MATHAYO 19
19
Ũkũlyo ũndũ wa kũleana
(MALIKO 10.1–12; Luka 16.18)
1 #
Mt 7.28; 11.1; 13.53; 26.1. Na kweethĩwa Yesũ amina ndeto isu, auma Kalilii athi mĩvakanĩ ya Yutia, mũingo wa Yolotani; 2na makomano manene mamũatĩĩa; na amavoesya ku.
3 #
Mt 5.31,32. Na Avalisi mooka vala ũĩ, makĩmũtata, makyasya, Nĩkwosana na ĩla mĩao mũndũ kũmũeka mũka kwondũ wa kĩla ũndũ? 4#Mwa 1.27.Na asũngĩa, amakũlya, Mũtyaasoma kana we ũla wamombie mbee, amombie mũndũ mũũme na mũndũ mũka, 5#Mwa 2.24; Aev 5.31.na asya, Kwondũ wa ũu mũndũ akatia ĩthe na nyinyia, na akalũman’ya na mũka wake; na me elĩ makeethĩwa mwĩĩ ũmwe? 6O na matw’ĩkĩte ti elĩ ĩngĩ, ĩndĩ nĩ mwĩĩ ũmwe. Ala Ngai ũlũmanĩtye ĩndĩ, mũndũ ndakaamataan’ye. 7#Kũt 24.1.Mamwĩa, Nĩkĩ ĩndĩ Mose weaie kũnengane valũa wa kũtaanĩsya, na kũmũeka? 8Amea, Mose kwondũ wa wũmũ wa ngoo syenyu nĩwetĩkĩlile mũeke aka menyu: ĩndĩ kuma mwambĩlĩlyonĩ kũiailyĩ ũu. 9#Lk 16.18.Nakwa nĩngũmwĩa, O ũla ũkamũeka mũka wake, ate o kwondũ wa ũlaalai, na aitwaa ũngĩ, nũnũũlaalaa: na ũla wĩmũtwaa ũsu ũeketwe nũnũũlaalaa. 10Amanyĩw’a make mamwĩa, Ethĩwa ũndũ wa mũndũ na mũka wake ũtilyĩ ũu, kũtwaana kũi vata. 11#1 Ako 7.7,17.Ĩndĩ we amea, Tĩ andũ onthe matonya kwosa ndeto ĩno, ĩndĩ no asu ala manengetwe. 12Nũndũ kwĩ avakũe ala masyaiwe ũu kuma mavunĩ ma aanyinyia moo: na kwĩ avakũe ala mavakũiwe nĩ andũ: na kwĩ avakũe ala meevakũie kwondũ wa ũsumbĩ wa ĩtu. Ũla ũtonya kũmyosa, namyose.
Yesũ aiathima syana nini
(MALIKO 10.13–16; Luka 18.15–17)
13Na ĩndĩ aetewe syana nini nĩ kana asilĩĩle moko, na kwivoyea: na amanyĩw’a mamakan’ya. 14#Mt 18.2,3.Ĩndĩ Yesũ asya, Iekei syana nini, na mũikaivate kũka kwakwa: nũndũ ũsumbĩ wa ĩtu nĩ wa ala mailyi ta isu. 15Na asilĩĩla moko, na auma vau athi.
Mwanake mũthwii aimantha thayũ ũtathela
(MALIKO 10.17–22; Luka 18.18–23)
16Na sisya, ũmwe ooka vala ũĩ amũkũlya, Mũmanyĩsya mũseo, nĩĩka ũndũ ũseo wiva nĩ kana nĩthĩwe na thayũ ũtathela? 17#Lk 10.26–28.Na amwĩa, Nĩkĩ ũũmbĩta mũseo? Ũla mũseo no Ũmwe: ĩndĩ ethĩwa nũkwenda kũvota thayũnĩ, kwata mĩao. 18#Kuma 20.13–16; Kũt 5.17–20.Nake amũkũlya, Yĩva? Na Yesũ amwĩa, Ndũkoae, Ndũkalaalae, Ndũkoye, Ndũkaneene ũkũsĩ wa ũvũngũ, 19#Kuma 20.12; Ali 19.18; Kũt 5.16.Taĩa au na mwenyu; na, Mwende mũtũi waku tondũ wĩyendete. 20Ũla mwanake amwĩa, Maũndũ asu onthe nĩnĩmakwatie: nĩ ũndũ wĩva ũla ndielye? 21#Mt 6.20; Lk 12.33.Yesũ amwĩa, Ethĩwa nũkwenda kwĩthĩwa mwĩanĩu, thi, ũkathoosye ila wĩ nasyo, ũnenge ngya, naku ũkethĩwa na ũthwii ĩtunĩ: na ĩndĩ ũkyũka ũngatĩĩe. 22#Sav 62.10.Ĩndĩ ũla mwanake eew’a ndeto isu, athi na woo; nĩkwĩthĩwa aĩ na ũthwii mwingĩ.
Mĩisyo ya ũthwii
(MALIKO 10.23–31; Luka 18.24–30)
23Na Yesũ amea amanyĩw’a make, Nĩ w’o nĩngũmwĩa, Kũkeethĩwa ũndũ wĩ vinya mũndũ mũthwii kũlika ũsumbĩnĩ wa ĩtu. 24Na ĩngĩ nĩngũmwĩa, Nĩ ũvũthũ ngamĩle kũvotela kalimanĩ ka singano, kwĩ mũndũ mũthwii kũvota ũsumbĩnĩ wa Ngai. 25Na amanyĩw’a meew’a ũu maseng’a mũno, makyasya, Nũũ ĩndĩ ũtonya kũtangĩĩwa? 26#Mwa 18.14; Yovu 42.2; Nzek 8.6.Na Yesũ amasisya, amea, Kwa andũ ũndũ ũũ ndũtonyeka; ĩndĩ kwa Ngai maũndũ onthe nĩmatonyeka. 27Na ĩndĩ Vetelo asũngĩa, amwĩa, Sisya, ithyĩ nĩtũtiĩte syonthe na twakũatĩĩa; tũkosa kyaũ ĩndĩ? 28#Lk 22.30; Nda 7.9,10.Na Yesũ amea, Nĩ w’o nĩngũmwĩa, kana inyw’ĩ mũmbikĩlĩte, yĩla Mwana wa mũndũ ũkekalĩla kĩvĩla kya ũsumbĩ kya ũtheu wake mũtisu kũalyũkwanĩ kweũ, inyw’ĩ nenyu nĩmũkekalĩla ivĩla sya ũsumbĩ ĩkũmi na ilĩ, mũkĩsilĩla mbai ĩkũmi na ilĩ sya Isilaeli. 29#Aevl 10.34.Na kĩla mũndũ ũla ũtiĩte nyũmba, kana ana‐a‐inyia, kana eĩtu‐a‐inyia, kana ĩthe, kana nyinyia, kana syana, kana mĩũnda, kwondũ wa syĩtwa yakwa, akoosaa vandũ va kĩmwe, ĩana, na akatiĩwa thayũ ũtathela. 30#Mt 20.16; Lk 13.30.Ĩndĩ aingĩ me mbee makethĩwa me ĩtina; na ala me ĩtina makethĩwa me mbee.
Currently Selected:
MATHAYO 19: Mbivlia
Highlight
Copy
Compare
Share
Want to have your highlights saved across all your devices? Sign up or sign in
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956
MATHAYO 19
19
Ũkũlyo ũndũ wa kũleana
(MALIKO 10.1–12; Luka 16.18)
1 #
Mt 7.28; 11.1; 13.53; 26.1. Na kweethĩwa Yesũ amina ndeto isu, auma Kalilii athi mĩvakanĩ ya Yutia, mũingo wa Yolotani; 2na makomano manene mamũatĩĩa; na amavoesya ku.
3 #
Mt 5.31,32. Na Avalisi mooka vala ũĩ, makĩmũtata, makyasya, Nĩkwosana na ĩla mĩao mũndũ kũmũeka mũka kwondũ wa kĩla ũndũ? 4#Mwa 1.27.Na asũngĩa, amakũlya, Mũtyaasoma kana we ũla wamombie mbee, amombie mũndũ mũũme na mũndũ mũka, 5#Mwa 2.24; Aev 5.31.na asya, Kwondũ wa ũu mũndũ akatia ĩthe na nyinyia, na akalũman’ya na mũka wake; na me elĩ makeethĩwa mwĩĩ ũmwe? 6O na matw’ĩkĩte ti elĩ ĩngĩ, ĩndĩ nĩ mwĩĩ ũmwe. Ala Ngai ũlũmanĩtye ĩndĩ, mũndũ ndakaamataan’ye. 7#Kũt 24.1.Mamwĩa, Nĩkĩ ĩndĩ Mose weaie kũnengane valũa wa kũtaanĩsya, na kũmũeka? 8Amea, Mose kwondũ wa wũmũ wa ngoo syenyu nĩwetĩkĩlile mũeke aka menyu: ĩndĩ kuma mwambĩlĩlyonĩ kũiailyĩ ũu. 9#Lk 16.18.Nakwa nĩngũmwĩa, O ũla ũkamũeka mũka wake, ate o kwondũ wa ũlaalai, na aitwaa ũngĩ, nũnũũlaalaa: na ũla wĩmũtwaa ũsu ũeketwe nũnũũlaalaa. 10Amanyĩw’a make mamwĩa, Ethĩwa ũndũ wa mũndũ na mũka wake ũtilyĩ ũu, kũtwaana kũi vata. 11#1 Ako 7.7,17.Ĩndĩ we amea, Tĩ andũ onthe matonya kwosa ndeto ĩno, ĩndĩ no asu ala manengetwe. 12Nũndũ kwĩ avakũe ala masyaiwe ũu kuma mavunĩ ma aanyinyia moo: na kwĩ avakũe ala mavakũiwe nĩ andũ: na kwĩ avakũe ala meevakũie kwondũ wa ũsumbĩ wa ĩtu. Ũla ũtonya kũmyosa, namyose.
Yesũ aiathima syana nini
(MALIKO 10.13–16; Luka 18.15–17)
13Na ĩndĩ aetewe syana nini nĩ kana asilĩĩle moko, na kwivoyea: na amanyĩw’a mamakan’ya. 14#Mt 18.2,3.Ĩndĩ Yesũ asya, Iekei syana nini, na mũikaivate kũka kwakwa: nũndũ ũsumbĩ wa ĩtu nĩ wa ala mailyi ta isu. 15Na asilĩĩla moko, na auma vau athi.
Mwanake mũthwii aimantha thayũ ũtathela
(MALIKO 10.17–22; Luka 18.18–23)
16Na sisya, ũmwe ooka vala ũĩ amũkũlya, Mũmanyĩsya mũseo, nĩĩka ũndũ ũseo wiva nĩ kana nĩthĩwe na thayũ ũtathela? 17#Lk 10.26–28.Na amwĩa, Nĩkĩ ũũmbĩta mũseo? Ũla mũseo no Ũmwe: ĩndĩ ethĩwa nũkwenda kũvota thayũnĩ, kwata mĩao. 18#Kuma 20.13–16; Kũt 5.17–20.Nake amũkũlya, Yĩva? Na Yesũ amwĩa, Ndũkoae, Ndũkalaalae, Ndũkoye, Ndũkaneene ũkũsĩ wa ũvũngũ, 19#Kuma 20.12; Ali 19.18; Kũt 5.16.Taĩa au na mwenyu; na, Mwende mũtũi waku tondũ wĩyendete. 20Ũla mwanake amwĩa, Maũndũ asu onthe nĩnĩmakwatie: nĩ ũndũ wĩva ũla ndielye? 21#Mt 6.20; Lk 12.33.Yesũ amwĩa, Ethĩwa nũkwenda kwĩthĩwa mwĩanĩu, thi, ũkathoosye ila wĩ nasyo, ũnenge ngya, naku ũkethĩwa na ũthwii ĩtunĩ: na ĩndĩ ũkyũka ũngatĩĩe. 22#Sav 62.10.Ĩndĩ ũla mwanake eew’a ndeto isu, athi na woo; nĩkwĩthĩwa aĩ na ũthwii mwingĩ.
Mĩisyo ya ũthwii
(MALIKO 10.23–31; Luka 18.24–30)
23Na Yesũ amea amanyĩw’a make, Nĩ w’o nĩngũmwĩa, Kũkeethĩwa ũndũ wĩ vinya mũndũ mũthwii kũlika ũsumbĩnĩ wa ĩtu. 24Na ĩngĩ nĩngũmwĩa, Nĩ ũvũthũ ngamĩle kũvotela kalimanĩ ka singano, kwĩ mũndũ mũthwii kũvota ũsumbĩnĩ wa Ngai. 25Na amanyĩw’a meew’a ũu maseng’a mũno, makyasya, Nũũ ĩndĩ ũtonya kũtangĩĩwa? 26#Mwa 18.14; Yovu 42.2; Nzek 8.6.Na Yesũ amasisya, amea, Kwa andũ ũndũ ũũ ndũtonyeka; ĩndĩ kwa Ngai maũndũ onthe nĩmatonyeka. 27Na ĩndĩ Vetelo asũngĩa, amwĩa, Sisya, ithyĩ nĩtũtiĩte syonthe na twakũatĩĩa; tũkosa kyaũ ĩndĩ? 28#Lk 22.30; Nda 7.9,10.Na Yesũ amea, Nĩ w’o nĩngũmwĩa, kana inyw’ĩ mũmbikĩlĩte, yĩla Mwana wa mũndũ ũkekalĩla kĩvĩla kya ũsumbĩ kya ũtheu wake mũtisu kũalyũkwanĩ kweũ, inyw’ĩ nenyu nĩmũkekalĩla ivĩla sya ũsumbĩ ĩkũmi na ilĩ, mũkĩsilĩla mbai ĩkũmi na ilĩ sya Isilaeli. 29#Aevl 10.34.Na kĩla mũndũ ũla ũtiĩte nyũmba, kana ana‐a‐inyia, kana eĩtu‐a‐inyia, kana ĩthe, kana nyinyia, kana syana, kana mĩũnda, kwondũ wa syĩtwa yakwa, akoosaa vandũ va kĩmwe, ĩana, na akatiĩwa thayũ ũtathela. 30#Mt 20.16; Lk 13.30.Ĩndĩ aingĩ me mbee makethĩwa me ĩtina; na ala me ĩtina makethĩwa me mbee.
https://shop.biblesociety-kenya.org/
www.biblesociety-kenya.org
God's word open for all
©Bible Society of Kenya, 1956