MWAMBĨLĨLYO 26
26
Isaka e Ngelali na Mbeeli‐sieva
1Na kwaĩ yũa nthĩ, eka yũa ya mbee yĩla yaĩ matukũ ma Avalaamu. Na Isaka aenda kwa Avimeleki mũsumbĩ wa Avilisiti, kũvika Ngelali. #Mwa 12.10; 20.2. 2Na Yeova amumĩlĩla, na amwĩa, Ndũkatheee Misili; tũa nthĩ ĩla ngũũtavya: #Mwa 12.1. 3ĩkalaa ũeni nthĩ ĩno, nakwa ngeethĩwa vamwe naku, na ngakũathima; nũndũ nthĩ ii syonthe ngakũnenga, we na ũsyao waku, na ngalũlũmĩlya wĩvĩto ũla neevĩtĩe Avalaamu ĩthe waku; #Mwa 13.15; 22.16–18; 28.15. 4na ngaingĩvya ũsyao waku ta ndata sya ĩtunĩ, na nganenga ũsyao waku nthĩ ii syonthe; na ũsyaonĩ waku mbaĩ syonthe sya nthĩ ikaathimwa; #Mwa 12.3; 15.5; Kuma 32.13. 5nĩkwĩthĩwa Avalaamu nĩwew’aa wasya wakwa, na asũvĩaa wĩaĩo wakwa, na myamũlo yakwa, na motw’ĩo makwa, na mĩao yakwa. #Mwa 22.18. 6Na Isaka atũaa Ngelali: 7na andũ ma vandũ vau mamũkũlya ũndũ wa mũka wake; nake amea, Nĩ mwĩĩtu‐a‐ia: nũndũ akĩaa kwasya, Nĩ mũka wakwa; akĩsũanĩa, andũ ma vandũ vau maikese ũmbũaa nũndũ wa Leveka; nũndũ aĩ mwanake kwa kũsiw’a. #Mwa 12.13; 20.2; 24.16; Nth 29.25. 8Na kweethĩwa, ekalĩte vo ĩvinda ĩasa, Avimeleki mũsumbĩ wa Avilisiti asyaĩlya mbũthinĩ, na oona, na, sisya, Isaka nĩwathaũkaa na Leveka mũka wake. 9Na Avimeleki amwĩta Isaka, amwĩa, Sisya, nĩ w’o ũsu nĩ mũka waku: nũndũ wa kĩ waisye, Nĩ mwĩĩtu‐a‐ia? Na Isaka amwĩa, Nũndũ nĩnaisye, Ndikese ũkw’a nũndũ wake. 10Na Avimeleki akũlya, Nata ũndũ ũsu ũtwĩkĩte? Ũmwe wa kwitũ anaĩ atonya kũkoma na mũka waku, naku wĩthĩwa watũetee ũthũku kwitũ. #Mwa 20.9. 11Na Avimeleki ameaĩa andũ onthe, akĩmea, Ũla ũkakiita mũndũ ũũ kana mũka wake ndakatĩa kũawa.
12Na Isaka avanda nthĩ ĩsu, na oona mwaka ũsu kũndũ ĩana: na Yeova amũathima. #Mwa 26.3; Nth 10.22. 13Na mũndũ ũsu aingĩvĩwa mũno, na aendeea kwingĩvĩwa mũvaka atw’ĩka mũnene mũno: 14na aĩ na ũthwii wa ndĩthya sya mbũi na malondu, na ũthwii wa ndĩthya sya ng’ombe, na andũ aingĩ ma nyũmba: na Avilisiti mamwĩw’ĩa kĩwĩu. #Mũta 4.4. 15Na ĩndĩ ithima syonthe ila athũkũmi ma ĩthe wake menzie matukũ ma ĩthe wake Avalaamu, Avilisiti nĩmailindĩte, na kũsyusũsya mũthanga. #Mwa 21.30. 16Na Avimeleki amwĩa Isaka, Uma kwitũ; nũndũ wĩ vinya mũno kwĩ ithyĩ. 17Na Isaka auma kũu, na aaka maeema mwandanĩ wa Ngelali, na atũa kw’o.
18Na Isaka avukũa ĩngĩ ithima sya manzĩ, ila menzĩte matukũ ma Avalaamu ĩthe wake; nũndũ Avilisiti nĩmailindile Avalaamu akw’a: na asyĩta masyĩtwa masyo kũatĩĩa masyĩtwa ala syeetawa nĩ ĩthe. #Mwa 21.31. 19Na athũkũmi ma Isaka menza mwandanĩ, na vo moona kĩthima kya manzĩ meũvulutya. 20Na aĩthi ma Ngelali matetan’ya na aĩthi ma Isaka, makĩmea, Manzĩ nĩ maitũ: na akĩta kĩthima syĩtwa yakyo Esekĩ, nĩkwĩthĩwa nĩmatetanisye nake. #Mwa 21.25. 21Na menza kĩthima kĩngĩ, nakyo makĩtetanĩsya: na akĩta syĩtwa yakyo Sitina. 22Na auma ku, enza kĩthima kĩngĩ; na kyu maiaakĩtetanĩsya: na akĩta syĩtwa yakyo Leovothi; na asya, Nũndũ yu Yeova nũtwonee ũthei, naitũ tũkongeleka ĩ nthĩ.
23Na ambata kuma vau kũvika Mbeeli‐sieva. 24Na Yeova amumĩlĩla o ũtukũ ũsu, na amwĩa, Ninyie Ngai wa Avalaamu ĩthe waku: ndũkakĩe, nũndũ nĩ vamwe naku, nakwa ngakũathima, na kwingĩvya ũsyao waku kwondũ wa muthũkũmi wakwa Avalaamu. #Mwa 15.1; 17.7; 24.12; 28.13,15; Kuma 3.6. 25Na aaka kĩthembeo vau, na eekaĩla syĩtwa ya Yeova, na amba ĩeema yake vo: na athũkũmi ma Isaka menza kĩthima vo. #Mwa 12.7; 13.18; Sav 116.17.
Mwĩw’ano katĩ wa Isaka na Avimeleki
26Na ĩndĩ Avimeleki aenda vala ũĩ kuma Ngelali, e na Ausathi mũnyanyae, na Vikoli kavuteni wa nguthu yake. #Mwa 21.22. 27Na Isaka amakũlya, Mwambũkĩa nyie nĩkĩ, nũndũ nĩmũũmena, na nĩmwanumisye kwenyu? #Mwa 26.16; Asi 11.7. 28Nao masũngĩa, Nĩtwoonie ki kana Yeova aĩ vamwe naku: na twasya, Vethĩwe wĩvĩto katĩ waitũ, o katĩ waitũ naku, na tũtianĩe ũtianĩo naku, #Mwa 21.22,23. 29kana ndũkatwĩka ũthũku, tondũ ithyĩ tũtaakũkiita, na tondũ ithyĩ tũtaakwĩka ũndũ ate o ũseo, na twakumya kwitũ na mũuo: naku yu wĩ mũathimwa wa Yeova. #Mwa 24.31. 30Na amavokea mboka, na maya na manyw’a. 31Na mookĩla kĩoko tene, meeavanĩa kĩla mũndũ na ũla ũngĩ: na Isaka amaeka mathi, na mauma kwake na mũuo. #Mwa 21.31. 32Na kweethĩwa mũthenya o ũsu athũkũmi ma Isaka mooka, na mamũtavya ũvoo wa kĩthima kĩla menzie, mamwĩa, Nĩtwonie manzĩ. 33Na akĩta Siva: kwondũ wa ũu syĩtwa ya ndũa ĩsu nĩ Mbeeli‐sieva kũvika mũnthĩ ũũ. #Mwa 21.31.
34Na yĩla Esau waĩ wa myaka mĩongo ĩna atwaa Yutithi mwĩĩtu wa Veeli, Mũititi, na Mbasemathi mwĩĩtu wa Eloni, Mũititi: 35na asu maĩ woo vevanĩ kwa Isaka na kwa Leveka. #Mwa 27.46; 28.1,8,9.
Currently Selected:
MWAMBĨLĨLYO 26: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MWAMBĨLĨLYO 26
26
Isaka e Ngelali na Mbeeli‐sieva
1Na kwaĩ yũa nthĩ, eka yũa ya mbee yĩla yaĩ matukũ ma Avalaamu. Na Isaka aenda kwa Avimeleki mũsumbĩ wa Avilisiti, kũvika Ngelali. #Mwa 12.10; 20.2. 2Na Yeova amumĩlĩla, na amwĩa, Ndũkatheee Misili; tũa nthĩ ĩla ngũũtavya: #Mwa 12.1. 3ĩkalaa ũeni nthĩ ĩno, nakwa ngeethĩwa vamwe naku, na ngakũathima; nũndũ nthĩ ii syonthe ngakũnenga, we na ũsyao waku, na ngalũlũmĩlya wĩvĩto ũla neevĩtĩe Avalaamu ĩthe waku; #Mwa 13.15; 22.16–18; 28.15. 4na ngaingĩvya ũsyao waku ta ndata sya ĩtunĩ, na nganenga ũsyao waku nthĩ ii syonthe; na ũsyaonĩ waku mbaĩ syonthe sya nthĩ ikaathimwa; #Mwa 12.3; 15.5; Kuma 32.13. 5nĩkwĩthĩwa Avalaamu nĩwew’aa wasya wakwa, na asũvĩaa wĩaĩo wakwa, na myamũlo yakwa, na motw’ĩo makwa, na mĩao yakwa. #Mwa 22.18. 6Na Isaka atũaa Ngelali: 7na andũ ma vandũ vau mamũkũlya ũndũ wa mũka wake; nake amea, Nĩ mwĩĩtu‐a‐ia: nũndũ akĩaa kwasya, Nĩ mũka wakwa; akĩsũanĩa, andũ ma vandũ vau maikese ũmbũaa nũndũ wa Leveka; nũndũ aĩ mwanake kwa kũsiw’a. #Mwa 12.13; 20.2; 24.16; Nth 29.25. 8Na kweethĩwa, ekalĩte vo ĩvinda ĩasa, Avimeleki mũsumbĩ wa Avilisiti asyaĩlya mbũthinĩ, na oona, na, sisya, Isaka nĩwathaũkaa na Leveka mũka wake. 9Na Avimeleki amwĩta Isaka, amwĩa, Sisya, nĩ w’o ũsu nĩ mũka waku: nũndũ wa kĩ waisye, Nĩ mwĩĩtu‐a‐ia? Na Isaka amwĩa, Nũndũ nĩnaisye, Ndikese ũkw’a nũndũ wake. 10Na Avimeleki akũlya, Nata ũndũ ũsu ũtwĩkĩte? Ũmwe wa kwitũ anaĩ atonya kũkoma na mũka waku, naku wĩthĩwa watũetee ũthũku kwitũ. #Mwa 20.9. 11Na Avimeleki ameaĩa andũ onthe, akĩmea, Ũla ũkakiita mũndũ ũũ kana mũka wake ndakatĩa kũawa.
12Na Isaka avanda nthĩ ĩsu, na oona mwaka ũsu kũndũ ĩana: na Yeova amũathima. #Mwa 26.3; Nth 10.22. 13Na mũndũ ũsu aingĩvĩwa mũno, na aendeea kwingĩvĩwa mũvaka atw’ĩka mũnene mũno: 14na aĩ na ũthwii wa ndĩthya sya mbũi na malondu, na ũthwii wa ndĩthya sya ng’ombe, na andũ aingĩ ma nyũmba: na Avilisiti mamwĩw’ĩa kĩwĩu. #Mũta 4.4. 15Na ĩndĩ ithima syonthe ila athũkũmi ma ĩthe wake menzie matukũ ma ĩthe wake Avalaamu, Avilisiti nĩmailindĩte, na kũsyusũsya mũthanga. #Mwa 21.30. 16Na Avimeleki amwĩa Isaka, Uma kwitũ; nũndũ wĩ vinya mũno kwĩ ithyĩ. 17Na Isaka auma kũu, na aaka maeema mwandanĩ wa Ngelali, na atũa kw’o.
18Na Isaka avukũa ĩngĩ ithima sya manzĩ, ila menzĩte matukũ ma Avalaamu ĩthe wake; nũndũ Avilisiti nĩmailindile Avalaamu akw’a: na asyĩta masyĩtwa masyo kũatĩĩa masyĩtwa ala syeetawa nĩ ĩthe. #Mwa 21.31. 19Na athũkũmi ma Isaka menza mwandanĩ, na vo moona kĩthima kya manzĩ meũvulutya. 20Na aĩthi ma Ngelali matetan’ya na aĩthi ma Isaka, makĩmea, Manzĩ nĩ maitũ: na akĩta kĩthima syĩtwa yakyo Esekĩ, nĩkwĩthĩwa nĩmatetanisye nake. #Mwa 21.25. 21Na menza kĩthima kĩngĩ, nakyo makĩtetanĩsya: na akĩta syĩtwa yakyo Sitina. 22Na auma ku, enza kĩthima kĩngĩ; na kyu maiaakĩtetanĩsya: na akĩta syĩtwa yakyo Leovothi; na asya, Nũndũ yu Yeova nũtwonee ũthei, naitũ tũkongeleka ĩ nthĩ.
23Na ambata kuma vau kũvika Mbeeli‐sieva. 24Na Yeova amumĩlĩla o ũtukũ ũsu, na amwĩa, Ninyie Ngai wa Avalaamu ĩthe waku: ndũkakĩe, nũndũ nĩ vamwe naku, nakwa ngakũathima, na kwingĩvya ũsyao waku kwondũ wa muthũkũmi wakwa Avalaamu. #Mwa 15.1; 17.7; 24.12; 28.13,15; Kuma 3.6. 25Na aaka kĩthembeo vau, na eekaĩla syĩtwa ya Yeova, na amba ĩeema yake vo: na athũkũmi ma Isaka menza kĩthima vo. #Mwa 12.7; 13.18; Sav 116.17.
Mwĩw’ano katĩ wa Isaka na Avimeleki
26Na ĩndĩ Avimeleki aenda vala ũĩ kuma Ngelali, e na Ausathi mũnyanyae, na Vikoli kavuteni wa nguthu yake. #Mwa 21.22. 27Na Isaka amakũlya, Mwambũkĩa nyie nĩkĩ, nũndũ nĩmũũmena, na nĩmwanumisye kwenyu? #Mwa 26.16; Asi 11.7. 28Nao masũngĩa, Nĩtwoonie ki kana Yeova aĩ vamwe naku: na twasya, Vethĩwe wĩvĩto katĩ waitũ, o katĩ waitũ naku, na tũtianĩe ũtianĩo naku, #Mwa 21.22,23. 29kana ndũkatwĩka ũthũku, tondũ ithyĩ tũtaakũkiita, na tondũ ithyĩ tũtaakwĩka ũndũ ate o ũseo, na twakumya kwitũ na mũuo: naku yu wĩ mũathimwa wa Yeova. #Mwa 24.31. 30Na amavokea mboka, na maya na manyw’a. 31Na mookĩla kĩoko tene, meeavanĩa kĩla mũndũ na ũla ũngĩ: na Isaka amaeka mathi, na mauma kwake na mũuo. #Mwa 21.31. 32Na kweethĩwa mũthenya o ũsu athũkũmi ma Isaka mooka, na mamũtavya ũvoo wa kĩthima kĩla menzie, mamwĩa, Nĩtwonie manzĩ. 33Na akĩta Siva: kwondũ wa ũu syĩtwa ya ndũa ĩsu nĩ Mbeeli‐sieva kũvika mũnthĩ ũũ. #Mwa 21.31.
34Na yĩla Esau waĩ wa myaka mĩongo ĩna atwaa Yutithi mwĩĩtu wa Veeli, Mũititi, na Mbasemathi mwĩĩtu wa Eloni, Mũititi: 35na asu maĩ woo vevanĩ kwa Isaka na kwa Leveka. #Mwa 27.46; 28.1,8,9.
Currently Selected:
:
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956