MWAMBĨLĨLYO 34
34
Kũvukw’a kwa Ndina kũiĩvanĩw’a
1Na Ndina mwĩĩtu wa Lea, ũla wamũsyaĩe Yakovo, aumaala kũsisya eĩtu ma nthĩ ĩsu. #Mwa 30.21. 2Na Sekemu mwana wa Amolu Mũivi, mũnene wa nthĩ ĩsu, amwona; na amwosa, na akoma nake, na amũthũkya. 3Na ngoo yake yalũman’ya na Ndina mwĩĩtu wa Yakovo, na amwenda ũla mwĩĩtu, na amũneenea ũla mwĩĩtu nesa. #Isa 40.2; Osea 2.14. 4Na Sekemu aneena na Amolu ĩthe wake, akĩmwĩa, Mbĩvaĩsya mwĩĩtu ũũ. #Asi 14.2. 5Na ĩndĩ Yakovo eew’a kana nũvukĩtye mwĩĩtu wake Ndina; na ana make maĩ na indo syake kĩsesinĩ: na Yakovo akilya kũvika masyoka. 6Na Amolu ĩthe wa Sekemu aumaala athi kwa Yakovo kũneenan’ya nake. 7Na ana ma Yakovo mooka kuma kĩsesinĩ yĩla meewie ũu: na aũme asu meew’a woo, na maĩ athilĩku mũno, nũndũ nĩwĩkĩte ũtumanu kwa Isilaeli akĩkoma na mwĩĩtu wa Yakovo; ũndũ ũtaĩle kwĩkwa. #Mwa 20.9; 49.7; Yos 7.15; Asi 20.6; 2 Sam 13.12,21. 8Na Amolu aneenan’ya nao, akĩmea, Ngoo ya mwana wakwa Sekemu yĩ na wendi wa mwĩĩtu waku: nĩngũkwĩsũva, ũmũnenge ethĩwe mũka wake. 9Tũtwaanĩei; inyw’ĩ mũtũnenge eĩtu menyu, na mũitwaa eĩtu maitũ. #Mwa 24.3; 28.1,2. 10Nenyu mũkatũaa naitũ: na ĩ nthĩ ĩkeethĩwa mbee wenyu; tũai mũtandĩthĩsye kw’o, mwĩmanthĩe ũthwii kw’o. #Mwa 20.15; 42.34; 47.27. 11Na Sekemu amwĩa ĩthe wa Ndina na ana‐a‐ĩthe make, Nĩnone ĩnee methonĩ menyu, na kĩla mwĩndavya nĩngumya. #Mwa 32.5. 12Mbĩtyai ngasya na mũthĩnzĩo o na syaingĩva ata, nakwa ngamũnenga o ũndũ mwĩndavya: ĩndĩ nengai mwĩĩtu ndwae. #Kuma 22.16,17; Kũt 22.29. 13Na ana ma Yakovo mamasũngĩa na ũĩ wa ũkengani Sekemu na Amolu ĩthe wake, na masya, nĩkwĩthĩwa nĩwanangĩte Ndina mwĩĩtu‐a‐inyia woo, 14na mamea, Tũitonya kwĩka ũndũ ũũ, kũmũnenga mwĩĩtu‐wa‐inyia waitũ ũmwe ũte mwaĩke; nũndũ ũndũ ũsu kwitũ nĩ nthoni. #Yos 5.2,9. 15Kwondũ wa ũndũ ũũ w’oka ithyĩ tũkamwĩtĩkĩla inyw’ĩ; ethiwa ĩnyw’ĩ mũkeethĩwa taitũ, kana kĩla mũndũ mũũme wĩ kwenyu nĩaĩkwe; 16nĩvo twĩmũnenga inyw’ĩ eĩtu maitũ, naitũ tũkatwaa eĩtu menyu, na tũkatũaa vamwe nenyu, naitũ tũkeethĩwa mbaĩ ĩmwe. 17Ĩndĩ ethĩwa mũitwĩw’a, na kwaĩkwa; nĩvo ĩndĩ twĩosa mwĩĩtu waitũ, na tũkathi.
18Na ĩndĩ ndeto syoo syendeesya Amolu, na Sekemu mwana wa Amolu. 19O na mwanake ũsu ndaaĩkala ataneka ũndũ ũsu, nĩkwĩthĩwa amũtanĩaa mwĩĩtu wa Yakovo mũno: nake ataĩawa kwĩ onthe ma nyũmba ya ĩthe. 20Na Amolu na Sekemu mwana wake mooka mbingĩlonĩ ya ndũa yoo, na maneenan’ya na aũme ma ndũa yoo, makĩmea, #Lu 4.1; 2 Sam 15.2. 21Andũ aa me na mũuo naitũ; kwondũ wa ũu nĩmatũae nthĩ ĩno, matandĩthĩasye kw’o; nũndũ, sisya, nthĩ ĩno nĩmeanĩe; naitũ tũtwaae eĩtu moo methĩwe aka maitũ, na ĩndĩ tũimanenga eĩtu maitũ. 22Kwondũ wa ũndũ ũũ w’oka andũ asu makatwĩtĩkĩla matũae naitũ, twĩthĩwe mbaĩ ĩmwe, ethĩwa kĩla mũndũ mũũme katĩ waitũ akaĩkwa, tondũ mo maĩkawa. 23Indo syoo na ũthwii woo na nyamũ syoo syonthe itikethĩwa sitũ? Ĩndĩ nĩtũmetĩkĩlĩle ũndũ ũũ, na makatũa naitũ. 24Na onthe ala maumie mbingĩlonĩ ya ndũa yake mamwĩw’a Amolu na mwana wake Sekemu; na kĩla mũndũ mũũme aĩkwa, onthe ala maumie mbingĩlonĩ ya ndũa yake. #Mwa 23.10. 25Na kweethĩwa mũthenya wa katatũ, yĩla maalaw’a mũno, ana elĩ ma Yakovo, Simeoni na Livai, ana‐a‐inyia ma Ndina, moosa kĩla mũndũ ũvyũ wake, na mookĩa ĩla ndũa mevithĩte, na mooaa aũme onthe. #Mwa 29.33,34; 30.21; 49.5–7. 26Na mooaa Amolu na Sekemu mwana wake kwa kũmatemanga na ũvyũ, nao maumya Ndina nyũmbanĩ ya Sekemu, na maumaala mathi. 27Ana ma Yakovo mooka vala ve ala moaĩtwe, matava ĩla ndũa, nĩkwĩthĩwa nĩmavukĩtye mwĩĩtu‐a‐inyia woo. 28Matava ndĩthya syoo sya mbũi na malondu na ndĩthya syoo sya ng’ombe na mang’oi moo, na kĩla kyaĩ ndũanĩ, na kĩla kyaĩ kĩsesinĩ; 29na ũthwii woo w’onthe, na syana syoo syonthe nini na aka moo, mamatava matw’ĩka mũtavo, o na kyonthe kĩla kyaĩ nyũmbanĩ. 30Na Yakovo amea Simeoni na Livai, Inyw’ĩ nĩmwanthĩn’ya, mwatuma nĩnyunga naĩ kwa ala matwĩe ĩ nthĩ, kwa Akanaani na Avelisi: nakwa, nĩkwĩthĩwa ũtalonĩ wakwa nĩ mũvũthũ, makambũmbanĩa na kũngũna; na ngaanangwa, nyie na nyũmba yakwa. #Mwa 13.7; Kuma 5.21; Yos 7.25; 1 Sam 13.4; 2 Sam 10.6; Sav 105.12. 31Na masya, Akeeka na mwĩĩtu wa mwaitũ ta ĩlwaya?
Currently Selected:
MWAMBĨLĨLYO 34: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MWAMBĨLĨLYO 34
34
Kũvukw’a kwa Ndina kũiĩvanĩw’a
1Na Ndina mwĩĩtu wa Lea, ũla wamũsyaĩe Yakovo, aumaala kũsisya eĩtu ma nthĩ ĩsu. #Mwa 30.21. 2Na Sekemu mwana wa Amolu Mũivi, mũnene wa nthĩ ĩsu, amwona; na amwosa, na akoma nake, na amũthũkya. 3Na ngoo yake yalũman’ya na Ndina mwĩĩtu wa Yakovo, na amwenda ũla mwĩĩtu, na amũneenea ũla mwĩĩtu nesa. #Isa 40.2; Osea 2.14. 4Na Sekemu aneena na Amolu ĩthe wake, akĩmwĩa, Mbĩvaĩsya mwĩĩtu ũũ. #Asi 14.2. 5Na ĩndĩ Yakovo eew’a kana nũvukĩtye mwĩĩtu wake Ndina; na ana make maĩ na indo syake kĩsesinĩ: na Yakovo akilya kũvika masyoka. 6Na Amolu ĩthe wa Sekemu aumaala athi kwa Yakovo kũneenan’ya nake. 7Na ana ma Yakovo mooka kuma kĩsesinĩ yĩla meewie ũu: na aũme asu meew’a woo, na maĩ athilĩku mũno, nũndũ nĩwĩkĩte ũtumanu kwa Isilaeli akĩkoma na mwĩĩtu wa Yakovo; ũndũ ũtaĩle kwĩkwa. #Mwa 20.9; 49.7; Yos 7.15; Asi 20.6; 2 Sam 13.12,21. 8Na Amolu aneenan’ya nao, akĩmea, Ngoo ya mwana wakwa Sekemu yĩ na wendi wa mwĩĩtu waku: nĩngũkwĩsũva, ũmũnenge ethĩwe mũka wake. 9Tũtwaanĩei; inyw’ĩ mũtũnenge eĩtu menyu, na mũitwaa eĩtu maitũ. #Mwa 24.3; 28.1,2. 10Nenyu mũkatũaa naitũ: na ĩ nthĩ ĩkeethĩwa mbee wenyu; tũai mũtandĩthĩsye kw’o, mwĩmanthĩe ũthwii kw’o. #Mwa 20.15; 42.34; 47.27. 11Na Sekemu amwĩa ĩthe wa Ndina na ana‐a‐ĩthe make, Nĩnone ĩnee methonĩ menyu, na kĩla mwĩndavya nĩngumya. #Mwa 32.5. 12Mbĩtyai ngasya na mũthĩnzĩo o na syaingĩva ata, nakwa ngamũnenga o ũndũ mwĩndavya: ĩndĩ nengai mwĩĩtu ndwae. #Kuma 22.16,17; Kũt 22.29. 13Na ana ma Yakovo mamasũngĩa na ũĩ wa ũkengani Sekemu na Amolu ĩthe wake, na masya, nĩkwĩthĩwa nĩwanangĩte Ndina mwĩĩtu‐a‐inyia woo, 14na mamea, Tũitonya kwĩka ũndũ ũũ, kũmũnenga mwĩĩtu‐wa‐inyia waitũ ũmwe ũte mwaĩke; nũndũ ũndũ ũsu kwitũ nĩ nthoni. #Yos 5.2,9. 15Kwondũ wa ũndũ ũũ w’oka ithyĩ tũkamwĩtĩkĩla inyw’ĩ; ethiwa ĩnyw’ĩ mũkeethĩwa taitũ, kana kĩla mũndũ mũũme wĩ kwenyu nĩaĩkwe; 16nĩvo twĩmũnenga inyw’ĩ eĩtu maitũ, naitũ tũkatwaa eĩtu menyu, na tũkatũaa vamwe nenyu, naitũ tũkeethĩwa mbaĩ ĩmwe. 17Ĩndĩ ethĩwa mũitwĩw’a, na kwaĩkwa; nĩvo ĩndĩ twĩosa mwĩĩtu waitũ, na tũkathi.
18Na ĩndĩ ndeto syoo syendeesya Amolu, na Sekemu mwana wa Amolu. 19O na mwanake ũsu ndaaĩkala ataneka ũndũ ũsu, nĩkwĩthĩwa amũtanĩaa mwĩĩtu wa Yakovo mũno: nake ataĩawa kwĩ onthe ma nyũmba ya ĩthe. 20Na Amolu na Sekemu mwana wake mooka mbingĩlonĩ ya ndũa yoo, na maneenan’ya na aũme ma ndũa yoo, makĩmea, #Lu 4.1; 2 Sam 15.2. 21Andũ aa me na mũuo naitũ; kwondũ wa ũu nĩmatũae nthĩ ĩno, matandĩthĩasye kw’o; nũndũ, sisya, nthĩ ĩno nĩmeanĩe; naitũ tũtwaae eĩtu moo methĩwe aka maitũ, na ĩndĩ tũimanenga eĩtu maitũ. 22Kwondũ wa ũndũ ũũ w’oka andũ asu makatwĩtĩkĩla matũae naitũ, twĩthĩwe mbaĩ ĩmwe, ethĩwa kĩla mũndũ mũũme katĩ waitũ akaĩkwa, tondũ mo maĩkawa. 23Indo syoo na ũthwii woo na nyamũ syoo syonthe itikethĩwa sitũ? Ĩndĩ nĩtũmetĩkĩlĩle ũndũ ũũ, na makatũa naitũ. 24Na onthe ala maumie mbingĩlonĩ ya ndũa yake mamwĩw’a Amolu na mwana wake Sekemu; na kĩla mũndũ mũũme aĩkwa, onthe ala maumie mbingĩlonĩ ya ndũa yake. #Mwa 23.10. 25Na kweethĩwa mũthenya wa katatũ, yĩla maalaw’a mũno, ana elĩ ma Yakovo, Simeoni na Livai, ana‐a‐inyia ma Ndina, moosa kĩla mũndũ ũvyũ wake, na mookĩa ĩla ndũa mevithĩte, na mooaa aũme onthe. #Mwa 29.33,34; 30.21; 49.5–7. 26Na mooaa Amolu na Sekemu mwana wake kwa kũmatemanga na ũvyũ, nao maumya Ndina nyũmbanĩ ya Sekemu, na maumaala mathi. 27Ana ma Yakovo mooka vala ve ala moaĩtwe, matava ĩla ndũa, nĩkwĩthĩwa nĩmavukĩtye mwĩĩtu‐a‐inyia woo. 28Matava ndĩthya syoo sya mbũi na malondu na ndĩthya syoo sya ng’ombe na mang’oi moo, na kĩla kyaĩ ndũanĩ, na kĩla kyaĩ kĩsesinĩ; 29na ũthwii woo w’onthe, na syana syoo syonthe nini na aka moo, mamatava matw’ĩka mũtavo, o na kyonthe kĩla kyaĩ nyũmbanĩ. 30Na Yakovo amea Simeoni na Livai, Inyw’ĩ nĩmwanthĩn’ya, mwatuma nĩnyunga naĩ kwa ala matwĩe ĩ nthĩ, kwa Akanaani na Avelisi: nakwa, nĩkwĩthĩwa ũtalonĩ wakwa nĩ mũvũthũ, makambũmbanĩa na kũngũna; na ngaanangwa, nyie na nyũmba yakwa. #Mwa 13.7; Kuma 5.21; Yos 7.25; 1 Sam 13.4; 2 Sam 10.6; Sav 105.12. 31Na masya, Akeeka na mwĩĩtu wa mwaitũ ta ĩlwaya?
Currently Selected:
:
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956