Luka 5
5
Yesũ aimeta amanyĩw’a ma mbee
(MATHAYO 4.18–22; MALIKO 1.16–20)
1Na kweethĩwa, yĩla ĩkomano yĩkĩmũtindĩka yĩw’e ndeto ya Ngai, aũngeme ũtee wa ĩia ya Kenesaleti; 2na oona ngalawa ilĩ ũtee wa ĩia; ĩndĩ atei ma makũyũ meethĩwa maumĩte, makĩthambya itei syoo. 3Nake alika ngalawanĩ ĩmwe, ĩla ya Simoni, amũkũlya atwaange aumye ngũkanĩ vandũ vanini. Na ekala vo ngalawanĩ aimanyĩsya makomano. 4#Yoa 21.6.Na amina ũneena, amwĩa Simoni, Twaa ngalawa vala ve kyũngũ, mũlikye itei syenyu nĩ kana mũkwatye. 5Na Simoni amũsũngia, amwĩa, Mwĩaĩi, tũtethisye wĩa ũtukũ w’onthe, na tũinakwatya kĩndũ: ĩndĩ ũndũ wa ndeto syaku nĩngũlikya itei. 6Na meeka ũu, makwatya makũyũ maingĩ; na itei syoo syambĩlĩlya kũtw’ĩkanga; 7na mamavenesya ala maĩ ngwatanĩo nao ngalawanĩ ĩla ĩngĩ, moke kũmatethya. Nao mooka, na mausũsya ngalawa isu syelĩ, mũvaka syambĩlĩlya kũlika manzĩnĩ. 8Ĩndĩ Simoni Vetelo, oona ũu, avalũka maunĩ ma Yesũ, akyasya, Uma vaa nĩĩ; nũndũ nyie nĩ mũndũ mwathe, Mwĩaĩi. 9Nũndũ nĩwaseng’ie, na onthe ala maĩ nake, ũndũ wa wingĩ wa makũyũ ala makwatisye; 10#Mt 13.47.na Yakovo na Yoana, ana ma Sevetii, namo o ta ũu, ala maĩ ngwatanĩo na Simoni. Na Yesũ amwĩa Simoni, Manya ũkĩa; kuma yu ũkakwatasya andũ. 11#Mt 19.27.Na maete ngalawa syoo ngũkanĩ, matia syĩndũ syonthe, na mamũvikĩla.
Kũvow’a kwa mũndũ ũwaĩte mangũ
(MATHAYO 8.1–4; MALIKO 1.40–45)
12Na kweethĩwa, yĩla waĩ ndũanĩ ĩmwe, sisya, kwaĩ mũndũ ũmwe ũmbĩtwe nĩ mangũ: na amwona Yesũ, eevalũkya nthĩ na ũthyũ, amwĩsũva, akyasya, Mwĩaĩi, ethĩwa nũkwenda, nũtonya kũnthesya. 13Na atambũũkya kw’oko kwake, amũkiita, akyasya, Nĩngwenda; ĩthĩwa mũtheu. Na oyu mangũ mavoa. 14#Ali 13.49; 14.2–32.Na amwĩaĩa ndakatavye mũndũ: ĩndĩ amwĩa, Thi ũkeyonan’ye kwa mũthembi, nokyumya nthembo ya kũthew’a kwaku, tondũ Mose weaie, yĩthĩwe ũkũsĩ kwoo. 15Ĩndĩ ũvoo wake waingĩva mũno mbee: na andũ aingĩ makomana mamwĩw’e, na kũvow’a mowau moo. 16#Mko 1.35.Ĩndĩ we eeyathũkya athi vandũ vate andũ, avoye.
Kũvow’a kwa mũndũ waĩ mwau mamutha
(MATHAYO 9.1–8; MALIKO 2.1–12)
17Na kweethĩwa mũthenya ũmwe yĩla wamanyĩasya, vaĩ Avalisi na amanyĩsya ma mĩao mailyĩ vo, ala maumĩte mĩsyĩ yonthe ya Kalilii, na ya Yutia, o na Yelusaleme: na vinya wa Mwĩaĩi wa kũvosya waĩ vamwe nake. 18Na ĩndĩ aũme mooka makuĩte na ũkomo mũndũ waĩ na ũwau wa kwaa mamutha: na mamantha kũmũtwaa nthĩnĩ, na kũmwia mbee wake. 19Nao malea kwona vandũ va ũmũtwaĩla nthĩnĩ nũndũ wa ĩkomano, malĩsa nyũmba ĩũlũ, mathaĩlya kĩalanĩ, mamũtheesya na ũkomo wake katĩ wa andũ vala ve Yesũ. 20Nake oona mũĩkĩĩo woo, asya, Mũndũ we, naĩ syaku nĩsyaekwa. 21#Isa 43.25; Lk 7.49; Yoa 5.12.Na aandĩki na Avalisi mambĩlĩlya kũsũanĩa, makyasya, Ũũ nũũ ũla ũnũũneena moumano? Nũũ ũtonya kũekea naĩ, ate o Ngai e weka? 22Ĩndĩ Yesũ amanya mosũanĩo moo, asũngĩa na amea, Nĩkĩ mũũsũanĩa ũũ ngoonĩ syenyu? 23Ũla ũvũthũ nĩ wĩva, nĩ kwasya, Naĩ syaku nĩsyaekwa; kana nĩ kwasya, Ũkĩla ũthi? 24Ĩndĩ nĩ kana mũmanye Mwana wa mũndũ e na ũkũmũ kũũ nthĩ wa kũekea naĩ (amwĩa ũla waĩ na ũwau wa kwaa mamutha), Nĩngũkwĩa, Ũkĩla, nokyosa ũkomo waku, wĩnũke. 25Na kavinda o kau ookĩla e mbee woo, na oosa kĩla wakomeaa, enũka, akĩmũkatha Ngai. 26Na onthe maseng’a, na mamũkatha Ngai; na malikwa nĩ w’ĩa, makyasya, Ũmũnthĩ nĩtwonie maũndũ ma ũseng’ya.
Kwĩtwa kwa Livai
(MATHAYO 9.9–13; MALIKO 2.13–17)
27Ĩtina wa maũndũ asu aumaala, na amwona mumya wa koti, ũla wetawa Livai, ekalĩte vala vaumĩaw’a koti, na amwĩa, Mbikĩla. 28Nake atia syĩndũ syonthe, na ookĩla amũvikĩla. 29#Lk 15.1.Na Livai amũvokea mboka nene nyũmbanĩ kwake: na vaĩ aingĩ ma aumya ma koti na andũ angĩ mailyĩ nao makĩya lĩu. 30Na Avalisi na aandĩki moo mamanyungunyĩĩsya amanyĩw’a make, makyasya, Nĩ ũndũ wa kĩ mũkũya na kũnyw’a vamwe na aumya ma koti na andũ athe? 31Na Yesũ amasũngĩa, amea, Ala mate awau mati vata wa mũiiti; ĩndĩ no ala awau. 32Ndyaaũka kwĩta ala alũngalu, ĩndĩ no ala athe maalyũle ngoo.
Ũndũ wa kũtĩĩa kũya
(MATHAYO 9.14–17; MALIKO 2.18–22)
33Nao mamwĩa, Amanyĩw’a ma Yoana nĩmatĩĩaa kũya mavinda maingi, makĩvoya; na ala ma Avalisi ta ũu; ĩndĩ aa maku nĩmeũya na kũnyw’a. 34Na Yesũ amakũlya, Nĩmũtonya kũtuma ala metĩtwe mũtwaanonĩ matĩĩa kũya, yĩla mũtwaani wĩ vamwe nao? 35Ĩndĩ mĩthenya nĩyũkĩte, yĩla mũtwaani ũkaumw’a kwoo, na nĩvo ĩndĩ makatĩĩa kũya mĩthenya ĩsu. 36Ĩngĩ aneena na ngelekan’yo amatavya: Mũndũ ndatilaa kĩlio kya ngũa nzaũ alie ngũa ngũũ; nĩkwĩthĩwa eeka ũu nũkũtembũa ĩla nzaũ, na kĩlio kyu kyeũ kĩtyosana na ĩla ngũũ. 37Na vai mũndũ wĩkĩaa mbinyu mbĩthĩ mathatwanĩ makũũ; nĩkwĩthĩwa eekĩa, mbinyu mbĩthĩ ĩkatembũa mathatwa asu, na ĩkĩtĩka, na mathatwa makyanangĩka. 38Ĩndĩ mbinyu mbĩthĩ yaĩlwe nĩ kwĩkĩwa mathatwanĩ meũ. 39Na vai mũndũ ũla waanyw’a mbinyu ngũũ ũnũkwenda ĩla mbĩthĩ; nũndũ easya, ĩla ngũũ nĩyo nzeo.
Currently Selected:
Luka 5: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
Luka 5
5
Yesũ aimeta amanyĩw’a ma mbee
(MATHAYO 4.18–22; MALIKO 1.16–20)
1Na kweethĩwa, yĩla ĩkomano yĩkĩmũtindĩka yĩw’e ndeto ya Ngai, aũngeme ũtee wa ĩia ya Kenesaleti; 2na oona ngalawa ilĩ ũtee wa ĩia; ĩndĩ atei ma makũyũ meethĩwa maumĩte, makĩthambya itei syoo. 3Nake alika ngalawanĩ ĩmwe, ĩla ya Simoni, amũkũlya atwaange aumye ngũkanĩ vandũ vanini. Na ekala vo ngalawanĩ aimanyĩsya makomano. 4#Yoa 21.6.Na amina ũneena, amwĩa Simoni, Twaa ngalawa vala ve kyũngũ, mũlikye itei syenyu nĩ kana mũkwatye. 5Na Simoni amũsũngia, amwĩa, Mwĩaĩi, tũtethisye wĩa ũtukũ w’onthe, na tũinakwatya kĩndũ: ĩndĩ ũndũ wa ndeto syaku nĩngũlikya itei. 6Na meeka ũu, makwatya makũyũ maingĩ; na itei syoo syambĩlĩlya kũtw’ĩkanga; 7na mamavenesya ala maĩ ngwatanĩo nao ngalawanĩ ĩla ĩngĩ, moke kũmatethya. Nao mooka, na mausũsya ngalawa isu syelĩ, mũvaka syambĩlĩlya kũlika manzĩnĩ. 8Ĩndĩ Simoni Vetelo, oona ũu, avalũka maunĩ ma Yesũ, akyasya, Uma vaa nĩĩ; nũndũ nyie nĩ mũndũ mwathe, Mwĩaĩi. 9Nũndũ nĩwaseng’ie, na onthe ala maĩ nake, ũndũ wa wingĩ wa makũyũ ala makwatisye; 10#Mt 13.47.na Yakovo na Yoana, ana ma Sevetii, namo o ta ũu, ala maĩ ngwatanĩo na Simoni. Na Yesũ amwĩa Simoni, Manya ũkĩa; kuma yu ũkakwatasya andũ. 11#Mt 19.27.Na maete ngalawa syoo ngũkanĩ, matia syĩndũ syonthe, na mamũvikĩla.
Kũvow’a kwa mũndũ ũwaĩte mangũ
(MATHAYO 8.1–4; MALIKO 1.40–45)
12Na kweethĩwa, yĩla waĩ ndũanĩ ĩmwe, sisya, kwaĩ mũndũ ũmwe ũmbĩtwe nĩ mangũ: na amwona Yesũ, eevalũkya nthĩ na ũthyũ, amwĩsũva, akyasya, Mwĩaĩi, ethĩwa nũkwenda, nũtonya kũnthesya. 13Na atambũũkya kw’oko kwake, amũkiita, akyasya, Nĩngwenda; ĩthĩwa mũtheu. Na oyu mangũ mavoa. 14#Ali 13.49; 14.2–32.Na amwĩaĩa ndakatavye mũndũ: ĩndĩ amwĩa, Thi ũkeyonan’ye kwa mũthembi, nokyumya nthembo ya kũthew’a kwaku, tondũ Mose weaie, yĩthĩwe ũkũsĩ kwoo. 15Ĩndĩ ũvoo wake waingĩva mũno mbee: na andũ aingĩ makomana mamwĩw’e, na kũvow’a mowau moo. 16#Mko 1.35.Ĩndĩ we eeyathũkya athi vandũ vate andũ, avoye.
Kũvow’a kwa mũndũ waĩ mwau mamutha
(MATHAYO 9.1–8; MALIKO 2.1–12)
17Na kweethĩwa mũthenya ũmwe yĩla wamanyĩasya, vaĩ Avalisi na amanyĩsya ma mĩao mailyĩ vo, ala maumĩte mĩsyĩ yonthe ya Kalilii, na ya Yutia, o na Yelusaleme: na vinya wa Mwĩaĩi wa kũvosya waĩ vamwe nake. 18Na ĩndĩ aũme mooka makuĩte na ũkomo mũndũ waĩ na ũwau wa kwaa mamutha: na mamantha kũmũtwaa nthĩnĩ, na kũmwia mbee wake. 19Nao malea kwona vandũ va ũmũtwaĩla nthĩnĩ nũndũ wa ĩkomano, malĩsa nyũmba ĩũlũ, mathaĩlya kĩalanĩ, mamũtheesya na ũkomo wake katĩ wa andũ vala ve Yesũ. 20Nake oona mũĩkĩĩo woo, asya, Mũndũ we, naĩ syaku nĩsyaekwa. 21#Isa 43.25; Lk 7.49; Yoa 5.12.Na aandĩki na Avalisi mambĩlĩlya kũsũanĩa, makyasya, Ũũ nũũ ũla ũnũũneena moumano? Nũũ ũtonya kũekea naĩ, ate o Ngai e weka? 22Ĩndĩ Yesũ amanya mosũanĩo moo, asũngĩa na amea, Nĩkĩ mũũsũanĩa ũũ ngoonĩ syenyu? 23Ũla ũvũthũ nĩ wĩva, nĩ kwasya, Naĩ syaku nĩsyaekwa; kana nĩ kwasya, Ũkĩla ũthi? 24Ĩndĩ nĩ kana mũmanye Mwana wa mũndũ e na ũkũmũ kũũ nthĩ wa kũekea naĩ (amwĩa ũla waĩ na ũwau wa kwaa mamutha), Nĩngũkwĩa, Ũkĩla, nokyosa ũkomo waku, wĩnũke. 25Na kavinda o kau ookĩla e mbee woo, na oosa kĩla wakomeaa, enũka, akĩmũkatha Ngai. 26Na onthe maseng’a, na mamũkatha Ngai; na malikwa nĩ w’ĩa, makyasya, Ũmũnthĩ nĩtwonie maũndũ ma ũseng’ya.
Kwĩtwa kwa Livai
(MATHAYO 9.9–13; MALIKO 2.13–17)
27Ĩtina wa maũndũ asu aumaala, na amwona mumya wa koti, ũla wetawa Livai, ekalĩte vala vaumĩaw’a koti, na amwĩa, Mbikĩla. 28Nake atia syĩndũ syonthe, na ookĩla amũvikĩla. 29#Lk 15.1.Na Livai amũvokea mboka nene nyũmbanĩ kwake: na vaĩ aingĩ ma aumya ma koti na andũ angĩ mailyĩ nao makĩya lĩu. 30Na Avalisi na aandĩki moo mamanyungunyĩĩsya amanyĩw’a make, makyasya, Nĩ ũndũ wa kĩ mũkũya na kũnyw’a vamwe na aumya ma koti na andũ athe? 31Na Yesũ amasũngĩa, amea, Ala mate awau mati vata wa mũiiti; ĩndĩ no ala awau. 32Ndyaaũka kwĩta ala alũngalu, ĩndĩ no ala athe maalyũle ngoo.
Ũndũ wa kũtĩĩa kũya
(MATHAYO 9.14–17; MALIKO 2.18–22)
33Nao mamwĩa, Amanyĩw’a ma Yoana nĩmatĩĩaa kũya mavinda maingi, makĩvoya; na ala ma Avalisi ta ũu; ĩndĩ aa maku nĩmeũya na kũnyw’a. 34Na Yesũ amakũlya, Nĩmũtonya kũtuma ala metĩtwe mũtwaanonĩ matĩĩa kũya, yĩla mũtwaani wĩ vamwe nao? 35Ĩndĩ mĩthenya nĩyũkĩte, yĩla mũtwaani ũkaumw’a kwoo, na nĩvo ĩndĩ makatĩĩa kũya mĩthenya ĩsu. 36Ĩngĩ aneena na ngelekan’yo amatavya: Mũndũ ndatilaa kĩlio kya ngũa nzaũ alie ngũa ngũũ; nĩkwĩthĩwa eeka ũu nũkũtembũa ĩla nzaũ, na kĩlio kyu kyeũ kĩtyosana na ĩla ngũũ. 37Na vai mũndũ wĩkĩaa mbinyu mbĩthĩ mathatwanĩ makũũ; nĩkwĩthĩwa eekĩa, mbinyu mbĩthĩ ĩkatembũa mathatwa asu, na ĩkĩtĩka, na mathatwa makyanangĩka. 38Ĩndĩ mbinyu mbĩthĩ yaĩlwe nĩ kwĩkĩwa mathatwanĩ meũ. 39Na vai mũndũ ũla waanyw’a mbinyu ngũũ ũnũkwenda ĩla mbĩthĩ; nũndũ easya, ĩla ngũũ nĩyo nzeo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956