaka ya thayũ wa Isumaeli, myaka ĩana na mĩongo ĩtatũ na mũonza: nake aumwa nĩ veva na akw’a, an oombanw’a vamwe na andũ make. #Mwa 25.8. 18Na matũaa kuma Avila kũvika Suli ũla welekele Misili, ũendete Asuli: atũaa elekanĩle na ana‐a‐inyia make onthe. #Mwa 16.12; 1 Sam 15.7.
Kũsyawa kwa Esau na Yakovo
19Na aa nĩmo mosyaanĩo ma Isaka, mwana wa Avalaamu: Avalaamu asyaa Isaka: #Mt 1.2. 20na Isaka aĩ wa myaka mĩongo ĩna yila wamũtwaie Leveka, mwĩĩtu wa Mbethueli, Mũsilia wa Vatani‐alamu, mwĩĩtu‐a‐inyia wa Lavani, Mũsilia, ethĩwe mũka wake. #Mwa 24.24,29,67. 21Na Isaka eesũva Yeova kwondũ wa mũka wake, nũndũ aĩ ngũngũ: na Yeova eesũvĩka, na Leveka mũka wake aya ĩvu. #2 Sam 24.25; 1 Mav 5.20; 2 Mav 33.13; Esa 8.23. 22Na syana syakĩlan’ya vinya nthĩnĩ wake; na asya, Ethĩwa nũu, nĩkĩ ngwĩkala thayũ? Na aenda akũlya Yeova. #1 Sam 9.9; 10.22. 23Na Yeova amwĩa,
Mbaĩ ilĩ syĩ ĩvunĩ yaku,
Na ngo ilĩ sya andũ ikauma ĩvunĩ yaku ivathũkanĩte:
Na ũko ũmwe ũkeethĩwa na vinya kũte ũko ũla ũngĩ;
Na ũla mũkũũ akathũkũma ũla mũnini. #Mwa 17.16; 24.60; 27.29,40; 2 Sam 8.14; Alo 9.12.
24Na yĩla matukũ make ma kũsyaa meanĩie, sisya, vaĩ mavatha ĩvunĩ yake. 25Na ũla wa mbee auma e mũtune, ta ngũa ya w’ĩa, kw’onthe; na mamwĩta syĩtwa yake Esau. #Mwa 27.11. 26Na ĩtina wa ũu mwana‐a‐inyia auma, na kw’oko kwake kwakwete Esau kĩtiinyo; na syĩtwa yake eetwa Yakovo: na Isaka aĩ wa myaka mĩongo thanthatũ yĩla Leveka wamasyaie. #Mwa 27.36; Osea 12.3.
Esau aithoosya ũkithathi wake
27Na ivĩsĩ syeana: na Esau aĩ mũsyĩmi mwai, mũndũ wa kĩsesi; na Yakovo ai mũndũ mũuu, ekalaa maeemanĩ. #Mwa 27.3,5. 28Na ĩndĩ Isaka amwendaa Esau, nũndũ aĩsaa nyama sya nzyĩma yake: na Leveka amwendaa Yakovo. #Mwa 27.4,7. 29Na Yakovo aua ũsũũ: na Esau auma kĩthekanĩ, na aĩ mũnyalu: 30na Esau amwĩa Yakovo, Ngathĩsya, nĩngũkwĩsũva, ũsũũ ũsu mũtune; nũndũ nĩ mũnyalu: kwondũ wa ũu syĩtwa yake eetwa Etomu. 31Na Yakovo amwĩa, Amba ũnthooesya ũkithathi waku. 32Na Esau asũngĩa, Sisya, ngilĩlye ũkw’a: na ũkithathi ũkanguna na kyaũ? 33Na Yakovo amwĩa, Amba kwĩmbĩtĩa; nake amwĩvĩtĩa: na athooesya Yakovo ũkithathi wake. #Aevl 12.16. 34Na Yakovo amũnenga Esau kĩmũtũ na ũsũũ wa ndengũ; nake aya na anyw’a, na ookĩla, na akwata nzĩa yake, na athi: ũu nĩw’o Esau wavũthisye ũkithathi wake.
Currently Selected:
MWAMBĨLĨLYO 25: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MWAMBĨLĨLYO 25
25
Ũsyao wa Avalaamu na Ketula
(1 MAVINDA 1.32–33)
1Na Avalaamu atwaa mũka ũngĩ, na syĩtwa yake eetawa Ketula. #1 Mav 1.32,33. 2Nake amũsyaĩa Nzimilani, na Yokisani, na Metani, na Mitiani, na Isivaki, na Suua. 3Na Yokisani asyaa Sieva, na Ndetani. Na ana ma Ndetani maĩ Aasuli, na Aletusi, na Aleumi. 4Na ana ma Mitiani: Evaa, na Evieli, na Anoki, na Avita, na Elitaa. Asu onthe maĩ ana ma Ketula. 5Na Avalaamu anenga Isaka syonthe ila waĩ nasyo. #Mwa 24.36. 6Ĩndĩ ana ma aka ngombo, ala Avalaamu waĩ nao, Avalaamu amanenga mĩthĩnzĩo; nake e thayũ, amea mathi kũasa na Isaka mwana wake, melekele wumĩlonĩ wa syũa, kũvika nthĩ ya wumĩlonĩ wa syũa.
Kĩkw’ũ na kũthikwa kwa Avalaamu
7Aa nĩmo matukũ ma myaka ya thayu wa Avalaamu ala wekalile, myaka ĩana na mĩongo mũonza na ĩtano. 8Na Avalaamu aumwa nĩ veva, akw’a ũkũunĩ mũseo, e mũtumĩu mũno, na wa myaka mingĩ, na oombanw’a vamwe na andũ make. #Mwa 15.15; 25.17; Asi 2.10. 9Na Isaka na Isumaeli, ana make, mamũthika ngungani yĩ Makivela, kĩsesinĩ kya Eveloni mwana wa Nzooali, Mũititi, kĩla kĩ mbee wa Mamile; #Mwa 23.16–19. 10kĩsesi kĩla Avalaamu wathooee ana ma Ethi: nĩvo Avalaamu wathikiwe, na Sala mũka wake. 11Na kweethĩwa, ĩtina wa kĩkw’ũ kya Avalaamu, Ngai aathima Isaka mwana wake: na Isaka atũaa ku Mbeeli‐laai‐loi. #Mwa 24.62.
Mosyaanĩo ma Isumaeli
(1 MAVINDA 1.28–31)
12Na yu ĩndĩ aa nĩmo mosyaanĩo ma Isumaeli, mwana wa Avalaamu, ũla Akali, Mũmisili, mũthũkũmi wa Sala mwĩĩtu, wamũsyaĩe Avalaamu: #Mwa 16.15. 13na aa nĩmo masyĩtwa ma ana ma Isumaeli, masyĩtwa moo, kũatĩĩa mosyaanĩo moo: ĩkithathi ya Isumaeli, Nevaiothi; na Ketali, na Ativeeli, na Mivisamu, #1 Mav 1.29–31. 14na Misima, na Nduma, na Masa, 15na Aatati, na Tema, na Yetuli, na Navisi, na Ketema: 16asu nĩo ana ma Isumaeli, na asu nĩo masyĩtwa moo, kũatĩĩa mĩsyĩ yoo, na motũo moo; anene ĩkũmi na elĩ kũatĩĩa mbaĩ syoo. #Mwa 17.20. 17Na ĩno nĩyo myaka ya thayũ wa Isumaeli, myaka ĩana na mĩongo ĩtatũ na mũonza: nake aumwa nĩ veva na akw’a, an oombanw’a vamwe na andũ make. #Mwa 25.8. 18Na matũaa kuma Avila kũvika Suli ũla welekele Misili, ũendete Asuli: atũaa elekanĩle na ana‐a‐inyia make onthe. #Mwa 16.12; 1 Sam 15.7.
Kũsyawa kwa Esau na Yakovo
19Na aa nĩmo mosyaanĩo ma Isaka, mwana wa Avalaamu: Avalaamu asyaa Isaka: #Mt 1.2. 20na Isaka aĩ wa myaka mĩongo ĩna yila wamũtwaie Leveka, mwĩĩtu wa Mbethueli, Mũsilia wa Vatani‐alamu, mwĩĩtu‐a‐inyia wa Lavani, Mũsilia, ethĩwe mũka wake. #Mwa 24.24,29,67. 21Na Isaka eesũva Yeova kwondũ wa mũka wake, nũndũ aĩ ngũngũ: na Yeova eesũvĩka, na Leveka mũka wake aya ĩvu. #2 Sam 24.25; 1 Mav 5.20; 2 Mav 33.13; Esa 8.23. 22Na syana syakĩlan’ya vinya nthĩnĩ wake; na asya, Ethĩwa nũu, nĩkĩ ngwĩkala thayũ? Na aenda akũlya Yeova. #1 Sam 9.9; 10.22. 23Na Yeova amwĩa,
Mbaĩ ilĩ syĩ ĩvunĩ yaku,
Na ngo ilĩ sya andũ ikauma ĩvunĩ yaku ivathũkanĩte:
Na ũko ũmwe ũkeethĩwa na vinya kũte ũko ũla ũngĩ;
Na ũla mũkũũ akathũkũma ũla mũnini. #Mwa 17.16; 24.60; 27.29,40; 2 Sam 8.14; Alo 9.12.
24Na yĩla matukũ make ma kũsyaa meanĩie, sisya, vaĩ mavatha ĩvunĩ yake. 25Na ũla wa mbee auma e mũtune, ta ngũa ya w’ĩa, kw’onthe; na mamwĩta syĩtwa yake Esau. #Mwa 27.11. 26Na ĩtina wa ũu mwana‐a‐inyia auma, na kw’oko kwake kwakwete Esau kĩtiinyo; na syĩtwa yake eetwa Yakovo: na Isaka aĩ wa myaka mĩongo thanthatũ yĩla Leveka wamasyaie. #Mwa 27.36; Osea 12.3.
Esau aithoosya ũkithathi wake
27Na ivĩsĩ syeana: na Esau aĩ mũsyĩmi mwai, mũndũ wa kĩsesi; na Yakovo ai mũndũ mũuu, ekalaa maeemanĩ. #Mwa 27.3,5. 28Na ĩndĩ Isaka amwendaa Esau, nũndũ aĩsaa nyama sya nzyĩma yake: na Leveka amwendaa Yakovo. #Mwa 27.4,7. 29Na Yakovo aua ũsũũ: na Esau auma kĩthekanĩ, na aĩ mũnyalu: 30na Esau amwĩa Yakovo, Ngathĩsya, nĩngũkwĩsũva, ũsũũ ũsu mũtune; nũndũ nĩ mũnyalu: kwondũ wa ũu syĩtwa yake eetwa Etomu. 31Na Yakovo amwĩa, Amba ũnthooesya ũkithathi waku. 32Na Esau asũngĩa, Sisya, ngilĩlye ũkw’a: na ũkithathi ũkanguna na kyaũ? 33Na Yakovo amwĩa, Amba kwĩmbĩtĩa; nake amwĩvĩtĩa: na athooesya Yakovo ũkithathi wake. #Aevl 12.16. 34Na Yakovo amũnenga Esau kĩmũtũ na ũsũũ wa ndengũ; nake aya na anyw’a, na ookĩla, na akwata nzĩa yake, na athi: ũu nĩw’o Esau wavũthisye ũkithathi wake.
Currently Selected:
:
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956