MWAMBĨLĨLYO 35
35
Ngai akĩathima Yakovo e Mbethi‐eli
1Na Ngai amwĩa Yakovo, Ũkĩla, wambate kũvika Mbethi‐eli, ũkatũe kw’o: na ũimwakĩa Ngai kĩthembeo kũu, ũla wakumĩlĩle yĩla wakĩie kuma mbee wa ũthyũ wa Esau mwana‐a‐mwenyu. #Mwa 27.43; 28.13,19. 2Na ĩndĩ Yakovo amea ala ma nyũmba yake, na onthe ala maĩ vamwe nake, Vetai ngai ngeni ila syĩ katĩ wenyu, mwĩthesye, na kũkũan’ya ngũa syenyu: #Mwa 31.19; Kuma 19.10; Yos 24.15,23; 1 Sam 7.3. 3na ĩndĩ tũkĩle, twambate kũvika Mbethi‐eli; nakwa ngamwakĩa Ngai kĩthembeo kw’o, we ũla wanzũngĩie mũthenya wa thĩna wakwa, nake aĩ vamwe nakwa nzĩanĩ ĩla naendele. #Mwa 28.20; 31.3,42; 32.7,24. 4Na mamũnenga Yakovo ngai ngeni syonthe ĩla syaĩ mokonĩ moo, na ngome ila syaĩ matũnĩ moo; na Yakovo aivitha ĩtina wa mũtĩ wa mwaloni ũla waĩ Sekemu. #Yos 24.26; Asi 9.6. 5Na makwata kyalo: na w’ĩa mũnene wa Ngai waĩ ndũanĩ ila syamathyũlũlũkĩte, na maiaamaatĩĩa ana ma Yakovo. #Kuma 15.16; 23.27; Kũt 11.25; Yos 2.9. 6Na ĩndĩ Yakovo avika Lusu, ĩla yĩ nthĩ ya Kanaani (nĩyo Mbethi‐eli), we na andũ onthe ala maĩ nake. #Mwa 28.19. 7Na aaka kĩthembeo vau, na aveeta vandũ vau Eli‐Mbethi‐eli; nĩkwĩthĩwa nĩvo Ngai weyonanĩsye kwake, yĩla wakĩĩte kuma mbee wa ũthyũ wa mwana‐a‐inyia. #Mwa 35.1. 8Na Ndevola mũei wa Leveka akw’a, na athikwa ĩtheo wa Mbethi‐eli ĩtina wa mũtĩ wa mwaloni: na syĩtwa yaw’o weetawa Mwaloni‐mbakuthi. #Mwa 24.59.
9Na Ngai amumĩlĩla Yakovo ĩngĩ, auma Vatani‐alamu, na amũathima. #Osea 12.4. 10Na Ngai amwĩa, Syĩtwa yaku nĩ Yakovo: ndũketwa ĩngĩ syĩtwa yaku Yakovo, ĩndĩ Isilaeli nĩyo yĩĩthĩwa syĩtwa yaku: na amwĩta syĩtwa yake Isilaeli. #Mwa 17.5; 32.28. 11Na Ngai amwĩa, Ninyie Ngai Mwene Vinya W’onthe: ongeleka wingĩve; mbaĩ na nguthu ya mbaĩ ikauma kwaku, na asumbĩ makauma kĩnyunyunĩ kyaku; #Mwa 17.1–8; 26.3; 48.3,4. 12na nthĩ ĩla namanengie Avalaamu na Isaka, ngakũnenga we, na ũsyao waku ĩtina waku ngaũnenga nthĩ ĩsu. 13Na Ngai ambata kuma vala ũĩ o vandũ vala waneenee nake. #Mwa 17.22. 14Na Yakovo aũngamya kĩtuĩ vandũ vala waneenee nake, kĩtuĩ kya ĩvia: na etĩkĩsya nthembo ya kũnyuwa ĩũlũ wakyo, na etĩkĩsya mauta ĩũlũ wakyo. #Mwa 28.18. 15Na Yakovo eeta vandũ vau vala Ngai waneenee nake, Mbethi‐eli.#Mwa 28.19.
Kĩkw’ũ kya Lakeli
16Na mathi kyalo kuma Mbethi‐eli; na vatiele kĩlungu kya mũendo mavike Evilathi: na Lakeli akwatwa nĩ woo wa kũsyaa, na aũnya na vinya. 17Na kweethĩwa, akyaũnya na vinya, mwĩsikya amwĩa, Ndũkakĩe; nũndũ yu nũkwĩthĩwa na mwana ũngĩ. #Mwa 30.24. 18Na kweethĩwa, veva wake ũkyuma (nũndũ nĩwakwie), amwĩta syĩtwa yake Mbenioni: ĩndĩ ĩthe wake amwĩta Mbenyamini. 19Na Lakeli akw’a, na athikwa nzĩanĩ ya kũthi Evilathi (nĩyo Mbethi‐leemu). #Mwa 48.7; Lu 1.2; 4.11; Mika 5.2; Mt 2.6. 20Na Yakovo aũngamya kĩtuĩ ĩũlũ wa mbũa yake: nĩkyo Kĩtuĩ kya mbũa ya Lakeli kũvika mũnthĩ ũũ. #1 Sam 10.2. 21Na Isilaeli athi kyalo, na amba ĩeema yake mbee wa mwako mũtũlu wa mũnyoolo wa Eteli.
Ana ma Yakovo
(1 MAVINDA 2.1–2)
22Na kweethĩwa yĩla Isilaeli watũĩte nthĩ ĩsu, Leuveni aenda na akoma na Mbila mũka ngombo wa ĩthe wake: na Isilaeli eew’a ũvoo ũsu. #Mwa 49.4; 1 Mav 5.1.
Na ĩndĩ ana ma Yakovo maĩ ĩkũmi na elĩ: 23ana ma Lea: Leuveni, ĩkithathi ya Yakovo, na Simeoni, na Livai, na Yuta, na Isakali, na Nzevuluni; #Mwa 29.31—30.24; 35.17,18; Kuma 1.2–4. 24ana ma Lakeli: Yosevu na Mbenyamini; 25na ana ma Mbila, mũthũkũmi mwĩĩtu wa Lakeli: Ndani na Navitali; 26na ana ma Nziliva, mũthũkũmi mwĩĩtu wa Lea: Ngati na Aseli; asu nĩo ana ma Yakovo, ala wasyaĩwe Vatani‐alamu.
Kĩkw’ũ kya Isaka
27Na Yakovo avika kwa Isaka ĩthe wake kũvika Mamile, kũu Kiliathi‐aliva (nĩyo Eviloni), vala Avalaamu na Isaka mekalaa ũeni. #Mwa 13.18; Yos 14.15. 28Na matukũ ma Isaka maĩ myaka ĩana na mĩongo nyanya. 29Na Isaka aumwa nĩ veva, na akw’a, na oombanw’a vamwe na andũ make, e mũkũũ, na wa matukũ maingĩ: na Esau na Yakovo ana make mamũthika. #Mwa 25.9; 49.31.
Currently Selected:
MWAMBĨLĨLYO 35: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MWAMBĨLĨLYO 35
35
Ngai akĩathima Yakovo e Mbethi‐eli
1Na Ngai amwĩa Yakovo, Ũkĩla, wambate kũvika Mbethi‐eli, ũkatũe kw’o: na ũimwakĩa Ngai kĩthembeo kũu, ũla wakumĩlĩle yĩla wakĩie kuma mbee wa ũthyũ wa Esau mwana‐a‐mwenyu. #Mwa 27.43; 28.13,19. 2Na ĩndĩ Yakovo amea ala ma nyũmba yake, na onthe ala maĩ vamwe nake, Vetai ngai ngeni ila syĩ katĩ wenyu, mwĩthesye, na kũkũan’ya ngũa syenyu: #Mwa 31.19; Kuma 19.10; Yos 24.15,23; 1 Sam 7.3. 3na ĩndĩ tũkĩle, twambate kũvika Mbethi‐eli; nakwa ngamwakĩa Ngai kĩthembeo kw’o, we ũla wanzũngĩie mũthenya wa thĩna wakwa, nake aĩ vamwe nakwa nzĩanĩ ĩla naendele. #Mwa 28.20; 31.3,42; 32.7,24. 4Na mamũnenga Yakovo ngai ngeni syonthe ĩla syaĩ mokonĩ moo, na ngome ila syaĩ matũnĩ moo; na Yakovo aivitha ĩtina wa mũtĩ wa mwaloni ũla waĩ Sekemu. #Yos 24.26; Asi 9.6. 5Na makwata kyalo: na w’ĩa mũnene wa Ngai waĩ ndũanĩ ila syamathyũlũlũkĩte, na maiaamaatĩĩa ana ma Yakovo. #Kuma 15.16; 23.27; Kũt 11.25; Yos 2.9. 6Na ĩndĩ Yakovo avika Lusu, ĩla yĩ nthĩ ya Kanaani (nĩyo Mbethi‐eli), we na andũ onthe ala maĩ nake. #Mwa 28.19. 7Na aaka kĩthembeo vau, na aveeta vandũ vau Eli‐Mbethi‐eli; nĩkwĩthĩwa nĩvo Ngai weyonanĩsye kwake, yĩla wakĩĩte kuma mbee wa ũthyũ wa mwana‐a‐inyia. #Mwa 35.1. 8Na Ndevola mũei wa Leveka akw’a, na athikwa ĩtheo wa Mbethi‐eli ĩtina wa mũtĩ wa mwaloni: na syĩtwa yaw’o weetawa Mwaloni‐mbakuthi. #Mwa 24.59.
9Na Ngai amumĩlĩla Yakovo ĩngĩ, auma Vatani‐alamu, na amũathima. #Osea 12.4. 10Na Ngai amwĩa, Syĩtwa yaku nĩ Yakovo: ndũketwa ĩngĩ syĩtwa yaku Yakovo, ĩndĩ Isilaeli nĩyo yĩĩthĩwa syĩtwa yaku: na amwĩta syĩtwa yake Isilaeli. #Mwa 17.5; 32.28. 11Na Ngai amwĩa, Ninyie Ngai Mwene Vinya W’onthe: ongeleka wingĩve; mbaĩ na nguthu ya mbaĩ ikauma kwaku, na asumbĩ makauma kĩnyunyunĩ kyaku; #Mwa 17.1–8; 26.3; 48.3,4. 12na nthĩ ĩla namanengie Avalaamu na Isaka, ngakũnenga we, na ũsyao waku ĩtina waku ngaũnenga nthĩ ĩsu. 13Na Ngai ambata kuma vala ũĩ o vandũ vala waneenee nake. #Mwa 17.22. 14Na Yakovo aũngamya kĩtuĩ vandũ vala waneenee nake, kĩtuĩ kya ĩvia: na etĩkĩsya nthembo ya kũnyuwa ĩũlũ wakyo, na etĩkĩsya mauta ĩũlũ wakyo. #Mwa 28.18. 15Na Yakovo eeta vandũ vau vala Ngai waneenee nake, Mbethi‐eli.#Mwa 28.19.
Kĩkw’ũ kya Lakeli
16Na mathi kyalo kuma Mbethi‐eli; na vatiele kĩlungu kya mũendo mavike Evilathi: na Lakeli akwatwa nĩ woo wa kũsyaa, na aũnya na vinya. 17Na kweethĩwa, akyaũnya na vinya, mwĩsikya amwĩa, Ndũkakĩe; nũndũ yu nũkwĩthĩwa na mwana ũngĩ. #Mwa 30.24. 18Na kweethĩwa, veva wake ũkyuma (nũndũ nĩwakwie), amwĩta syĩtwa yake Mbenioni: ĩndĩ ĩthe wake amwĩta Mbenyamini. 19Na Lakeli akw’a, na athikwa nzĩanĩ ya kũthi Evilathi (nĩyo Mbethi‐leemu). #Mwa 48.7; Lu 1.2; 4.11; Mika 5.2; Mt 2.6. 20Na Yakovo aũngamya kĩtuĩ ĩũlũ wa mbũa yake: nĩkyo Kĩtuĩ kya mbũa ya Lakeli kũvika mũnthĩ ũũ. #1 Sam 10.2. 21Na Isilaeli athi kyalo, na amba ĩeema yake mbee wa mwako mũtũlu wa mũnyoolo wa Eteli.
Ana ma Yakovo
(1 MAVINDA 2.1–2)
22Na kweethĩwa yĩla Isilaeli watũĩte nthĩ ĩsu, Leuveni aenda na akoma na Mbila mũka ngombo wa ĩthe wake: na Isilaeli eew’a ũvoo ũsu. #Mwa 49.4; 1 Mav 5.1.
Na ĩndĩ ana ma Yakovo maĩ ĩkũmi na elĩ: 23ana ma Lea: Leuveni, ĩkithathi ya Yakovo, na Simeoni, na Livai, na Yuta, na Isakali, na Nzevuluni; #Mwa 29.31—30.24; 35.17,18; Kuma 1.2–4. 24ana ma Lakeli: Yosevu na Mbenyamini; 25na ana ma Mbila, mũthũkũmi mwĩĩtu wa Lakeli: Ndani na Navitali; 26na ana ma Nziliva, mũthũkũmi mwĩĩtu wa Lea: Ngati na Aseli; asu nĩo ana ma Yakovo, ala wasyaĩwe Vatani‐alamu.
Kĩkw’ũ kya Isaka
27Na Yakovo avika kwa Isaka ĩthe wake kũvika Mamile, kũu Kiliathi‐aliva (nĩyo Eviloni), vala Avalaamu na Isaka mekalaa ũeni. #Mwa 13.18; Yos 14.15. 28Na matukũ ma Isaka maĩ myaka ĩana na mĩongo nyanya. 29Na Isaka aumwa nĩ veva, na akw’a, na oombanw’a vamwe na andũ make, e mũkũũ, na wa matukũ maingĩ: na Esau na Yakovo ana make mamũthika. #Mwa 25.9; 49.31.
Currently Selected:
:
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956