Luka 7
7
Mũthũkũmi wa mũnene wa asikalĩ ĩana aivow’a
(MATHAYO 8.5–13)
1Na Yesũ amina kũneena ndeto syake syonthe ĩkĩw’ika nĩ andũ, alika Kavelinaumi.
2 #
Yoa 4.47. Na mũnene ũmwe wa asikali ĩana aĩ na ngombo ndwau, yakilĩlye kũkw’a, nake nĩwamyendete mũno. 3Na eew’a ũvoo wa Yesũ, atũma atumĩa ma Ayuti vala ũĩ makamwĩsũve oke kũmĩvoesya ngombo yake. 4Nao, mavika vala ve Yesũ, mamwĩsũva mũno, makyasya, Ũsu nĩwaĩlwe nĩ kwĩkwa ũu; 5nũndũ nĩwendete mbaitũ, na ĩsinakoke yitũ nĩwatwakĩe. 6Na Yesũ athi nao. Na avika vakuvĩ na nyũmba, ũla mũndũ atũma anyanyae vala ũĩ, mamwĩe, Mwĩaĩi, manya kwĩnyamasya; nũndũ ndyĩanĩwe nue ũlika ungu wa kĩala kyakwa: 7na ta ũu nĩnasya ndyĩanĩwe nĩ kũka kwaku: ĩndĩ neena ndeto tũ, na mũthũkũmi wakwa nũnũũvoa. 8Nĩkwĩthĩwa nyie nĩ mũndũ ũla wĩaĩawa, na nĩ na asikalĩ makwa ĩtheo wakwa: na nĩngũmwĩa ũmwe, Thi, na akĩthi; na ũngĩ, Ũka, na akyũka; na ngombo yakwa, Ĩka ũna, nayo ĩkĩka. 9Na Yesũ eew’a maũndũ asu, aseng’a ũndũ wake, na eethyũũa na amea andũ ala mamũvikĩlĩte, Nĩmwĩa atĩĩ, ndyaaona mũĩkĩĩo mũnene ta ũũ, aiee, o na nthĩnĩ wa Isilaeli. 10Na ala matũmiwe, masyoka nyũmba, meethĩa ĩla ngombo ĩnavoa.
Kũthayũũkw’a kwa mwana wa ndiwa Naini
11Na kweethĩwa ĩvinda ĩnini yathela, athi ndũanĩ ĩla yĩtawa Naini; na amanyĩw’a make, na andũ angĩ aingĩ, maendan’ya nake. 12#Lk 8.42; 1 Asu 17.17.Na athengeea mbingĩlonĩ ya ndũa, sisya, nĩkwaumaalĩtw’e mũndũ mũkw’ũ, aĩ mwana e weka, na inyia aĩ ndiwa: na andũ aingĩ ma ndũa maĩ vamwe nake. 13Na Mwĩaĩi amwona, amwĩw’ĩa ĩnee, na amwĩa, Eka kũĩa. 14Na athengeea akiita mũsekeseke: na ala makuĩte maũngama. Nake asya, Mwanake, nĩngũũtavya, Ũkĩla. 15#1 Asu 17.23; 2 Asu 4.36.Na ũla waĩ mũkw’ũ ekala nthĩ, na ambĩlĩlya ũneena. Na Yesũ amũnenga inyia wake. 16#Lk 1.68; 19.44.Na onthe makwatwa nĩ w’ĩa: na mamũkatha Ngai, makyasya, Kũũ kwitũ nĩkumbũkie mwathani mũnene: na, Ngai nũmokĩe andũ make. 17Na ũvoo ũsu wake wanyaĩĩka nthĩ yonthe ya Yutia, na nthĩ ila syamĩthyũlũlũkĩte.
Yoana Mũvatisi
(MATHAYO 11.2–19)
18Na amanyĩw’a ma Yoana mamũtavya maũndũ asu onthe. 19#Sav 40.7; 118.26; Mal 3.1; Nda 9.26.Na Yoana ameta elĩ ma amanyĩw’a make na amatũma kwa Mwĩaĩi, makamũkũlye, Nue ũla wĩũka, kana tũmweteele ũngĩ? 20Na yĩla aũme asu mavikie vala ũĩ, mamwĩa, Yoana Mũvatisi nĩwatũtũma vala ũĩ, nake asya, Nue ũla wĩũka, kana tũmweteele ũngĩ? 21Na saa ũsu avosya andũ aingĩ mowau na mothĩn’yo na maveva mathũku; na ililinda nyingĩ syasalukw’a metho. 22#Isa 35.5; 61.1.Na ĩndĩ asũngĩa amea, Endai, mũkamũtavye Yoana maũndũ asu ala mwonete na ala mwĩw’ĩte; ililinda nikwona, ala mathuaa nĩmeũthi, ala mawaĩte mangũ nĩmeũthew’a, ala au matũ nĩmekwĩw’a, ala akw’ũ nĩmeũthayũũkw’a, na ala ngya nĩmeũtavw’a ũvoo mũseo. 23Nĩ mũathime o ũla ũtakona ũndũ wa ũlulutĩkw’a nthĩnĩ wakwa.
24Na ala matũmiwe nĩ Yoana mamina ũthi, ambĩlĩlya kũneena na makomano ũndũ wa Yoana, akyasya, Mũnaendaa kũsisya kyaũ weũnĩ? Nĩ mũangi ũla ũthingithangw’a nĩ kĩseve? 25Ĩndĩ mũnaendaa kwona kyaũ? Nĩ mũndũ wĩkĩe ngũa nduũku? Nĩmwenei, ala mekĩaa ngũa nzeo mbee, na me na lĩu mũseo, mekalaa kwa asumbĩ. 26#Lk 1.76.Ĩndĩ mũnaendaa kũsisya kyaũ? Nĩ mwathani? Ĩĩ, nĩngũmũtavya, nĩ ũla ũvĩtũkĩte mũno mwathani. 27Ũsu nĩwe ũla waandĩkĩwe atĩĩ,
Sisya, nĩngũtũma mũtũmwa wakwa mbee wa ũthyũ waku,
#
Mal 3.1. Ũla ũkaseũvya nzĩa yaku mbee waku.
28 #
Lk 1.15. Nĩngũmũtavya atĩĩ, Katĩ wa ala masyaawa nĩ aka vai ũmwe ũvĩtũkĩte Yoana: o na kau ũla mũnini ũsumbĩnĩ wa Ngai nĩ mũnene kwĩ we. 29#Lk 3.7,12; Mt 21.32.Na andũ onthe, o na aumya ma koti, meew’a, mamũtala Ngai mũlũngalu, nũndũ mavatisĩtwe na ũvatisi wa Yoana. 30#Meko 13.46.Ĩndĩ Avalisi na amamyisya ma mĩao malea motw’io ma Ngai, kwa kũtavatiswa nĩwe. 31Na Mwĩaĩi asya, Nĩelekan’ya na kyaũ andũ ma ũsyao ũũ, nao mavw’anene na kyaũ? 32Mavw’anene na syana ila syĩkalaa kĩng’ang’anĩ, ila syĩtanaa; ikyasya, Twamũvuvĩa mũtũlilũ, nenyu mũinasũnga; twamũmetea, nenyu mũinaĩa. 33#Lk 15.2.Nũndũ Yoana Mũvatisi nĩwũkĩte ateũya kĩmũtũ na ateũnyw’a mbinyu; na inyw’ĩ mwĩasya, E na ndaimoni. 34Mwana wa mũndũ nĩwũkĩte akĩya na akĩnyw’a; na inyw’ĩ mwĩasya, Sisyai, mũyi, na mũnywi, mũnyanyae wa aumya ma koti na andũ athe! 35Ũĩ nũtalĩlawa ũlũngalu nĩ syana syaw’o syonthe.
Maũũ ma Yesũ makĩvakwa mauta, na ngelekan’yo ya andũ elĩ maĩ na thiĩ
36 #
Lk 11.37. Na ũmwe wa Avalisi enda aye lĩu nake. Na alika nyũmba ya Mũvalisi, na ekala nthĩ aye. 37Na sisya, mũndũ mũka wa ndũa ĩsu, ũla waĩ mwathe, yĩla wamanyie kana nũnũũya lĩu nyũmanĩ ya Mũvalisi, aete sũva wa mauta, 38#Mt 26.7–13; Yoa 12.3–8.na aũngama ĩtina vakuvĩ na maũũ make, akĩĩa, na ambĩlĩlya kũmwĩtĩkĩsya methoi maũũ make, na kũmanyasya na nzw’ĩĩ sya mũtwe wake, na kũmamumunyanga maũũ make, akĩmavaka ala mauta. 39Na Mũvalisi ũla wamwĩtĩte oona ũu, avindya ngoonĩ yake, akyasya, Kethĩwa mũndũ ũũ nĩ mwathani, eethĩwa amanyie mũndũ mũka ũũ nũũ, na nĩ mũndũ mũka ũilyĩ ata ũla ũnũũmũkiita, atĩ nĩ mwathe. 40Na Yesu amũsũngĩa amwĩa, Simoni, nĩ na kaũndũ ngwenda ũkũtavya. Nake asya, Mũmanyĩsya, neena. 41Yesũ amwĩa Mũndũ ũmwe, mũkovethya, aĩ na andũ elĩ maĩ na thiĩ nake: ũmwe thiĩ wake waĩ silingi maana atano, na ũla ũngĩ mĩongo ĩtano. 42Nao meethĩwa mate na kĩndũ kya ũmũĩva, amaekea thiĩ woo me elĩ. Nĩ wĩva ĩndĩ wa asu elĩ ũla wĩmwenda mbee? 43Simoni amũsũngĩa, asya, Nĩngwasya nĩ ũla waekewe nyingĩ. Nake amwĩa, Watw’a nesa we. 44#Mwa 18.4.Nake eethyũũĩa ũ mũndũ mũka, aimwĩa Simoni, Nĩwene mũndũ mũka ũũ? Nĩvotie nyũmba yaku, na ndũnanenga manzĩ ma ũthambya maũũ makwa: ĩndĩ ũyũ nĩwamathambya na methoi make, na nĩwamanyasya na nzw’ĩĩ syake. 45#Alo 16.16.Ndũnamumunya: ĩndĩ ũyũ yĩla nĩvotie, ndanaeka kũmamumunyanga maũũ makwa. 46Ndũnambaka mũtwe wakwa mauta: ĩndĩ ũyũ nĩwambaka maũũ makwa mauta. 47Kwondũ wa ũu nĩngũkũtavya, Naĩ syake, o na syĩ nyingĩ, nĩsyaekwa; nũndũ e wendo mwingĩ: ĩndĩ ũla ũekewe ũndũ ũnini, ũsu e wendo mũnini. 48#Lk 5.20,21.Nake amwĩa ũla mũndũ mũka, Naĩ syaku nĩsyaekwa. 49Na ala mailyĩ nthĩ nake makĩya lĩu mambĩlĩlya kũvindya ngoonĩ syoo, Ũũ nũũ ũnũkũekea naĩ? 50#Lk 8.48; 17.19; 18.42.Nake amwĩa mũndũ mũka, Mũĩkĩĩo waku nĩwakũtangĩĩa; thi na mũuo.
Currently Selected:
Luka 7: Mbivlia
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
Luka 7
7
Mũthũkũmi wa mũnene wa asikalĩ ĩana aivow’a
(MATHAYO 8.5–13)
1Na Yesũ amina kũneena ndeto syake syonthe ĩkĩw’ika nĩ andũ, alika Kavelinaumi.
2 #
Yoa 4.47. Na mũnene ũmwe wa asikali ĩana aĩ na ngombo ndwau, yakilĩlye kũkw’a, nake nĩwamyendete mũno. 3Na eew’a ũvoo wa Yesũ, atũma atumĩa ma Ayuti vala ũĩ makamwĩsũve oke kũmĩvoesya ngombo yake. 4Nao, mavika vala ve Yesũ, mamwĩsũva mũno, makyasya, Ũsu nĩwaĩlwe nĩ kwĩkwa ũu; 5nũndũ nĩwendete mbaitũ, na ĩsinakoke yitũ nĩwatwakĩe. 6Na Yesũ athi nao. Na avika vakuvĩ na nyũmba, ũla mũndũ atũma anyanyae vala ũĩ, mamwĩe, Mwĩaĩi, manya kwĩnyamasya; nũndũ ndyĩanĩwe nue ũlika ungu wa kĩala kyakwa: 7na ta ũu nĩnasya ndyĩanĩwe nĩ kũka kwaku: ĩndĩ neena ndeto tũ, na mũthũkũmi wakwa nũnũũvoa. 8Nĩkwĩthĩwa nyie nĩ mũndũ ũla wĩaĩawa, na nĩ na asikalĩ makwa ĩtheo wakwa: na nĩngũmwĩa ũmwe, Thi, na akĩthi; na ũngĩ, Ũka, na akyũka; na ngombo yakwa, Ĩka ũna, nayo ĩkĩka. 9Na Yesũ eew’a maũndũ asu, aseng’a ũndũ wake, na eethyũũa na amea andũ ala mamũvikĩlĩte, Nĩmwĩa atĩĩ, ndyaaona mũĩkĩĩo mũnene ta ũũ, aiee, o na nthĩnĩ wa Isilaeli. 10Na ala matũmiwe, masyoka nyũmba, meethĩa ĩla ngombo ĩnavoa.
Kũthayũũkw’a kwa mwana wa ndiwa Naini
11Na kweethĩwa ĩvinda ĩnini yathela, athi ndũanĩ ĩla yĩtawa Naini; na amanyĩw’a make, na andũ angĩ aingĩ, maendan’ya nake. 12#Lk 8.42; 1 Asu 17.17.Na athengeea mbingĩlonĩ ya ndũa, sisya, nĩkwaumaalĩtw’e mũndũ mũkw’ũ, aĩ mwana e weka, na inyia aĩ ndiwa: na andũ aingĩ ma ndũa maĩ vamwe nake. 13Na Mwĩaĩi amwona, amwĩw’ĩa ĩnee, na amwĩa, Eka kũĩa. 14Na athengeea akiita mũsekeseke: na ala makuĩte maũngama. Nake asya, Mwanake, nĩngũũtavya, Ũkĩla. 15#1 Asu 17.23; 2 Asu 4.36.Na ũla waĩ mũkw’ũ ekala nthĩ, na ambĩlĩlya ũneena. Na Yesũ amũnenga inyia wake. 16#Lk 1.68; 19.44.Na onthe makwatwa nĩ w’ĩa: na mamũkatha Ngai, makyasya, Kũũ kwitũ nĩkumbũkie mwathani mũnene: na, Ngai nũmokĩe andũ make. 17Na ũvoo ũsu wake wanyaĩĩka nthĩ yonthe ya Yutia, na nthĩ ila syamĩthyũlũlũkĩte.
Yoana Mũvatisi
(MATHAYO 11.2–19)
18Na amanyĩw’a ma Yoana mamũtavya maũndũ asu onthe. 19#Sav 40.7; 118.26; Mal 3.1; Nda 9.26.Na Yoana ameta elĩ ma amanyĩw’a make na amatũma kwa Mwĩaĩi, makamũkũlye, Nue ũla wĩũka, kana tũmweteele ũngĩ? 20Na yĩla aũme asu mavikie vala ũĩ, mamwĩa, Yoana Mũvatisi nĩwatũtũma vala ũĩ, nake asya, Nue ũla wĩũka, kana tũmweteele ũngĩ? 21Na saa ũsu avosya andũ aingĩ mowau na mothĩn’yo na maveva mathũku; na ililinda nyingĩ syasalukw’a metho. 22#Isa 35.5; 61.1.Na ĩndĩ asũngĩa amea, Endai, mũkamũtavye Yoana maũndũ asu ala mwonete na ala mwĩw’ĩte; ililinda nikwona, ala mathuaa nĩmeũthi, ala mawaĩte mangũ nĩmeũthew’a, ala au matũ nĩmekwĩw’a, ala akw’ũ nĩmeũthayũũkw’a, na ala ngya nĩmeũtavw’a ũvoo mũseo. 23Nĩ mũathime o ũla ũtakona ũndũ wa ũlulutĩkw’a nthĩnĩ wakwa.
24Na ala matũmiwe nĩ Yoana mamina ũthi, ambĩlĩlya kũneena na makomano ũndũ wa Yoana, akyasya, Mũnaendaa kũsisya kyaũ weũnĩ? Nĩ mũangi ũla ũthingithangw’a nĩ kĩseve? 25Ĩndĩ mũnaendaa kwona kyaũ? Nĩ mũndũ wĩkĩe ngũa nduũku? Nĩmwenei, ala mekĩaa ngũa nzeo mbee, na me na lĩu mũseo, mekalaa kwa asumbĩ. 26#Lk 1.76.Ĩndĩ mũnaendaa kũsisya kyaũ? Nĩ mwathani? Ĩĩ, nĩngũmũtavya, nĩ ũla ũvĩtũkĩte mũno mwathani. 27Ũsu nĩwe ũla waandĩkĩwe atĩĩ,
Sisya, nĩngũtũma mũtũmwa wakwa mbee wa ũthyũ waku,
#
Mal 3.1. Ũla ũkaseũvya nzĩa yaku mbee waku.
28 #
Lk 1.15. Nĩngũmũtavya atĩĩ, Katĩ wa ala masyaawa nĩ aka vai ũmwe ũvĩtũkĩte Yoana: o na kau ũla mũnini ũsumbĩnĩ wa Ngai nĩ mũnene kwĩ we. 29#Lk 3.7,12; Mt 21.32.Na andũ onthe, o na aumya ma koti, meew’a, mamũtala Ngai mũlũngalu, nũndũ mavatisĩtwe na ũvatisi wa Yoana. 30#Meko 13.46.Ĩndĩ Avalisi na amamyisya ma mĩao malea motw’io ma Ngai, kwa kũtavatiswa nĩwe. 31Na Mwĩaĩi asya, Nĩelekan’ya na kyaũ andũ ma ũsyao ũũ, nao mavw’anene na kyaũ? 32Mavw’anene na syana ila syĩkalaa kĩng’ang’anĩ, ila syĩtanaa; ikyasya, Twamũvuvĩa mũtũlilũ, nenyu mũinasũnga; twamũmetea, nenyu mũinaĩa. 33#Lk 15.2.Nũndũ Yoana Mũvatisi nĩwũkĩte ateũya kĩmũtũ na ateũnyw’a mbinyu; na inyw’ĩ mwĩasya, E na ndaimoni. 34Mwana wa mũndũ nĩwũkĩte akĩya na akĩnyw’a; na inyw’ĩ mwĩasya, Sisyai, mũyi, na mũnywi, mũnyanyae wa aumya ma koti na andũ athe! 35Ũĩ nũtalĩlawa ũlũngalu nĩ syana syaw’o syonthe.
Maũũ ma Yesũ makĩvakwa mauta, na ngelekan’yo ya andũ elĩ maĩ na thiĩ
36 #
Lk 11.37. Na ũmwe wa Avalisi enda aye lĩu nake. Na alika nyũmba ya Mũvalisi, na ekala nthĩ aye. 37Na sisya, mũndũ mũka wa ndũa ĩsu, ũla waĩ mwathe, yĩla wamanyie kana nũnũũya lĩu nyũmanĩ ya Mũvalisi, aete sũva wa mauta, 38#Mt 26.7–13; Yoa 12.3–8.na aũngama ĩtina vakuvĩ na maũũ make, akĩĩa, na ambĩlĩlya kũmwĩtĩkĩsya methoi maũũ make, na kũmanyasya na nzw’ĩĩ sya mũtwe wake, na kũmamumunyanga maũũ make, akĩmavaka ala mauta. 39Na Mũvalisi ũla wamwĩtĩte oona ũu, avindya ngoonĩ yake, akyasya, Kethĩwa mũndũ ũũ nĩ mwathani, eethĩwa amanyie mũndũ mũka ũũ nũũ, na nĩ mũndũ mũka ũilyĩ ata ũla ũnũũmũkiita, atĩ nĩ mwathe. 40Na Yesu amũsũngĩa amwĩa, Simoni, nĩ na kaũndũ ngwenda ũkũtavya. Nake asya, Mũmanyĩsya, neena. 41Yesũ amwĩa Mũndũ ũmwe, mũkovethya, aĩ na andũ elĩ maĩ na thiĩ nake: ũmwe thiĩ wake waĩ silingi maana atano, na ũla ũngĩ mĩongo ĩtano. 42Nao meethĩwa mate na kĩndũ kya ũmũĩva, amaekea thiĩ woo me elĩ. Nĩ wĩva ĩndĩ wa asu elĩ ũla wĩmwenda mbee? 43Simoni amũsũngĩa, asya, Nĩngwasya nĩ ũla waekewe nyingĩ. Nake amwĩa, Watw’a nesa we. 44#Mwa 18.4.Nake eethyũũĩa ũ mũndũ mũka, aimwĩa Simoni, Nĩwene mũndũ mũka ũũ? Nĩvotie nyũmba yaku, na ndũnanenga manzĩ ma ũthambya maũũ makwa: ĩndĩ ũyũ nĩwamathambya na methoi make, na nĩwamanyasya na nzw’ĩĩ syake. 45#Alo 16.16.Ndũnamumunya: ĩndĩ ũyũ yĩla nĩvotie, ndanaeka kũmamumunyanga maũũ makwa. 46Ndũnambaka mũtwe wakwa mauta: ĩndĩ ũyũ nĩwambaka maũũ makwa mauta. 47Kwondũ wa ũu nĩngũkũtavya, Naĩ syake, o na syĩ nyingĩ, nĩsyaekwa; nũndũ e wendo mwingĩ: ĩndĩ ũla ũekewe ũndũ ũnini, ũsu e wendo mũnini. 48#Lk 5.20,21.Nake amwĩa ũla mũndũ mũka, Naĩ syaku nĩsyaekwa. 49Na ala mailyĩ nthĩ nake makĩya lĩu mambĩlĩlya kũvindya ngoonĩ syoo, Ũũ nũũ ũnũkũekea naĩ? 50#Lk 8.48; 17.19; 18.42.Nake amwĩa mũndũ mũka, Mũĩkĩĩo waku nĩwakũtangĩĩa; thi na mũuo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956