MWAMBĨLĨLYO 28:20-22

Na Yakovo eevĩta, akyasya, Ethĩwa Ngai akeethĩwa vamwe nakwa, na akĩnzũvĩa nzĩanĩ ĩno ĩla nĩendele, na kũnenga lĩu nĩye, na ngũa sya kwĩkĩa, nĩ kana nĩsyoke ĩngĩ na mũuo nyũmbanĩ ya nau, nĩvo ĩndĩ Yeova ũkethĩwa Ngai wakwa, nayo ĩvia yĩĩ yĩla naũngamya ta kĩtuĩ, yĩkeethĩwa nyũmba ya Ngai: na ndikatĩa ũkũnengae, we, kĩlungu kya ĩkũmi kya kyonthe kĩla ũkanenga.