Luka 6
6
Ũndũ wa kũsũvĩa mũthenya wa savato
(MATHAYO 12.1–14; MALIKO 2.23—3.6)
1Na kweethĩwa mũthenya ũmwe wa savato, aendele mĩũndani ya nganũ, amanyĩw’a make matũla iia sya nganũ, maikiitha na nzaa, makĩya. 2#Yoa 5.10.Na amwe ma Avalisi mamwĩa, Nũndũ wa kĩ mũkwĩka ũndũ ũtosana na ĩla mĩao ũkĩkwa mũthenya wa savato? 3#1 Sam 21.1–6.Yesũ amasũngĩa, amea, Mũiaasoma ũndũ Ndaviti wekie, yĩla waĩ na nzaa, we na ala maĩ nake; 4#Ali 24.9.ũndũ wavotie nyũmbanĩ ya Ngai, na oosa imũtũ ila syaiĩawa Ngai, na aya, na anenga ala maĩ nake; naw’o ndwosana na ĩla mĩao kũĩwa nĩ mũndũ ate o athembi oka? 5Nake amea, Mwana wa mũndũ nĩ mwĩaĩi wa savato.
6Na kweethĩwa mũthenya ũngĩ wa savato, avota ĩsinakokenĩ amanyĩsye: na vo vaĩ mũndũ waĩ na kw’oko kwa aũme kwau. 7#Lk 14.1.Na ala aandĩki na Avalisi mamũsyaĩĩsya, kana nũnũũvosya mũthenya wa savato; nĩ kana mone ũndũ wa kũmũvinganĩsya naw’o. 8Nake nĩwesĩ mosũanĩo moo; na amwĩa ũla waĩ na kw’oko kwau, Ũkĩla ũũngame vaa katĩ. Nake ookĩla aũngama katĩ. 9Na Yesũ amea, Nĩngũmũkũlya atĩĩ, Nĩkwosana na ĩla mĩao kwĩka nesa mũthenya wa savato, kana kwĩka ũthũku? Kũtangĩĩa thayũ, kana kũwananga? 10Nake amasiangya onthe, na amwĩa ũla mũndũ, Tambũũkya kw’oko kwaku. Nake eeka ũu: na kw’oko kwavoa. 11Ĩndĩ onthe mausũwa nĩ ũthatu ta me na ndũũka; na maneenan’ya makĩmantha ũndũ matonya kũmwĩka Yesũ.
Yesũ aimanyuva atũmwa ikũmi na elĩ
(MATHAYO 10.1–4; MALIKO 3.13–19)
12Na kweethĩwa matukũ asu, ookĩla athi kĩĩmanĩ akavoye; na ekala ũtukũ w’onthe akĩvoya Ngai. 13#Mt 10.2–4; Yoa 6.70; Meko 1.13.Na kwakya, ameta amanyĩw’a make; na anyuva ĩkũmi na elĩ katĩ woo, na asu ameta atũmwa: 14Simoni, ũla wamũtw’ĩĩe syĩtwa ya kelĩ Vetelo, na mwana‐a‐inyia Andalea, na Yakovo na Yoana, na Vilivu na Valitholomayo, 15na Mathayo na Thoma, na Yakovo wa Alivaio, na Simoni ũla wetawa Nzelote, 16na Yutasi wa Yakovo, na Yutasi Isikalioti, ũla wesie kũmũvũnyanĩa; 17na atheea nao, na aũngama vandũ vatindimalu, na ĩkomano ĩnene ya amanyĩw’a make, na andũ aingĩ ma Yutia kw’onthe na Yelusaleme, na ma nthĩ ya Tile na Sitoni ila syĩ ũtee wa ũkanga, ala mookie kũmwĩthukĩĩsya, na kũvow’a mowau moo: 18na ala manyamaĩtw’e nĩ maveva mavuku mavow’a. 19Na onthe ma ĩkomano mamantha kũmũkiita; nũndũ vinya waumie nthĩnĩ wake, na wamavosya onthe.
Ala aathime na ala meĩthĩwa na mawoo
(MATHAYO 5.1–12)
20Nake ookĩlya metho make amasisya amanyĩw’a make, na asya atĩĩ, Mwĩ aathime inyw’ĩ ngya: nũndũ ũsumbĩ wa Ngai nĩ wenyu. 21#Ũvu 7.16,17; Sav 126.5,6; Isa 61.3.Mwĩ aathime inyw’ĩ ala mwĩ na nzaa yu: nũndũ mũkavũnw’a. Mwĩ aathime inyw’ĩ ala mũkũĩa yu: nũndũ mũkatheka. 22#Yoa 15.19; 16.2.Mwĩ aathime inyw’ĩ, yĩla andũ meũmũmena, na yĩla mekwĩvathana nenyu, na kũmũvũthya, na kũveta masyĩtwa menyu ta mathũku, kwondũ wa Mwana wa mũndũ. 23Tanai mũthenya ũsu, mũtũlĩlange na ũtanu; nũndũ alĩlĩĩ, ĩtuvi yenyu nĩ ĩnene ĩtunĩ; now’o aaĩthe moo meekaa athani. 24#Yak 5.1.Ĩndĩ mwĩthĩwe na woo inyw’i athwii! Nĩkwĩthĩwa nĩmwoosie ũkiakisyo wenyu. 25#Isa 5.22.Mwĩthĩwe na woo, inyw’ĩ ala mũvũn’ye yu! Nũndũ nĩmũkew’a nzaa. Mwĩthĩwe na woo, inyw’ĩ ala mũũtheka yu! Nũndũ nĩmũkameta na kũĩa. 26#Yak 4.4; Mika 2.11.Mwĩthĩwe na woo inyw’ĩ, yĩla andũ onthe meũmũneenea nesa! Nĩkwĩthĩwa o ta ũu now’o aaĩthe moo mamekaa athani ma ũvũngũ.
Kwenda amaitha
(MATHAYO 5.38–48)
27Ĩndĩ inyw’ĩ ala mũkwĩw’a nĩngũmũtavya atĩĩ, Mendei amaitha menyu, mekei nesa ala meũmũmena, 28maathimei ala mamwĩvĩkaa, mavoyeei ala mamũthĩnasya. 29Ũla ũnũũkũkũna ũthĩa ũmwe mũthyũũĩe ũla ũngi; na ũla ũnũũkũvena ngũa yaku ya ĩũlũ manya ũmũvata kĩtonyeo kyaku. 30Mũnenge ũla ũnũkwĩtya; na ũla unũũkũvena syĩndũ syaku ndũkamũkũlye. 31#Mt 7.12.Na ũndũ ũla mũkwenda kwĩkwa nĩ andũ, o ta ũu mekei o w’o. 32Mũkĩmenda ala mamwendaa inyw’ĩ, mwĩ na ũseo wa kyaũ? O na ala athe no mendete ala mamendaa. 33Na mũkĩmeka nesa ala mamwĩkaa inyw’ĩ nesa, mwĩ na ũseo wa kyaũ? O na athe no mekanaa ũu. 34#Ali 25.35,36.Na mũkĩmakovethya ala mũkwasya makamũĩva, mwĩ na ũseo wa kyaũ? O na athe no makovanaa, makĩtũngĩanĩa. 35Ĩndĩ inyw’ĩ mendei amaitha menyu, mũmekae nesa, makovethyei, na mũiketeele mamũtũngĩe; na ĩtuvi yenyu yĩkethĩwa yĩ ĩnene, nenyu mũkethĩwa mwĩ ana ma Ũla Wĩ Ĩũlũ wa Onthe: nĩkwĩthĩwa nĩwe mũseo kwa ala mate mũvea na ala athũku. 36Ĩthĩwai na tei, o ũndũ Ĩthe wenyu wĩ na tei.
Ũndũ wa kũsilĩla angĩ
(MATHAYO 7.1–5)
37 #
Mt 6.14. Manyai ũsilĩla, na inywĩ mũikasilĩlwa: manyai kũtw’a, nenyu mũikatw’ĩĩwa: ekanĩai, nenyu mũkaekewa: 38#Mko 4.24.nenganei, nenyu mũkanengwa; kĩthimi kĩseo, kĩlate, kĩthingithye, na kĩtĩkĩlĩlye, makamũnenga kĩthũinĩ kwenyu. Nĩkwĩthĩwa kĩthimo kĩla mũthimaa, nokyo mũkathimĩwa.
39 #
Mt 15.14; 23.16,24. Na Yesũ amatavya ngelekan’yo, Kĩlilinda nĩkĩtonya kũtongoesya kĩlilinda kĩngĩ? Syelĩ itivalũke ĩimanĩ? 40#Mt 10.24,25; Yoa 15.20.Mũmanĩw’a ndethĩwa e ĩũlũ wa mũmanyĩsya wake: ĩndĩ kĩla mũndũ ũminĩte kũmanyĩw’a akeethĩwa ta mũmanyĩsya wake. 41Naku nĩkĩ ũkũsisya kaũvavathĩ ke ithonĩ ya mwana‐a‐au, na ndũsũanĩa mũamba ũla wĩ ithonĩ yaku we? 42Kana ũtonya ata kũmwĩa mwana‐a‐au, Any’a, mwana‐a‐asa, ndeka nĩkumye kaũvavathĩ ke ithonĩ yaku, na mũamba ũla wĩ ithonĩ yaku ndũũwona? Mwangangan’ya we, amba kwĩyumya mũamba ũsu wĩ ithoni kwaku, na ĩndĩ ũkoona nesa kumya kaũvavathĩ ke ithonĩ ya mwana‐a‐au. 43Vai mũtĩ mũseo ũsyaa ũsyao mũthũku; kana mũtĩ mũthũku ũsyaa ũsyao mũseo. 44Nũndũ kĩla mũtĩ nũmanyĩkaa nĩ ũsyao waw’o. Nũndũ mĩw’anĩ andũ maitusaa makũyũ, kana mĩtaenĩ maitusaa nzavivũ. 45#Mt 12.34,35.Mũndũ mũseo nĩwumasya ũndũ ũseo kyũmbanĩsyonĩ kĩseo kya ngoo yake; na mũndũ mũthũku nĩwumasya ũndũ ũthũku kyũmbanĩsyonĩ kĩthũku kya ngoo yake: nũndũ ũla wusũĩte ngoo nĩw’o kanyw’a ũneenaa.
Mĩsingi ĩlĩ
(MATHAYO 7.24–27)
46 #
Mal 1.6; Mt 7.21. Mũmbĩtaa Mwĩaĩi, Mwĩaĩi, nĩkĩ, na mũtyĩkaa maũndũ ala nĩmũtavasya? 47Kĩla mũndũ wũkaa kwakwa, na kwĩw’a ndeto syakwa, naisyĩkaa, nĩngũmwon’ya ũndũ ũilyĩ: 48ailyĩ ta mũndũ ũla wakie nyũmba, ũla wenzie mũkao mũliku, na aakie wambĩlĩlyo wayo ĩũlũ wa ĩvia: na kĩw’ũ kingĩ kyookie, kyakima nyũmba ĩsu, na kyaemwa nĩ ũthingithya: nũndũ yaakĩtwe ĩvianĩ. 49Ĩndĩ ũla wewie, na ndaaĩka, ailyĩ ta mũndũ ũla wakie nyũmba mũthanganĩ vate wambĩlĩlyo, na kĩw’ũ kingĩ kyamĩkima, na oyu yavalũka; na ũvalũko wa nyũmba ĩsu waĩ mũnene.
Currently Selected:
Luka 6: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
Luka 6
6
Ũndũ wa kũsũvĩa mũthenya wa savato
(MATHAYO 12.1–14; MALIKO 2.23—3.6)
1Na kweethĩwa mũthenya ũmwe wa savato, aendele mĩũndani ya nganũ, amanyĩw’a make matũla iia sya nganũ, maikiitha na nzaa, makĩya. 2#Yoa 5.10.Na amwe ma Avalisi mamwĩa, Nũndũ wa kĩ mũkwĩka ũndũ ũtosana na ĩla mĩao ũkĩkwa mũthenya wa savato? 3#1 Sam 21.1–6.Yesũ amasũngĩa, amea, Mũiaasoma ũndũ Ndaviti wekie, yĩla waĩ na nzaa, we na ala maĩ nake; 4#Ali 24.9.ũndũ wavotie nyũmbanĩ ya Ngai, na oosa imũtũ ila syaiĩawa Ngai, na aya, na anenga ala maĩ nake; naw’o ndwosana na ĩla mĩao kũĩwa nĩ mũndũ ate o athembi oka? 5Nake amea, Mwana wa mũndũ nĩ mwĩaĩi wa savato.
6Na kweethĩwa mũthenya ũngĩ wa savato, avota ĩsinakokenĩ amanyĩsye: na vo vaĩ mũndũ waĩ na kw’oko kwa aũme kwau. 7#Lk 14.1.Na ala aandĩki na Avalisi mamũsyaĩĩsya, kana nũnũũvosya mũthenya wa savato; nĩ kana mone ũndũ wa kũmũvinganĩsya naw’o. 8Nake nĩwesĩ mosũanĩo moo; na amwĩa ũla waĩ na kw’oko kwau, Ũkĩla ũũngame vaa katĩ. Nake ookĩla aũngama katĩ. 9Na Yesũ amea, Nĩngũmũkũlya atĩĩ, Nĩkwosana na ĩla mĩao kwĩka nesa mũthenya wa savato, kana kwĩka ũthũku? Kũtangĩĩa thayũ, kana kũwananga? 10Nake amasiangya onthe, na amwĩa ũla mũndũ, Tambũũkya kw’oko kwaku. Nake eeka ũu: na kw’oko kwavoa. 11Ĩndĩ onthe mausũwa nĩ ũthatu ta me na ndũũka; na maneenan’ya makĩmantha ũndũ matonya kũmwĩka Yesũ.
Yesũ aimanyuva atũmwa ikũmi na elĩ
(MATHAYO 10.1–4; MALIKO 3.13–19)
12Na kweethĩwa matukũ asu, ookĩla athi kĩĩmanĩ akavoye; na ekala ũtukũ w’onthe akĩvoya Ngai. 13#Mt 10.2–4; Yoa 6.70; Meko 1.13.Na kwakya, ameta amanyĩw’a make; na anyuva ĩkũmi na elĩ katĩ woo, na asu ameta atũmwa: 14Simoni, ũla wamũtw’ĩĩe syĩtwa ya kelĩ Vetelo, na mwana‐a‐inyia Andalea, na Yakovo na Yoana, na Vilivu na Valitholomayo, 15na Mathayo na Thoma, na Yakovo wa Alivaio, na Simoni ũla wetawa Nzelote, 16na Yutasi wa Yakovo, na Yutasi Isikalioti, ũla wesie kũmũvũnyanĩa; 17na atheea nao, na aũngama vandũ vatindimalu, na ĩkomano ĩnene ya amanyĩw’a make, na andũ aingĩ ma Yutia kw’onthe na Yelusaleme, na ma nthĩ ya Tile na Sitoni ila syĩ ũtee wa ũkanga, ala mookie kũmwĩthukĩĩsya, na kũvow’a mowau moo: 18na ala manyamaĩtw’e nĩ maveva mavuku mavow’a. 19Na onthe ma ĩkomano mamantha kũmũkiita; nũndũ vinya waumie nthĩnĩ wake, na wamavosya onthe.
Ala aathime na ala meĩthĩwa na mawoo
(MATHAYO 5.1–12)
20Nake ookĩlya metho make amasisya amanyĩw’a make, na asya atĩĩ, Mwĩ aathime inyw’ĩ ngya: nũndũ ũsumbĩ wa Ngai nĩ wenyu. 21#Ũvu 7.16,17; Sav 126.5,6; Isa 61.3.Mwĩ aathime inyw’ĩ ala mwĩ na nzaa yu: nũndũ mũkavũnw’a. Mwĩ aathime inyw’ĩ ala mũkũĩa yu: nũndũ mũkatheka. 22#Yoa 15.19; 16.2.Mwĩ aathime inyw’ĩ, yĩla andũ meũmũmena, na yĩla mekwĩvathana nenyu, na kũmũvũthya, na kũveta masyĩtwa menyu ta mathũku, kwondũ wa Mwana wa mũndũ. 23Tanai mũthenya ũsu, mũtũlĩlange na ũtanu; nũndũ alĩlĩĩ, ĩtuvi yenyu nĩ ĩnene ĩtunĩ; now’o aaĩthe moo meekaa athani. 24#Yak 5.1.Ĩndĩ mwĩthĩwe na woo inyw’i athwii! Nĩkwĩthĩwa nĩmwoosie ũkiakisyo wenyu. 25#Isa 5.22.Mwĩthĩwe na woo, inyw’ĩ ala mũvũn’ye yu! Nũndũ nĩmũkew’a nzaa. Mwĩthĩwe na woo, inyw’ĩ ala mũũtheka yu! Nũndũ nĩmũkameta na kũĩa. 26#Yak 4.4; Mika 2.11.Mwĩthĩwe na woo inyw’ĩ, yĩla andũ onthe meũmũneenea nesa! Nĩkwĩthĩwa o ta ũu now’o aaĩthe moo mamekaa athani ma ũvũngũ.
Kwenda amaitha
(MATHAYO 5.38–48)
27Ĩndĩ inyw’ĩ ala mũkwĩw’a nĩngũmũtavya atĩĩ, Mendei amaitha menyu, mekei nesa ala meũmũmena, 28maathimei ala mamwĩvĩkaa, mavoyeei ala mamũthĩnasya. 29Ũla ũnũũkũkũna ũthĩa ũmwe mũthyũũĩe ũla ũngi; na ũla ũnũũkũvena ngũa yaku ya ĩũlũ manya ũmũvata kĩtonyeo kyaku. 30Mũnenge ũla ũnũkwĩtya; na ũla unũũkũvena syĩndũ syaku ndũkamũkũlye. 31#Mt 7.12.Na ũndũ ũla mũkwenda kwĩkwa nĩ andũ, o ta ũu mekei o w’o. 32Mũkĩmenda ala mamwendaa inyw’ĩ, mwĩ na ũseo wa kyaũ? O na ala athe no mendete ala mamendaa. 33Na mũkĩmeka nesa ala mamwĩkaa inyw’ĩ nesa, mwĩ na ũseo wa kyaũ? O na athe no mekanaa ũu. 34#Ali 25.35,36.Na mũkĩmakovethya ala mũkwasya makamũĩva, mwĩ na ũseo wa kyaũ? O na athe no makovanaa, makĩtũngĩanĩa. 35Ĩndĩ inyw’ĩ mendei amaitha menyu, mũmekae nesa, makovethyei, na mũiketeele mamũtũngĩe; na ĩtuvi yenyu yĩkethĩwa yĩ ĩnene, nenyu mũkethĩwa mwĩ ana ma Ũla Wĩ Ĩũlũ wa Onthe: nĩkwĩthĩwa nĩwe mũseo kwa ala mate mũvea na ala athũku. 36Ĩthĩwai na tei, o ũndũ Ĩthe wenyu wĩ na tei.
Ũndũ wa kũsilĩla angĩ
(MATHAYO 7.1–5)
37 #
Mt 6.14. Manyai ũsilĩla, na inywĩ mũikasilĩlwa: manyai kũtw’a, nenyu mũikatw’ĩĩwa: ekanĩai, nenyu mũkaekewa: 38#Mko 4.24.nenganei, nenyu mũkanengwa; kĩthimi kĩseo, kĩlate, kĩthingithye, na kĩtĩkĩlĩlye, makamũnenga kĩthũinĩ kwenyu. Nĩkwĩthĩwa kĩthimo kĩla mũthimaa, nokyo mũkathimĩwa.
39 #
Mt 15.14; 23.16,24. Na Yesũ amatavya ngelekan’yo, Kĩlilinda nĩkĩtonya kũtongoesya kĩlilinda kĩngĩ? Syelĩ itivalũke ĩimanĩ? 40#Mt 10.24,25; Yoa 15.20.Mũmanĩw’a ndethĩwa e ĩũlũ wa mũmanyĩsya wake: ĩndĩ kĩla mũndũ ũminĩte kũmanyĩw’a akeethĩwa ta mũmanyĩsya wake. 41Naku nĩkĩ ũkũsisya kaũvavathĩ ke ithonĩ ya mwana‐a‐au, na ndũsũanĩa mũamba ũla wĩ ithonĩ yaku we? 42Kana ũtonya ata kũmwĩa mwana‐a‐au, Any’a, mwana‐a‐asa, ndeka nĩkumye kaũvavathĩ ke ithonĩ yaku, na mũamba ũla wĩ ithonĩ yaku ndũũwona? Mwangangan’ya we, amba kwĩyumya mũamba ũsu wĩ ithoni kwaku, na ĩndĩ ũkoona nesa kumya kaũvavathĩ ke ithonĩ ya mwana‐a‐au. 43Vai mũtĩ mũseo ũsyaa ũsyao mũthũku; kana mũtĩ mũthũku ũsyaa ũsyao mũseo. 44Nũndũ kĩla mũtĩ nũmanyĩkaa nĩ ũsyao waw’o. Nũndũ mĩw’anĩ andũ maitusaa makũyũ, kana mĩtaenĩ maitusaa nzavivũ. 45#Mt 12.34,35.Mũndũ mũseo nĩwumasya ũndũ ũseo kyũmbanĩsyonĩ kĩseo kya ngoo yake; na mũndũ mũthũku nĩwumasya ũndũ ũthũku kyũmbanĩsyonĩ kĩthũku kya ngoo yake: nũndũ ũla wusũĩte ngoo nĩw’o kanyw’a ũneenaa.
Mĩsingi ĩlĩ
(MATHAYO 7.24–27)
46 #
Mal 1.6; Mt 7.21. Mũmbĩtaa Mwĩaĩi, Mwĩaĩi, nĩkĩ, na mũtyĩkaa maũndũ ala nĩmũtavasya? 47Kĩla mũndũ wũkaa kwakwa, na kwĩw’a ndeto syakwa, naisyĩkaa, nĩngũmwon’ya ũndũ ũilyĩ: 48ailyĩ ta mũndũ ũla wakie nyũmba, ũla wenzie mũkao mũliku, na aakie wambĩlĩlyo wayo ĩũlũ wa ĩvia: na kĩw’ũ kingĩ kyookie, kyakima nyũmba ĩsu, na kyaemwa nĩ ũthingithya: nũndũ yaakĩtwe ĩvianĩ. 49Ĩndĩ ũla wewie, na ndaaĩka, ailyĩ ta mũndũ ũla wakie nyũmba mũthanganĩ vate wambĩlĩlyo, na kĩw’ũ kingĩ kyamĩkima, na oyu yavalũka; na ũvalũko wa nyũmba ĩsu waĩ mũnene.
Currently Selected:
:
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956